Бала, архивтегі сурет

Баланың аузын жауып, байлап қойды: Түркістан облысында болған оқиғаның мән-жайы

2463
(Жаңартылды 14:53 10.01.2020)
Әлеуметтік желіде бөлме ішінде баланы байлап қойған видео тараған болатын. Қазіргі таңда полиция оқиғаның мән-жайын анықтап жатыр

НҰР-СҰЛТАН, 10 қаңтар – Sputnik. Түркістан облысының полициясы 3 жастағы балаға зорлық-зомбылық көрсеткен әйелді тапты, деп хабарлайды облыстық полиция департаментінің баспасөз қызметі.

Жантүршігерлік видеоны Айгүл Орынбек есімді желі қолданушысы Facebook-тегі жеке парақшасына жүктеген. Видеодан бүлдіршіннің қолы байланғанын, аузы орамалмен жабылғанын анық көруге болады. Сондай-ақ, үйде адамдардың бір-бірімен ұрсысып жатқаны да естіледі.

Түркістан облысының полиция департаменті оқиға 8 қаңтар күні Сарығаш ауданында болғанын жеткізді. Тәртіп сақшылары балаға зорлық-зомбылық көрсеткен әйелді тапты.

Тағы оқыңыз: Бала күтушілер интернетте лайк жинау үшін сәбиді шокермен азаптаған

"Бұл жайт 8 қаңтарда Сарығаш аудандық полиция бөліміне сотқа дейінгі тергеп-тексерудің бірыңғай тізіміне тіркелді. Арызда жергілікті тұрғын бұрынғы азаматтық некедегі әйелі 2017 жылы туған ұлына қысым көрсетті деп шағымданды. Қылмыстық кодекстің 140-бабы ("кәмелетке толмаған адамды тәрбиелеу жөніндегі міндеттерді орындамау")  бойынша іс қозғалды", - делінген облыстық полиция департаментінің баспасөз қызметі таратқан хабарламада.

Егер әйелдің кінәсі дәлелденсе, ірі көлемдегі айыппұл төлейді немесе 40 тәулікке дейін қамауға алынуы мүмкін. 

Баланың әкесі бұрынғы әйелін ата-ана құқығынан айырып, балаларды өзіне беруін де талап етуі мүмкін. Алайда мұндай шешімді тек сот қабылдайды.

2463
Кілт сөздер:
Түркістан облысы, оқиға, полиция, бала
Тақырып бойынша
Жауыздығымен елдің жағасын ұстатқан өгей әке: Кешірші, Әсел
Алматыда баланы өлтірген өгей әкенің сотына бет-аузын тұмшалаған біреу кіріп келді
Ит күдер үзе бастаған ата-анаға баланы құтқарудың жолын көрсетті – видео
Бала күтушілер интернетте лайк жинау үшін сәбиді шокермен азаптаған
Ақтөбеде 9 жасар қызды зорлады деген күдікті ұсталды - видео
инкассаторлар

"Шабуыл жасап, үш қап ақшаны алып кетті": банк желіде тараған видеоны растады

3556
Шабуыл кезінде көлікте инкассатор жүргізушісі ғана болған, ол банк бөлімшесіне кірген әріптестерін күтіп отырған

НҰР-СҰЛТАН, 4 желтоқсан – Sputnik. Жаңаөзен қаласында инкассаторларға қарақшылық шабуыл жасалды. "Сбербанк" АҚ еншілес банкі желіде тараған видеоға түсініктеме берді, деп хабарлайды Sputnik Қазақстан тілшісі.

Әлеуметтік желіде тараған видеода инкассаторлық көлікке бірнеше адамның шабуыл жасаған көруге болады. Одан кейін ақ түсті жеңіл көлікке отырып, қашып кетеді.

"Кейбір ақпарат көздеріне сәйкес, 3 желтоқсанда сағат 18:40-та Жаңаөзен қаласындағы Көктем шағын ауданында орналасқан банк бөлімшесіне инкассация жасалғанда пышақ ұстаған төрт адам инкассаторлық көлікке қарақшылық шабуыл жасады. Қылмыскерлер 62 532 542 теңге, 19 696 доллар мен  495 450 ресей рублі бар үш қап ақша және мультикассетаны алып кетті", - делінген бейресми ақпаратта.

Қарақшылар қашып бара жатқанда инкассатор жүргізушісі ақ түсті Nexia көлігінің артынан оқ атқан.

"Сбербанк" АҚ еншілес банкі инкассторларға шабуыл жасау фактісін растады. Алайда ұрланған ақшаның нақты сомасын жариялаған жоқ. Себебі инкассация – өзге компанияның қызметі.  

"Шынымен де, 2020 жылы 3 желтоқсан күні кешкі уақытта Сбербанк бөлімшесінің жанында өзге компанияға тиесілі және банкке қызмет көрсететін инкассаторлық көлікке қарақшылық шабуыл жасалды. Сол кезде көлікте инкассатор жүргізушісі ғана болды. Ол банк бөлімшесіне кірген әріптестерін күтіп отырған", - делінген ресми мәлімдемеде.

Банк көліктегі ақшаның ұрланғанын, бірақ оның бәрі бөлімшеге келгенге дейін басқа ұйымдардан жиналғанын мәлімдеді.

"Осылайша, Сбербанк клиенттерінің ақшасы толығымен сақталғанын хабарлаймыз. Алдын ала мәліметке сәйкес, шабуыл кезінде ешкім зардап шеккен жоқ. Сбербанк жасалған қылмыстың қысқа уақыттың ішінде ашылатынына, кінәлі адамдардың жазаға тартылатынына және ақшаның иелеріне қайтарылатынына үміттенеді. Банк қылмысты ашуға барынша атсалысады", - дейді банк қызметкерлері.

3556
Кілт сөздер:
видео, ақша, шабуыл
Жасөспірім қолы, архивтегі сурет

Түркістан облысында жасөспірім төтенше оқиға салдарынан қолынан айырылды

867
(Жаңартылды 09:49 04.12.2020)
Зардап шеккен жасөспірім зауытта, негізінен, кәмелеттік жасқа толмағандар жұмыс істейтінін айтып отыр

НҰР-СҰЛТАН, 4 желтоқсан – Sputnik. Түркістан облысында зауытта жұмыс істеген 14 жасар жасөспірім білезігіне дейін оң жақ қолынан айырылды, деп хабарлайды Sputnik Қазақстан КТК арнасына сілтеме жасап.

Ерасыл Жұмабектің айтуынша, достарының кеңесі бойынша кірпіш зауытына орналасқан. Ата-анасына еш нәрсе айтпапты.

Екінші күні баланы жерді үгітетін станокта жұмыс істеуге қойған. Ол станоктың жанынан өтіп бара жатып, құлап кеткен. Қолын пышақ орап алды.

Басқа балалардың бірі зауытта тек аспаз ересек адам екенін жеткізді. Қалғаны - Шұбарсу мен Бадамнан келген кәмелетке толмағандар (Шымкент маңындағы ауылдар - Sputnik). Олар тоғыз сағат жұмыс істеп, күніне 3-4 мың теңге ғана алған.

Жасөспірім анасысының сөзінше, еңбек инспекциясы баласы жалақыға жұмыс істегенін айтуды өтініпті. Сол кезде мүгедектік бойынша жоғары жәрдемақы рәсімдейміз деп сендірген.

Тұрсынай Әбутәліпова кінәлілерді жазалау үшін барын салмақ. Сондай-ақ, олар баланың емделуі мен протезінің ақшасын төлеуін талап етпек.

Полиция оқиғаға қатысты қылмыстық кодекстің 156-бабына сәйкес ("еңбекті қорғау ережелерінің бұзылуы") іс қозғалғанын айтты.

Кірпіш зауытының басшылығы түсініктеме беруден бас тартты.

867
Кілт сөздер:
қайғылы оқиға, жасөспірім, Түркістан облысы
Тақырып бойынша
Жүгіруге шыққан қыз күтпеген жерден аяғынан айырылды
Итке шалынып құлаған әйел саусақтарынан айырылды
Отшашу жасамақшы болған ақтөбелік саусағынан айырылды
Сарбаз қолы мен көзінен айырылды: қорғаныс министрлігі түсініктеме берді
Есінен танып құлады: итінің еркелігінің кесірінен әйел қол-аяғынан айырылды
 Қазақстан мен Ресейдің тулары

Көкшетауда өтетін өңіраралық ынтымақтастық форумына Тоқаев пен Путин қатысады

0
Қазақстан-Ресей форумын осы жылдың жылдың қараша айында өткізу жоспарланған болатын, коронавирус пандемиясына байланысты кейінге қалдырылды

НҰР-СҰЛТАН, 4 желтоқсан – Sputnik. Кейінге қалдырылған Қазақстан мен Ресей өңіраралық ынтымақтастық форумы келесі жылы өтеді, деп хабарлады экология, геология және табиғи ресурстар министрлігінің баспасөз қызметі.

Оқи отырыңыз: Тоқаев пен Путин қатысатын жиын кейінге шегерілді 

Жұма күні Мәскеуде Қазақстан Республикасының экология, геология және табиғи ресурстар министрі Мағзұм Мырзағалиев Ресей Федерациясының табиғи ресурстар және экология министрі Александр Козловпен кездесті. 

"Кездесу аясында 2021 жылы Көкшетау қаласында мемлекет басшыларының қатысуымен өтеді деп жоспарланған Қазақстан мен Ресейдің XVII өңіраралық ынтымақтастық форумына дайындық мәселелері де талқыланды", - делінген хабарламада. 

Форум 2021 жылдың қараша айында өтуі керек болатын, коронавирус пандемиясына байланысты кейінге қалдырылды.

Көкшетаудағы өңіраралық ынтымақтастық форумы

Қазақстан мен Ресейдің ХVII өңіраралық ынтымақтастық форумына экология және "жасыл" өсу тақырыбы арқау болады.

Алғашқы өңіраралық форум 2003 жылы Омбыда өтті, оған Қазақстанның тұңғыш президенті Нұрсұлтан Назарбаев пен Ресей басшысы Владимир Путин қатысты. Содан бері Қазақстан мен Ресей басшыларының шекаралас облыстардың бірінде кездесуі дәстүрге айналды. Алайда бұл жолы форум Ресей Федерациясымен шектеспейтін облыста ұйымдастырылып отыр.   

0
Тақырып бойынша
Тоқаев пен Путин Көкшетауда кездеседі
Путин Тоқаевқа ерекше құрмет көрсетті – видео
Путин мен Тоқаев Омбыда форум өткізіп, сыйлық алмасты – видео
Нұрсұлтан Назарбаев батыл ұсыныс жасады