Ұшақ

Алматы маңында құлаған Bek Air ұшағының екінші ұшқышы қайтыс болды

1698
(Жаңартылды 23:46 28.01.2020)
Жақында ғана пилот өзін жақсы сезінген, одан жауап та алынған болатын. Ол сұқбат беруге дайындалып жүрген еді, деп хабарлады блогер әлеуметтік желіде

НҰР-СҰЛТАН, 28 қаңтар – Sputnik. Алматы маңында құлаған Bek Air ұшағының екінші ұшқышы Мейіржан Молдақұлов өз үйінде қайтыс болды, деп хабарлады блогер Денис Кривошеев.

"Кешке өкпе тромбоэмболиясынан 2019 жылдың 27 желтоқсанындағы әуе апатынан аман қалған Bek Air компаниясының екінші пилоты Мейіржан Молдақұлов қайтыс болды. Кеше ғана ол өзін жақсы сезінген, сауығып келе жатқан еді. Одан жауап та алынды, және де ол үлкен сұқбат беруге дайындалып жүрген болатын", - деп жазды Кривошеев.

Ұшқыштың өлімін Sputnik Қазақстанға Алматы қаласының денсаулық сақтау басқармасы растады.
"Бүгін апатқа ұшыраған Bek Air ұшағының екінші пилоты қайтыс болды", - делінген ведомство ақпаратында.
Басқарма зардап шеккен ұшқыштың 21 қаңтарда тұрақты халде №4 қалалық клиникалық ауруханадан үйіне шығарылғанын еске салды. Одан кейін оның емханада амбулаторлық ем қабылдап, кардиолог, хирург, терапевт пен психолог бақылауында болғанын атап өтті.
"Бүгін сағат 18.00-де жедел медициналық жәрдем қызметіне денсаулықтың күрт нашарлауына қатысты хабар түсті. Жедел жәрдем уақытында келді. Жүрекке реанимациялық шаралар жасалды, бірақ нәтиже болмады", - деді басқарма мамандары.
Мейіржан Молдақұлов ұшақ апаты кезінде қатты жарақат алған. Сол кезде ол Алматы қаласының №4 клиникалық ауруханасына жеткізілген. Оған бірнеше ота жасалды, омыртқасына да операция істелді.
Бесінші қаңтарда Молдақұлов отадан кейін есін жиды. Сөйтіп, салалық бөлімшеге ауыстырылды.
Молдақұлов 1965 жылы 4 мамырда дүниеге келген. Ұшу уақыты – 11 544 сағат, соның ішінде 4 144 сағат Fokker-100 ұшағын басқарды.

Алматы түбіндегі ұшақ апаты

Ұшақ апаты 2019 жылдың 27 желтоқсанында таңғы сағат жетіде болды. Bek Air әуе компаниясының "Алматы – Нұр-Сұлтан" бағытындағы Fokker 100 ұшағы Алматы маңына құлады.
Ұшақта 93 жолаушы мен 5 экипаж мүшесі болған. Апат 12 адамның өмірін қиды, қаза болғандардың ішінде ұшақ командирі бар. Екінші пилот жансақтау бөліміне түскен.
Президент тапсырмасымен премьер-министр жетекшілік ететін комиссия құрылды. Тоқаев апаттың себебін анықтап, кінәлілерді қатаң жазалауды тапсырды. 28 желтоқсан елімізде жалпыұлттық аза тұту күні болды.

Апаттың хронологиясы

10 қаңтарда вице-премьер Роман Скляр арнайы баспасөз мәслихатын өткізіп, үкіметтік комиссияның ұшқыштар әңгімесін зерттеп шыққанын мәлімдеді. Осы және басқа да параметрлік көрсеткіштердің негізінде апаттың хронологиясы жасалды.
Хронология
7:20:02 - ұшақ жолаққа шығады;
7:20:41 - экипаж алдыңғы шассиді көтеруді бастайды;
7:20:45 - ұшақ максималды жылдамдықпен жерден көтеріледі;
Роман Склярдың айтуынша, ұшақ жерден көтерілген бойда алдымен сол жаққа, одан кейін оң жаққа қисая бастайды. Экипаж ұшу траекториясын ұстап қалуға тырысты. Осыдан кейін негізгі шасси және ұшақтың сол жақ қанаты жерге тиеді.
7:20:53 – ұшақ оңға қарай қисаяды. Осы кезде командир: "Не болып қалды?", - деп сұрайды.
7:20:54 – екінші пилоттың жауабы: "Не болғанын білмеймін. Стабилизатор... Тоқта... Мен бұл жерге түсемін (ары қарай боқауыз сөздер кетеді)".   
"Осы кезде екінші ұшқыш қозғалтқыштардың жұмысын баяулатып, ұшуды тоқтатуға әрекет жасаған секілді. Алайда бірнеше секундтан кейін қозғалтқыштардың жұмысы тағы 93-95 процентке артып, әуе кемесі ұшуды жалғастырады", - дейді Скляр.
7:20:57 – командир екінші ұшқышқа: "Керек емес. Не істеп жатырсың?", - деп айтады. Сөйтіп, жылдамдықты арттырып, "Кеттік! Кеттік!" дейді.
7:21:04 – командир шассиді алып тастауға бұйрық береді;
"Осыдан кейін ұшақ бірнеше рет жерді сызып өтті. Құйрығымен алты рет, шассимен төрт рет және қанатымен бір рет ұшу жолағына соғылып, сол жақ қауіпсіздік жолағына сырғанап кеткен. Осы кезде ұшу жолағының 38 шамы қирады", - деп атап көрсетті Скляр.
7:21:15 – бес метр биіктікте шассиді алып тастаған, артынан ұшақ фюзеляжбен жерге жатып, ұшу алаңының сыртына шығып кеткен.
Апаттың негізгі себебі
Сол күні үкіметтік комиссия апат себебінің алдын ала болжамын жариялады.
"Ұшақ сыртына мұздың қатып қалуы – негізгі себеп. Әуе кемесі тұрақта екі тәулік тұрған", - деп мәлім етті вице-премьер. 
Комиссия ұшақтың сыртындағы қатып қалған мұзды еріту жұмыстары жартылай ғана жасалғанын анықтаған.
"Ұшақ командирі арнайы сұйықтықпен тек стабилизаторды ғана өңдеуге шешім қабылдаған. Ұшақтың қанаттары өңделген жоқ. Ол күні Атырауға ұшқан тура сондай ұшақтың да сырты сұйықтықпен өңделмегені анықталды", - деді Скляр.
1698
Кілт сөздер:
ұшқыш, Bek Air, Алматы
Тақырып бойынша
Bek Air басшысы апат туралы: екінші ұшқыш бір қателік жасады - видео
Алматы түбіндегі ұшақ апаты: прокурорлар тергеу барысы туралы айтты
Тоқаев Алматыдағы ұшақ апаты жайлы: маған зардап шеккендер хат жазып жатыр
Bek Air-де жаға ұстатарлық жайттар анықталды: ұшақтардың суреті жарияланды
"Бомба" туралы хабардан соң ұшақ шұғыл қонуға мәжбүр болды
Архивтегі сурет

Павлодарда әйел үш баласын өлтіріп, артынша өзіне қол салды

833
(Жаңартылды 15:07 30.07.2021)
Қылмыстық істі тоқтатқан павлодарлық полицейлер осындай қорытындыға келді

НҰР-СҰЛТАН, 30 шілде – Sputnik. Павлодар полициясы бүтін бір отбасының өліміне қатысты қылмыстық істі тоқтатты, деп хабарлайды облыстық полиция департаментінің баспасөз қызметі.

"Қылмыстық кодекстің 99-бабы 3-тармағы бойынша жүргізілген сотқа дейінгі тергеу жиналған айғақтарды ескеріп, қылмысты кішкентай балалардың анасы жасағанын анықтады. 2021 жылдың 9 маусымында ҚІЖК 35-бабы 1-тармағы 11-тармақшасы негізінде қылмыстық іс тоқтатылды", - делінген құқық қорғау ведомствосы жариялаған баспасөз хабарламасында.

Бұған дейін Sputnik Қазақстан хабарлағандай, трагедия былтыр 9 қарашада болды. Полицияға Айманов көшесінде тұратын ер адамнан үйінде төрт адамның мәйіті табылғаны туралы хабар түсті.

"Үйіне келген пәтер иесі есікті аша алмаған, өйткені ол іштен жабулы тұрыпты. Ер адам көршілерінен шарқайрақ сұрап, есікті ашқан. Пәтерге кіргенде, бөлмелердің бірінен әйелі мен үш кішкентай баласының денесін тапқан",- деді Павлодар облысының полиция басшысы Нұрлан Мәсімов.

Тағы оқыңыз: Үйіне оралған павлодарлық әйелі мен 3 баласының денесін тапты

Көз жұмғандардың бәрінде күштеп өлтіру белгілері болған. Балалардың үлкені 7 жаста, кенжесі үш жаста еді. Ерлі-зайыпты бірге тұрған. Полицияны әйелдің күйеуі шақырды.

Осыдан кейін полиция "Кішкентай баланы өлтіру" бабы бойынша сотқа дейінгі тергеу бастады. Сол кездің өзінде тәртіп сақшылары анасы өз балаларын өлтіріп, артынша өзіне қол салды деген болжамға келді.

833
Кілт сөздер:
Павлодар, полиция
Сіріңке

Атырау тұрғыны прокуратура алдында өзін-өзі өртеп жібермек болды видео

194
Ер адамның қолында бензин құйылған пластик бөтелке болған.  "Өзін-өзі өлтіруге дейін жеткізу" бабы бойынша қылмыстық іс қозғалды

НҰР-СҰЛТАН, 30 шілде – Sputnik. Атыраудың 32 жастағы тұрғыны қалалық прокуратура алдында өзін-өзі өртеп жіберемін деп қорқытты, деп хабарлайды "Мой город" порталы.

Атырау облысы полиция департаменті баспасөз қызметінің ақпаратынша, оқиға 29 шілде таңғы 6:10-да болды.

Ішімдік ішкен ер адам прокуратура ғимаратының алдына келген. Оның қолында бензин құйылған литрлік пластик бөтелке болыпты.

"07.00-де патрульдік полиция азаматты мән-жайды анықтау үшіне Атырау облысының полиция департаментіне жеткізді. Бұл фактіге қатысты Қылмыстық кодекстің 105-бабы 1-тармағы "Өзін-өзі өлтіруге дейін жеткізу" бойынша қылмыстық іс қозғалды. Сотқа дейінгі тергеу жүріп жатыр", - деді полицейлер.

Сондай-ақ ер адамға қатысты "Ұсақ бұзақылық" және "Құқық қорғау қызметкерінің заңды өкіміне бағынбау" баптары бойынша әкімшілік хаттама толтырылды.

194
Кілт сөздер:
Атырау, прокуратура, видео
солдат

Отставкадағы генерал-лейтенант Құрбан Қаражанов өмірден озды

0
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

0