төбелес, архив

Қазақ тілі мұғалімі бар: Қордайда қаза болғандардың аты-жөні жарияланды

35411
(Жаңартылды 16:22 08.02.2020)
Қазақстан дүңгендер қоғамының мәліметі ішкі істер министрлігінің ақпаратымен сәйкес келеді - Қордайда сегіз адам көз жұмды

НҰР-СҰЛТАН, 8 ақпан — Sputnik. Қазақстан дүңгендер қоғамының Алматы филиалы Жамбыл облысының Қордай ауданында болған жаппай төбелес кезінде қаза болғандардың аты-жөнін жариялады.

1. Исыров Баху, 1988 жылы туған

2. Чонтей Абдула, 1986 жылы туған

3. Харсанов Рам

4. Ясыров Малик, Сортөбе ауылындағы №17 орта мектептің қазақ тілі және информатика пәнінің мұғалімі

5. Шисыр Рахим

6. Хишанло Сулейман

7. Лохаш Лугмар (Бұлан Батыр ауылы)

8. Киров Исхар (Бұлан Батыр ауылы)

"Жерлеуді ұйымдастыруға көмектесу бойынша өтініштер түсіп жатыр", - деп хабарлады Қазақстан дүңгендер қоғамының Алматы филиалы.

Қордайдағы оқиға

7 ақпанда кешкі сағат 19:00-де Жамбыл облыстық полиция департаментіне "Қордай ауданының Масанчи ауылының жанында 70-тен астам адам төбелесіп жатыр" деген ақпарат түскен. Заңсыз әрекеттерді тоқтату үшін дереу полиция қызметкерлері жіберіледі. Сол жерде болған адамдар төбелесті видеоға түсіріп, әлеуеметтік желі арқылы таратқан.

Соның салдарынан жақын жердегі Ауқатты және Бұлан батыр ауылдарынан келген 300-ден астам азамат төбелеске қосылады. Екі жақ бір-біріне тас лақтырып, таяқпен ұрған. Тіпті, қару да қолданған. Салдарынан 8 адам қаза болды. 40-тан астамы жарақат алды. Олардың ішінде оқ тиген екі полицей бар.

Жаппай төбелестің арты тәртіпсіздіктерге ұласқан. Қазіргі мәліметке сәйкес, 30-дан астам жеке үй, 15 сауда үйі мен 23 көлік зақымданды.

Ішкі істер министрлігі 47 адам ұсталғанын хабарлады. Сотқа дейінгі тергеу шаралары қылмыстық кодекстің 272-бабы (жаппай тәртіпсіздіктерді ұйымдастыру және қатысу) мен 99-бабы (адам өлтіру) бойынша жүргізіліп жатыр. 

Тоқаевтың мәлімдемесі

Қазақстан президенті Қасым-Жомарт Тоқаев Қордайдағы жағдайға байланысты тікелей эфирге шығып, мәлімдеме жасады. Ол төбелестің себебін анықтайтын үкімет комиссиясын құруды тапсырды.

Мемлекет басшысы қаза болғандарды жерлеу, зардап шеккендерге көмектесу жұмыстарын ұйымдастыру керек екенін айтты.

Сондай-ақ, комиссия жағдайды тұрақтандырумен айналысады. Қоғамдық тәртіпті бұзғандар анықталып, қатаң жауапқа тартылатын болады.

"Бас прокуратураға, Ұлттық қауіпсіздік комитетіне тиісті тапсырма бердім. Мемлекетіміздің мүддесіне зиян келтіретін, береке-бірлігімізді бұзатын және жалған ақпарат таратқан азаматтар заң алдында жауап береді", - деп түйіндеді Тоқаев.

Комиссия құрамына кім кірді

Комиссия төрағасы - премьер-министрдің орынбасары Бердібек Сапарбаев. Комиссия құрамына Жамбыл облысының әкімі Асқар Мырзахметов, еңбек және халықты әлеуметтік қорғау министрі Біржан Нұрымбетов, Қазақстан халқы Ассамблеясы төрағасының орынбасары Жансейіт Түймебаев, парламент мәжілісінің депутаты Шәкір Хахазов және "Дүнген қазақстандық қоғамы" қоғамдық бірлестігінің төрағасы Абубакир Воинце кірді.

Бұдан бөлек, комиссия құрамында қаржы, индустрия және инфрақұрылымдық даму бірінші вице-министрлері, ақпарат және қоғамдық даму, ұлттық экономика, денсаулық сақтау, білім және ғылым вице-министрлері, ішкі істер, қорғаныс министрлерінің орынбасарлары, Бас прокурор мен Ұлттық қауіпсіздік комитеті төрағасының орынбасарлары бар.

35411
Тақырып:
Қордайдағы қақтығыс (70)
Тақырып бойынша
Абаев Қордайдағы жаппай төбелестің себебін атады
"Адам шығыны болды": Тоқаев Қордайдағы жағдайға байланысты мәлімдеме жасады
Қырғызстан Қордайдағы жаппай төбелеске байланысты шара қолданды
Қордайдағы төбелес: Тоқаев тәртіп бұзғандар жауапқа тартылатынын мәлімдеді
Тас лақтырып, соққыға жықты: Қордайда не болып жатыр - видео
Тоқаев тікелей эфир арқылы мәлімдеме жасады - видео
Тұрғымбаев: Қордайдағы жаппай төбелес кезінде 8 адам қаза болды
Қордайда 47 адам ұсталды
Қараганды-Теміртау жолында апатқа ұшыраған көлік

Ер адам жантүршігерлік жол апатынан таңғажайып жағдайда аман қалды видео

2673
(Жаңартылды 10:57 26.10.2020)
Қапталдағы көлікті жоғары жылдамдықпен басып озған қара LADA жүргізушісі рөлге ие бола алмай, жол жиегіндегі қоршауға соғылды

НҰР-СҰЛТАН, 26 қазан – Sputnik. Қарағанды ​​облысындағы тас жолда болған апаттың видеосы әлеуметтік желілерде кең таралуда.

Автокөліктің санаулы секунд ішінде метал үйіндісіне айналған сәті оқиға куәгерлерінің видеорегистраторына түсіп қалған. Жол апаты 25 қазан күні 14.40-та болды.

Видео авторының машинасын қара түсті LADA көлігі жоғары жылдамдықпен басып озады да, көп ұзамай сырғып барып, жол жиегіндегі қоршауға соғылады.

Қатты соққы әсерінен асфальт бетінде бірнеше рет айналып, жолдың сол жақ қапталына сырғыған көліктегі ер адам (жолаушысы болуы мүмкін) таңғажайып жағдайда аман қалды. Орнынан тұрған ол өзіне қарай дөңгелеп келе жатқан қосалқы шинаны тоқтатып үлгереді. Бұл әрекетке қарап, оның ауыр жарақат алмағанын байқауға болады. 

Қарағанды ​​облысы полиция департаментінің Sputnik Қазақстанға ұсынған мәліметіне сүйенсек, ВАЗ 2114 көлігінің 25 жастағы жүргізушісі "Бүркіт" кафесінің маңында жоғары жылдамдықпен Пришахтинскіге қарай кетіп бара жатып, рөлге ие бола алмай темір қоршауға соғылған. Жол апатынан зардап шеккендер Қарағанды ​​облыстық медицина орталығына жеткізілген.

Оқи отырыңыз: Әйел "коронавирустың" арқасында аман қалды

Айта кетейік, демалыс күндері өңірде ауа райының құбылуына байланысты жол апаттары жиілей түсті. Оған көптеген жүргізушінің көлік доңғалақтарын қыстық шинаға ауыстырып үлгермеуі себеп болуы мүмкін.

2673
Кілт сөздер:
Қарағанды облысы, жол апаты
Тақырып бойынша
Ақмола облысында теміржолшылар ағашқа шығып аман қалды
Тірідей көмілген ер адам таңғажайып жағдайда аман қалды
Басына оқ тиген Алматы тұрғыны аман қалды
Дәрігерлер трактордың астына түскен қызды аман алып қалды
Павлодарда мас адам 4-қабаттың терезесінен құлап кетіп, аман қалды
Жолдан өтіп бара жатқан бүлдіршін

Алматыда жүйткіген көлік бес жасар баланы қағып кетті видео

1144
(Жаңартылды 11:16 25.10.2020)
Жол жиегінде тұрған балалардың бірі қарсы бетке өту үшін жүгіріп шыққанын Subaru көлігі байқап үлгермеген

НҰР-СҰЛТАН,  25 қазан – Sputnik. Дәрігерлер шетелдік көліктің соққысына ұшыраған бес жасар баланың өмірі үшін күресуде. Ал полицейлер осы факті бойынша сотқа дейінгі тергеу басталғанын мәлімдеді.

Алматының Түрксіб ауданындағы Постышев көшесінде орналасқан "Лимон" дүкенінің алдында көлік бес жасар баланы қағып кетті.

Бейнебақылау камерасынан кішкентай екі баласы бар әйелдің жол жиегінде тұрғанын көруге болады. Балалардың бірі кенеттен жолдың қарсы бетіне өту үшін жүгіріп шыққанда, Subaru көлігі қағып кетеді. Жүргізуші баланың күтпеген жерден шыққанын байқап үлгермеген. 

Жол апаты салдарынан бала ауыр жарақатпен балалар травмотологиясы ауруханасына түсті. Қазір дәрігерлер оның өмірі үшін күресуде.

Оқи отырыңыз: Қызылордадағы жол апаты: тағы бір бала ауруханада көз жұмды

Алматы полициясы осы оқиға негізінде Қылмыстық кодекстің 345-бабы (көлік құралын басқаратын адамдардың жол қозғалысы немесе көлік құралдарын пайдалану ережелерін бұзу) бойынша сотқа дейінгі тергеу бастады.

1144
Тақырып бойынша
Алматы облысында жантүршігерлік жол апаты болды – видео 
Солтүстік Қазақстанда жантүршігерлік жол апаты болды: жеңіл көлік жапырылып қалды  
 Сау-тамтығы қалмаған: Қалбатау-Көкпекті жолында жантүршігерлік жол апаты болды
Павлодар облысында жантүршігерлік жол апаты бес адамның өмірін қиды
Щучинсктегі жол апаты: министр қаза тапқан полицейлердің отбасына көңіл айтты
Компьютелік томография

Қазақстанда өткен тәулікте 142 адамда коронавирус расталды

7
(Жаңартылды 08:30 27.10.2020)
Бір тәулік ішінде тек екі өңірде COVID-19-ға шалдыққандар тіркелген жоқ. Шығыс Қазақстан облысында вирус жұқтырғандар саны көп

НҰР-СҰЛТАН, 27 қазан – Sputnik. Қазақстанда өткен тәулікте 142 адамда коронавирус індеті ПТР арқылы расталды, деп хабарлайды ведомствоаралық комиссия.

Бір тәулік ішінде тек екі өңірде COVID-19-ға шалдыққандар тіркелген жоқ. Шығыс Қазақстан облысында вирус жұқтырғандар саны көп, 30 адам. Нұр-Сұлтанда - 20 адам, Павлодар облысында 14 науқас тіркелді.

Түркістан және Қызылорда облыстарында өткен тәулікте COVID-19 анықталған жоқ.

Аймақтар бойынша:

  • Нұр-Сұлтан қаласы - 20
  • Алматы қаласы - 10
  • Шымкент қаласы - 1
  • Ақмола облысы - 12
  • Ақтөбе облысы - 2
  • Алматы облысы - 5
  • Атырау облысы - 5
  • Шығыс Қазақстан облысы - 30
  • Жамбыл облысы - 3
  • Батыс Қазақстан облысы - 9
  • Қарағанды облысы - 10
  • Қостанай облысы - 7
  • Маңғыстау облысы - 3
  • Павлодар облысы - 14
  • Солтүстік Қазақстан облысы - 11.

Жалпы ел бойынша ауырғандар саны 110 684.

Еске сала кетсек, қарашадан бастап Қазақстанның мешіттерінде күн сайынғы бес уақыт намазды оқуға рұқсат етілді. Бірақ залдағы адам саны 100-ден аспауы тиіс. Жұма намазына әлі рұқсат берілген жоқ.

Сондай-ақ, екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады.

7
Тақырып:
Коронавирус эпидемиясы
Тақырып бойынша
"Әлем қорқынышты белеске жетті": БҰҰ Бас хатшысы коронавирусқа қатысты мәлімдеме жасады
"Коронавирустың екінші толқыны жоқ": ДДҰ мәлімдеме жасады
Коронавирустың екінші толқыны: азық-түлік бағасы қандай болады
Коронавирустың екінші толқыны кезінде 160 мыңнан аса адам жұмыссыз қалуы мүмкін
Бекшин коронавирус жұқтырғандардың қай елдерден көп келетінін айтты