ҰҚК, арнайы операция

Қазақстанда теракт дайындалды ҰҚК

2003
(Жаңартылды 12:17 18.02.2020)
Күдіктілерде қолдан жасалған жарылғыш құрылғы мен суық қару табылған. Оқиғаға қатысты тергеу жалғасып жатыр

АЛМАТЫ, 18 ақпан – Sputnik. Деструктивті діни ағымның екі ұстанушысы қоғамдық орындарда террористік актілер дайындады деген күдікпен ұсталып, сот санкциясымен қамауға алынды, деп хабарлады ұлттық қауіпсіздік комитетінің баспасөз қызметі.

Жедел-іздестіру шаралары 14 ақпанда жүргізілді.

"Тергеу материалдары бойынша қамауға алынғандар адамдар көп шоғырланған орындарда террористік актілер дайындаған", - делінген ақпаратта.

Ұсталған күдіктілердің мекенжайын барып, тексеру кезінде қолдан жасалған жарылғыш құрылғы, оны жасауға арналған заттар, суық қару, шабуылға арналған фото және бейне жасайтын смартфондар табылды.

Тағы оқыңыз: ҰҚК қылмыстық топ мүшесі ұсталған сәттің видеосын жариялады

Қамауға алынғандарға қатысты қылмыстық кодекстің 255-бабы ("терроризм актісіне дайындалу") және 256-бабы  ("терроризмді насихаттау") фактілері бойынша қылмыстық іс қозғалды. Тергеу жалғасып жатыр.

2003
Кілт сөздер:
ҰҚК, теракт, Қазақстан
Тақырып бойынша
Шетелдіктер Қазақстанда теракт дайындады: арнайы операцияның видеосы шықты
Мешіттегі теракт: лаңкес әлеуметтік желіде тікелей эфир жүргізген - оқиға кадрлары
ҰҚК аса ауыр қылмысқа дайындалып жатқан 5 адамды ұстады
ҰҚК Атырауда әйелдер колониясының басшысын ұстады
ҰҚК Шымкенттегі қылмыстық топқа қатысты ақпаратты бөлісті
Өрт, иллюстративті фото

Өрттен қашқан алматылық балконнан құлап кетті

384
(Жаңартылды 09:06 28.11.2020)
Қарияның пәтерінен шыққан өрт жоғарыдағы балкон мен шатырдың бір бөлігіне шарпыған. 60 шаршы метр аумақ отқа оранды

НҰР-СҰЛТАН, 28 қараша – Sputnik. Алматыда көпқабатты үйден алапат өрт шығып, 83 жастағы қария көз жұмды.

Жалын үшінші қабаттағы пәтерден шыққан. Сол кезде әжей балконнан құлап кеткен, деп хабарлады КТК.

Төтенше жағдай таңғы сағат төрт шамасында болды. Қарияның пәтерінен шыққан от жоғарыдағы балкон мен шатырдың бір бөлігіне шарпыған. Сөйтіп жалпы аумағы 60 шаршы метр жер күлге айналды. Шырт ұйқыда жатқан 10 адам қауіпсіз жерге шығарылды. Оның үшеуі – кішкентай бала.

Ал ажалы өрттен келген қария мұнда жалғыз тұрыпты. Ол бастапқыда жедел жәрдеммен ауруханаға жеткізілген. Бірақ жарақаты тым ауыр болған соң, дәрігерлер аман алып қала алмапты.

Оқи отырыңыз: Ақтөбе облысында жеке тұрғын үйде жойқын жарылыс болды 

Жалынмен 30 төтенше жағдай қызметкері және 10 техника арпалысты. Олардың жұмысына тұрғын үй ауласының көлікке лық толы болуы кедергі келтірген.

"Арнайы техниканың жұмысына аулада автокөліктің көп болуы кедергі келтірді. Тұрғындарға көлік өтетін жолдарды жабуға, сондай-ақ гидрант үстіне машинаны қоюға болмайтынын ескертеміз. Бұл адам өмірін сақтап қалуға кедергі болады", - дейді Алматы қалалық ТЖД өрт сөндіру қызметі бастығының орынбасары Вадим Кравцов.

384
Кілт сөздер:
Алматы, қария, өрт
Тақырып бойынша
Талдықорған іргесіндегі жарылыстан 8 адам зардап шекті
Министр өңірлерде неге өрт жиілегенін айтты 
Алматыда базар өртенді – видео
Талғарда жеке тұрғын үйде үш адам көз жұмды
"Адамдар айғайлап, жылап жатты": куәгерлер елордадағы жарылыс туралы айтып берді
Жол апаты белгісі

Дүкен жанына тастап кеткен: Кентауда 6 жасар баланы көлікпен қаққан жүргізуші ұсталды

358
Ауыл шетіне шығарып, жуып-шайған күдіктінің көлігін тәртіп сақшылары қораның ішінен тауып алған

НҰР-СҰЛТАН, 27 қараша – Sputnik. Түркістан облысында жүргізуші алты жасар баланы қағып, оқиға орнынан қашып кетті. Бүлдіршін алған жарақатынан ауруханада қайтыс болды, деп хабарлайды Polisia.kz.

Кентау полициясының кезекші бөліміне жол апаты туралы ақпарат ауруханадан түскен. Өйткені, жарақат алған бүлдіршін шұғыл медициналық мекемеге жеткізілген.

Полицейлер күдіктіні Кентау қаласының іргелес ауылдарының бірінде қуып жүріп ұстады.

Тергеу барысында анықталғандай жүргізуші рульге ие бола алмай, жолға шығып кеткен баланы қағып кеткен. Ер адам жарақат алған баланы ауыл дүкенінің жанына тастап, оқиға орнынан қашып кеткен. Дүкен иесі баланы байқап қалып, дереу жедел жәрдем шақырды.

Бүлдіршін жарақат салдарынан есін жимастан қайтыс болды.

Оқи отырыңыз: "Полицейлердің өзі білмейді": Мыңбай жүргізуші куәлігін алу емтиханын сынға алды

Бұл іс "Көлік құралдарын басқаратын адамдардың жол қозғалысы немесе көлік құралдарын пайдалану ережесін бұзу" бабы бойынша тергелуде. Ал аталған бапта қылмыскерді бес жылға дейін бас бостандығынан айыру қарастырылған.

Ауыл шетіне шығарып, жуып-шайған күдіктінің көлігін тәртіп сақшылары қораның ішінен тауып алған. Ал күдіктінің өзі ол қамауға алынып, оқиғаның мән-жайы анықталып жатыр.

358
Кілт сөздер:
Түркістан облысы, жол апаты
Тақырып бойынша
Төлқұжат пен жүргізуші куәлігі жыл соңына дейін цифрлық форматқа ауыстырылады 
Нұр-Сұлтанда ХҚКО-да жүргізуші куәліктері заңсыз берілгені анықталды
Алматыда жүргізуші қазасына әкеліп соққан апат жайлы ақпарат шықты – видео
Көлік тізгінінде 61 жыл – жамбылдық полиция жүргізуші әжей туралы видео түсірді
"Бізді басып озбақ болды": Өрт сөндіру көлігі аударылып, жүргізуші көз жұмды
кісен, архив

Қарағандылық полицейлер қауіпті банда ұсталған сәттің видеосын жариялады

4
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

4