Оқиға

Арал теңізінде екі балықшы батып кетті

© Sputnik / Виталий Аньков / Медиабанкке өтуБалық аулау, архивтегі сурет
Балық аулау, архивтегі сурет - Sputnik Қазақстан
Жазылу
Екі күн бұрын 46 жастағы және 22 жастағы балықшылар Кіші Арал теңізіне моторлы қайықпен балық аулауға шыққан

НҰР-СҰЛТАН, 31 наурыз – Sputnik. Қызылорда облысында екі балықшы суға батып кетті, деп хабарлайды Sputnik Қазақстан ІІМ төтенше жағдайлар комитетіне сілтеме жасап.

30 наурыз сағат 13:00-де облыстық төтенше жағдайлар департаментінің кезекші пультіне екі адамның жоғалып кеткені туралы хабар түсті.

Белгілі болғандай, 29 наурызда 1974 және 1998 жылғы балықшылар Кіші Арал теңізіне моторлы қайықпен балық аулауға шыққан.

"ТЖД жедел-құтқару жасағының құтқарушылары шұғыл түрде іздеу жұмыстарына жұмылдырылды. Сонымен бірге жергілікті тұрғындар да тартылды. Екі сағаттан кейін құтқару тобы екі балықшының денесін судан алып шықты", - делінген хабарламада.

Тағы оқыңыз: Батыс Қазақстанда ауыл тұрғындары мектеп пен емханаға құбыр арқылы барып жүр

Өздерімен бірге жеке құтқару құралдары болмаған.

Құтқарушылар көктем кезінде су қоймаларында қайғылы оқиғаларға жол бермеу мақсатында тұрғындармен түсіндіру жұмыстарын, профилактикалық шаралар жүргізіп жатыр.

Жаңалықтар
0