Пышақ ұстаған ер адам, иллюстративті фото

"Бауырлары пышақтап кетті": Таразда жаппай төбелестен 8 сынып оқушысы ажал құшты

2045
(Жаңартылды 08:46 16.06.2020)
Марқұмның әкесі жаппай төбелеске 16 бала қатысқанымен, бір ғана жасөспірімнің күдікті ретінде ұсталғанына наразы

 НҰР-СҰЛТАН, 16 маусым – Sputnik. Таразда жаппай төбелестен 15 жастағы жасөспірім ажал құшты. Марқұмның туыстарының айтуынша, оған сегіз рет пышақ ұрылған. Біреуі кеуде тұсына тиіп, өкпесі мен жүрегін зақымдаған, деп хабарлайды ktk.kz арнасы.

Дәрігерлер көп қан жоғалтқан сегізінші сынып оқушысының өмірін сақтап қала алмады. Қайғыдан қан жұтқан отбасы енді кінәлілер жазадан құтылып кете ме деп қорқады. Өйткені бұл төбелеске қарсы жақтан 16 адам қатысқанымен, тек жалғыз адам кінәні мойынына алған.

Оралбек Кедебаевтің өмірі небәрі 15 жасында қиылды. Ол бір отбасындағы 6 баланың төртіншісі. Жеткіншек болашақта әйгілі спортшы болуды армандаған. Сол бала қиялы өзінің тәнімен бірге жер қойнына кетті. Бауыр еті – баласынан айырылған Бейсенбай Құтышев "ұлымды жабылып өлтірді" дейді. Кінәлілердің кешірім сұрауға да жарамағанын айтады.

"Адамың өліп, қаның қайнап жатқанда алдыңа келсе, атаңның құнын кешесің дейді ғой. Алдымызға келсе, кішкентай да болса ашуымыз басылып, кішкентай да болса, қайғымызға ортақтасқанда шеріміз тарқар еді. Бірақ ондай іс-әрекет көрмедім", - дейді марқұмның әкесі Бейсенбай Құтышев

Оралбек Кедебаев биыл сегізінші сыныпты аяқтаған. Оның құрдастары да төбелеске бірге барған. Ерегістің нақты неден туындағаны қазірше белгісіз. Бірақ түн жарымда мәселе шешуге бесеуі барып, 16 адамның қарсылығына тап болған. Арасында өздерінен бірнеше жас үлкендері де болыпты. Ал төбелеске қатысушылардың айтуынша, қарсыластары марқұмды пышақтаған соң қашып кеткен.

"Орал бауырларым пышақтап кетті деп айғайлап, осы жерге келіп құлады. Оны біз алып кеттік. Пышақтағандар қашып кетті", - дейді.

Қайтыс болған оқушыға сегіз рет пышақ ұрылған. Кеуде тұсына да тиіпті. Сол жарақаты ажалына себеп болса керек. Өйткені жүрегі мен өкпесіне зақым келген. Көп қан жоғалтқан жасөспірімді дәрігерлер құтқара алмады. Ал тәртіп сақшылары осы іске қатысты тек 16 жастағы бір күдіктінің ұсталғанын айтады.

"Қазір төбелеске қатысушылардың бәрі анықталып, жауап алынды. Аталған дерекпен Қылмыстық кодекстің 99-бабы, 2-бөлімімен сотқа дейінгі тергеу амалдары басталды", - деді Жамбыл облыстық полиция департаментінің баспасөз хатшысы Гүлсара Мұхтарқұлова.

Оқи отырыңыз: Нұр-Сұлтанда ер адам автокөліктерге пышақ ала жүгірді – видео

Қазіргі кезде күдікті ұсталып, Тараз қаласының уақытша ұстау изоляторына қамауға алынған.

Марқұмның әкесі Бейсенбай Құтышев жалғыз адамның жауапқа тартылғалы жатқанына наразы. Оның айтуынша, 16 бала түгелдей қамауға алынуы тиіс екенін айтады. Себебі, "барлығы кінәлі".

"Менің балам аралас жекпе-жекке қатысып жүрген. Ол бір балаға пышақтатпайды. Пышақтаған бір бала екен деген – ақылға қонымсыз. Бір бала түгілі, екі-үш балаға да балам пышақтатпайды. Ол жерде 16 бала бәрі пышақтап отыр ғой", - дейді ол.

Жаппай төбелесте Оралбектің 3 досы да жарақат алғанын айта кетейік. Мұрны сынған бір құрдасы ауруханада жатыр. Оның өміріне төнген қауіп жоқ. Ал қалғаны жеңіл жарақатпен құтылған.

2045
Кілт сөздер:
оқиға, Тараз
Тақырып бойынша
Жамбыл облысында имам көршісінің жүрегіне пышақ сұғып өлтірді
Полицейлер пышақ ала жүгірген жасөспірімдерді атып тастады – видео  
Алматы облысында пышақ ұстаған ер адам оқушы қыздарға тап берді
16 рет пышақ сұққан: шымкенттік мұғалімді кім және не үшін өлтірді
Пышақ жарақатын алып, бүкіл елді шулатқан шенеунік министрдің орынбасары болды
Архивтегі сурет

Көкшетауда бір жасар сәби терезеден құлап кетті

1527
(Жаңартылды 17:19 15.05.2021)
Бүлдіршін терезеден далаға қарап отырған. Абайсызда құлаған кішкентай қыз оқиға орнында көз жұмды

НҰР-СҰЛТАН, 15 мамыр – Sputnik. Ақмола облысында сәби жетінші қабаттан құлап, көз жұмды, деп хабарлайды Sputnik Қазақстан тілшісі. Бұл Ақмола облысында көктем басталғалы үшінші жағдай.

"14 мамыр күні кешкі сағат 18:55 шамасында жедел жәрдем фельдшерінен  хабарлама келіп түсті. Ол Абылай хан көшесінде орналасқан тұрғын үйдің жетінші қабатынан баланың құлап кеткенін айтты. Бүлдіршін терезенің алдында далаға қарап отырған", - деді Ақмола облыстық полиция департаментінің баспасөз қызметі.

Қайтыс болған кішкентай қыз 2019 жылы туылған.

Оқи отырыңыз: Отағасы ұйықтап жатқан: Терезеден қарап отырған әйел қызынан көз жазып қалды

Аталған факт бойынша полиция қылмыстық кодекстің 141-бабы 2-бөлігі "Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау" бойынша сотқа дейінгі тергеу амалдарын бастап кетті.

1527
Кілт сөздер:
Көкшетау, балкон, қайтыс болды, терезе, сәби, бала
Тақырып бойынша
Курьер он екінші қабаттан құлаған 2 жасар қызды қағып алды – видео
Шымкентте жасөспірім қыз сегізінші қабаттан құлап, аман қалды
Ақтөбе облысында терезеден құлап кеткен бір жасар сәби ауруханада көз жұмды
Мас болған: Оралда жасөспірім қыз көпқабатты үйдің терезесінен құлап кетті
Павлодарда бес жасар бала терезеден құлап кетті
Жанып жатқан көлік

Шығыс Қазақстан облысында өртенген жүк көлігінен екі адамның мәйіті табылды

2130
Өскемен - Алтай тас жолының 25-шақырымында жол-көлік оқиғасы болып, салдарынан көлік өртеніп кетті

НҰР-СҰЛТАН, 15 мамыр - Sputnik. Өскемен-Алтай тас жолында жол-көлік оқиғасы болды, деп хабарлады құтқарушылар.

Volvo автокөлігі белгісіз себептерге байланысты аударылып қалған. Осыдан кейін автокөлік өртене бастаған.

Тела двух человек нашли в сгоревшем грузовике
© Photo : ДЧС ВКО
Жүк көлігі өртеніп кетті

Оқиға орнына өрт сөндірушілер келіп, өртті сөндірді.

Оқи отырыңыз: Ақтауда көшенің қақ ортасында көлік жарылды – видео

Өртті сөндіру кезінде екі адамның мәйіті табылды, олардың кім екендігі анықталуда. Сот-медициналық сараптама жүргізіледі.

2130
Кілт сөздер:
Шығыс Қазақстан, өрт, мәйіт, жол апаты
Тақырып бойынша
Ақтөбе облысында жантүршігерлік жол апаты болды: екі адам көз жұмды
Алматы полициясы мылжа-мылжасы шыққан ондаған мәйіт туралы видеоға түсініктеме берді
Алматыда екі көлік бетпе-бет соқтығысты: жүргізуші апат орнынан қашып кетті
Жаяу адамды басып кетті: Алматыда атышулы жол апатына кінәлілер сотталды – видео
Туысының көлігін ұрлап мінген: Шымкентте жасөспірім сұмдық жол апатын жасады – видео
Ыстық ауа райы

36 градус ыстық және жел: ертең ауа райы қандай болады

40
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

40
Кілт сөздер:
Қазгидромет, ауа райы