Медициналық жедел жәрдем қызметінің көлігі

Нұр-Сұлтанда әйел мас күйде көлік айдап, үш қызды қағып кетті фото

1796
(Жаңартылды 08:38 23.06.2020)
Куәгерлер үш қызды көлік астынан шығарып, алғашқы медициналық көмек көрсеткен. Ал көлікті 1986 туған әйел мас күйде жүргізген

НҰР-СҰЛТАН, 23 маусым – Sputnik. Нұр-Сұлтан қаласында 34 жастағы әйел көлігімен үш адамды қағып кетті. Полицейлердің айтуынша, жүргізуші көлікті мас күйінде тізгіндеген, деп хабарлайды Sputnik Қазақстан.

"Біз екі жасар баланы көлік астынан шығарып алдық. Олардың бәрі бір отбасының балалары. Балалар аулада жүргенде, анасы үйінде болған. Кейіннен оқиға орнына жетті", - дейді куәгер.

Куәгерлердің айтуынша, апалы-сіңлілі бойжеткен екі қыздың жағдайы ауыр. Жедел жәрдем қызметі келгенге дейін зардап шегушілерге жақын жерде тұратын дәрігер алғашқы медициналық көмек көрсеткен.

Авария на ул. Косшыгулулы
© Photo : очевидец
Қошығұлұлы көшесінің бойында болған жол апаты

Ал полиция бөлімі балалардың аман екенін мәлімдеді.

"Сағат 21:03-те 1986 жылы туған әйелдің басқаруындағы Mazda көлігі Қошығұлұлы көшесімен Бейсеков көшесі жағынан келе жатып жолдың қарсы бағытына шығып, жаяу жүргіншілер жолағында 2001, 2002 және 2018 жылы туған үш қызды қағып кетті. Зардап шеккендер түрлі дене жарақатымен ауруханаға жеткізілді", - делінген хабарламада.

Полиция дерегінше, қазіргі кезде орташа деңгейде мас болған жүргізуші ұсталып, уақытша ұстау изоляторына қамалды.

Оның үстінен Қылмыстық кодекстің 345-бабы (көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы) бойынша іс қозғалды.

Оқи отырыңыз: Павлодарда мас күйде көлік жүргізген әйелдің төрт баласын алып қойды

Кінәлі екі жылға дейін бас бостандығынан айырылуы мүмкін.

1796
Кілт сөздер:
жол апаты, Нұр-Сұлтан
Тақырып бойынша
Мас әртіс әуежайда ыңғайсыз жағдайға қалды – оқиғаның мән-жайы
Марқұм полицейдің әйелі мас жүргізуші туралы: ол күйеуіммен бірге істеді  
Мас адам бір отбасын ойрандады: 12 жасар бала ғана аман қалды – видео  
Танымал актер Мәскеу орталығында мас күйінде жол апатын жасады
Қарағандыда мас күйінде ұсталған жүргізуші бес жылға сотталуы мүмкін
Тас жол

Ақтөбе облысында жол апаты үш адамның өмірін қиды

206
(Жаңартылды 17:31 22.06.2021)
Жеңіл автокөлік жолдың қарсы бетіне шығып кетіп, жүк көлігімен соқтығысқан

НҰР-СҰЛТАН, 22 маусым – Sputnik. Ақтөбе облысында жеңіл автокөлік жүк көлігімен соқтығысып, үш адам қаза болды.

Өңірдің полиция департаментінің ақпаратынша, трагедия 21 маусым 17:21-де "Қарабұтақ-Қостанай" тас жолының 171 шақырымында болды.

57 жастағы "Лифан" жүргізушісі қарсы бетке шығып кетіп, Ресей азаматы басқарған "Ман" маркалы жүк көлігімен соқтығысқан.

Ақтөбе облысындағы жол апаты

Салдарынан жеңіл көлік жүргізушісі, 1980 және 1959 жылғы екі жолаушы оқиға орнында көз жұмды. Сондай-ақ 1969 жылғы әйел мен 1973 жылғы ер адам Әйтеке би аудандық ауруханасына жеткізілді.

"Өкінішке қарай, жүргізушілер мен жаяу жүргіншілер жолда өте мұқият және сақ болу керек екенін жиі естен шығарады. Жол апатына әкеп соғатын басты себептердің бірі – адамдардың жол қозғалысы ережелерін сақтамауы", - деді Ақтөбе облысы ПД басшысы Атығай Арыстанов.

206
Кілт сөздер:
жол апаты, Ақтөбе облысы
Тақырып бойынша
Тағы бір жантүршігерлік жол апаты: Түркістан облысында 7 адам мерт болды
Ақтөбеде жантүршігерлік жол апаты болды: үш адам көз жұмды
Бес метр жерге ұшырды: полицейдің қатысы бар жол апаты туралы куәгерлер айтып берді
Алматыда жантүршігерлік жол апаты болды: ер адамды екі көлік басып өтті
Бөгенбай батыр даңғылындағы апат

Нұр-Сұлтанда жеңіл автокөлік жол ортасында жанып кетті видео

449
(Жаңартылды 15:57 22.06.2021)
Жүргізушілердің бірі бағдаршамның қызыл шамын елемей, қиылыстан өтіп кеткен. Жол апаты салдарынан екі адам зардап шекті, бір көлік өртенді

НҰР-СҰЛТАН, 22 маусым – Sputnik. Сейсенбі таңертең Нұр-Сұлтанда екі жеңіл автокөлік пен автобус соқтығысты.

Жол апатының видеосы әлеуметтік желілерде тарады.

Құқық қорғау органдары Sputnik Қазақстанға мәлімдегендей, оқиға Республика мен Бөгенбай батыр даңғылдарының қиылысында шамамен 06.25-те болды.

Посмотреть эту публикацию в Instagram

Публикация от Нур-Султан🚔Сергек●24/7 (@nur_sultan_sergek)

20 жастағы "Лада" жүргізушісі Дүкенұлы көшесі жағынан Республика даңғылымен келе жатып, Бөгенбай батыр даңғылымен қиылыста бағдаршамның тыйым салынған белгісіне өтіп кеткен. Салдарынан 60 жастағы жүргізуші басқарған Hyundai Elantra-мен соқтығысты.

Ал Hyundai инерциямен қиылыста тұрған жолаушылар автобусына қарай ұшып кеткен. "Лада" өртеніп кетті.

Жол-көлік оқиғасы салдарынан  "Лада" мен Hyundai жүргізушілері жарақат алды. Дәрігерлердің тексерісінен кейін екеуі де үйіне жіберілді.

Бұл факті бойынша анықтау жұмыстары жүргізіліп жатыр.

449
Кілт сөздер:
видео, автокөлік, Нұр-Сұлтан
Тақырып бойынша
Қазақстанның батысында екі мектеп директоры жол апатынан қаза болды
Рөлді жұлып кетті: Алматыда жол апатынан төрт адам зардап шекті
Нұр-Сұлтанда жол апатынан жүргізуші көз жұмды
Ақтөбеде әйел жол апатынан көз жұмды: полиция куәгерлерді іздеп жатыр
Үркер сыйлығының сертификаты

Sputnik Қазақстанның екі тілшісі "Үркер" ұлттық сыйлығының шорт-парағына енді

0
Байқау 11 номинация бойынша өткізілуде, журналистерден барлығы 340 жұмыс келіп түскен

НҰР-СҰЛТАН, 22 маусым – Sputnik. "URKER-2021" Ұлттық бәйгесі номинанттарының шорт-парағы жарияланды. Оған сәйкес, Sputnik Қазақстанның тілшісі Ксения Воронина "Жылдың үздік репортажы", фототілші Владислав Воднев "Жылдың үздік фотосуреті" номинациясы бойынша тізімге енді.

Байқау 11 номинация бойынша өткізілуде, ал "Тәуелсіздіктің 30 жылдығына арналған үздік материал" номинациясы биылғы байқаудың жаңа номинациясы. Журналистерден барлығы 340 жұмыс келсе, солардың ішінде ең көп өтінім "Жылдың үздік сұхбаты", "Жылдың үздік танымдық материалы" және "Жылдың үздік аналитикалық материалы" номинациялары бойынша келіп түсті. Құрамына беделді журналистер, еліміздің шығармашылық интеллигенциясының өкілдері мене халықаралық медиаэкперттер енген қазылар алқасы үздік жұмыстарды анықтады.

Марапаттау рәсімі қарсаңында қазылар алқасының мүшелері ұлттық бәйге номинанттарын жариялады, шорт-параққа 44 номинант енді:

Жылдың үздік фотосуреті

  • Владислав Воднев Sputnik Қазақстан порталы
  • Мақсат Шағырбаев newsroom.kz порталы
  • Өмірбек Сансызбаев Massaget.kz порталы
  • Алихан Сариев Tengrinews.kz порталы

Жылдың үздік репортажы

  • Дина Литпин Adyrna порталы
  • Зарина Нокрабекова "Казахстанская правда" республикалық газеті
  • Ануар Абдрахманов BaigeNews.kz порталы
  • Ксения Воронина Sputnik Қазақстан порталы

Жылдың үздік аналитикалық материалы

  • Айбар Олжаев Nege.kz порталы
  • Жолдыбай Базаров "Егемен Қазақстан" газеті
  • Дина Имамбаева "Ақиқат" журналы
  • Азамат Галеев "Литер" газеті

Жылдың үздік журналистік зерттеуі

  • Ермекбай Заңғыров "Ана тілі" газеті
  • Рысбек Қыдырбек "Aiqyn" газеті
  • Дархан Нұрұмбетова BaigeNews.kz порталы
  • Юрий Масанов, Александр Воротилов "Курсив" газеті

Жылдың үздік сұхбаты

  • Жасмин Ризабекова STEPPE порталы
  • Тамара Вааль Vlast.kz порталы
  • Әлия Тілеужанқызы "Túrkistan" халықаралық газеті
  • Юлия Тен BaigeNews.kz порталы

Жылдың үздік танымдық материалы

  • Талғатжан Мұхаметбекұлы "ҚазАқпарат" халықаралық агенттігі
  • Өмірбек Сансызбаев Massaget.kz порталы
  • Алтынбек Құмырзақұлы "Қазақстан тарихы" интернет-жобасы
  • Мөлдір Мұқит STEPPE порталы

Радиостанциядағы үздік жоба:

  • "Қайырлы таң, Қазақ елі" "Қазақ" радиосы
  • "Новое утро" "NS" радиосы
  • "Жамбыл жолы" "Шалқар" радиосы
  • "Хроника Победы" "Алау" радиосы

Жылдың үздік жаңалықтар порталы:

  • іnbusiness.kz
  • informburo.kz
  • inform.kz
  • lsm.kz

Жылдың үздік газеті

  • "Курсив"
  • "TÚRKISTAN"
  • "Оңтүстік Қазақстан"
  • "Деловой Казахстан"

Жылдың үздік журналы

  • "Forbes Kazakhstan"
  • "Таң-Шолпан"
  • "Айгөлек"
  • "Ақиқат"

Тәуелсіздіктің 30 жылдығына арналған үздік материал

  • Рыиза Молдашева "Семей таңы" газеті
  • Лэйла Тастанова "Время" газеті
  • Альберт Ахметов zakon.kz
  • Айгүл Бисембинова "Вечерняя Астана" газеті

"URKER-2021" Ұлттық бәйгесінің жеңімпаздары 24 маусымда бұқаралық ақпарат құралдарының кәсіби мерекесі қарсаңында белгілі болады. Лауреаттарды марапаттау рәсімі "Қазмедиа" орталығында өтеді. Көрермендер марапаттау рәсімін urker-awards.kz ресми сайтынан тікелей эфирде тамашалай алады.

Жеңімпаздарға "URKER" естелік мүсіншесі және бір миллион теңге мөлшеріндегі ақшалай сыйлығы  табысталады.

Баспа, радио, интернет-журналистика саласындағы жетістіктері үшін берілетін қазақстандық ұлттық "URKER" сыйлығы талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлесін мойындау және олардың шығармашылығына қоғамның назарын аудару мақсатында 2017 жылы тағайындалған.

0
Кілт сөздер:
журналистика, журналист, сыйлық