Пациент

Петропавлда науқас аурухана терезесінен құлап көз жұмды

106
(Жаңартылды 18:16 23.06.2020)
Қайтыс болған зейнеткердің туыстары медицина қызметкерлері марқұмға немқұрайлы қарады деп күдіктенеді

НҰР-СҰЛТАН, 23 маусым – Sputnik. Петропавлда жүрегіне операция жасатқан 69 жастағы науқас кардиологиялық орталықтың бесінші қабатындағы терезеден құлап кетті, деп хабарлайды Sputnik Қазақстан тілшісі.

Қызылжар ауданының Боголюбов ауылының зейнеткері екі апта бұрын инфаркт алып, ауруханаға түскен. Бірнеше сағатқа созылған күрделі операциядан кейін ол реанимацияда жатып шықты. Ал палатаға ауыстырған күні науқас орап-таңу бөлмесінің терезесінен құлаған.

Кардиологиялық орталықтың бас дәрігері орынбасарының міндетін атқарушы Асхат Молжігітовтің айтуынша, науқас операциядан кейін психоз жағдайына түскен. Дегенмен, оның жағдайы тұрақты болып, медициналық қызметкерлер арасында күдік туғызатындай ештеңе байқалмаған.

"Оның жүрегіне өте күрделі операция жасалды. Жүрек қан тамырларын кеңейтіп, клапанды ауыстыру процесі қан айналымын жасанды жүргізу арқылы іске асырылды. Ал бұл гипоксиялық өзгерістерге алып келіп, психозды жағдайға ұласады. Сол күні біз әкімшілік тексеру жүргізіп шыққанымызда, пациенттің жағдайы тұрақты болып еді", - дейді Молжігітов.

Полиция дерегінше, аталған факті бойынша Қылмыстық кодекстің 105-бабы бойынша сотқа дейінгі тергеу басталды.

Ал қайтыс болған зейнеткердің туыстары аурухана қызметкерлері науқасқа немқұрайлы қарады деп күдіктенеді. Сондықтан да олар прокуратураға арыз жазуға ниетті.

Оқи отырыңыз: Қашамын деп көз жұмды: Тараз ауруханасындағы оқиғаның мән-жайы белгілі болды

Айта кетейік, Қылмыстық кодекстің 105-бабы (өз-өзіне қол жұмсауға дейін жеткізу) бойынша кінәлілерге үш жылға дейін бас бостандықты шектеу немесе бас бостандығынан айыру жазасы қарастырылады.

106
Кілт сөздер:
Петропавл, науқас
Тақырып бойынша
"Жүрегі тоқтап қалды": Шымкенттің бас санитар дәрігері науқас туралы айтты
Павлодарда коронавирустан бір адам қайтыс болды
"Белім ауырып тұр деді": Екібастұз тұрғыны коронавирустан қалай қайтыс болды 
Жүргізуші ауруханада көз жұмды: танымал актер 12 жылға дейін сотталуы мүмкін
Елордада 40 жасқа толмаған науқас көз жұмды – дәрігерлер жағдайды түсіндірді
Архивтегі сурет

Полиция жалған вакцина паспортын сатып алған 200 адамды іздестіріп жатыр

75
Полицейлер дәрігерлердің телефонын тәркілеп, жалған вакцина паспортын сатып алған адамдарды іздеуге кірісті

НҰР-СҰЛТАН, 3 тамыз – Sputnik. Павлодар полициясы қолдан жасалған вакцина паспортын сатып алған адамдарды іздеп жатыр, деп хабарлайды Polisia.kz.

Полиция мамыр айында қаладағы емханалардың бірінде төрт медицина қызметкері вакцинация паспорттарын қолдан жасағанын анықтады. Олар электронды деректер базасына жалған мәлімет енгізіп, паспорттарды үшінші тұлғаларға сатқан.

Барлығы 200-ден астам жалған вакцина паспорты тәркіленді. Бұл фактіге қатысты Қылмыстық кодекстің 385-бабы 2-тармағы бойынша сотқа дейінгі тергеу жүріп жатыр. Бұл бапта төрт жылға дейін бас бостандығынан айыру жазасы қарастырылған.

Полицейлер барлық жедел тергеу шараларын жүргізді. Дәрігерлердің хат алмасып, ақша аударылған ұялы телефондары тәркіленді. Сонымен қатар медицина қызметкерлерінің жұмыс орнында тінту жүргізілді. Техника мен құжаттар тәркіленді.

Тағы оқыңыз: Семейде жалған вакциналау паспортын жасағандар ұсталды – видео

"Павлодар облысының полиция департаменті жалған вакцина паспорттарын сатып алып, пайдаланып жүрген адамдарды анықтап жатыр. Оларға қатысты тиісті тергеу амалдары жүргізіледі және 385-баптың 3-тармағы бойынша жалған құжатты қолданғаны үшін қылмыстық жауапқа тарту туралы мәселе қаралады", - деді өңірдің полиция департаментінің басшысы Нұрлан Мәсімов.

Бұл баптың санкциясы – ірі мөлшерде айыппұл, 160 сағатқа дейін қоғамдық жұмыстарға тарту не 40 тәулікке дейін қамауға алу.

75
Кілт сөздер:
Павлодар, вакцина, полиция, дәрігерлер
Тақырып:
COVID-ке қарсы вакцина
Тақырып бойынша
Жалған вакцина паспортын сатып алған қазақстандық жансақтау бөлімінен бір-ақ шықты
Цой: коронавируспен ауырғандардың 99,9%-і – вакцина салдырмағандар
Нұр-Сұлтанда вакцина салдырғандар арасында тағы үш iPhone12 ойнатылады
Алаяқтар жалған вакцина паспортын сату кезінде адамдарды қалай алдайды
өрт, көлік

"Қасақана өлтірмедім": Шымкентте кәсіпкерді өртеп жіберген ер адам сотта жылап жіберді

1138
(Жаңартылды 15:53 03.08.2021)
30 жастағы ер адам өз үйінде кәсіпкерді өлтірген. Сотталушы жалған құжаттар жасап, марқұмға жер сатпақ болған

НҰР-СҰЛТАН, 3 тамыз – Sputnik. Шымкентте кәсіпкер Аваз Жаналиевті өлтірді деп айыпталған ер адам 20 жылға бас бостандығынан айырылды, деп хабарлады Otyrar.kz.

Сотталушы сот үкімін айтатын кезде көз жасына ерік берді. Ол сот шешімімен келіспейтінін жеткізді.

"Мен Аваз Жаналиевті қасақана өлтірген жоқпын ғой", - деді Азизбек Әлімбаев.

Сот айыпталушының іс-әрекетінде қауіп бар екенін атап өтті. Өйткені ол бұған дейін қарақшылық үшін 5 жылға бас бостандығынан айырылған еді.

Естеріңізге сала кетейік, 30 жастағы ер адам осы жылдың наурыз айында өз үйінде кәсіпкерді өлтірген болатын. Сотталушы марқұмға бизнес үшін жалған құжаттар жасап, жер сатпақ болған.

Кәсіпкер былықтың бетін ашқан кезде, араларында жанжал туындаған. Қолына түскен балтамен сотталушы Жаналиевке бірнеше соққы жасаған. Кейін жәбірленушінің көлігін алып, қанға малынған денені ешкім жоқ жерге апарған. Сотта анықталғандай, кәсіпкердің сол сәтте жаны үзіле қоймағаны белгілі болды.

"Денеден құтылу үшін қайтып барған кезде оның тірі болғанын көріп, жағып жібергенін өзі айтып отыр. Тергеу эксперименті сол кезде жәбірленушінің тірі болғанын көрсетті", - деп түсіндірді Шымкент қаласының қылмыстық істер жөніндегі мамандандырылған ауданаралық сотының судьясы Самиддин Темірәлиев.

Сондай-ақ, сотталушы бизнесменнің ақшасын иемденіп алған. Марқұмның көлігінен 500 мыңнан астам теңгені жымқырып кеткен. Ал қылмыс кезінде сотталушының анасы үйде болғанын айтады.

"Төбемде Құдай тұр, қатысым жоқ. Мазам болмай, қан қысымым көтеріліп үйде жатқан едім", - деді сотталушының анасы.

Марқұм кәсіпкердің көлік жуу орындары болған. Арнайы техникасын жалға беріп келіпті. Артында әйелі мен 3 перзенті қалды.

1138
Архивтегі фото

Жоғары балл жинаған 19 талапкердің ҰБТ нәтижесі жойылды

0
ҰБТ бейнежазбаларының бір бөлігін егжей-тегжейлі қарап шыққаннан кейін, 19 талапкердің шпаргалка қолданғаны анықталды

НҰР-СҰЛТАН, 3 тамыз – Sputnik. 19 талапкердің ҰБТ нәтижесі жойылды. Бұл туралы білім және ғылым министрлігінің баспасөз қызметі хабарлады.

Ұлттық тестілеу орталығының қызметкерлері 100-ден жоғары балл жинаған талапкерлердің бейнежазбасын тексереді.

Биыл ҰБТ бейнежазбаларының бір бөлігін егжей-тегжейлі қарап шыққаннан кейін, 19 талапкердің шпаргалка қолданғаны және ережені бұзғаны анықталды. Осыған байланысты олардың нәтижесі жойылды.

"Түлектеріміз өз біліміне ғана сенуі үшін осындай мұқият тексеріс жүргізіп жатырмыз. Өйткені бүгін тест тапсырып, ережені бұзған талапкердің ертең полиция қызметкері, дәрігер, мұғалім немесе судья ретінде адал маман болатынына кепілдік жоқ. Сондықтан комиссия 19 талапкердің нәтижесін жоюға шешім қабылдады", – деп атап өтті БҒМ Ұлттық тестілеу орталығы директорының міндетін атқарушы Наужан Дидарбекова.

Оның айтуынша, енді олар білім гранттарын тағайындау конкурсына қатыса алмайды. Бірақ мұндай әрекет балалар тарапынан жасалғаны ескеріліп, оларға жоғары оқу орындарында ақылы негізде оқу мүмкіндігі беріледі.

"Бейнежазбаларды тексеруді жалғастырамыз. Заң бұзушылықтар анықталған жағдайда нәтижелер, тіпті берілген гранттардың да күші жойылады", – деп түйіндеді Дидарбекова.

Оқи отырыңыз: Биылғы ҰБТ-да бір түлек қана ең жоғары ұпай жинады 

Ұлттық тестілеу орталығының қызметкерлері өткен жылдағыдай, 145 мың талапкердің бейнежазбасын қарап шығады.  

Өткен жылы бақылау камераларынан бейнежазбаларды қарау туралы ереже енгізілген болатын. ҰБТ аяқталғаннан кейін 152 талапкердің тестілеу ережесін бұзғаны анықталып, нәтижесі жойылды. Олардың 91-і білім грантынан айырылды.

0