Әйел қолындағы мобильді телефон

Атырауда телефон арқылы бопсалауға ұшыраған әйел өз-өзіне қол жұмсады

15986
(Жаңартылды 11:36 30.08.2020)
Марқұмның туыстары сот төрелігі оның әпкесін азаптаушыдан қорғай алмағанына наразы және басқа да әйелдер оның құрбаны болуы әбден мүмкін деп алаңдайды

НҰР-СҰЛТАН, 30 тамыз – Sputnik. Атырауда жас келіншек бопсалаушылардың құрбанына айналды. Түркістандық ер адам ажырасқан әйелмен қарым-қатынас орнатып, сеніміне кіріп, сезімін жеткізген сыңай танытады. Кейіннен ұятты суреттерін әлеуметтік желіде жариялаймын деп қорқытып, ақша талап ете бастаған.

Бәрі әлеуметтік желіден басталған

Атыраулық әйел жырасқаннан кейін, балаларын өзі тәрбиелеп, өсіріп жүрген. "ДругВокруг" әлеуметтік желісінде ол Түркістан тұрғынымен танысып, хат алмасып тұрған. Оның ойынша екеуара сезім оянған.

Өткен жылдың желтоқсан айында ер адам Атырауға келіп, әйелмен бірнеше күнді бірге өткізген. Марқұмның туыстары күдікті интимдік суретке түсіру үшін оның тамағы мен сусынына бір нәрсе қосып жіберген деп күдіктенеді. Өйткені, әйел өте қарапайым адам болған және бұлай суретке түсуге батылы жетпес еді деп тұжырымдайды.

"Ол ұйықтап жатқанда әлгі "досы" оны суретке түсіріп қана қоймай, телефонында сақталған барлық нөмірлерді көшіріп алған. Содан кейін ол суреттерді таратпау үшін ақша талап ете бастаған. Әйелдің табысы аз – шамамен 50 мың, ал ол бірден 100 мың немесе 200 мың теңгеден талап еткен", – деп жазады жергілікті "Ақ жайық" басылымы.

Әйел мүмкіндігі жеткенше төлеп келген. Ұзақ уақытқа дейін туыстары бұл жағдайдан хабарсыз болған. Тек, ақша төлей алмағанда телефонына тынымсыз келе берген қоңыраудан күдіктене бастаған. Бопсалаушы түн ішінде, тіпті, мас күйінде және әртүрлі нөмірлерден телефон шалған. Сондықтан да ол бөтен нөмірден қоңырау шалынса жауап бермей, түнде телефонын өшіріп қойып жүрген. Мұндай қысымды көтере алмаған әйел сотқа жүгінеді.

Заңның солқылдақтығы

Бұл іс бойынша айыпталушының тегі ашық дереккөздерде қолжетімді. Белгілі болғандай, сотта бопсалаушы кінәсін толық мойындап, өз әрекетіне өкінетінін білдірген. Ол кешірім сұрап, енді мұндай әрекет қайталанбайды деп уәде берген. Сот Қылмыстық кодекстің 194-бабы ("бопсалау") бойынша оның бас бостандығын екі жылға шектеуге үкім шығарған.

"Қалай екенін білмеймін, бопсалаушы Атыраудан – алдымен Түркістанға, кейіннен Қызылордаға кеткен. Бір қызығы, әпкемнің телефонына хабарласып, әбден мазасын алады. Балағаттап, ақша талап етуін қайта жалғастырған", – дейді марқұмның сіңлісі Айгүл.

"Бізге де телефон соғып, айтпағаны жоқ. Тіпті, тағы бір туысымызды бопсалады. Мүмкін, бұл оның жалғыз құрбаны емес шығар. Бәлкім, біреу әлі күнге дейін оның әрекетінен зардап шегіп жүрген болар. Біз әпкемізге полицияға қайтадан жүгінуге кеңес бердік. Ол арыз беріп, тергеуші істі сотқа жіберді. Бірақ сот оның жазбаша өтініші болмағасын істі қарамаған", – дейді Айгүл.

Тергеушінің табансыздығы

Марқұмның туыстары әйел қайтыс болғаннан кейін тергеушіден өтініш жазғызу туралы неге ескертпегенін сұраған. Ал тергеуші зардап шегушіге қоңырау шалғанда, ол қоңырауға жауап бермегенін айтқан.

"Өйткені, ол бөтен нөмірден түскен қоңыраулардан қатты қорқып қалған болатын. Тергеуші оған хабарлама жазып жіберуі керек еді... Әпкем азаптаушымен сөйлесіп жатқан күйде, асылып қалған. Ал оның асылып тұрған күйіне тап болғанымызда телефонның арғы жағындағы дауыс әлі де боспасалап, айқайлап жатты", – дейді Айгүл.

Оқи отырыңыз: "Ол алдау емес": Нұрлан Қоянбаев қыздарға өтірік айтатын жігіттерді ақтап шықты

Марқұмның туыстары сот төрелігі оның әпкесін азаптаушыдан қорғай алмағанына наразы және басқа да әйелдер оның құрбаны болуы әбден мүмкін деп алаңдайды.

Атырау облыстық полиция департаментінің баспасөз қызметі аталған факті бойынша Қылмыстық кодекстің 105-бабы ("өзін-өзі өлтіруге дейін жеткізу") бойынша сотқа дейінгі тергеу басталғанын хабарлады. Қазіргі кезде бірқатар сараптама тағайындалып, күдікті адамның орналасқан жері анықталып жатыр.

15986
Кілт сөздер:
Атырау, ақша бопсалау, бопсалау
Тақырып бойынша
"Беті қан-қан": Сарыағашта тұрмыстағы келіншекпен көңіл қосқан жігіт өлім құшты
Абзал Құспан педофилдер үшін өлім жазасын енгізуге қарсы шықты
Есікті қасықпен жауып кеткен: Қызылордада бір үйдің 4 баласы өлім құша жаздады
Қазақстандық вице-министр тұрғынды өлім аузынан алып қалды
Шарасыздықтан өзіне қол жұмсау: ұлының өлімі үшін әйел адамға 2 млн теңге төленеді
Мектеп, архивтегі сурет

Батыс Қазақстанда жойқын жел мектеп шатырын жұлып әкетті 

82
(Жаңартылды 23:17 23.07.2021)
Қызылқоға ауылдық округіндегі Қарабау ауылында бір секундта 23 метр жылдамдықпен ұйытқыған жойқын жел мектеп шатырына зақым келтірді

НҰР-СҰЛТАН, 23 шілде – Sputnik. Батыс Қазақстан облысында күшті жел ауыл мектебінің шатырын ұшырып әкетті, деп хабарлады облыстық төтенше жағдайлар департаменті. 

Мектеп 1978 жылы салынған. Білім ордасында күрделі жөндеу жұмыстары 2019 жылы жүргізілген. Ведомствода шатырдың жұлынуынан зардап шеккендер жоқ екенін мәлімдеді.

Батыс Қазақстанда бірнеше күннен бері дауылды жел тұрып тұр. Бір күн бұрын табиғаттың тосын мінезінен өңірдегі бірнеше үй шатыры ұшып кетті. Жел секундына 25 метр жылдамдықпен ұйытқуда. 

Осы жылдың аққпанында Павлодар облысында жел екі мектептің шатырын ұшырып әкеткен болатын. Ол төтенше жағдайда Ұзынбұлақ пен Шарбақты ауылдарындағы ғимараттарға зиян келді. Екі жағдайда да ешкім зардап шеккен жоқ.

82
Қабырға, үй

Оралда жартылай жалаңаш ер адам үй мен құбыр арасында кептеліп қалды фото

1153
Ер адам көп қабатты тұрғын үйдің бірінші және екінші қабаттары арасында кептеліп қалды. Не себепті ол жерге көтерілгені әзірше белгісіз

НҰР-СҰЛТАН, 23 шілде — Sputnik. Оралдық құтқарушылар көпқабатты тұрғын үй мен газ құбырының арасында кептеліп қалған мас ер адамға көмектесті.

Посмотреть эту публикацию в Instagram

Публикация от Мой ГОРОД (@moigorodkz)

Өңірлік "Мой город" порталының ақпараты бойынша оқыс жағдай 23 шілдеде таңертең жергілікті Зачаганск аулында болған. Оқиға орнына құтқарушылар жетті.

"Көп қабатты тұрғын үй мен газ құбырының ортасында, бірінші және екінші қабаттың арасында ер адам қысылып қалғаны туралы хабарлама таңғы сағат 06:13-те келіп түсті", - деді облыстық төтенше жағдайлар департаментінде. 

Құтқарушылар жарты сағатқа жетер-жетпес уақыт ішінде мас ер адамды шығарып алды. Ал өңірлік полиция осы жағдайға қатысты қандай да бір түсініктеме беруден бас тартты.

1153
Кілт сөздер:
құбыр, үйлер, фото, Орал
Тақырып бойынша
Әйелі жалаңаш күйде кіріп келді: Zoom-да ыңғайсыз жағдай тағы қайталанды
Желіде ауладағы көліктердің үстіне секірген жартылай жалаңаш жігіттердің видеосы тарады
БҚО-да халық алдында тыр жалаңаш билеген қыз бен жігіт қамауға алынды
Нұр-Сұлтанда велосипед мінген тыр жалаңаш ер адам видеоға түсіп қалды
Алматыда жартылай жалаңаш ер адам жанармай бекетінің үстінде ессіз әрекет жасады – видео
Елдос Сметов түрік Мирхадж Аккушты жеңді

Токио Олимпиадасы: Елдос Сметов жартылай финалға шықты

0
Қазақстандық дзюдошы түрік палуаны Мирхадж Аккуш пен Корея спортшысы Ким Вон Джинді жеңді

НҰР-СҰЛТАН, 24 шілде – Sputnik. Токио Олимпиадасында қазақстандық дзюдошылар Елдос Сметов пен Отгонцэцэг Галбадрах алғашқы жекпе-жегін өткізді, деп хабарлайды Sputnik Қазақстан тілшісі.

Татамиге бірінші болып шыққан Отгонцэцэг Галбадрах қытайлық Янань Лиден иппонмен ұтылды. Ал Елдос Сметов түрік палуаны Мирхадж Аккуштан басым түсті. Қазақстандық дзюдошы өз қарсыласын иппонмен жеңді.

Осыдан кейін Сметов Оңтүстік Кореяның спортшысы Ким Вон Джинді жеңіп, жартылай финалға шықты. Оның келесі қарсыласы – жапондық Наохиса Такато.

Оқи отырыңыз: Қазақстандық боксшы Олимпиаданы жеңіспен бастады 

Айта кетейік, Токио Олимпиадасына алты қазақстандық дзюдошы аттанды. Олар: Елдос Сметов, Ерлан Серікжанов, Жансай Смағұлов, Дидар Хамза, Ислам Бозбаев және Отгонцэцэг Галбадрах.

Бас бапкер Ғалымжан Жылгелдиевтің айтуынша, кейбір салмақтарда жеребе ауыр түсті. Әсіресе команда көшбасшысы Елдос Сметовтың тобы мықты. Оған Жапония мен Грузияның мықты балуандарына қарсы шығуға тура келеді.

2016 жылы Рио Олимпиадасында Елдос Сметов күміс жүлдені иеленген болатын. Ал Отгонцэцэг Галбадрах "қола" ұтып алған.

0
Кілт сөздер:
дзюдо, Елдос Сметов
Тақырып:
Токио Олимпиадасы