Полиция мен жедел жәрдем көліктері, иллюстративті сурет

Теміртауда полицей қызметтік көлігімен ер адамды қағып өлтірді

353
(Жаңартылды 13:41 05.10.2020)
Тәртіп сақшысы жол апаты кезінде сау болған, сотқа дейінгі тергеу басталды. Облыстың полиция департаментінің басшысы істі өз бақылауына алды

НҰР-СҰЛТАН, 5 қазан – Sputnik. Теміртауда полиция сержанты қызметтік автокөлікпен 65 жастағы ер адамды қағып кетті. Салдарынан зейнеткер ауруханада жан тапсырды, деп хабарлайды Sputnik Қазақстан Қарағанды облысы полиция департаментінің баспасөз қызметіне сілтеме жасап.

Жол апаты 3 қазан күні Теміртау қаласында болды. "Лада Веста" қызметтік автокөлігін тізгіндеген полицей Восточная көшесіне қарай Республика даңғылымен кетіп бара жатып, реттелмейтін жаяу жүргіншілер өткелінде 65 жастағы ер адамды қағып кетті.

Департаменттің мәліметінше, қайғылы оқиға болған күні қалада тұман түскен, жол нашар көрінген.

"Жол апаты салдарынан ер адам Теміртау қаласының ауруханасында көз жұмды", - деп мәлімдеді баспасөз қызметінен.

Оқиға орнына Қарағанды облысы полиция департаментінің басшылығы, Өзіндік қауіпсіздік басқармасының жеке құрам инспекциясы, Теміртау қаласы прокуратурасының өкілдері барды.

Тағы оқыңыз: Тоғыз адам көз жұмды: Атырау облысында жантүршігерлік апат болды

Полиция сержанты олардың көзінше наркологиялық диспансерде тексерістен өтті. Тәртіп сақшысы сау болған.

Аталған фактіге қатысты Қылмыстық кодекстің 345-бабы 3-тармағы бойынша сотқа дейінгі тергеу басталды. Бұл бап бойынша белгілi бiр лауазымдарды атқару немесе белгiлi бiр қызметпен айналысу құқығынан бес жылға дейін айыра отырып, 5 жылға дейінгі мерзімге бас бостандығынан айыру жазасы қарастырылған.

Қылмыстық іс облыстық полиция департаменті анықтау басқармасының өндірісінде.

Тергеу жан-жақты және объективті жүреді, деп сендірді полицейлер. Облыс полициясының басшысы істі өз бақылауына алды.

353
Кілт сөздер:
жол апаты, полицей, жүргізуші, Қарағанды облысы
Тақырып бойынша
Шығыс Қазақстанда мас жүргізуші төрт баланы қағып кетті
Нұр-Сұлтанда әйел мас күйде көлік айдап, үш қызды қағып кетті – фото
Өрт сөндіруші

Павлодарда көпқабатты үйден өрт шықты

14
Жедел жәрдем көрші пәтердегі балаларды ауруханаға жеткізді. Өрттің алдын ала себебі - темекі шегу кезінде қауіпсіздікті сақтамау

ПАВЛОДАР, 30 қазан — Sputnik. Өрт сөндірушілер көпқабатты үйден егде жастағы әйел, баласы мен көрші пәтердегі балаларды қолға алып шығарды, деп хабарлады Павлодар облысы төтенше жағдайлар департаментінің өрт сөндіру қызметі.

"Жұма күні сағат 12.36-да Жаяу Мұса көшесіндегі 1-ші үйде өрт шыққаны туралы хабар түсті. Сегізінші қабаттағы екі бөлмелі пәтерде жиһаз бен киімдер отқа оранды. Өрт аумағы - 10 шаршы метр", - делінген хабарламада.

Өрт сөндірушілер пәтерден 65 жастағы әйел мен 45-тегі баласын қауіпсіз жерге шығарды. Әйел орта дәрежедегі газбен улану, арқасын күйік шалу және алкогольге улану диагнозымен терапия бөліміне жеткізілді.

Баласы да орта дәрежедегі улану диагнозымен жансақтау бөліміне жатқызылды. Жағдайы ауыр.

Жедел жәрдем көрші пәтердегі балаларды ауруханаға жеткізді. Жағдайлары жақса, үйлеріне жіберілді.

Өрттің алдын ала себебі - темекі шегу кезінде қауіпсіздікті сақтамау.

14
Кілт сөздер:
көпқабатты тұрғын үй, өрт сөндірушілер, Павлодар
Тақырып бойынша
Қала қызыл жалын құрсауында қалғандай: Петропавлда алапат өрт болды – видео
Нұр-Сұлтанда жаңа өрт сөндіру депосы ашылды
Нұр-Сұлтанда тұрғын үйден өрт шығып, екі адам көз жұмды
Түркістан облысында жойқын өрт видеоға түсіп қалды
"Бізді басып озбақ болды": Өрт сөндіру көлігі аударылып, жүргізуші көз жұмды
Қоңыр аю

Аю 50 жастағы әйелге тап берді видео

571
(Жаңартылды 10:58 30.10.2020)
Зардап шеккен әйел жануарлар үйінде жұмыс істеген, ол көптеген дене жарақатымен ауруханаға жеткізілді  

НҰР-СҰЛТАН, 30 қазан – Sputnik. Ресейдің Курск облысында жануарлар үйіндегі аю қызметкерге тап берді, деп хабарлады РИА Новости.

Әлеуметтік желіде тараған видеодан әйелдің тордың жанынан өтіп бара жатқанын көруге болады. Ол жолда тұрған таяқтан аттаймын деп, жыртқыш отырған торға тым қатты жақындап кеткен. Дәл сол кезде аю оны қолынан ұстап алып, ішке қарай тартқылайды, бір табанымен арқасынан да ұстап тұрады. Оны көрген қызметкерлер жүгіріп келіп, оны таяқпен ұра бастайды. Алайда аю қайтпайды. Ақырында әйелдің күрткесін жыртып тынады.  

Оқиға Фатежск ауданында орналасқан Новые дворы ауылында болған. Осы аймақтағы тергеу басқармасының мәліметіне сәйкес, зардап шеккен әйел жануарлар үйінде жұмыс істейді. Ол жерде үй жануарларымен бірге жабайы аңдарды да ұстайды.

Қостанай облысында 11 жастағы баланы қасқыр талап тастады

"Әйел аю отырған тордың жанынан өтіп бара жатқанда жыртқыштың шабуылына тап болды. Аю оны қолынан ұстап алып, өзі отырған торға тартқан. 50 жастағы әйел көптеген дене жарақатымен Курск облысының клиникалық ауруханасына жеткізілді", - дейді тергеушілер.

Тергеушілер тексеріс шараларын бастады. Соның нәтижесінде процессуалдық шешім қабылданады. "Фатежские будни" басылымының мәліметінше, әйелге гималай аюы тап берген.

Ал әлеуметтік желілерде тараған ақпаратта аюдың өлгені туралы айтылады. Тордың ішінде үшкір таяқ қалып қойған. Аю соған өкпесін тілгізіп алған.

571
Кілт сөздер:
жануарлар әлемі, аю
Тақырып бойынша
Көжекке тұтқиылдан қаршыға шабуылдады: оқиғаның соңын ешкім күтпеген еді - видео
Буйвол туристердің көлігіне тап беріп, оны мүйізімен көтерді – видео
Лақ бір топ жыртқышқа тойтарыс берді – қызықты видео
Кішкентай ит арыстандармен айқасты, оқиғаның соңын ешкім күтпеді – видео