Жағалаудағы қыз, иллюстративті фото

Далада түнеген: Қостанай облысында жоғалған қыздар дін аман табылды

289
Жоғалған жас қыздарды іздестіруге отызға жуық құтқарушы мен полицейлер, еріктілер мен жергілікті әкімдік қызметкерлері жұмылдырылды

НҰР-СҰЛТАН, 10 қазан – Sputnik. Қостанай облысында жұма күні кешке жоғалған төрт қызды іздеу шаралары сәтті аяқталды, деп хабарлайды жергілікті "Костанайские новости" басылымы.

Үлкені он екі, кішісі жеті жастағы екі үйдің төрт қызы жұма күні кешкі сағат жетілер шамасында үйден шығып кеткен. Олар Асенкритовка ауылынан Әйет ауылында тұратын туыстарына бару үшін жолға шыққан. Ал екі ауыл арасындағы қашықтық шамамен 15-17 шақырымды құрайды. 

Посмотреть эту публикацию в Instagram

Публикация от Поиск людей (@pso_dos.kst)

Балаларды ересектер ертіп жүрмегендіктен автобусқа мінгізбеген. Сондықтан, олар жол жағалай жүріп отырып, жаяу жетуге тырысқан. Алайда орта жолда қараңғы түсіп кеткен соң, жасөспірімдер жырада түнеп шыққан. 

Посмотреть эту публикацию в Instagram

Публикация от Поиск людей (@pso_dos.kst)

Ал оларды іздестіруге отызға жуық құтқарушы мен полицейлер, еріктілер мен жергілікті әкімдік қызметкерлері жұмылдырылды. Асенкритовка ауылы мен жақын маңдағы бес елді мекенге шолу жүргізілгенімен еш нәтиже болмаған.

Оқи отырыңыз: Түркістанда жоғалған бойжеткеннің екі апта бойы не істегені белгілі болды

Қыздар келесі күні таңғы тоғыздар шамасында екі ауылдың ортасындағы Николаевка стансасынан бір шақырым жерден табылды. Іздеушілер оларды тас жолмен келе жатқан көліктің артынан жүгіріп келе жатқан сәтінде байқап қалған.

289
Кілт сөздер:
Қостанай облысы, жоғалып кеткен бала
Тақырып бойынша
Ақмола облысында жоғалған жасөспірімнің 9 жыл бойы қайда жүргені белгілі болды
Қостанай облысында жоғалған 8 жасар баланың мәйіті табылды
Шымкентте жоғалған қыз Алматы облысынан табылды
Жамбыл облысында жоғалған 7 жасар баланы тікұшақпен іздеп жатыр
Оралда жоғалған бала өлі табылды
Қараганды-Теміртау жолында апатқа ұшыраған көлік

Ер адам жантүршігерлік жол апатынан таңғажайып жағдайда аман қалды видео

2629
(Жаңартылды 10:57 26.10.2020)
Қапталдағы көлікті жоғары жылдамдықпен басып озған қара LADA жүргізушісі рөлге ие бола алмай, жол жиегіндегі қоршауға соғылды

НҰР-СҰЛТАН, 26 қазан – Sputnik. Қарағанды ​​облысындағы тас жолда болған апаттың видеосы әлеуметтік желілерде кең таралуда.

Автокөліктің санаулы секунд ішінде метал үйіндісіне айналған сәті оқиға куәгерлерінің видеорегистраторына түсіп қалған. Жол апаты 25 қазан күні 14.40-та болды.

Видео авторының машинасын қара түсті LADA көлігі жоғары жылдамдықпен басып озады да, көп ұзамай сырғып барып, жол жиегіндегі қоршауға соғылады.

Қатты соққы әсерінен асфальт бетінде бірнеше рет айналып, жолдың сол жақ қапталына сырғыған көліктегі ер адам (жолаушысы болуы мүмкін) таңғажайып жағдайда аман қалды. Орнынан тұрған ол өзіне қарай дөңгелеп келе жатқан қосалқы шинаны тоқтатып үлгереді. Бұл әрекетке қарап, оның ауыр жарақат алмағанын байқауға болады. 

Қарағанды ​​облысы полиция департаментінің Sputnik Қазақстанға ұсынған мәліметіне сүйенсек, ВАЗ 2114 көлігінің 25 жастағы жүргізушісі "Бүркіт" кафесінің маңында жоғары жылдамдықпен Пришахтинскіге қарай кетіп бара жатып, рөлге ие бола алмай темір қоршауға соғылған. Жол апатынан зардап шеккендер Қарағанды ​​облыстық медицина орталығына жеткізілген.

Оқи отырыңыз: Әйел "коронавирустың" арқасында аман қалды

Айта кетейік, демалыс күндері өңірде ауа райының құбылуына байланысты жол апаттары жиілей түсті. Оған көптеген жүргізушінің көлік доңғалақтарын қыстық шинаға ауыстырып үлгермеуі себеп болуы мүмкін.

2629
Кілт сөздер:
Қарағанды облысы, жол апаты
Тақырып бойынша
Ақмола облысында теміржолшылар ағашқа шығып аман қалды
Тірідей көмілген ер адам таңғажайып жағдайда аман қалды
Басына оқ тиген Алматы тұрғыны аман қалды
Дәрігерлер трактордың астына түскен қызды аман алып қалды
Павлодарда мас адам 4-қабаттың терезесінен құлап кетіп, аман қалды
Жолдан өтіп бара жатқан бүлдіршін

Алматыда жүйткіген көлік бес жасар баланы қағып кетті видео

1142
(Жаңартылды 11:16 25.10.2020)
Жол жиегінде тұрған балалардың бірі қарсы бетке өту үшін жүгіріп шыққанын Subaru көлігі байқап үлгермеген

НҰР-СҰЛТАН,  25 қазан – Sputnik. Дәрігерлер шетелдік көліктің соққысына ұшыраған бес жасар баланың өмірі үшін күресуде. Ал полицейлер осы факті бойынша сотқа дейінгі тергеу басталғанын мәлімдеді.

Алматының Түрксіб ауданындағы Постышев көшесінде орналасқан "Лимон" дүкенінің алдында көлік бес жасар баланы қағып кетті.

Бейнебақылау камерасынан кішкентай екі баласы бар әйелдің жол жиегінде тұрғанын көруге болады. Балалардың бірі кенеттен жолдың қарсы бетіне өту үшін жүгіріп шыққанда, Subaru көлігі қағып кетеді. Жүргізуші баланың күтпеген жерден шыққанын байқап үлгермеген. 

Жол апаты салдарынан бала ауыр жарақатпен балалар травмотологиясы ауруханасына түсті. Қазір дәрігерлер оның өмірі үшін күресуде.

Оқи отырыңыз: Қызылордадағы жол апаты: тағы бір бала ауруханада көз жұмды

Алматы полициясы осы оқиға негізінде Қылмыстық кодекстің 345-бабы (көлік құралын басқаратын адамдардың жол қозғалысы немесе көлік құралдарын пайдалану ережелерін бұзу) бойынша сотқа дейінгі тергеу бастады.

1142
Тақырып бойынша
Алматы облысында жантүршігерлік жол апаты болды – видео 
Солтүстік Қазақстанда жантүршігерлік жол апаты болды: жеңіл көлік жапырылып қалды  
 Сау-тамтығы қалмаған: Қалбатау-Көкпекті жолында жантүршігерлік жол апаты болды
Павлодар облысында жантүршігерлік жол апаты бес адамның өмірін қиды
Щучинсктегі жол апаты: министр қаза тапқан полицейлердің отбасына көңіл айтты
Қашықтан оқу

Ақтөбе облыстық білім басқармасының былығы ашылды

0
Ақтөбе облысының білім басқармасы 5 000 ноутбуктың әрбіреуін 250 000 теңгеге сатып алған. Алайда ол кезде оның нарықтық бағасы 149 000 теңге болған  

НҰР-СҰЛТАН, 26 қазан – Sputnik. Ақтөбе облыстық білім басқармасының жұмысын тексерген арнайы бақылау тобы оқушыларға арналған ноутбуктерді жоғары бағамен сатып алу фактісін анықтады, деп хабарлайды Sputnik Қазақстан "Ақтөбе - адалдық алаңы" жобалық кеңсесіне сілтеме жасап.

Ресми мәліметке сәйкес, осыдан екі жыл бұрын облыстық білім басқармасы мен жекеменшік компания арасында компьютерлік техниканың 5 000 данасын жеткізу туралы келісімшарт рәсімделген. Сол кезде әрбір компьютердің бағасы 149 мың теңге болған.

"Алайда білім басқармасы әрбір компьютерді  250 мың теңгеден қабылдапты. Барлық лот бойынша келісімшарттардың жалпы сомасы 1 миллиард 250 миллион теңгеден асып кеткен. Компьютерлердің конфигурациясы әлсіз болған. Оған қоса, сервистік қызмет көрсетілмеген. Ал пандемия кезінде ондай қызметтің болғаны маңызды", - дейді мамандар.

Оқи отырыңыз: Шымкентте білім саласындағы бірқатар басшы істі болды 

Сонымен қатар, техникалық сипаттама бойынша барлық компьютерде үш жылдық сервистік қызмет көрсетуге кепілдік болған. Соған қарамастан, білім басқармасы қажет болған жағдайда техникаға қызмет көрсету үшін тағы бюджеттен ақша бөлген.   

0
Кілт сөздер:
Ақтөбе облысы, білім күні
Тақырып бойынша
Әжетханаға камера орнатқан: Павлодар білім басқармасының басшысы өз әрекетін түсіндірді
Оқушыларға берілген роутердің интернет трафигі неге тез таусылып қалады