Щучинскіде полицейлер жантүршігерлік жол апатынан қаза болды

Щучинскіде полицейлер жантүршігерлік жол апатынан қаза болды видео

7605
(Жаңартылды 12:50 15.10.2020)
Полицейлер қызметтік міндетін орындап, оқиға орнынан қайтып келе жатқан кезде апатқа ұшырады

АЛМАТЫ, 15 қазан – Sputnik. Щучинскіде жол апатына түскен екі полицей оқиға орнында көз жұмды, деп хабарлайды Sputnik Қазақстан тілшісі.

Облыстық полиция департаменті баспасөз қызметінің хабарлауынша, апат 15 қазанда Абылай хан мен Сейфуллин көшесінің қиылысында болған.

"Lexus NX20 автокөлігінің жүргізушісі Абылай хан мен Сейфуллин көшесінің қиылысында "Мебелин" дүкенінің жанында Бурабай аудандық полициясы жергілікті полиция қызметі бөлімінің Lada-21214 қызметтік автокөлігімен соқтығысты", - деп нақтылады баспасөз қызметі.

LADA-21214 жүргізушісі мен жолаушысы – учаскелік полиция инспекторлары. Олар алған жарақаттан оқиға орнында жан тапсырды.

"Қаза болған полицейлер қызметтік міндетін орындап, оқиға орнынан қайтып келе жатқан кезде апатқа ұшырады", - деп атап өтті полиция департаментіндегілер.

Күдіктінің кім екені анықталды.

"Ол – Щучинск қаласының 25 жастағы тұрғыны. Ол бұған дейін қылмыстық кодекстің 200-бабы ("Автокөлікті жымқыру мақсатынсыз иеленіп алу") және 346-бабы ("Рөлде отырған адамдардың жол жүрісі немесе көлікті пайдалану қағидаларын бұзу") бойынша бірнеше рет сотты болған. 2022 жылға дейін көлікті басқару құқығынан айырылған", - деп нақтылады полиция.

Қазір аталған факті бойынша қылмыстық кодекстің 345-бабы 4-бөлігі бойынша сотқа дейінгі іс жүргізу басталды. Бұл бап бойынша күдікті он жылға дейін бас бостандығынан айырылуы мүмкін. Ер адам қамауға алынды.

7605
Кілт сөздер:
жол апаты, видео
Өрт сөндірушілер

Павлодар облысында өртеніп жатқан үйге келген 24 жастағы құтқарушы көз жұмды

1445
Тілсіз жауды сөндіру кезінде 1997 жылғы Арыстанбек Машраптың жағдайы нашарлаған, ауруханаға ес-түссіз күйде жеткізілді

НҰР-СҰЛТАН, 25 ақпан – Sputnik. Павлодар облысында өрт сөндіруші қызметтік міндетін атқару кезінде көз жұмды. Тұрғын үйден шыққан өртті сөндіру кезінде азаматтық қорғау сержантының жағдайы нашарлаған, деп хабарлайды төтенше жағдайлар министрлігінің баспасөз қызметі.

Қайғылы оқиға 25 ақпан күні Павлодар облысы Ақсу қаласында болды.

Таңғы сағат сегіздер шамасында төрт бөлмелі тұрғын үйдің өртенгені туралы хабар түскен. Тілсіз жау 80 шаршы метр аумақты шарпыды.

Ведомствоның ақпаратынша, өрт сөндірушілер қызыл жалынмен күресіп жатқанда 1997 жылы туған Ақсу қаласы №12 өрт сөндіру бекеті бөлімшесінің командирі, азаматтық қорғау сержанты Арыстанбек Машраптың жағдайы нашарлаған.

"Өрт сөндіруші Ақсу ауылдық дәрігерлік амбулаториясына ес-түссіз күйде жеткізілген. Кейін дәрігерлер оның қайтыс болғанын хабарлады. Оқиғаның мән-жайы анықталуда", - деді ТЖ министрлігінің ресми өкілі Талғат Уәли.

Сондай-ақ, №12 өрт сөндіру бекеті бөлімшесінің командирі, азаматтық қорғау кіші сержанты 26 жастағы Ермек Тұрлыбеков Ақсу қаласының ауруханасына жеткізіліп, кейін Павлодар қаласының ауруханасына жатқызылды.

Өрт сағат 10.16-да оқшауланып, 11.00-де толығымен сөндірілген.

Сержант гражданской защиты Арыстанбек Машрап
© Photo : Пресс-служба министерства по чрезвычайным ситуациям Казахстана
Азаматтық қорғау сержанты Арыстанбек Машрап

Марқұм Арыстанбек Машрап азаматтық қорғау органдарында 2018 жылдан бері қызмет атқарған. Павлодар қаласының тумасы, үйленген.

Төтенше жағдайлар министрлігі өрт сөндірушінің мезгілсіз қайтыс болуына байланысты марқұмның жақындары мен туыстарына көңіл айтты.

Ведомствоның мәліметінше, 1991-2021 жылдар аралығында азаматтық қорғау органдарының 53 қызметкері қызметтік міндетін орындау кезінде қаза болған.

1445
Кілт сөздер:
өрт сөндіру, Павлодар облысы
Жасөспірім қыз, архивтегі сурет

Павлодарда жасөспірім қызды қуып жетіп, бір тепкен ер адам тергеуге алынды видео

73
Жасөспірімнің анасы жанжалдың өршуіне жасөспірім қыз бен ер адамның сөзге келіп қалуы себеп болғанын айтады

НҰР-СҰЛТАН, 25 ақпан – Sputnik. Павлодар облысында жасөспірім қызды соққыға жыққан ер адамға қатысты тергеу басталды, деп хабарлайды Рolisia.kz.

Павлодардағы дүкендердің бірінде ер адам мен 13 жасар қыздың арасында жанжал туындап, оның соңы әлімжеттік көрсетуге ұласқан.

Полиция қызметкерлері оқиға қатысушыларын анықтап, тергеу жұмыстарын бастады.

"Қазіргі кезде ер адам мен жасөспірімнің ата-анасынан түсініктеме алынып, сот-медициналық сараптама тағайындалды. Соның негізінде Қылмыстық кодекстің 1-бөлігі 293-бабы бойынша ("бұзақылық") сотқа дейінгі тергеу амалдары жүргізілуде", – дейді Павлодар облыстық полиция басқармасы бастығының бірінші орынбасары Жасқайрат Қайыров.

Қолданыстағы заңда осы бап бойынша кінәлі адамдар екі мың айлық есептік көрсеткішке (5 834 000 теңгеге) дейін айыппұл төлейді немесе сол мөлшерде түзеу жұмыстарына қатыстырылады. Сондай-ақ, алты жүз сағатқа дейін қоғамдық жұмыстарға тартып, екі жылға дейінгі мерзімге құқын шектеу яки бас бостандығынан айыру жазасы қарастырылған.

Айта кетейік, бұған дейін әлеуметтік желіде ер адамның жасөспірім қызды өтіп бара жатқан адамдардың көз алдында аяусыз ұрған видеосы тараған. Ол жерде еңгезердей жігіт жасөспірімді қуып жетіп, жерге құлатады да, соққыға жығады. Тіпті, аяғымен тебеді. 

Посмотреть эту публикацию в Instagram

Публикация от Это Павлодар, детка 🤷🏼‍♂️ (@pavlo.detka)

Кейіннен оқиға кейіпкерлері қаладағы №10 учаскелік полиция бөліміне жеткізіліп, жасөспірімнің ата-анасы да шақыртылған. Олардың айтуынша, жанжалдың өршуіне жасөспірім қыз бен ер адамның сөзге келіп қалуы себеп болған.

Оқи отырыңыз: Сабақта баланы ұрған: қостанайлық мұғалім қалай жазаланды

Жасөспірімнің анасы бұзақыны заң жүзінде жазалауды сұрап, құқық қорғау органдарына арыз жазды. Сондай-ақ, ол әлімжеттік құрбанына айналған қызына ара түспегені үшін сол маңдағы жаяу жүргіншілерге де ренішін білдірген.

73
Кілт сөздер:
Павлодар, әлімжеттік
Тақырып бойынша
Шипажайда баланы сүлгімен ұрған тәрбиеші қылмыстық жазаға тартылмайтын болды
Жаңаөзендік бапкер бетінен ұрған қыздың анасы мәлімдеме жасады
"Кетпенмен де ұрған": Шымкентте оқушы сыныптасының әкесін өлтірді
ҚР Әскери сот төрағасы әскердегі әлімжеттік жасау әрекеттері туралы айтып берді
ОҚО-да 10 жасар балаға жыныстық әлімжеттік көрсеткен бозбала ақталды
Танк Т-14 Армата в Москве перед началом репетиции военного парада на Красной площади

Ресейлік жаңа танк қандай болады

0
Бұл машиналар қорғаныс жағынан шынжыр табанды машиналардан әлсіз болғанымен, жылдамдығы, маневрі жағынан олардан едәуір асып түседі

"Бумеранг" бірыңғай броньды платформасы базасында алғашқы ресейлік дөңгелекті танк құрастырылмақ. Келешегі зор шассидің сипаттамалары оған "Спрут-СД" өздігінен жүретін танктегідей тегіс ұңғылы зеңбіректі қару-жарақ кешенін орнатуға мүмкіндік береді, деп түсіндірді "Әскери-өнеркәсіптік компания" бас директоры Александр Красовицкий. 

Красовицкийдің айтуынша, "Бумеранг" бірыңғай дөңгелекті платформасын құрастыру аяқталып қалды. Оның негізінде әзірленген К-16 броньды тасымалдағыштың мемлекеттік сынақтары жыл соңына дейін өтеді деп жоспарланған, деп жазады РИА Новости.

Инженерлердің сөзінше, конструкциясында ғылым мен техниканың ең заманауи жетістіктері қолданылған. Одан кейінгі жоспарда болашағынан үлкен үміт күттіретін К-17 броньды жаяу әскер машинасын, арнайы мақсаттағы техникалар мен басқа да үлгілерді сынақтан өткізу бар. "Әскери-өнеркәсіптік компанияның" бас директоры "Бумеранг" платформасы негізінде дөңгелекті танкті тез дайындау өнеркәсіп үшін проблема емес екенін баса айтты.

Мұндай техника Кеңес Одағында әзірленгенімен, Ресей әскерінде дөңгелекті танктер (толық айналмалы мұнарадағы қуатты қарумен жабдықталған броньды машиналар тобының бейресми атауы) болған емес. Бұл машиналар қорғаныс жағынан шынжыр табанды машиналардан әлсіз болғанымен, жылдамдығы, маневрі жағынан олардан едәуір асып түседі.

"Дөңгелекті танктер топырағы осы машиналар үшін қолайлы мемлекеттерде көп қолданылады", - дейді әскери сарапшы Алексей Леонков. – Мысалы, Африкада. Сондықтан, Оңтүстік Африка республикасы дөңгелекті танктерге басымдық береді. Олардың басты артықшылығы - жылдамдық пен жөндеуге дейінгі жүріс ұзақтығы. Егер негізгі соғыс танкі шамамен он мың километрден кейін бұзылып қалса, онда зеңбіректі броньды көлік жүз мың километр жүріп өтуге қауқарлы".

Сарапшының пікірінше, мұндай танктер Ресей армиясы үшін Орта Азия бағытында пайдалы болар еді. Себебі, бұл аймақтарда теміржолдардың өткізу қабілеті тым әлсіз. Ал дөңгелекті броньды машиналарды тас жолдар арқылы жеткізу қиынға соқпас еді. Сонымен қатар, мұндай техника дәл сол Сирияда патрльдеу жүргізу үшін септігін тигізеді. Қазір ол елдегі әскери полиция "Тигр" және БТР-82А броньді көліктерімен қатынап жүр.

Леонков танк, броньді тасымалдағыш секілді су кедергілерінен өтуге, қозғалыс және судан өту кезінде де оқ атуға қабілетті екенін баса айтты. Қуатты қарудың арқасында оны рейдтерде де, жалпы әскери операцияларда да қолдануға болады.

Дөңгелекті техниканың жол жабынына да ауыр салмақ түсірмеуі және зақымдамауы аса маңызды. Басқа танкілер ең берік асфальттың өзін бұзатыны белгілі. Ауыр броньды машиналарды арнайы тасымалдаушы техникамен жеткізудің себебі осында. Оларды тиеу және түсіру көп уақытты алады. Ал дөңгелекті танк соғысқа арнайы дайындықсыз-ақ жолдан қосыла алады.

125 миллиметрлі зеңбірегі бар жауынгерлік бөлімді дөңгелекті танктің негізгі қаруы ретінде қарастыруға болады. Бұл әуе-десанттық әскер үшін арнайы әзірленген "Спрут-СД" өздігінен жүретін танктегімен бірдей. 40 снарядты атыс жиынтығы мен оқтау автоматы бар тұрақтандырылған жүйедегі тегіс ұңғылы 2А75 қаруы Т-72 мен Т-90 танктеріндегі қару-жараққа ұқсас. Өздігінен жүретін танк тиісті калибрдегі оқ-дәрілердің барлық түрінен, сондай-ақ танкке қарсы басқарылатын зымырандардан оқ ата алады. Танктегі қарумен жұптастырылған 7,62 миллиметр калбирлі пулемет жауынгерлік бөлімнің қосалқы қаруы болып саналады.

Мұндай жабдықтаудағы зеңбіректі "Бумеранг" әлемдегі ең қуатты дөңгелекті танкке айналуы мүмкін. Батыс пен Шығыстағы осы типтегі әскери техниканың басым бөлігінде 05 миллиметрге дейінгі калибрлі қару орнатылған. Дөңгелекті танктер НАТО мен Азия аймағындағы бірнеше елдің қару-жарақ саласында бар. Бұл – Stryker платформасындағы америкалық M1128 MGS, француздардың AMX-10RC, жапондық MCV, италиялық Centauro. Қорғаныс министрлігі 2010 жылдың басында құрлық әскерлеріне арналған Centauro партиясын сатып алу туралы Риммен келіссөздер жүргізген болатын. Сынақ жүргізу үшін бірнеше көлік Ресейге жеткізілді. Бірақ іс одан әрі алға баспады: италиялық дөңгелекті танктер әскери техниканың сенімділігі жөнінде ресейлік талаптарға сәйкес келмеді.

"Бумеранг" перспективалы дөңгелекті платформасы алғаш рет 2015 жылғы Жеңіс күніндегі шеру кезінде көпшілік назарына ұсынылды. Бұл базадағы техника БТР тобына жататын кеңестік және ресейлік броньды тасымалдағыштарға қарағанда айтарлықтай ірі және қуатты.

750 ат күші бар ЯМЗ-780 қозғалтқышы магистральді жолда машинаны сағатына 100 километрге дейінгі жылдамдықпен жүргізе алады. Мотор бөлімі алдыңғы бөлікте орналасқан. Ол десанттың танктің артқы жағынан шығып-кіруіне мүмкіндік береді. "Бумеранг" тобындағы машиналарда құрамында керамика бар көпқабатты броньдау қолданылған. Бұл біртекті қорғанысқа қарағанда әлдеқайда сенімді.

Басқарылатын "Бумеранг-БМ" әмбебап әскери модулі бар K-17 дөңгелекті жаяу әскерге арналған әскери машина әлі күнге дейін "Бумеранг" тобындағы ең қуатты машина болып саналады. Сондай-ақ, бұдан да ауқымды нұсқа тағы бар. К-17 әскери машинасына арналған ықтимал модульдердің бірі – минутына 120 оқ ата алатын 57 миллиметрлі зеңбірегі бар АУ-220М "Байкал". Оның снарядтарының күші батыста шығарылған барлық заманауи жаяу әскердің соғыс машиналарына қарсы тұруға жеткілікті. Сонымен қатар, 57 миллиметрлі калибр ұшқышсыз ұшу аппараттарын, оның ішінде 12 километрге дейінгі аралықта ұшатын шағын ұшақтарды сәтті жоя алады.

0