Зорлық-зомбылық

Алматыда әйелді зорлап, видеоға түсірді: оқиғаға қатысты ресми түсініктеме

3080
(Жаңартылды 15:59 15.10.2020)
Қаланың бас полицейі сараптама қорытындысы шыққан соң Қылмыстық кодекстің екі бабы бойынша іс қозғалуы мүмкін екенін айтты

АЛМАТЫ, 15 қазан — Sputnik. Алматы полиция департаментінің басшысы Қанат Таймерденов  әлеуметтік желіде жарияланған жазбаға қатысты түсініктеме берді.

Оның айтуынша, #НеМолчи қорының жетекшісі Дина Таңсәрі (Смайылова) жазған оқиғаға байланысты айғақ жинау жалғасып жатыр. 

"Қылмыс жасаған соң келесі күні күдікті уақытша ұстау изоляторына жеткізілді. Қазіргі уақытта сот санкциясымен қамауға алынды. Тиісті сараптамалар тағайындалды", - деді Таймерденов брифингте. 

Сондай-ақ, ол сараптама қорытындысы шыққан соң Қылмыстық кодекстің екі бабы бойынша іс қозғалуы мүмкін екенін жеткізді. 

"Оқиғаны видеоға түсірген әйел неге бостандықта жүр" деген сауалға Алматының бас полицейі "ол әзірге куәгер" деп жауап берді. Оның бұл мәртебесі тергеу кезінде өзгеруі мүмкін.

"Біз ешкімді қылмыстық жауапкершіліктен қорғап отырған жоқпыз. Ресми түрде мәлімдеймін. Егер әйелдің кінәлі екеніне нақты дәлелдер болса, дәл сол күні шешім қабылдар едік", - деді Қанат Таймерденов.

Желідегі жазба

Еске сала кетсек, 14 қазанда, #НеМолчи қорының жетекшісі Дина Таңсәрінің (Смайылова) Facebook парақшасында 26 қыркүйекте Алматыда болған жантүршігерлік қылмыс туралы жазба жарияланды. 

"Әйелді (33-те) құрбысы (48-де) өзінің болашақ күйеуімен таныстыру үшін қонаққа шақырған. Олар біраз уақыттан бері таныс болғандықтан, әйел ойланбастан кешкі сағат 5-те құрбысына қонаққа барды. Кейін пәтер бір тәулікке жалға алынғаны белгілі болды. Бәрі таныстықты атап өткен, бұдан соң 33 жастағы әйел өзін жайсыз сезініп, есінен танып қалды. Бұдан кейін не болғанын білмейді. Кейін өзін ұрып, зорлап, бір нәрсе ішкізгенін еміс-еміс есіне түсірді. Кейін бұл сұмдықтың түнгі екіге дейін жалғасқаны және күдіктілер бәрін ұялы телефонға видеоға түсіргені анықталды", - деп жазды Таңсәрі.

3080
Кілт сөздер:
түсініктеме, видео, зорлық-зомбылық, Алматы
Тақырып бойынша
"Әйелді жұмысынан алып кеткен": Қарағанды жолында болған сұмдықтың мән-жайы анықталды
"6-сыныптан бастап зорлады": Түркістанда 14 жастағы қыз өгей әкесіне айып тақты
Үштөбеде оқушыны зорлады деген күдікке ілінген мұғалімдерге қатысты ақпарат жарияланды
Көмектес деп шақырған: астаналық әйел бұрынғы сүйіктісін өзін зорлады деп айыптады
Екібастұздық блогер бала зорлады деген күдікпен қамалды – видео
Жедел жәрдем

Шымкентте ер адам 11-қабаттан құлап кетті

99
(Жаңартылды 10:45 27.10.2020)
Ер адам жаңадан соғылып жатқан тұрғын үйдің 11-қабатынан құлап кетті. Алған жарақатынан дәрігерлер жеткенше көз жұмды 

АЛМАТЫ, 27 қазан – Sputnik. Шымкентте құрылыс алаңында 25 жастағы жігіт 11-қабаттан құлап кетті. Ер адам жарақат салдарынан жедел жәрдем келгенше қайтыс болды. Енді Шымкенттің еңбек инспекциясы құрылыс алаңында қауіпсіздік техникасының сақталуын тексеруге кірісті.

Оқиға 25 қазанда түстен кейін Шымкент қаласында "Нұрсат" шағын ауданындағы көпқабатты тұрғын үй құрылысының аумағында болды.

Бас мердігер компания өкілдерінің айтуынша, құрылысты қосалқы мердігер жүргізген. Марқұм сол серіктестікте жалданып жұмыс істеген, деп жазды аймақтық Otyrar басылымы. 

Еңбек инспекциясының хабарлауынша, жедел жұмыс тобы құрылып, еңбек қауіпсіздігі бойынша заңнаманың сақталуын тексеруге кірісті. Атап айтқанда, жексенбіде жұмысқа шығу заң аясында тексеріліп жатыр.

Тексеру комиссиясының нәтижесі мен қорытындысы полицияға беріледі. Егер қайғылы жағдай жұмыс берушінің тікелей кінәсінен болғаны дәлелденсе, мердігер компания заң алдында жауап береді.

Айта кетейік, жыл басынан бері Шымкентте өндірісте 30-ға жуық жазатайым оқиға тіркелді. Оның ішінде 11 адам ауыр дене жарақатын алды, 4 жұмысшы қайтыс болды. Жазатайым оқиғаларға байланысты еңбек инспекциясы сақтық шараларын қатаң сақтауды ұсынады.

99
Кілт сөздер:
құрылыс, ер адам, Шымкент
Тақырып бойынша
Ер адамнан кейін әйел секірді: желіде Нұр-Сұлтанда болған оқиғаның видеосы тарады
Алматыда ер адам 12-қабаттан секіріп кетті - оқиғаның мән-жайы
Қарағанды облысында ерлі-зайыпты балконмен бірге құлап кетті - видео
Көрпеге салып, скотчпен орап тастаған: Шымкентте әйелдің мәйіті табылды
Шымкентте үш жасар бала бензин ішіп қойды: дәрігерлер жағдайын айтты
Төбелес, архивтегі сурет

Қарағандыда жаппай төбелес болғаны хабарланды

927
(Жаңартылды 09:27 27.10.2020)
Ер адамдар пабта отырған, мекеме жабылған соң жанжал туындап соңы жаппай төбелеске дейін жетті

НҰР-СҰЛТАН, 27 қазан — Sputnik. Қарағандыда болған жаппай төбелес салдарынан үш ер адам жарақат алды, пышақ тиген. Біреуі ауруханада жатыр.

Олар қаладағы барлардың бірінде отырған. Бірге бармағаны хабарланып отыр. Паб жабылған соң далада жанжал туындаған, деп хабарлайды Astana телеарнасы.

Оқиға орнына жеткен полицейлер төбелесті тоқтатты. Қарағанды облысы полиция департаментінің ақпаратына сәйкес, жанжалға не себеп болғаны анықталып жатыр.

"Полиция қызметкерлері оқиғаға қатысы барларды ұстап, полиция бөліміне жеткізді. Үшеуі жарақат алып, ауруханаға түсті. Біреуі ем қабылдап жатыр. Оқиғаның мән-жайы анықталуда", - деді полиция департаментінің баспасөз хатшысы Жанатай Сембеков.

Ауруханада жатқан ер адамның бауырына пышақ тиген. Қазіргі уақытта жағдайы тұрақты.

Қару қолданумен болған "бұзақылық" бабы бойынша қылмыстық іс қозғалды.

927
Кілт сөздер:
жаппай төбелес, Қарағанды
Тақырып бойынша
Алматы облысында қытайлармен төбелеске не себеп болғаны айтылды
Шымкентте жаппай төбелес кезінде ауыр жарақат алған жігіт қайтыс болды
"Ұр дедім!": балаларды төбелестірген қарағандылық жұрттың ашуына тиді – видео
Нұр-Сұлтанда жаппай төбелес видеоға түсіп қалды – полиция түсініктеме берді
Алматы облысында түрмеде төбелес шықты
Мария Бутина, ресейлік публицист және қоғам қайраткері

Журналистер өз құқығын қалай қорғауы тиіс

0
Sputnik халықаралық ақпараттық агенттігі және радио SputnikPro білім беру жобасының онлайн-сессияларын жалғастыруда. Модульге қатысуға қазақстандық журналистер мен медиа сарапшылар шақырылады

НҰР-СҰЛТАН, 27 қазан – Sputnik. АҚШ-қа қарсы қастандық жасады деп айыпталып, тура бір жыл бұрын Ресейге оралған ресейлік әлеуметтік белсенді Мария Бутина ресейлік және шетелдік журналистерге "Егер сіз журналист болсаңыз, өз құқығыңызды қалай қорғауыңыз қажет?" тақырыбында вебинар өткізеді. Вебинар 30 қазан, жұма күні Sputnik халықаралық жаңалықтар агенттігі мен радиосының SputnikPro жобасы аясында сағат 16:00-де (Нұр-Сұлтан уақытымен) өтеді.

Мария Бутина шеберлік сабағында қатысушылар сауалдарына жауап береді. Модульге қатысу үшін мына сілтеме бойынша тіркелуге болады.

SputnikPro онлайн-маусымын наурыз айының ортасында ашты. Сессияларда коронавирустық пандемия контекстіндегі жұмыс ерекшеліктері, веб-сараптама мен авторлық құқық құралдарының көмегімен өзіңді және қолданушыны шатастырмауды, ақпараттың шынайылығын тексеру мен жаңалықтар ресурсына қолжетімділікті қамтамасыз етуді, сондай-ақ "жалған ақпараттардан" аулақ болып, жаңалықтар ресурстарындағы трафикке қол жеткізу мәселелері талқыланады. Қатысушылар чатта бір-біріне хабарламалар жібере отырып, бір мезетте пікір алмаса алады.

Оқи отырыңыз: SputnikPro вебинары: мамандар БАҚ-ты қалай ілгерілету керек екенін түсіндіреді

SputnikPro – Sputnik халықаралық ақпарат агенттігі мен радиосының журналистерге, жоғары оқу орындарының студенттеріне, баспасөз қызметінің өкілдері мен медиа менеджерлерге арналған, шетелдік әріптестермен тәжірибе алмасуға және кәсіби байланыстарды дамытуға бағытталған жоба. Жоба модулінің жүргізушілері ретінде Sputnik бөлімшелерінің жетекшілері, сондай-ақ басқа да ресейлік танымал журналистер мен сарапшылар сөз сөйледі. 2018 жылдың наурыз айынан бастап SputnikPro Армениядан Үндістанға, Грекиядан Қытайға дейін 22 елде шеберлік сабағы мен семинарлар өткізді. Әлемнің 80 елінен барлығы 3000-нан астам тыңдаушы қатысты. Жоба жаңалықтарымен Facebook-тегі парақшасынан таныса аласыз.

Sputnik – ауқымды халықаралық бұқаралық ақпарат құралдарының бірі. Ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарларды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілдерінде ақпарат жеткізеді. Sputnik ақпарат ресурсының аудиториясы – айына 80 миллион, ал оның әлеуметтік желідегі тіркелушілерінің саны 20 миллионнан асады. Бішкектен Кишиневке және Пекиннен Монтевидеоға дейінгі әлемнің 24 редакциялық орталығында мыңнан астам ондаған ұлт өкілдері жұмыс істейді. Sputnik "Россия сегодня" медиатобына кіреді. Бас кеңсесі Мәскеу қаласында орналасқан.

0
Кілт сөздер:
оқыту, баспасөз
Тақырып бойынша
SputnikPro сарапшысы қызықты тікелей эфирдің лайфхактарын бөлісті
Видеоролик жасау кезеңдері және оны безендіру ережесі – SputnikPro лайфхактары
SputnikPro жобасы редакциялық кәсіби шеберлік құпиясымен бөліседі
SputnikPro-да Беларусьтегі жағдай мен әлеуметтік желі мүмкіндігі талқыланады
Әлеуметтік желілер ықпалды саяси алаңға айналды – SputnikPro сарапшысы