Оқиға орнынан түсірілген сурет

Қос полицей қазасы: жол апатына кінәлі жүргізушіге қатысты тың деректер жарияланды

2440
(Жаңартылды 11:34 16.10.2020)
Адам өліміне әкелген жол апаты бойынша қылмыстық іс 10 жылға дейін бас бостандығынан айыруды көздейтін басқа бапқа ауыстырылды

НҰР-СҰЛТАН, 16 қазан – Sputnik. Щучинскіде екі полиция қызметкері көз жұмған жол апатына кінәлі жүргізушінің мас күйде болғаны медициналық сараптамамен расталды.

Химиялық және токсикологиялық сараптаманың қорытындысына сәйкес, қызметтік көлікпен соқтығысқан Lexus жүргізушісі орташа дәрежеде мас күйде болған, деп хабарлайды Polisia.kz.

Осыған байланысты бұл істі қарау Қылмыстық кодекстің 346-бабының 6-бөлігіне (Көлік құралдарын басқару құқығынан айырылған және алкогольдік мас күйде көлік құралын басқару, соның салдарынан абайсызда екі немесе одан да көп адамның өліміне әкеп соқтыру) ауыстырылды.

Бұл бап сегіз жылдан он жылға дейінгі мерзімге бас бостандығынан айыру жазасын қарастырады.

Жол апатына кінәлі жүргізушінің көлігінде мас күйде екі жолаушы болғаны анықталды. Олар түрлі дене жарақатымен ауруханаға жатқызылды.

Жантүршігерлік жол апаты видеоға түсіп қалды

Жол апаты 15 қазан күні түнде Щучинск қаласындағы Абылай хан мен Сейфуллин көшесінің қиылысында болды. Бағдаршамның қызыл түсін елең қылмаған Lexus автокөлігі жоғары жылдамдықпен полицейлер мінген қызметтік көліктің бүйірінен соғады. 

Посмотреть эту публикацию в Instagram

Публикация от SPUTNIK|ҚАЗАҚСТАН (@sputnik_kz)

Учаскелік полиция инспекторлары алған жарақат салдарынан оқиға орнында қайтыс болды.

Ақмола облыстық полиция департаментінің хабарлауынша, жол апаты кезінде Lexus автокөлігін басқарған жүргізуші осы кезге дейін де бірнеше рет жауапкершілікке тартылғаны белгілі болды.

Атап айтқанда, Қылмыстық кодекстің 200 және 346-бабына сәйкес (Автомобильді немесе өзге де көлік құралын ұрлау мақсатынсыз иелену; көлік құралдарын басқару құқығынан айырылған және алкогольдік, есірткілік немесе масаң күйде адамның көлік құралын басқару) 2022 жылға дейін көлік жүргізу құқығынан айырылған.

Қаза болған полицейлер туралы не білеміз

Полиция капитаны Қанат Отарбаев ішкі істер органдарында 16 жыл қызмет еткен. Қызметтік міндеттерін адал орындағаны үшін 22 рет марапатталған, оның артында үш баласы мен әйелі қалды.

Полиция капитаны Қанат Хамидуллиннің ішкі істер органында жұмыс істеп келе жатқанына 12 жыл болған. Осы уақыт аралығында ол 23 рет марапатталған. Марқұмның артында аяғы ауыр әйелі мен жеті жасар ұлы қалды. 

Посмотреть эту публикацию в Instagram

Публикация от ҚР ІІМ | МВД РК (@qriim_mvdrk)

Ішкі істер министрі қаралы отбасына көңіл айтты.

"Олардың кәсіби шеберлігі, әдептілігі, жұмысқа деген адалдығы басшылық тарапынан да, тұрғындар тарапынан да бірнеше рет жоғары бағаланды. Оларды әріптестері құрметтеді. Ішкі істер органдарының барлық жеке құрамы қаза тапқандардың отбасы мен туыстарының қайғысына ортақтасады", – деп атап өтті министр Ерлан Тұрғымбаев.

Оқи отырыңыз: Блок бекеттегі апат: марқұм полицейдің әйелі алғаш рет қайғылы оқиға жайлы айтты

2440
Кілт сөздер:
Щучинск, полицейлер
Тақырып бойынша
Алматыда карантин енгізілгеннен кейін жол апаты азайды
Түркістан облысында жантүршігерлік жол апаты төрт адамның өмірін қиды
Жол апаты кезінде терезеден ұшып кеткен баланы куәгер құтқарып қалды – видео
Алматы облысында жантүршігерлік жол апаты болды – видео 
Павлодар облысында жантүршігерлік жол апаты бес адамның өмірін қиды
Тапаншамен ату

Шудағы арнайы операция: полицейлер арасындағы атыста біреуі ажал құшты

2004
(Жаңартылды 10:35 20.10.2020)
Атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өткен. Ал қуғыншылар оларды тоқтату үшін қару қолдануға мәжбүр болған

НҰР-СҰЛТАН, 20 қазан – Sputnik. Жамбыл облысында жүргізілген арнайы операция кезінде полиция қызметкерлеріне қарсы оқ атылып, бір адам қаза болды, деп хабарлайды Polisia.kz.

Көліктегі полиция департаментінің Шоқпар станциясындағы желілік полиция басқармасының қызметкерлері есірткі тасымалымен айналысады деген күдікке ілінген.

Ішкі қауіпсіздік қызметіне полиция өкілдерінің есірткі жинап, оларды сату үшін Құмөзек аймағына баруы жоспарланып отыр деген ақпарат түскендіктен, арнайы мақсаттағы бөлім қызметкерлерімен бірлесе операция жүргізеді. Сондықтан да күдіктілердің жолын бөгеу үшін Шу – Тараз тас жолын жауып, олар мінген көлікті тоқтатуға әрекет жасалған.

Алайда, атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өтіп, оқиға орнынан жасырынуға тырысады. Сондай-ақ, олар өз әріптестерінің ескертулеріне құлақ аспаған соң, қуғыншылар көлікті тоқтату үшін қару қолдануға мәжбүр болған.

"Үш күдіктінің екеуі атыс қаруынан жарақат алып, біреуі медициналық мекемеде көз жұмды. Жараланғандардың бірі ауруханаға жеткізілсе, тағы бірі уақытша ұстау изоляторына қамалды", – делінген ақпаратта.

Қазіргі кезде осы оқиғаға байланысты Қылмыстық кодекстің 297, 345, 362-бабына сәйкес сотқа дейінгі тергеу жүргізілуде. Тергеу мүддесіне сәйкес өзге ақпарат жарияланбады.

Оқи отырыңыз: Түркістан облысында браконьердің әкесі инспекторларға оқ атты

Айта кетейік, Қылмыстық кодекстің 297-бабы – есірткі құралдарын, психотроптық заттар мен олардың баламаларын алу, сату, сақтау немесе өткізу мақсатында заңсыз дайындап, өңдеп, тасымалдағаны үшін;

345-бабы – көлік құралдарын басқаратын адамдардың жолда жүру немесе көлік құралдарын пайдалану ережелерін бұзғаны үшін;

362-бабы – қызметтік өкілеттік пен билікті асыра пайдаланғаны үшін жауапкершілік қарастырады.

2004
Кілт сөздер:
полицейлер, шу, Жамбыл облысы
Тақырып бойынша
Алматы саябағына жас жігіт қаруланып келіп, оқ атты
Шымкенттегі үйлену тойында қонақты пышақтап, маңдайына оқ атты
Талғарда қоғам белсендісіне оқ атты: әкім мен оның жүргізушісі ұсталды
Ұлы көз жұмды: белгісіз біреу қала орталығында депутаттың көлігіне оқ атты
Көзіне дәл тиген - Алматы облысы полиция бастығының орынбасарына оқ атты
Алматыдағы бизнес орталық

Алматыда бизнес орталықтан 300-ге жуық адам эвакуацияланды

68
(Жаңартылды 16:44 19.10.2020)
Эвакуация сағат 12.40-та басталды. Бизнес орталықта жұмыс істейтін барлық қызметкер сыртқа шығарылды

АЛМАТЫ, 19 қазан – Sputnik. Алматыда "Қаратал" бизнес орталығында ішінде не бар екені белгісіз сөмкеге байланысты 300-ге жуық адам эвакуацияланды, деп хабарлайды Sputnik Қазақстан.

Из бизнес-центра в центре Алматы эвакуировали всех из-за подозрительной сумки
© Sputnik / Тимур Ниталиев
Белгісіз сөмкенің кесірінен Алматы орталығындағы ғимараттан 300-ге жуық адам қауіпсіз жерге шығарылды

Эвакуация сағат 12.40-та басталды. Ғимаратта жұмыс істейтін барлық қызметкер сыртқа шығарылды. 
Алматы полиция департаментінің баспасөз қызметі Sputnik Қазақстан тілшісіне эвакуацияға бірінші қабатта белгісіз біреу қалдырып кеткен сөмке себеп болғанын айтты.

"Әйел сөмкені бірінші қабатта қалдырып кеткен. Сөмкеде қарапайым заттар болды. Біздің қызметкерлер барлығын тексеріп, сөмкенің иесін тапты. Кеңсе қызметкерлері жұмысына оралды, олардың өміріне қауіп төніп тұрған жоқ", - деді полиция.

Из бизнес-центра в центре Алматы эвакуировали всех из-за подозрительной сумки
© Sputnik / Тимур Ниталиев
Кеңсе қызметкерлері жұмысына оралды, олардың өміріне қауіп төніп тұрған жоқ

Айта кетейік, "Қаратал" бизнес орталығы Алмалы ауданында Шевченко көшесі мен Наурызбай батыр көшесінің қиылысында орналасқан.

 

68
Кілт сөздер:
тұрғындарды эвакуациялау, Алматы
Тақырып бойынша
Көшеде жатқан көк сөмке шымкенттіктердің зәре-құтын қашырды
Төтенше оқиға: Петропавлда мейрамханадан 200-ге жуық адам қауіпсіз жерге шығарылды
Шығыс Қазақстанда төтенше оқиға болды - 200 адам қауіпсіз жерге шығарылды
Алматыда Esentay Mall орталығынан адамдар шұғыл эвакуацияланды
Өскеменде иесіз жатқан сөмке күдік туғызып, бүтін бір көше қоршалды

Қонаевтың ескерткіші желіде қызу талқыланып жатыр: арнайы текскеріс болады

0
Бұған дейін облыстың мәдениет, архивтер және құжаттама басқармасы Дінмұхамед Қонаевтың ескерткішін орнатуға бюджеттен ақша бөлінбегенін хабарлады

АЛМАТЫ, 21 қазан – Sputnik. Алматы облысында Дінмұхамед Қонаевқа арналған ескерткішке қатысты облыстың мәдениет басқармасы түсініктеме берді. Эскиздегі ескерткіш пен желіде тараған фото арасындағы айырмашылықтың бар болуына байланысты арнайы жұмыс тобы құрылды, деп хабарлайды Sputnik Қазақстан.

"Мемлекет және қоғам қайраткері Дінмұхамед Ахметұлы Қонаевтың ескерткішін Балқаш ауданы Бақанас ауылындағы Қонаев саябағына орнатуды Балқаш аудандық әкімдігі ұсынды. 15 қазанда Алматы облысының тарих және мәдениет ескерткіштерін қорғау жөніндегі комиссиясы құжаттарды қарастырып, Нұр-Сұлтан қаласындағы мемлекеттік комиссия қарауына ұсынды", - деді мәдениет басқармасы Sputnik Қазақстан тілшісіне .

Облыстың мәдениет басқармасының хабарлауынша, құрылған жұмыс тобы айырмашылықтар мен заңбұзушылықтарды анықтау үшін Балқаш ауданына іссапарға кетті.

"Әлеуметтік желіде пайда болған ескерткіштің фотосы мен комиссияға ұсынылған эскиздік жобадағы ескерткіш фотосы арасында айырмашылықтар анықталды. Осыған орай айырмашылықтар мен заңбұзушылықтарды анықтау мақсатында арнайы жұмыс тобы құрылды", - деді басқарма өкілдері.

Айта кетсек, бұған дейін облыстың мәдениет, архивтер және құжаттама басқармасы Дінмұхамед Қонаевтың ескерткішін орнатуға бюджеттен ақша бөлінбегенін хабарлады. Барлығы демеушілер қаржысына жасалып жатыр.

0
Кілт сөздер:
ескерткіш, Дінмұхамед Қонаев, Алматы облысы
Тақырып бойынша
Қонаевтың жаңа ескерткіші төңірегінде дау туды – видео 
"Ол мені қорғап қалды" Дінмұхамед Қонаев туралы не білеміз?
Нұрғали Нүсіпжанов Дінмұхамед Қонаевтың өзіне не дегенін айтты
Нұр-Сұлтанда мектепке Қонаевтың есімін беру ұсынылды – әкім не дейді?
Дінмұхамед Қонаевтың қарындасы қайтыс болды