инкассаторлар

"Шабуыл жасап, үш қап ақшаны алып кетті": банк желіде тараған видеоны растады

4789
(Жаңартылды 10:56 12.12.2020)
Шабуыл кезінде көлікте инкассатор жүргізушісі ғана болған, ол банк бөлімшесіне кірген әріптестерін күтіп отырған

НҰР-СҰЛТАН, 4 желтоқсан – Sputnik. Жаңаөзен қаласында инкассаторларға қарақшылық шабуыл жасалды. "Сбербанк" АҚ еншілес банкі желіде тараған видеоға түсініктеме берді, деп хабарлайды Sputnik Қазақстан тілшісі.

Әлеуметтік желіде тараған видеодан инкассатор көлігіне бірнеше адамның шабуыл жасағанын көруге болады. Одан кейін ақ түсті жеңіл көлікке отырып, қашып кетеді.

"Кейбір ақпарат көздеріне сәйкес, 3 желтоқсанда сағат 18:40-та Жаңаөзен қаласындағы Көктем шағын ауданында орналасқан банк бөлімшесіне инкассация жасалғанда пышақ ұстаған төрт адам инкассаторлық көлікке қарақшылық шабуыл жасады. Қылмыскерлер 62 532 542 теңге, 19 696 доллар мен  495 450 ресей рублі бар үш қап ақша және мультикассетаны алып кетті", - делінген бейресми ақпаратта.

Қарақшылар қашып бара жатқанда инкассатор жүргізушісі ақ түсті Nexia көлігінің артынан оқ атқан.

"Сбербанк" АҚ еншілес банкі инкассторларға шабуыл жасау фактісін растады. Алайда ұрланған ақшаның нақты сомасын жариялаған жоқ. Себебі инкассация – өзге компанияның қызметі.  

"Шынымен де, 2020 жылы 3 желтоқсан күні кешкі уақытта Сбербанк бөлімшесінің жанында өзге компанияға тиесілі және банкке қызмет көрсететін инкассаторлық көлікке қарақшылық шабуыл жасалды. Сол кезде көлікте инкассатор жүргізушісі ғана болды. Ол банк бөлімшесіне кірген әріптестерін күтіп отырған", - делінген ресми мәлімдемеде.

Банк көліктегі ақшаның ұрланғанын, бірақ оның бәрі бөлімшеге келгенге дейін басқа ұйымдардан жиналғанын мәлімдеді.

"Осылайша, Сбербанк клиенттерінің ақшасы толығымен сақталғанын хабарлаймыз. Алдын ала мәліметке сәйкес, шабуыл кезінде ешкім зардап шеккен жоқ. Сбербанк жасалған қылмыстың қысқа уақыттың ішінде ашылатынына, кінәлі адамдардың жазаға тартылатынына және ақшаның иелеріне қайтарылатынына үміттенеді. Банк қылмысты ашуға барынша атсалысады", - дейді банк қызметкерлері.

4789
Кілт сөздер:
видео, ақша, шабуыл
Архивтегі фото

Қазақстандықтар таратып жатқан жантүршігерлік видео қайда түсірілгені белгілі болды

7904
(Жаңартылды 16:03 07.03.2021)
Stopfake.kz порталы Нұр-Сұлтан қаласында түсірілді делінген видеоның Қазақстанға еш қатысы жоқ екенін жазды

НҰР-СҰЛТАН, 7 наурыз – Sputnik. Әлеуметтік желіде бірнеше адамның өмірін қиған қайғылы оқиғаның видеосы тарады.  

Роликтің астына: "Нұр-Сұлтан әкімдігі 8 наурызға орай көпбалалы аналарға 17 доллардан беріп жатыр", - деп жазылған.

Stopfake.kz порталы ол Қазақстанда түсірілмегенін хабарлады. Бұл онсыз да түсінікті еді, өйткені видеода адамдар не қазақша, не орысша сөйлемейді.

Кадрдан көпқабатты ғимараттың жоғарғы қабатындағы галереяда көптеген адам кептеліп қалғанын көруге болады. Таяныш қысымға шыдамай, сынып кетіп, бірнеше адам құлап кетеді.

Бұл видео Боливияда, Эль-Альто университетінде түсірілген. Трагедия студенттер жиналысқа бара жатқан кезде болған. Салдарынан бес адам көз жұмды, тағы үшеуі ауыр халде ауруханаға жеткізілді.

Оқи отырыңыз: Батыс Қазақстан полициясы "қыздың елесі жүрген" ауылды тексерді – видео 

7904
Жедел жәрдем көлігі

Атырау облысында үйден 4 адамның мәйіті табылды

20214
(Жаңартылды 10:19 06.03.2021)
Трагедия Атырау облысы Махамбет ауданы Ақтоғай ауылында болған. Қайтыс болғандардың үшеуі ересек, біреуі бес жасар бала екені хабарланып отыр

АЛМАТЫ, 6 наурыз – Sputnik. Аудандық өрт сөндіру қызметіне 5 наурыз, жұма күні хабар түсті. Оқиға орнына жеткен қызметкерлер төрт адамның мәйітін тапты, деп хабарлайды "Ақ жайық".

Трагедия Атырау облысы Махамбет ауданы Ақтоғай ауылында болған. Облыстық төтенше жағдайлар департаменті 1974, 1991 жылы туған ер адамдар мен 1977 жылғы әйел және 2016 жылы туған қыздың денесі табылғанын хабарлады.

Қазіргі уақытта төтенше жағдайлар бөлімінің және құқық қорғау органдарының қызметкерлері оқиға орнында жұмыс істеп жатыр. Алдын ала болжам бойынша иіс тиіп уланған.

Болған жағдайдың мән-жайы қосымша хабарланатын болады.

Еске сала кетсек, 19 ақпанда Жамбыл облысындағы Жаңатаста 3-қабаттағы пәтерде өрт шығып бес бала көз жұмған болатын. 2015, 2016, 2017, 2019 және 2020 жылдары туған екі ұл мен үш қыз ересектер қарауынсыз қалған.

Өрт салдарынан балалар иіс тиіп уланып, ауруханаға жеткізілді. Алайда аман алып қалу мүмкін болмады.

20214
Кілт сөздер:
мәйіт, өрт, Атырау облысы
Тақырып бойынша
Түркістанда 4 бала өлі табылды - оқиға орнына құтқарушылар мен полицейлер жетті
Бір үйдің 5 баласы көз жұмды – Жамбыл облысында пәтер отқа оранды
"Бұл еліміздің қасіреті": Тоқаев Жаңатастағы балалар өлімі туралы айтты
Жаңатаста 5 баланың өмірін қиған өрттің себебі анықталды
Жаңатаста 5 баласынан айырылған отбасыға пәтер берілді
Коронавирус, аурухана

Коронавируспен ауырғандарда қандай дерт пайда болуы мүмкін

15
(Жаңартылды 14:20 08.03.2021)
Бұған дейін дүниежүзілік денсаулық сақтау ұйымы COVID-19 пандемиясының аяқталу уақытына қатысты болжам жасады. Мамандардың айтуынша, ол 2022 жылдың басында тоқтайды

АЛМАТЫ, 8 наурыз – Sputnik. Covid-19 инфекциясын жұқтырып, сауығып шыққан адам қалпына келуі үшін біршама уақыт қажет. Алайда көп жағдайда аурудан кейін денсаулық нашарлауы мүмкін.

Оксфордтың Брукс университетінің мамандары науқастардың көпшілігінде қысқа мерзімді жүйке-психика бұзылуы байқалатынын анықтады, деп хабарлады РИА Новости.

Мысалы, адамдардың 95%-інде аурудан кейінгі стресс, 45%-інде көңіл бөлудің бұзылуы, 13-28%-інде есте сақтау қабілетінің нашарлауы анықталған.

Сонымен қатар Сovid-19 инфекциясын жұқтырғанға дейін бұл науқастарда мұндай ауытқулар болмаған.
Ал 17-42% адамда аурудан кейін депрессия пайда болған. Науқастардың арасында есте сақтау (38-50%) қабілетінің нашарлауына шағымданғандар да бар.

Айта кетейік, бұған дейін дүниежүзілік денсаулық сақтау ұйымы COVID-19 пандемиясының аяқталу уақытына қатысты болжам жасады. Мамандардың айтуынша, ол 2022 жылдың басында тоқтайды.

15
Кілт сөздер:
дерт, коронавирус
Тақырып:
Коронавирус эпидемиясы
Тақырып бойынша
Әлем халқының небәрі 10 процентінде коронавирусқа қарсы антидене бар – ДДҰ
Астанада коронавирусқа кімдер жиі шалдығатыны анықталды
Ғалымдар коронавирустың "британдық" штаммын анықтайтын алғашқы тест әзірледі
Ғалымдар коронавирустың түсін анықтады
Еуропада коронавирустың үшінші толқыны басталды – видео