Полиция автокөлігінің мигалкасы, архивтегі сурет

Көкшетаулық полицейлер 17 адамды өрттен құтқарды

309
Өрт сөндіру бөлімінің қызметкерлері келгенге дейін полицейлер тұрғындарды эвакуациялап, адамдарды құтқару жұмыстарын шебер ұйымдастырған

НҰР-СҰЛТАН, 13 желтоқсан – Sputnik. Көкшетауда көп қабатты тұрғын үйдің бірінде пәтер отқа оранды. Өрт сөндірушілер мен полицейлер 17 адамды, оның ішінде бес баланы құтқарды, деп хабарлайды Sputnik Қазақстан.

Сайын көшесіндегі көпқабатты тұрғын үй пәтерінің бірінде өрт шыққаны  туралы полицияға хабар түскен. Ас үйден шыққан тілсіз жау, заттар мен жиһаздарды шарпыған.

"Полиция қызметкерлерінің жұмысы жақын орналасқандықтан аға лейтенант Ерсайын Елубаев пен Олжас Әлпейісов оқиға орнына шұғыл жетіп, адамдарды эвакуациялауға кіріскен. Оларға кейінірек Әскер-3 пен Әскер-7 экипажының қызметкерлері де көмекке келді. Сондай-ақ, тұрғындардың бірі чипі бар кіреберістің кілтін балконнан лақтырып, құтқарушылардың жұмысын жеңілдетті", – делінген Ақмола облыстық полиция департаментінің хабарламасында.

Өрт сөндіру бөлімінің қызметкерлері келгенге дейін полицейлер тұрғындарды эвакуациялап, адамдарды құтқару жұмыстарын шебер ұйымдастырған.

"Оқиға орнына бес жедел жәрдем көлігі келді. Екі адам көпсалалы қалалық ауруханаға жеткізіліп, тексерістен кейін үйіне жіберілді. Қазіргі кезде өрттің шығу себептері анықталып жатыр", – дейді Көкшетау қаласы ТЖ бөлімі бастығының орынбасары Максим Шатковский.

Өрт 17 минут ішінде толығымен сөндірілді.

Оқи отырыңыз: Қостанай облысында аурухана отқа оранды – видео

Ақмола облысының төтенше жағдайлар департаменті өрт сөндірушілер келгенге дейін адамдарды құтқарған полиция қызметкерлеріне алғыс білдірді.

309
Кілт сөздер:
Көкшетау, өрт
Тақырып бойынша
Қала қызыл жалын құрсауында қалғандай: Петропавлда алапат өрт болды – видео
Павлодарда көпқабатты үйден өрт шықты
Нұр-Сұлтанда тұрғын үйден өрт шығып, екі адам көз жұмды
Министр өңірлерде неге өрт жиілегенін айтты 
Алматыда салынып жатқан көпқабатты үйден өрт шықты – видео
Телефон

WhatsApp-пен аудиохабарлама алған Өскемен тұрғыны туған сіңлісін соттап жіберді

1266
Сот әйелді құқық бұзушылық жасағаны үшін кінәлі деп тауып, 80 сағатқа қоғамдық жұмыс жасауға міндеттеді

НҰР-СҰЛТАН, 21 маусым – Sputnik. Шығыс Қазақстан облысында туған әпкесін балағат сөзбен қорлаған келіншек 80 сағаттық қоғамдық жұмыс жасауға міндеттелді, деп хабарлайды Sputnik Қазақстан қылмыстық-атқару жүйесі департаментіне сілтеме жасап.

Ресми мәліметке сәйкес, өткен жылы күзде Өскемен қаласында тұратын апалы-сіңлі арасында анасынан қалған мұра бойынша жанжал туындаған. Сол кезде кішісі туған әпкесі мен оның күйеуін жамандап, WhatsApp арқылы аудиожазба жіберген. Ал әпкесі оны сақтап қояды да, сотқа жүгініп, отырыс кезінде дәлел ретінде көрсеткен.

"Сот әйелді құқық бұзушылық жасағаны үшін кінәлі деп тауып, 80 сағатқа қоғамдық жұмыс жасауға міндеттеді. Сотталған пробация қызметінде есепке қойылып, қоғамдық жұмыстарды орындау үшін жергілікті органға жіберілді", - дейді пробация қызметінің бастығы Алмас Бұйратов.

Сондай-ақ пробация қызметінің инспекторлары әлеуметтік-құқықтық көмек көрсетіп, есепке алынған адамды одан ары қарай жұмысқа орналасуға көмектеседі.

Оқи отырыңыз: Алматы базарындағы төбелес видеосы қызу талқыланып жатыр: полиция не дейді

1266
Кілт сөздер:
Шығыс Қазақстан, балағат сөз
Иллюстративті фото

Нұр-Сұлтанда екі спортшы төбелесті бірі пышақ жарақатымен ауруханаға түсті

596
Полицейлер Ақтөбеден келген спортшыны ұстады. Ол жерлесінің кеуде тұсынан пышақ ұрған

НҰР-СҰЛТАН, 21 маусым – Sputnik. Нұр-Сұлтан қалалық полиция департаменті қонақ үйдегі төбелес бойынша сотқа дейінгі тергеуді бастады. Ақтөбеден келген спортшы жерлесіне пышақ сұққан.

Ресми мәліметке сәйкес, жексенбі, 20 маусым күні полицияға Қорғалжын тасжолындағы қонақ үйде төбелес басталғаны туралы ақпарат түскен. Қоңырау шалған адам төбелескен жігіттің қарсыласының кеуде тұсына пышақ сұққанын айтқан. Оқиға орнына бірден патрульдік экипаж барды. Тәртіп сақшылары төбелеске қатысқан адамдарды да, жанжалдың неден шыққанын да анықтады.

"Төбелескен екі жігіт те Ақтөбеден келген. Олар 15 маусым күні Нұр-Сұлтанға қазақша күрестен республикалық жарысқа қатысу үшін келген. 20 маусымда жарыстар біткеннен кейін қонақ үйге барған. Сол кезде 21 жастағы екі жас спортшының арасында жанжал шығып, арты төбелеске ұласқан. Бір спортшы жерлесінің кеуде тұсына пышақпен жарақат салды", - дейді полицейлер.

Жарақат алған спортшыны ауруханаға жеткізді. Ал күдікті қамауға алынды. Тергеу шаралары аясында жарысты ұйымдастырғандардың жұмысына да баға беріледі.

596
Той, иллюстративті фото

Полицейлер 250 адам қатысқан тойды тоқтатты видео

0
Ресми мәліметке сәйкес, Шымкентте 20 маусым күні кешкі уақытта үйлену тойы ұйымдастырылған

НҰР-СҰЛТАН, 21 маусым – Sputnik. Шымкент қаласында карантин талаптарын бұзған мейрамхана анықталды. Полицейлер 250 адам қатысқан үйлену тойын қалай тоқтатқанын көрсетті, деп хабарлайды Sputnik Қазақстан Polisia.kz сайтына сілтеме жасап.

Ресми мәліметке сәйкес, өткен жексенбі, 20 маусым күні кешкі уақытта “HAYAT” мейрамханасында үйлену тойы ұйымдастырылған. Той иесі карантиндік шектеулерге қарамастан, қонаққа 250 адамды шақырған. Ал, мейрамхана қызметкерлері мен даяршылары бетпердесіз қызмет көрсетіп жүрген.

Полицейлер тойхана иесі мен той өткізген адамнан түсініктеме алды. Барлық материал тауарлар мен көрсетілетін қызметтердің сапасы мен қауіпсіздігін бақылау басқармасына жолданды. Санитарлар әкімшілік құқық бұзушылық туралы кодекстің 425-бабы (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) бойынша тиісті шара қолданады.

Оқи отырыңыз: Оралда тойға келген қонақтар жертөлеге жасырынып қалған - видео

Айта кетейік, заң бойынша жеке тұлғаларға 30 айлық есептік көрсеткіш (87 510 теңге), ал шағын және орта кәсіпкерлік нысандарға 230-310 айлық есептік көрсеткіш (670 910 – 904 270 теңге) көлемінде айыппұл салынады.

0
Кілт сөздер:
Шымкент, той, полицейлер
Тақырып бойынша
Жасырын тойларды анықтайды: Цой айтып жүрген пилоттық жоба неге әлі басталған жоқ
"Тойды ұйымдастырған мен емес": Марат Омаров жалған ақпарат таратқандарды іздеп жатыр
Келін деп алғаны қызы екен: күйеу жігіттің анасы таңғажайып сәтке тап болды
Таразда той кортежі жол ережесін өрескел бұзды – видео
Алматыда ер адам той үстінде атыс ашты – видео