Оқиға

Ақмола облысында жантүршігерлік жол апаты үш адамның өмірін қиды

© Sputnik / СтрингерЖол апаты
Жол апаты - Sputnik Қазақстан
Жазылу
Жеңіл автокөлік қарсы бетте келе жатқан жүк көлігімен соқтығысқан, жүргізуші мен екі жолаушы көз жұмды

НҰР-СҰЛТАН, 20 желтоқсан – Sputnik. Ақмола облысында жеңіл автокөлік жүк көлігімен соқтығысып, салдарынан үш адам қаза тапты.

Жол апаты "Жезқазған – Петропавл" автожолының 551 шақырымында болды, деп хабарлайды Polisia.kz.

Жантүршігерлік апат жайлы 19 желтоқсан күні сағат 17:28-де Нұр-Сұлтан тұрғыны хабар берді.

Алдын ала мәлімет бойынша, ресейлік есепте тұрған Chevrolet TrailBlazer көлігінің 63 жастағы жүргізушісі алдында келе жатқан автокөлікті басып озбақ болып, қарсы бетке шыққан. Сол кезде DAF маркалы жүк көлігімен соқтығысқан. Көлік рөлінде Рудный қаласының 38 жастағы тұрғыны отырған.

Тағы оқыңыз: Нұр-Сұлтанда қымбат көлік жүргізушісі 19 жастағы қызды қағып өлтірді

Салдарынан жеңіл көліктің жүргізушісі мен екі жолаушы оқиға орнында көз жұмды.

Тағы екі жолаушы – 25 жастағы қыз және 39 жастағы ер адам Есіл ауданының ауруханасына жеткізілді.

Бұл факті бойынша Қылмыстық кодекстің 345-бабы 4-тармағы бойынша сотқа дейінгі өндіріс басталды. Қажеттті тергеу амалдары жүргізіліп жатыр, оқиғаның мән-жайы анықталуда.

Жаңалықтар
0