Шахтадағы жарылыс, архивтегі фото

Ақтөбеде шахтада қаза тапқандардың әріптестері трагедия қалай болғанын айтты

2299
(Жаңартылды 14:49 31.12.2020)
Ақтөбе облыстық денсаулық сақтау басқармасы зардап шеккендердің бірі 59 жастағы Қанат Абдуллаев ауыр жарақат алмағанын хабарлады, оны үйіне жіберген

НҰР-СҰЛТАН, 31 желтоқсан – Sputnik. "Ақтөбе мыс компаниясы" ЖШС жұмысшылары "Весенняя Аралчинская" шахтасында әріптестерінің қалай қаза тапқанын айтып берді.  

Кеншілердің біреуі жарылыстан кейін күкіртсутек шыққанын айтты. Ол жерде бес жұмысшы болған. Солардың төртеуі қайтыс болса, біреуі жарақат алды. Қазіргі кезде компания қызметкерлері арнайы комиссияны күтіп отыр. Мамандар қайғылы оқиғаның мән-жайын зерделеп, себебін анықтайды. 

"Қаза тапқан барлық жұмысшының отбасы мен балалары бар. Кеншілер небәрі 35-40 жаста болған. Комиссия мән-жайды анықтауы тиіс. Үшеуі Хромтаудың тұрғыны, ал біреуі Қарғалы ауданының Ащылысай ауылынан келген", - деді кеншілер "Диапазон" басылымына берген сұхбатында.

Қаза тапқандардың ішінде тау-кен шебері Асхат Қайқанов, жарушылар Рустам Саматов пен Денис Черный, сондай-ақ, жарылғыш заттарды тасыған көлік жүргізуші Берік Жақыпов бар.

"Жарылыстан кейінгі күкіртсутектің иісі бұған дейін де болған. Одан уланған адамдар құсады, басы ауырады. Себебі қажетті қорғаныс заттары жоқ. Қазір беріп жатқан респираторлар шаңнан ғана қорғайды. Біз басшылыққа күкіртсутектің иісі туралы талай рет айтқанбыз. Бірақ біздің сөзімізге ешкім құлақ асқан жоқ", - деп атап өтті кеншілер. 

Ақтөбе облысында қаза тапқан кеншілердің аты-жөні жарияланды

Айта кетейік, 30 желтоқсанда Ақтөбе облысының Хромтау ауданында орналасқан "Весенняя Аралчинская" шахтасында жарылыс болды. Төрт адам қаза тапты, тағы біреуі жарақат алды. Артынан облыстық денсаулық сақтау басқармасының басшысы Рүстем Исаев 59 жастағы Қанат Абдуллаевтың қатты жарақат алмағанын мәлімдеді. Оны үйіне жіберген. 

Әкімдік те төтенше жағдайдың қалай болғанын айтты. Қазіргі мәліметке сәйкес, шамамен кешкі сағат 20:00-де "Ақтөбе мыс компаниясы" ЖШС жұмысшылары шахтада 1,5 шақырым тереңдікте жарылыс жұмыстарын атқарған. Әрбір жарылыс белгілі бір уақытта жасалады. Олар кезекті жарылыстан кейін байланысқа шықпай қойған. Осыдан кейін апаттық-құтқару тобы жіберіліпті. Мамандар оқиға орнынан төрт жұмысшының денесін тапқан.   

"Алдын ала мәліметке сәйкес, кеншілер иіс тиіп, қайтыс болған. Оқиға орнына шұғыл тергеу тобы мен аудандық прокуратура қызметкерлері барды", - дейді әкімдік қызметкерлері. 

Қазіргі кезде полиция Қылмыстық кодекстің 156-бабы, 4-бөлігі бойынша қылмыстық іс қозғады. Бұл бапта кінәлі адамдарды белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiн айыра отырып немесе онсыз жеті жылға дейін бас бостандығынан шектеу не сол мерзiмге бас бостандығынан айыру жазасы көзделген.

Айта кетейік, төтенше жағдай Ақтөбе облысының Хромтау ауданында болған. Шахта "Ақтөбе мыс компаниясы" ЖШС-ға тиесілі.

2299
Кілт сөздер:
трагедия, Ақтөбе облысы, шахтерлер
Тақырып бойынша
Ақтөбе облысында шахтада төрт адам қаза болды
"50 жасты қайтарсын": қарағандылық шахтер үкіметке өтініш айтты
Қарағанды облысында көмір шахтасы өртенді
Қазақстанда пайдалы қазба қорлары азайып барады
Ильназ Галявиев

Қазан қаласында мектепке шабуыл жасаған Галявиев қамауға алынды

93
Сот үкімін ешбір эмоциясыз тыңдаған Галявиев өзі өлтірген балалар туралы БАҚ өкілдерінің сұрағын жауапсыз қалдырды

НҰР-СҰЛТАН, 13 мамыр – Sputnik. Қазан қаласындағы мектепке шабуыл жасады деп айыпталған Галявиев қамауға алынды, деп хабарлайды РИА Новости

Сот оған екі айға қамауға алу түріндегі бұлтартпау шарасын қолдануға шешім шығарды. Оның 17 рет оқ атқаны және кеңсе алдына қолдан жасалған бомба орнатқаны анықталды.

"Ильназ Галявиев өз кінәсін мойындап, айыптау және қамауға алу туралы үкімге қарсы уәж айтқан жоқ", – деді тергеуші.

Ол мұндай үкім оқылғанда ешбір эмоцияға бой алдырмады.

Ал прокурор мектепке шабуыл жасаған Галявиевтің сыбайластары болмағанын растады және оған қатысты терроризм бабы бойынша қозғалған қылмыстық іс әлі қаралмағанын атап өтті. 

Айта кетейік, Ильназ Галявиев Қазан гимназиясында болған атысқа байланысты айып тағылып отыр. Сот процесінен кейін өзі өлтірген балалар туралы сұраған журналистердің сұрағына ол жауап берген жоқ.

"Галявиевке кісі өлтіру бабы бойынша айып тағылды", – деді тергеуші.

Оқи отырыңыз: Қазан мектебіндегі атыс: оқ жаудырған жігіт туралы көршілері айтып берді – видео

93
Кілт сөздер:
қамауға алынды, сот үкімі
Тақырып бойынша
Қазан қаласындағы гимназияда белгісіз біреулер оқ жаудырған: 9 адам көз жұмды - видео
Қазан мектебіндегі атыс: күдікті туралы тың дерек шықты
Жамбыл облысы әкімі Қазан қаласына 20 млн теңгеге ұшып барғаны рас па
Атыс, үрей және дүрбелең: Қазан мектебіндегі оқиға қалай өрбіді – видео
Қазан мектебіндегі атыс: 25 жастағы мұғалімнің қалай көз жұмғаны белгілі болды
Жандосов көшесіндегі жол апаты

Алматыда екі көлік бетпе-бет соқтығысты: жүргізуші апат орнынан қашып кетті

93
Жол апатынан зардап шеккен қыз жақын жердегі ауруханаға жатқызылды. Полицейлер мен криминалистер оқиғаның мән-жайын анықтап жатыр

НҰР-СҰЛТАН, 12 мамыр – Sputnik. Алматыда Жандосов көшесінде жаппай жол апаты болды, бір адам жарақат алды, ал кінәлі жүргізуші оқиға болған жерден қашып кетті.

Столкновение на улице Джандосова
© Sputnik / Стрингер
Жандосов көшесіндегі жол апаты

Sputnik Қазақстан тілшісі хабарлағандай, Nissan Cefirо жүргізушісі Жандосов көшесімен келе жатып, Береке көшесіне жетпей, белгісіз себептермен қарсы жолаққа шығып кетіп, Toyota Rav4 көлігімен бетпе-бет соқтығысқан.   

Toyota қатты соққыдан жолдың шетіне ұшып түсті. Nissan Cefiro да бұрылып кетіп, Toyota Surf көлігін соқты.

Жол апаты салдарынан Toyota Rav4 жүргізушісі жарақат алды, ол түрлі жарақатпен ауруханаға жеткізілді.

Nissan Cefiro жүргізушісі апат орнынан жаяу қашып кетті.

Жол апаты болған жерде полицейлер мен криминалистер оқиғаның мән-жайын анықтап жатыр.   

Жол полициясы қызметкерлері қашып кеткен жүргізушіні іздеуге кірісті.

93
Тақырып бойынша
Нұр-Сұлтанда Toyota Camry жүк көлігінің астына кіріп кетті – жантүршігерлік видео
Көлік қақ бөлінген: Қазақстанның солтүстігінде жол апатынан екі адам көз жұмды
Жаяу адамды басып кетті: Алматыда атышулы жол апатына кінәлілер сотталды – видео
Денесі әр жерде шашылып жатыр: Таразда жантүршігерлік жол апаты болды
Доллар купюрасы

Коронавирусқа қарсы вакцина салдырғандарға 1 миллион доллар беріледі

0
Губернатор Майк Деуайнның айтуынша, үлестірілетін қаражат COVID-19-ға байланысты құрылған қордан алынады

НҰР-СҰЛТАН, 13 мамыр – Sputnik. АҚШ-тың Огайо штатының билігі коронавирусқа қарсы вакцина салдырған азаматтар арасында лотерея өткізуге шешім қабылдады, деп хабарлады РИА Новости.

Губернатор Майк Деуайнның айтуынша, жеңімпаз атанған бес адамның әрқайсысына бір миллион доллар табысталады.

"Екі аптадан кейін 26 мамырда біз үлкен кісілерге арналған лотереяның жеңімпазын жариялаймыз. Оған вакцинаның бір дозасын алып, қатыса беруге болады. Жеңімпаздың есімін сәрсенбі сайын бес апта бойы жариялап тұрады. Осылайша, әр сәрсенбіде жеңімпазға бір миллион доллар табысталады", – дейді Деуайн.

Оның сөзіне қарағанда, ұтыстың ақшасы федералдық қордан алынады. Ал бұл қор COVID-19-ға байланысты құрылған болатын.

Айта кетейік, пандемия басталғалы бері АҚШ-та 33 миллионға жуық адам коронавирус жұқтырды. Олардың ішінде 590 мың науқас қайтыс болды.

Оқи отырыңыз: Қытайлық вакцина туралы не білеміз – маңызды 10 сұрақтың жауабы

Жақында осы елде вакцина салдырған азаматтардың саны 100 миллионнан асты. Президент Джо Байден 4 шілдеге дейін вакцинаның бірінші дозасын ересек адамдардың 70 процентіне салу жоспарланып отырғанын мәлімдеді.

0
Кілт сөздер:
екпе, вакцина, АҚШ
Тақырып:
COVID-ке қарсы вакцина
Тақырып бойынша
Коронавирусқа қарсы әлемдегі ең үздік вакцина анықталды
Коронавирусқа қарсы екпе қалай салынады – видео
Екпе салдырған қазақстандықтар жұмыстан босатыла ма
Вакцина салдырғаннан кейін екпе куәлігін ашып көрген елорда тұрғыны аң-таң болды
Нұр-Сұлтанда QazVac-пен вакциналау басталды: астаналықтар екпе туралы не дейді - видео