Көлік, жол

Бес адам көз жұмды: Қызылорда облысында жантүршігерлік жол апаты болды

5528
(Жаңартылды 21:13 13.01.2021)
Апат салдарынан оқиға орнында екі жүргізуші мен бір жолаушы көз жұмды. Кейін ауруханада тағы екі адам жан тапсырды

ҚЫЗЫЛОРДА, 13 қаңтар — Sputnik. Қызылорда облысында Құмкөл-Қызылорда тасжолында болған апат салдарынан бес адам қайтыс болды, тағы бесеуі ауруханада жатыр.

"Сәрсенбі күні Құмкөл-Қызылорда тасжолының 69 шақырымында Toyota Hilux және Mercedes-Benz Sprinter көліктері соқтығысты", - деп хабарлады Қызылорда облысы әкімдігі.

Апат салдарынан оқиға орнында екі жүргізуші мен бір жолаушы көз жұмды. Кейін ауруханада тағы екі адам жан тапсырды.

Жол апатынан соң тағы бес адам ауруханада жатыр.

"Оқиға орнында полиция және төтенше жағдайлар қызметі жұмыс істеп жатыр. Апатқа жол ережесінің бұзылуы себеп болуы мүмкін", - делінген хабарламада.

Полиция қылмыстық кодекстің 345-бабы 4-бөлігіне сәйкес ("жол жүру ережесін бұзу") сотқа дейінгі тексеріс бастады.

Бұл бап бойынша жеті жылдан он жылға дейін бас бостандығынан айыру жазасы қарастырылған.

Сараптама тағайындалды, апаттың мән-жайы анықталып жатыр.

5528
Кілт сөздер:
жол апаты, Қызылорда облысы
Тақырып бойынша
"Суық хабар жетті": үш қазақстандық балуан жол апатынан қаза болды
Ақтауда болған жол апаты камераға түсіп қалды
Алматыда он сағатта 70-тен аса жол апаты болды
"Айыппұл бес есеге өседі": көлік жүргізушілері нені білуі керек
Нұр-Сұлтан маңында 13 көлік соқтығысып, бір адам жарақат алды – видео
Отқа оранған көлік

Алматыда көлік өртеніп кетті видео

103
(Жаңартылды 08:38 25.01.2021)
Зардап шеккендер мен қайтыс болғандар жоқ. Алдын ала болжам бойынша оқиғаға не себеп болғаны айтылды

АЛМАТЫ, 25 қаңтар — Sputnik. Алматының Рысқұлов көшесінде көлік өртенді. Зардап шеккендер жоқ.

Отқа оранған көліктің видеосы Kris.p.almaty Telegram-каналында жарияланды. Көлік өртеніп, айналаны қою қара түтін басқан. Болған жағдайды куәгерлер видеоға түсірді.

Алматы қаласы төтенше жағдайлар департаменті жексенбі сағат 17.18-де 101 пультіне хабар түскенін айтты. Өрт сөндірушілер барған кезде BMW көлігі жанып жатқанын көрді. Өрт 17.39-да сөндірілді.

Зардап шеккендер мен қайтыс болғандар жоқ. Алдын ала болжам бойынша оқиғаға көліктегі қысқа тұйықталу себеп болуы мүмкін.

Құтқарушылар көлікте өрт бірер минутта тарап кететінін ескертті. Сондықтан темір тұлпарды арнайы көлікке қызмет көрсету орталықтарына тексеріске апарып отыру қажет.

103
Кілт сөздер:
Алматы, көлік, өрт
Тақырып бойынша
Автокөлік орындығын қыздыру неге қауіпті - видео
Нұр-Сұлтанның аспанын қара түтін басты – өрттің видеосы
Нұр-Сұлтанда көліктің төбесіне адам отырғызып тасыған жүргізуші жазаланды – видео
Тұрғын үйдегі өрт сегіз адамның өмірін қиды
Елордада сауда орталығында өрт шықты – видео
Қыс, архивтегі фото

Балыққа барған: Әлем чемпионаты жүлдегерінің өліміне қатысты тың ақпарат шықты

9553
Көкшетау – Бурабай тас жолының сегізінші шақырымында Mercedes Benz 500G көлігінің 38 жастағы жүргізушісі рөлге ие бола алмай, ағашты соққан   

НҰР-СҰЛТАН, 24 қаңтар – Sputnik. Ақмола облысының полиция департаменті қазақстандық шаңғышы Николай Чеботьконың өліміне қатысты ақпарат таратты.

Бұған дейін хабарланғандай, спортшы Көкшетау-Бурабай тас жолында жол апатынан көз жұмды. Көлікті өзі жүргізіп келе жатқан.

Жол апаты жексенбі, 24 қаңтарда сағат 01:20-да Бурабай курорттық аймағында болды.  

Полицейлер Көкшетау-Бурабай тас жолының сегізінші шақырымында Mercedes Benz 500G көлігінің 38 жастағы жүргізушісі рөлге ие бола алмай, ағашты соққанын анықтады. Ер адам оқиға орнында көз жұмған.

Басынан жарақат алған 1984 жылы туған жолаушы аудандық ауруханаға жеткізілді. Оның айтуынша, Николай екеуі "Үлкен Шабақтыдан" балық аулап қайтып келе жатқан.

Қазақстан Қылмыстық кодексінің 345-бабы бойынша сотқа дейінгі өндіріс басталды, сот-медициналық сараптама тағайындалды, тергеу амалдары жүргізіліп жатыр.

Николай Чеботько 1982 жылы 29 қазанда Щучьеде туған.

Шаңғы спортынан 2013 жылғы әлем чемпионатының қола жүлдегері, төрт бірдей Олимпиада ойындарына қатысқан спортшы, Қазақстан Республикасына еңбек сіңірген спорт шебері. 

Оқи отырыңыз: Атырауда танымал спортшыны өлтіріп кетті

Үлкен спорттағы ең ірі жетістігіне Чеботько 2013 жылы қол жеткізді. Ол сол жылы Валь-де-Фьеммеде өткен әлем чемпионатында командалық спринт бойынша үздік үштікке енді.

Сондай-ақ, спортшы Азия ойындарында үш алтын, төрт күміс және екі қола медаль жеңіп алған. 

Әлем кубогі кезеңдерінде 2001 жылдан бастап сынға түсті. 2012 жылы Квебектегі әлем кубогі кезеңінде Денис Волоткамен бірге тарихи алтын жүлдені иеленген. Ол бірнеше рет ел чемпионатында көзге түсіп, өмірінің соңына дейін шаңғы жарыстарында бақ сынады.

9553
Тақырып бойынша
"Суық хабар жетті": үш қазақстандық балуан жол апатынан қаза болды
18 жастағы қазақстандық спортшы көз жұмды
Атырау облысында болашағынан үміт күттірген үш боксшы қаза болды  
Ғалым, чемпион, актер: 2020 жылы өмірден өткен арда азаматтар
Мұхамедқалы Абылғазиев

Қырғызстанның бұрынғы премьер-министрі ұсталды

0
(Жаңартылды 10:08 27.01.2021)
Бұған дейін Абылғазиевке елден шығуға тыйым салынып, егер ол республикадан тыс жерге шығуға әрекет жасаса, дереу қамауға алынатыны ескертілген

НҰР-СҰЛТАН, 27 қаңтар – Sputnik. Қырғызстанның бұрынғы премьер-министр Мұхаммедқалы Абылғазиев қамауға алынды, деп хабарлады Sputnik Қырғызстан ішкі істер министрлігінің ақпарат көздеріне сілтеме жасап.

Абылғазиев үлкен дау-жанжалдан кейін қызметінен кеткен болатын. Енді ұлттық қауіпсіздік комитетінің нұсқауымен ол қамауға алынды. Бұған дейін қаржы полициясы оның елден шығуына тыйым салған.

Ал егер бұрынғы премьер республикадан тыс жерге шығуға әрекет жасаса, бірден қамауға алынатыны ескертілген. Артынан жауап алу үшін шақырды. Бірақ ол кезде нақты қай іс бойынша жауап алынатыны туралы айтылмаған.

Сейсенбі, 26 қаңтарда Абылғазиевті тағы жауап алу үшін шақырды. Содан соң қамап тастады.

Былтыр күзде Қырғызстанның бас прокуратурасы денсаулық сақтау министрлігінің өкілдеріне қатысты бірнеше қылмыстық іс қозғалғанын хабарлаған. Олар пандемия кезінде заңсыз әрекет жасағаны үшін айыпталды. Оған экс-премьердің қатысы бар болып шықса, оны да жазалайды деген ақпарат тараған. Абылғазиевке қатысты сотқа дейінгі тергеу шаралары басталып, алайда нақты қандай айыптың тағылғаны жарияланған жоқ.

Радиожиіліктерге қатысты дау

Абылғазиев радиожиіліктерге қатысты дау-жанжалдан кейін отставкаға кетуге өтініш жазды.

Былтыр мамыр айында мемлекеттік байланыс агенттігінің экс-басшысы Наталья Черногубова ұсталған болатын. Ол мемлекеттік ақпараттық технологиялар комитеті мен ұялы операторлардың бірімен сөз байласқаны үшін айыпталды. Артынан сыбайлас жемқорлық ісі бойынша тағы бес адамның ұсталғаны белгілі болды. Олардың ішінде ұлттық қауіпсіздік комитетінің бес қызметкері де бар.

Сол кезде Жогорку кенештің депутаты Жанар Ақаев үкіметтің екі радиожиілікті арзан бағаға сатып жібергенін мәлімдеді. Оның ойынша, премьер-министр Мұхаммедқалы Абылғазиевтің рұқсаты болмаса, ондай келісімді рәсімдеу мүмкін емес. Ақаев мемлекетке келген шығында 5 миллиард сомға (58,9 миллион доллар) бағалады. Абылғазиев көп ұзамай, тергеуге қысым жасады деген айыптар болмасын деп, қысқа мерзімді демалысқа шығып кетті.

Оқи отырыңыз: Қырғызстанның жаңа президенті алғашқы сапарын қай елден бастайтыны белгілі болды

Ал маусым айында осы іске қатысы бар деген күдікпен "Ала-ТВ" компаниясының құрылтайшысы ұсталды деген ақпарат шыққан. Дәл осы компанияның радиожиіліктері ұялы байланыс операторына сатылды. 

15 маусыда Мұхаммедқалы Абылғазиев осы іске қатысым жоқ деп, отставкаға кетуге өтініш жазды. Осылайша, ол 19 күнге созылған демалыстан кейін бірден жұмыстан кеткен болатын.

0
Кілт сөздер:
ұстау, Қырғызстан
Тақырып бойынша
Павлодар облысында Қырғызстанның екі азаматы үсіп қала жаздады
Қырғызстан президентінің міндетін атқарушы Тоқаевқа алғыс білдірді
Қырғыз елінің жаңадан сайланған президенті Қазақстан халқына алғыс айтты
Қырғызстан барлық шетелдікке елге кіруге рұқсат етті
Қырғызстан президентінің инаугурациясына қарапайым азаматтар қатысады