Отар қой

Алматы облысында бір отар қой пойыз астына түсті фото

1329
(Жаңартылды 13:13 05.02.2021)
Жедел-іздестіру шаралары нәтижесінде Шамалған стансасындағы полиция желілік бөлімінің қызметкерлері отар қой иесін анықтады

ПАВЛОДАР, 5 ақпан – Sputnik. Полицейлер Алматы облысының тұрғынын жауапқа тартты. Оның кесірінен 14 қой пойыз астына түсті. Пойызды тоқтатуға тура келді, деп хабарлады ІІМ көліктегі полиция департаментінің баспасөз хатшысы Ләззат Қасымжанова Sputnik Қазақстанға.

Наезд на отару овец на ж/д путях в Алматинской области
© Photo : департамент полиции на транспорте МВД Республики Казахстан
Алматы облысында отар қой пойыз астына түсті

 

"Қопа - Жиренайғыр жолында жүк пойызының машинисі отар қой көрген. Ол шұғыл тоқтау әдісін қолданды. Пойыз тоғыз минут бойы тоқтап тұрды", - деді департамент басшысының міндетін атқарушы Сарықұл Жоланов.

Оның айтуынша, жедел-іздестіру шаралары нәтижесінде Шамалған стансасындағы полиция желілік бөлімінің қызметкерлері отар қой иесін анықтады. Алматы облысының 51 жастағы тұрғыны әкімшілік жауапкершілікке тартылды. Әкімшілік кодекстің 559-бабы 1-бөлігіне сәйкес, бес айлық есептік көрсеткіш (14 585 теңге) көлеміндегі айыппұл салынады.

1329
Кілт сөздер:
пойыз, қой, Алматы облысы
Тақырып бойынша
Алматы облысында қой тұрған жерінде қатып қалған – видео
Атырау облысында белгісіз аурудан 2 мыңнан астам қой қырылып қалды
Құрбан айтта қорадан шығып кеткен қой қала тұрғындарының зәресін алды – видео
Қызылорда облысында жайылып жүрген 700 қой жанып кетті: шығынды кім өтейтіні белгісіз
Бір қой – 50 мың теңге: бас имам түсініктеме берді
Сағат

Таныс әйелді құттықтап барған астаналық ер адамның қылмысы әшкереленді

2713
(Жаңартылды 20:56 08.03.2021)
Қазіргі кезде өзінің заңсыз әрекетін мойындаған күдіктінің өзге қылмысқа қатыстылығы тексерілуде

НҰР-СҰЛТАН, 8 наурыз – Sputnik. Астаналық ер адам мереке қарсаңында әйел танысының үйіне құттықтай барып, қымбат сағатын ұрлап кетті, деп хабарлайды Polisia.kz.

Полиция қызметкерлері жедел іздестіру шарасын жүргізу нәтижесінде қымбат смарт-сағатты ұрлады деген күдікпен 31 жастағы қала тұрғынын ұстады.

Ер адам танысының үйіне қонаққа барған. Оңай олжаға кенелуді ойлаған ол кетерінде үстел үстінде тұрған Apple Watch сағатын алып кеткені анықталды. Кейіннен оны ломбардқа өткізген. Қолды болған затты полицейлер тәркілеп, иесіне қайтарып берді.

Оқи отырыңыз: ҚТЖ екіұдай мәндегі құттықтау видеосы үшін кешірім сұрады

Қазіргі кезде аталған факті бойынша қылмыстық іс қозғалды. Күдікті өзінің заңсыз әрекетін мойындады және оның өзге де қылмысқа қатыстылығы тексерілуде.

2713
Кілт сөздер:
қылмыс, ұрлық
Тақырып бойынша
Әсемдікке құштарлық: Астанада иіссу дүкенінің күзетшісі ұрлық жасап сотталды
Астана мешітінде ұрлық жасаған тұрғын ұсталды
Астанада автобустағы ұрлық видеобақылау камерасына түсіп қалды
Ақтөбе тұрғыны ерекше тәсілмен ұрлық жасады
Татуласуға жол жоқ: ұрлық ауыр қылмыс санатына жатқызылады
Архивтегі фото

Аймағамбетов қол астындағы қызметкерінің адам өлтіруіне не себеп болғанын айтты

1428
(Жаңартылды 19:47 08.03.2021)
Екеуара жанжал кезінде құрдасын атып тастаған Қостанай полициясының бағдарламашысы ұсталып, қамауға алынды

НҰР-СҰЛТАН, 8 наурыз – Sputnik. Қостанай облысы полиция департаментінің бастығы Бекет Аймағамбетов 8 наурызға қараған түні Қостанай полициясының қызметкері жасаған қылмыстың жай-жапсарын баяндады. Жанжалдасқан екеу сыныптас екені анықталды.

Облыс полициясының бастығы қарсыласын тіркелген қарумен атып тастаған қызметкердің департамент құрылымында басшылық қызмет атқармағанын, қарапайым бағдарламашы болғанын атап өтті. Ол қақтығысқа не себеп болғанын да хабарлады.

"Екі сыныптастың арасында жанжал шыққан. Ол оннан астам адам тіркелген чатта жалғасқан. Бағдарламашыға сыныптасы қоқан-лоқы жасаған", - деп жазды Аймағамбетов өзінің Facebook парақшасында.

Оның айтуынша, полицейдің сыныптасы оған қарулы адамдар жібергенін айтып, өлтіремін деп қорқытқан. Ондай хабарламаны бірнеше рет жазған.

"Бұрын сотталған сыныптас ішімдік ішіп, 8 наурызда түнгі сағат үш шамасында танысымен бірге полицейдің үйіне келген. Ол оған тағы да қоқан-лоқы жасаған. Өзінің атына тіркелген қаруды алып шыққан полицей оқ атқан, жәбірленуші көз жұмды", - деді Қостанай облысы полиция департаментінің бастығы.

Аймағамбетов қазіргі уақытта полиция қызметкері қамауға алынғанын хабарлады.

Қазақстан Қылмыстық кодексінің 99-бабы 1-бөлігі – "Адам өлтіру" бойынша сотқа дейінгі тергеуден бөлек, ішкі қауіпсіздік басқармасының қызметкерлері қызметтік тексеріс жүргізіп жатыр. Іс ерекше бақылауға алынды.

Оқи отырыңыз: Қостанайда ер адам құрдасын өлтірді - полицей ұсталды

Еске сала кетейік, бұған дейін 8 наурызға қараған түні Қостанайдағы Тәуелсіздік көшесінде ер адам ерегіскен қарсыласын атып өлтіргені хабарланған болатын.

Кейін күдіктінің құқық қорғау органының қызметкері екені белгілі болды. Егер оның кінәсі дәлелденсе, сегіз жылдан он бес жылға дейінгі мерзімге бас бостандығынан айырылуы мүмкін.  

1428
Тақырып бойынша
Өскеменде ер адам полицейдің мойнына пышақ сұғып алды – оқиғаның видеосы
Алматыда төрт лауазымды полицей қызметінен қуылды
Демалыста жүрген полиция майорының заңсыз әрекеті әшкере болды
Полиция басшылары ұсталды - ІІМ видео жариялады
Иллюстративті фото

Түркістан облысында 8 наурыз қарсаңында үшем дүниеге келді

2528
Үш қызды дүниеге әкелген 34 жастағы көпбалалы ананың үйінде тағы екі ұлы мен екі қызы асыға күтіп отыр

НҰР-СҰЛТАН, 8 наурыз – Sputnik. Түркістан облысында Сарыағаш ауданының 34 жастағы тұрғыны Лаура Тұрарбекова 8 наурыз –  Халықаралық әйелдер күні мерекесі қарсаңында үш қызды дүниеге әкелді.

Шала туған үшемнің өмірін дәрігерлер аман алып қалды. Бүгінде нәрестелерді №1 облыстық перинаталдық орталығының дәрігерлері бақылауға алған, деп хабарлады Otyrar.kz.

"Үш қызымның рақатын көрейін енді. Үйімде тағы екі ұлым мен екі қызым асыға күтіп отыр. Мереке қарсаңында босанып отырмын. Осы орайда ақ халатты әйелдер қауымын мерейлі мерекемен шын жүректен құттықтаймын. Дәрігерлерге мың алғыс", – дейді көпбалалы ана.

Жаңа туған сәбилерге Жания, Рабия, Сания есімдері берілді.

Ақ халаттылардың біліктілігі мен тынымсыз еңбегінің арқасында шала туған шақалақтарды анасы бауырына басты. Себебі жеті жарым айлық нәрестелердің өкпесі дұрыс дамымаған, бәрі жасанды тыныс алу аппаратына қосылған.

Балаға берілетін жәрдемақы - 2021: кімге, қалай және қанша төленеді?

Айта кетейік, жыл басынан бері орталықта 1571 бала дүние есігін ашқан. Олардың 38-і егіз болса, екеуі үшем.

2528
Кілт сөздер:
Түркістан облысы, үшем
Тақырып бойынша
"Өтірік айтасың деп сенбеді": алты баланың анасы атанған 23 жастағы келіншектің әңгімесі
Депутат бес жылдан кейін бала туатын әйелдер санының азаятынын айтты
Түркістан облысында 23 жастағы келіншек алты баланы дүниеге әкелді
Нұр-Сұлтанда егіздер мен үшемдер көбейді
Нұр-Сұлтанда жаңа туған нәрестеге жиі қойылған есімдер жарияланды
25 жасында көпбалалы ана атанды: Маңғыстауда төртем дүниеге келді