Өрт сөндірушілер

"Қыз әжесінің үйінде түнеген": Қазақстанның солтүстігінде бір отбасы опат болды

3587
(Жаңартылды 17:06 11.02.2021)
Үш жасар ұл бала, оның ата-анасы және үй иесінің қарындасы өрттен көз жұмды. Қызыл жалын жеті сағаттан кейін сөндірілді

ПЕТРОПАВЛ, 11 ақпан – Sputnik. Солтүстік Қазақстан облысында жеке үйдегі өрттен төрт адам, оның ішінде үш жасар бала көз жұмды, деп хабарлады брифингте облыстық төтенше жағдайлар департаменті мемлекеттік өртті бақылау басқармасының бастығы Дмитрий Растихин.  

11 ақпан күні таңертең Солтүстік Қазақстан облысы төтенше жағдайлар департаментінің 112 телефонына Мағжан Жұмабаев ауданының Булаево қаласында ағаштан соғылған жеке тұрғын үйден өрт шыққаны туралы ақпарат түсті. Көршілерінің айтуынша, үйде бір отбасы тұрған.

Пожарные разбирают обломки крыши после пожара, в котором погибли четыре человека
© Photo : Пресс-служба департамента по чрезвычайным ситуациям Северо-Казахстанской области
Өрт сөндірушілер шатырды қоқыстан тазартып жатыр

"Өрт сөндіру бөлімі келген кезде үйдің шатыры отқа оранып, қою түтін шығып жатқан. Көп ұзамай газ баллон жарылып, шатыр опырылып құлады. Өртті сөндіру кезінде 1993 жылы туған үй иесінің, оның 1992 жылы туған әйелінің, олардың 2017 жылы туған ұлының және әйел адамның (қайтыс болған үй иесінің қарындасы болуы мүмкін) жансыз денесі табылды", - деді Растихин.

Өрт екі сағаттан кейін оқшауланып, жеті сағаттан кейін сөндірілді.

Үй толығымен жанып кетті. Қатты аяз жалынды сөндіруді қиындатты. Өрттің себебі және материалдық шығын анықталып жатыр.

Пожарные разбирают обломки крыши после пожара, в котором погибли четыре человека
© Photo : Пресс-служба департамента по чрезвычайным ситуациям Северо-Казахстанской области
Өрт екі сағаттан кейін оқшауланып, жеті сағаттан кейін сөндірілді

"Отбасы әлеуметтік осал топтарға жатпайды, еш жерде тіркеуде тұрмаған. Қайтыс болған ерлі-зайыптының қызы аман қалды, сол түні ол әжесінің үйінде түнеген. Баламен біздің психолог жұмыс істеп жатыр", - деп атап өтті Дмитрий Растихин.

Жыл басынан бері Солтүстік Қазақстан облысында 96 өрт болып, 15 адам көз жұмған, тоғыз адам жарақат алды.  

3587
Тақырып бойынша
Талдықорғанда көп қабатты үйде газ жарылды: ер адамның мәйіті табылды
Нұр-Сұлтанда дәмханада қайтыс болған адамның отбасына 1 млн теңге төленеді
Қостанай облысында зейнеткер төсегінде тірідей жанып кетті
Нұр-Сұлтанда полицейлер бір отбасы ұйықтап жатқан үйдің есігін бұзып кірді
Семей полицейлері тұрғындарды ұйқыдан оята алмай, үйге көршінің қақпасы арқылы кірді
Архивтегі фото

Қазақстандықтар таратып жатқан жантүршігерлік видео қайда түсірілгені белгілі болды

3499
(Жаңартылды 16:03 07.03.2021)
Stopfake.kz порталы Нұр-Сұлтан қаласында түсірілді делінген видеоның Қазақстанға еш қатысы жоқ екенін жазды

НҰР-СҰЛТАН, 7 наурыз – Sputnik. Әлеуметтік желіде бірнеше адамның өмірін қиған қайғылы оқиғаның видеосы тарады.  

Роликтің астына: "Нұр-Сұлтан әкімдігі 8 наурызға орай көпбалалы аналарға 17 доллардан беріп жатыр", - деп жазылған.

Stopfake.kz порталы ол Қазақстанда түсірілмегенін хабарлады. Бұл онсыз да түсінікті еді, өйткені видеода адамдар не қазақша, не орысша сөйлемейді.

Кадрдан көпқабатты ғимараттың жоғарғы қабатындағы галереяда көптеген адам кептеліп қалғанын көруге болады. Таяныш қысымға шыдамай, сынып кетіп, бірнеше адам құлап кетеді.

Бұл видео Боливияда, Эль-Альто университетінде түсірілген. Трагедия студенттер жиналысқа бара жатқан кезде болған. Салдарынан бес адам көз жұмды, тағы үшеуі ауыр халде ауруханаға жеткізілді.

Оқи отырыңыз: Батыс Қазақстан полициясы "қыздың елесі жүрген" ауылды тексерді – видео 

3499
Жедел жәрдем көлігі

Атырау облысында үйден 4 адамның мәйіті табылды

17544
(Жаңартылды 10:19 06.03.2021)
Трагедия Атырау облысы Махамбет ауданы Ақтоғай ауылында болған. Қайтыс болғандардың үшеуі ересек, біреуі бес жасар бала екені хабарланып отыр

АЛМАТЫ, 6 наурыз – Sputnik. Аудандық өрт сөндіру қызметіне 5 наурыз, жұма күні хабар түсті. Оқиға орнына жеткен қызметкерлер төрт адамның мәйітін тапты, деп хабарлайды "Ақ жайық".

Трагедия Атырау облысы Махамбет ауданы Ақтоғай ауылында болған. Облыстық төтенше жағдайлар департаменті 1974, 1991 жылы туған ер адамдар мен 1977 жылғы әйел және 2016 жылы туған қыздың денесі табылғанын хабарлады.

Қазіргі уақытта төтенше жағдайлар бөлімінің және құқық қорғау органдарының қызметкерлері оқиға орнында жұмыс істеп жатыр. Алдын ала болжам бойынша иіс тиіп уланған.

Болған жағдайдың мән-жайы қосымша хабарланатын болады.

Еске сала кетсек, 19 ақпанда Жамбыл облысындағы Жаңатаста 3-қабаттағы пәтерде өрт шығып бес бала көз жұмған болатын. 2015, 2016, 2017, 2019 және 2020 жылдары туған екі ұл мен үш қыз ересектер қарауынсыз қалған.

Өрт салдарынан балалар иіс тиіп уланып, ауруханаға жеткізілді. Алайда аман алып қалу мүмкін болмады.

17544
Кілт сөздер:
мәйіт, өрт, Атырау облысы
Тақырып бойынша
Түркістанда 4 бала өлі табылды - оқиға орнына құтқарушылар мен полицейлер жетті
Бір үйдің 5 баласы көз жұмды – Жамбыл облысында пәтер отқа оранды
"Бұл еліміздің қасіреті": Тоқаев Жаңатастағы балалар өлімі туралы айтты
Жаңатаста 5 баланың өмірін қиған өрттің себебі анықталды
Жаңатаста 5 баласынан айырылған отбасыға пәтер берілді
Қазақстандық шахматшы Динара Сәдуақасова

Әлем чемпионы Динара Сәдуақасова басшылық қызметке тағайындалды

0
Сондай-ақ, шахматтан әлем чемпионы Сәдуақасова халықаралық дәрежедегі спорт шебері атағына ие болғанын хабарлады

НҰР-СҰЛТАН, 7 наурыз – Sputnik. Қазақстандық Динара Сәдуақасова FIDE халықаралық шахмат федерациясы спортшыларының комиссиясын басқарады. Бұл туралы спортшы Instagram желісінде хабарлады.

"Қуанышты жаңалығымды бөлісіп отырмын – ФИДЕ спортшылары комиссиясының төрағасы болып тағайындалдым", - деп жазды Сәдуақасова.

Посмотреть эту публикацию в Instagram

Публикация от ♛DINARA SADUAKASSOVA (@dinara.saduakassova)

Ол комиссия шахматшылардың мүддесін табысты қорғайды деп сенеді.

"Қазақстан шахмат федерациясы Динара Садуақасованы FIDE спортшылары комиссиясына төраға болуымен құттықтап, жемісті әрі нәтижелі жұмыс істеуіне тілектестік білдіреді", - делінген Қазақстан шахмат федерациясының сайтында.

Сондай-ақ, шахматтан әлем чемпионы Сәдуақасова халықаралық дәрежедегі спорт шебері атағына ие болғанын хабарлады.

0