Кісен

Нұр-Сұлтан тұрғынынан 40 миллион теңгенің тауары тәркіленді видео

836
Ұсталған адам дизайнерлік есірткіні аса ірі көлемде сатты деген күдікке ілінді және ол оны Теміртау, Атырау және Павлодар қаласында сатпақ болған

НҰР-СҰЛТАН, 15 ақпан – Sputnik. Елордалық тәртіп сақшылары есірткіні аса ірі көлемде сатты деген күдікпен 32 жастағы ер адамды ұстады. Күдіктіден бір жарым келіден астам "A-PVP" синтетикалық есірткі тәркіленді, деп хабарлады Нұр-Сұлтан қалалық полиция департаментінің баспасөз қызметі. 

Жеке тексеру кезінде ер адамнан 800 грамм синтетикалық есірткі затын тапты. Күдікті оны Теміртау, Атырау және Павлодар қаласына сатуға жібермек болған.

Сонымен қатар, ұсталған адамның үйін тінту кезінде салмағы 850 грамнан асатын, құрамында "A-PVP" әсерлі психотроптық заттары бар жеті орама пакет табылып, тәркіленді.

Тәркіленген заттың жалпы салмағы 1,5 килограмнан астам "A-PVP" синтетикалық есірткі немесе 5 000 дозадан асады.

Оқи отырыңыз: Жеке ұшақ, қымбат көлік, бірнеше коттедж: Ертаев пен Ибрагимнің мүлкі тәркіленді

Айта кетейік, мұндай көлемдегі есірткінің қара нарықтағы құны 40 миллион теңгенің шамасында бағаланады.

Қазіргі кезде ұсталған адам қамауға алынып, тергеу амалдары жүргізілуде.

836
Кілт сөздер:
Нұр-Сұлтан, есірткі сату
Тақырып бойынша
Жамбыл облысында малшыдан 9 келі марихуана тәркіленді
Заңсыз айналымнан 230 миллион теңгенің дәрі-дәрмегі тәркіленді
Жамбыл облысында қойшыдан 5 мылтық пен 1 келі есірткі тәркіленді
Петропавлда 29 жастағы әйелден 1944 жылы жасалған тапанша тәркіленді
Алматыда заңсыз саудаланған құбыжық балықтар тәркіленді
Көлік дөңгелегі

Алматы облысында мас жүргізуші бір топ оқушыны қағып кетті

63
Көліктен төнген қауіптен бір бүлдіршін ғана жалтарып үлгеріп, басқалары ауыр жағдайда ауруханаға жеткізілген

НҰР-СҰЛТАН, 3 наурыз – Sputnik. Алматы облысында мас жүргізуші бір топ оқушы қызды қағып кетті. Олардың үшеуі ауыр жарақатпен ауруханаға жеткізілді, деп хабарлайды Sputnik Қазақстан.

Оқиға орнынан ұялы телефон камерасына түсірілген видео әлеуметтік желілерде жарияланды. Кадр сыртында автор мектептен қайтып келе жатқан төрт баланы көлік қағып кеткенін айтады. Көліктен төнген қауіптен бір бүлдіршін ғана жалтарып үлгерген, ал басқалары ауыр жағдайда ауруханаға жеткізілген. Жол апаты Еңбекшіқазақ ауданындағы Қорам ауылында болған. 

Посмотреть эту публикацию в Instagram

Публикация от СМИ zakon.kz (@zakon.kz)

Бұл деректерді жергілікті денсаулық сақтау басқармасы растады. Қазіргі кезде жарақат алған үш оқушы қыз Шелек ауылдық ауруханасында дәрігерлер бақылауында екендігі хабарланды.

"Екі қыздың жағдайы өте ауыр. Олардың жамбасы мен аяқтары сынып, бас миының ісінуі сияқты бірнеше жарақат салдарынан 3-4 дәрежелі комаға түсті. Екеуі де жасанды тыныс алдыру аппаратына қосылған", – деді дәрігерлер.

Полицейлер балаларды қаққан УАЗ көлігінің жүргізушісі 54 жастағы жергілікті тұрғын екенін анықтады. Ол мас күйінде көлік тізгіндеген. Қазіргі кезде күдікті қамауға алынған.

Оқи отырыңыз: Солтүстік Қазақстанда көлік тоқтатып тұрған ауыл тұрғынын "ГАЗель" қағып кетті

Тиісті сараптамалар тағайындалып, аталған факт бойынша Қылмыстық кодекстің 345/1-бабының 2-бөлігі (жол жүрісі немесе көлік құралдарын пайдалану ережелерін бұзу, мас күйде көлік құралын басқару, абайсызда адам денсаулығына ауыр зиян келтіру) бойынша сотқа дейінгі тергеу басталды.

63
Кілт сөздер:
Алматы облысы, жол апаты
Тақырып бойынша
Бұрынғы "Әлем аруын" автобус қағып кетті – ауруханада қайтыс болды
Өскеменде трамвай ер адамды қағып кетті
Петропавлда жолаушыны екі бірдей көлік қағып кетті: оқиғаның мән-жайы
Алматыда автобус жолдан өтіп бара жатқан әйелді қағып кетті
Астраханда жартылай жалаңаш жүргізуші екі адамды қағып кетті
Кісен, архивтегі сурет

Ресейлік көліктерді жалған құжатпен кіргізген: Қазақстанда қылмыстық топ ұсталды

703
Мамандардың алдын ала есебі бойынша, қылмыстық топ өкілерінің мемлекетке келтірген залалы шамамен 650 миллион теңгені құрайды

НҰР-СҰЛТАН, 3 наурыз – Sputnik. Қазақстанда автокөліктерді контрабандалық жолмен өткізген трансұлттық қылмыстық топ мүшелері ұсталды, деп хабарлайды қаржылық бақылау агенттігі.

"Солтүстік Қазақстан облысы бойынша экономикалық тергеу департаменті мен облыстық прокуратура өкілдері бірлесіп, автокөлік контрабандасымен айналысқан трансұлттық қылмыстық топты ұстады. Олар жалған құжаттарда көлік бөлшектері деп көрсетіп, Ресейден Қазақстанға автокөліктер кіргізумен айналысқан", – делінген хабарламада.

Күдіктілерді тінту кезінде 60 машинаға қатысты (54 жеңіл автокөлік, алты жүк көлігі) заңсыз әрекеттерді растайтын құжаттар, Ресей Федерациясының жалған техникалық паспорты мен мемлекеттік нөмір белгілері тәркіленді. 

"Мемлекетке келтірілген залалдың алдын-ала мөлшері шамамен 650 миллион теңгені құрайды", – деп атап көрсетілген ақпаратта.

Оқи отырыңыз: Армян көліктеріне қатысты жиі қойылатын сұрақтардың жауабы

Қазіргі кезде ұсталғандар екі айға дейінгі мерзімге қамауға алынып, сотқа дейінгі тергеу басталды.

703
Кілт сөздер:
қылмыстық топ, автокөлік
Тақырып бойынша
Елімізде көлік тіркеу және жүргізуші куәлігін беру уақытша тоқтатылды
Көлік тізгіндеген 6 жасар бала әйелді қағып, мүгедек қылды: оқиғаның мән-жайы
Армениядан әкелінген көліктерді тіркеу мерзімі ұзартылды
Қазақстанда көлік тіркеу уақытша тоқтатылды
Екі шақырым жүгірді: полицей боранда көлік колоннасына жол көрсетті – видео
Көлік салығын қашан және қалай төлейді: жұртты мазалаған 10 сұраққа жауап
Otokar түрік холдингінің броньды машинасы

Қазақстан түріктің ARMA броньды машинасына не себепті қызықты?

0
ТМД және ҰҚШҰ елдерінің НАТО елдерінен броньды машиналарды сатып алуы дербес сауда саясатын әртараптандыру немесе тестілеу, сонымен қатар нақтылауды көздеп отыр. Алайда ресейлік кәсіпорындар сенімді серіктестер болып қала береді

Қарағанды гарнизонының "Спасск" полигонында Қазақстан қорғаныс министрлігінің мамандары NEFER жауынгерлік модулі бар ARMA 8x8 дөңгелекті броньды машинаны сынақтан өткізуді жалғастыруда. Қазақстан әскерін қаруландыру мақсатында бұл ауыр техниканы түріктердің Otokar компаниясы ұсынған болатын. Сынақтардың ұзақтығына қарағанда ARMA 8x8 машинасының  бет алысы жаман емес секілді. Ол өткен жылдың көктемінен бері қазақ даласында жүйткіп жүр.

Қорғаныс саласындағы сатып алуларды әртараптандыруға қарамастан, Қазақстан ресейлік қорғаныс-өнеркәсіптік кешенінің ең ірі клиенті болып қала береді. Ресейден тауарлар бұл саладағы қару-жарақ пен әскери техниканың жалпы көлемінің шамамен 80%-ін құрайды. Қазақстан қорғаныс министрлігінің мәліметтері бойынша 2020-2022 жылдарға арналған үш жылдық қорғаныс бюджеті 961 миллиард теңгені немесе 2,55 миллиард долларды құрайды. Бұған дейін Қазақстан Ресейден БТР-80А және БТР-82А броньді тасымалдағыштарын, "Терминатор" ТҚСМ 10 машинасын сатып алды. Сондай-ақ, лицензия бойынша тағы 20 машина республикада құрастырылады.

Қазақстан Ресейде шығарылған жаңа әскери техниканы Ресей Федерациясының ішкі бағасымен сатып алады. Сонымен қатар Қазақстанның қорғаныс-өнеркәсіптік кешендері ресейлік броньды машиналарды жөндеу және жаңартуға жақсы бейімделген. "Уралвагонзавод" кәсіпорнымен арадағы келісім бойынша республикада Т-72 танктері мен БМП-1 және БМП-2 жаяу әскер машиналарына қызмет көрсету, модернизациялау және жөндеу орталығы құрылды.

Дүниежүзілік қару-жарақ нарығының шамамен 30%-і Ресейдің үлесінде. Сондай-ақ Ресей әскери мақсаттағы өнім шығару және ол өнімді әлемдегі 50 елге (соның ішінде ТМД-ның жеті еліне) жеткізу бойынша екінші орында тұр. 2020 жылы ресейлік қорғаныс өнімдерінің экспорты 13 миллиард доллардан асты. Тапсырыстар портфелінде 55 миллиард долларға жасалған келісімшарттар бар. Бұл ресейлік қарудың сапасына кепілдік деп бағалауға тұрарлық статистика. Ресей Федерациясы дәстүрлі түрде жаңа броньды машиналармен жабдықтаушылар рейтингінде көш бастап тұр. Бір ғана 2010-2017 жылдар аралығында 1,48 миллиард долларға 1200-ден астам соғыс техникасы сатылған. Әйтсе де қазақстандық мамандар түріктің ARMA броньды машинасына не себепті қызықты?

Бірқатар сарапшы кей мемлекеттердің өздеріндегі шынжыр табанды техниканы жаңа машинамен ауыстыруға деген ниеттерін Otokar ARMA машинасының басымдылығы ретінде атады. Ал батыстағылар "жаңа машина әлемнің басым елдерінде қолданылып келе жатқан кеңестік броньды тасымалдағыштардың орнын басатынын" айтты. Енді машинамен жақынырақ таныссақ.

Қазақстанға арналған полигондық үлгі қазақ әскері үшін арнайы әзірленген NEFER әскери модулімен жасақталған. Бұл модуль нысананы көздеу кешені мен жылуды анықтау камерасын қолдану арқылы түнгі уақытта атысуға мүмкіндік береді. Алты адамнан тұратын десант артқы жақта орналасқан жалғыз есік арқылы кіріп-шығады. Стандартты жинақта кондиционер бар.

Сынақтан өткізу үшін Қазақстанның қорғаныс министрлігіне ARMA-ның бірнеше үлгісі ұсынылды. Алғашқы сынақтар 2020 жылдың наурызында Қарағанды облысында өтті. Сынақ барысында күндіз де, түнде де оқ ату, типтік кедергілерден өту, 65 сантиметрге дейінгі тереңдіктегі қар құрсауынан шығу секілді машықтар пысықталды. Түріктердің Otokar компаниясы машинаға кез келген модульді қаруды орнатуға көмек көрсететінін жеткізді. Мұндай ұсыныстар әркез жоғары бағаланады.

ARMA 8x8 брондалған машинасы 2011 жылдан бері шығарылып келеді. Otokar фирмасының мәліметі бойынша, 24 тонналық машина маневрі, жылдамдығы, қозғалыстағы ептілігі, баллистикалық және мина қарсы қауіпсіздігі деңгейі бойынша НАТО талаптарына толық сәйкес келеді. Тактикалық дөңгелекті броньды тасымалдаушы сағатына 8 шақырымға дейінгі жылдамдықпен су айдындарынан кедергісіз өте алады. Тас жолдардағы жоғарғы жылдамдық сағатына 105 километрге дейін жетеді. Конструкциясы тапсырыс берушінің қалауы бойынша әскери модульдерді орнату арқылы көлікті әртүрлі міндеттерге қарай бейімдеуге мүмкіндік береді.

Алайда түрік өндірісіне жататын бұл ауырт техникаларда тек электроника мен броньды корпус қана түріктерге тиесілі. Әйтпесе МТU және "Скания" қозғалтқыштары шведтер мен немістердікі, трансмиссия – Америкаға немесе Германияға тиесілі, зеңбіректері АҚШ-та дайындалған "Бушмастер" немесе Ресейдегі 2А42.

Осыған ұқсас ресейлік броньды тасымалдағыш БТР-90 машинасымен салыстырып көрейік. Оның қозғалтқышының қуаты – 510 л.с. Яғни түріктердің техникасынан әлдеқайда үлкен. Жылдамдығы сағатына 100 километрді құрайды. БТР-90 машинасының маневр жасау мүмкіндігін арттыратын ерекше трансмиссиясы бар. Ол борттық ақпараттық-басқару жүйесімен жабдықталады. Экипаж бен десант саны – сәйкесінше үш және жеті әскери қызметкер. Салмағы – 22 тонна. Түріктердің техникасынан екі тоннаға жеңіл. Оның қарулану кешені де жинақы. 30 миллиметрлі 2А42 автомат зеңбірегі мен 7,62 миллиметрлі оқшашардан бөлек танкке қарсы "Конкурс-М" зымырандары және АГ-17 гранатометтермен жабдықталған. Осы аталғандарды ескерген күннің өзінде Ресей оны мінсіз машина қатарына жатқызбайды. Орыстар әлдеқайда жеңіл БТР-82А немесе "Бумерангтерді" қолдануға басымдық беріп отыр.

Ресейлік "Бумеранг" броньды тасымалдағышы соғыс кезінде пайдалану мүмкіндіктерінің ең жоғарғы үлгісі. Ол халықаралық нарықта 2020 жылдың көктемінде таныстырылды. Броньды тасымалдағыш атыс қаруларынан, мина жарғыш құрылғыларынан және артиллерия снарядтарының сынықтарынан жоғары деңгейде қорғай алады. Машина астында мина жарылған болса, үш адамнан тұратын экипаж бен 8 десанттық жауынгер аман қалады. Үнемді 750 күштік дизельдік қозғалтқыш 20 тонналық "Бумерангты" тас жолда сағатына 100 километр, жолсызда 50 километр, суда 10 километр жылдамдықпен жүруін қамтамасыз етеді.

Қызығы, Қазақстанда дайындалған "Барыс" 8х8 броньды тасымалдағышы көп көрсеткіш бойынша түрік машинасынан әлдеқайда асып түседі. "Барыс" турбодизельді қозғалтқышының қуаты 500 л.с. Тас жолдағы жылдамдығы – сағатына 100 километр. Экипаж бен десант саны – 11 адам. Салмағы – 19 тонна. Яғни түрік техникасынан 5 тоннаға жеңіл.

"Казахстан Парамаунт инжиниринг" компаниясының машинасында баллистикалық және минадан қорғаудың жоғары деңгейі, жауынгерлік модульдердің кең спектрі бар. Бәлкім өндіріс көлемі әзірше шектеулі шығар. Бірақ әскерді қайта қаруландыру бүгінгі күні аса қажет. Сол себепті ұсыныстарды, таңдаудың технологиялық және әскери-саяси салдарларын мұқият зерттеп алу қажет.

21AAR басылымының "Otokar ARMA НАТО-ға мүше мемлекет құрастырған ең үздік броньды тасымалдағыш және ол Франция мен Германияда жасалған балама машиналардан бірқатар көрсеткіш бойынша жоғары тұр"деген пікірімен келіспеске болмайды. Бірақ бұл артықшылықтар түрік техникасы ТМД елдерінде сәтті қолданылатынына кепілдік емес. Ресей Федерациясы секілді бәсекелестері бар уақытта қазақстандық әскерді қаруландыру түріктерге ғана жүктеледі деп үміттенуге болмайды.

0