Иллюстративті фото

Қапшағай ойынханасындағы төбелес видеоға түсіп қалды

5395
(Жаңартылды 21:19 17.02.2021)
Ойынхана күзетшілерінің бірі пышақ жарақатымен ауруханаға түсті, қазіргі уақытта ол жансақтау бөлімінде жатыр

НҰР-СҰЛТАН, 17 ақпан – Sputnik. Қапшағайда 21 жастағы жігіт ойынхана күзетшісін пышақтады.

Жәбірленуші қалалық аурухананың жансақтау бөлімінде жатыр, оған бірнеше рет соққы жасалған, деп хабарлайды Sputnik Қазақстан Алматы облысының полиция департаментіне сілтеме жасап.

Казинодағы оқиға туралы ақпарат полицияға жедел жәрдем дәрігерлерінен түскен, олар ойын мекемесінің 36 жастағы күзетшісін жансақтау бөліміне жеткізген. Тәртіп сақшылары ойынханаға келушілердің бірі төбелес шығарып, қызметкерлердің бірін пышақпен жарақаттағанын анықтады.

"Оқиға орнынан қашып кеткен күдікті Талғар ауданының тұрғыны болып шықты, ол ұсталып, полицияға жеткізілді. Қазір жауап алынып жатыр", - деді Қапшағай полициясы бастығының орынбасары Азамат Тұрғынбаев.

Павлодар облысында көпбалалы ана жантүршігерлік қылмыс жасады

Полиция ұсталған адамға кісі өлтіруге оқталды деген айып тағылғанын хабарлады. Егер оның кінәсі дәлелденсе, 8 жылдан 15 жылға дейін бас бостандығынан айырылуы мүмкін.  

5395
Кілт сөздер:
видео, күзетші, ойынхана
Жасөспірім

Футбол ойнай алмағаны үшін мазаққа ұшыраған оқушы өзіне қол салды

46
(Жаңартылды 19:44 02.03.2021)
Қылмыскерлердің көбісі бала кезінде қатарластарынан қысым көрген, я болмаса, отбасының ішінде қарым-қатынас дұрыс болмаған, дейді Марат Қожаев

НҰР-СҰЛТАН, 2 наурыз – Sputnik. Футбол ойнай алмағаны үшін сыныптастарының мазағына шыдай алмаған оқушы өз-өзіне қол салды. Бұл туралы ішкі істер министрінің орынбасары Марат Қожаев айтты, деп хабарлайды Sputnik Қазақстан тілшісі.

"Тергеу тәжірибесінен нақты бір мысалды келтірейін, еліміздегі бір мектепте 12 жастағы оқушылар өз сыныптасына футбол ойнай алмағаны үшін үнемі психологиялық қысым, олардың тілімен айтқанда, "троллинг" жасаған. Команда бірнеше ойында ұтылған. Содан олар барлық кінәні өз сыныптасына артқан. Дұрыс ойнай алмайсың деп, барлығы оны мазақ қылған. Бала оған шыдай алмады, ақыры өз-өзіне қол салды", - деді Қожаев орталық коммуникациялар қызметінде өткен онлайн брифингте.

Оның айтуынша, буллинг, яғни, біреуді қудалау әртүрлі формада болуы мүмкін. Мысалы, бала туралы кәуесет таратып жібереді, күш көрсетіп, сөзбен тиіседі. Байкот жариялап, топтан шығарып тастайды.

Тоғызыншы сынып оқушысы 50 жастағы адамға тұрмысқа шықпау үшін өзіне қол салды

"Ондай қудалау баланың психикасына кері әсер етеді. Ал өскеннен кейін ерекше қатыгездік сияқты салдары да көрінуі әбден мүмкін. Криминалистика тарихы көрсетіп отырғандай, белгілі қылмыскерлердің көбісі бала кезінде қатарластарынан қысым көрген, я болмаса, отбасының ішінде қарым-қатынас дұрыс болмаған. Ондай теріс мысалдар біздің ортамызда да бар екенін мойындауымыз қажет. Әсіресе, жасөспірімдер арасында буллинг көп", - деп атап өтті Қожаев.

Ресми мәліметке сәйкес, өткен жылы 143 жасөспірім суицид жасаған. Бұдан бөлек, 306 бала өз-өзіне қол салуға әрекеттенген. Бүгінде көп жағдайда суицидтің нақты себебін анықтау қиын. Себебі балалар өз проблемасын мұғалімге де, ата-анасына да көп айта бермейді.

46
бала, архив

Ата-анасы жұмыста болған: СҚО-да тұрғындар үйден 5 жасар баланың денесін алып шықты

1097
(Жаңартылды 18:10 02.03.2021)
Өрт сөндірушілер келгенше баланың денесін үйден жергілікті тұрғындар алып шыққан

ПЕТРОПАВЛ, 2 наурыз – Sputnik. Солтүстік Қазақстан облысында ерлі-зайыпты жұмыста болған кезде өрт шығып, бес жасар бала көз жұмды. Бұл туралы облыстық төтенше жағдай департаменті мемлекеттік өрт бақылау басқармасының бастығы Дмитрий Растихин хабарлады.

Төтенше жағдай 1 наурызда Аққайың ауданының Новороссийск ауылында болды. Өрт туралы хабар куәгерлерден 18:59-да түсті.

"Оқиға орнына келген кезде бір қабатты үйдегі екі пәтердің бірі жанып жатқаны анықталды. Өрт сөндірушілер келгенге дейін жергілікті тұрғындар 2015 жылы туған баланың жансыз денесін алып шыққан. Өлімнің себебі анықталып жатыр, баланың денесі сараптамаға жіберілді", - деді Растихин.

Өрт шыққан кезде бала үйде жалғыз болған, ата-анасы жергілікті ЖШС-да жұмыс істейді.

Өрт сөндірушілер оқиға орнына бір сағаттан астам уақытта жетті, себебі ауыл өрт сөндіру бөлімінен 50 шақырым жерде орналасқан. Олар келген кезде үй жалындап жанып жатқан.

На севере Казахстана пятилетний ребенок погиб при пожаре, пока родители были на работе
© Photo : ДЧС СКО
Ерлі-зайыпты жұмыста болған кезде өрт шығып, бес жасар бала көз жұмды

"Өрттің шығу себебі әлі анықталып жатыр. Өрт ас үйден шыққан, алдын ала болжам бойынша, пештен шыққан. Үйдің ішінде от тез тұтанған, себебі үй қамыс пен кірпіштен салынған. Салдарынан үйдің жартысы жанып кетті", - деді Растихин.

Айта кетейік, жыл басынан бері Солтүстік Қазақстан облысында 138 өрт болды, 21 адам қаза болды. Оның ішінде екі бала бар. Тағы 29 адам зардап шекті. Өрттің 76%-і тұрғын үй аумағында шыққан.

1097
Архивтегі фото

АҚШ пен Сауд Арабиясының қарым-қатынасы шиеленісті ме?

0
Серіктестік екі тараптың да стратегиялық мүдделеріне сәйкес келеді. Алайда демократия мен адам құқықтары мәселесінде қос мемлекеттің жолы қақ айырылады

НҰР-СҰЛТАН, 2 наурыз – Sputnik. Сауд Арабиясы мен АҚШ қарым-қатынасы күрделі кезеңнің алдында тұр. АҚШ-тың Ұлттық барлау қызметі 2018 жылы журналист Джамал Хашукджиді өлтіру туралы баяндаманы жариялағаннан кейін Ақ үй жаңа стратегия жариялады: америкалықтар Йемендегі соғысты тоқтатып, адам құқықтарын сақтауды талап етті, деп жазды РИА Новости.  

Мемлекеттік департамент басшысы Энтони Блинкен 76 саударабиялық азаматқа визалық шектеу енгізу туралы мәлімдеді. Блинкеннің ақпаратына сәйкес, бұл азаматтардың диссиденттерді қорқытып-үркітуге және Хашукджи өліміне қатысы бар көрінеді. Дербес санкциялар Жалпы барлау қызметінің басшысы Ахмад әл Асириге де қатысты болмақ. Барлау баяндамасында Сауд Арабиясы билігін өткір сынға алған The Washington Post газетінің авторын қинап өлтіруге мұрагер ханзада Мұхаммед бен Салманның да қатысы бар екені айтылған. Ханзаданың мақұлдауынан кейін журналисті ұрлап әкетіп, оны мүшелеп өлтірген. СІМ бұл айыптауды толығымен жоққа шығарды. Әйтсе де, ханзадаға қатысты жеке шектеулер енгізілген жоқ. Бірақ жаңа президент Джо Байден Эр-Риядты қатаң жазалайтынын мәлімдеген болатын.

"Бір адаммен емес, бүкіл мемлекетпен арадағы қарым-қатынас әлдеқайда маңызды. Біз корольдікті қорғауға тырысамыз", - деген Блинкен Эр-Рияд әрекеттері АҚШ мақсаттары мен құндылықтарына сәйкес келуі маңызды екенін атап өтті.

Корольдіктің қорғанысын қамтамасыз еткені үшін америкалықтарға мұнайға қолжетімділік беру аталған екі мемлекеттің қарым-қатынасының негізі десе де болады. Оның үстіне Сауд Арабиясы Америка қару-жарағына ең ірі тапсырыс беруші. Серіктестік екі тараптың да стратегиялық мүдделеріне сәйкес келеді. Алайда демократия мен адам құқықтары мәселесінде қос мемлекеттің жолы қақ айырылады.

Корольдің жеке кеңесшісі Салман атап өткендей, Барак Обама президент болған соңғы жылдарда пікірлер қайшылығы туындады. Бұл көбіне Сауд Арабиясының басты қарсыласы – Иранға деген АҚШ-тың қарым-қатынасында байқалды. Екі елдің барлау қызметі қауіпсіздік саласында сәтті әріптестік орнатқанымен, арабтардың монархияны сынаушылармен күресу әдістері АҚШ-тың көңілінен шықпады. Оған Йемендегі проблемалар қосылды. Ақ үй Америка қару-жарағы қолданылған соғыс әрекеттерінің құрбандарына алаңдады.

Ақ үйге Дональд Трамп келгеннен кейін қарым-қатынас біршама жақсарды. Трамп президент қызметіне кіріскенге дейін корольдікті аса жақтырмағанымен, ол өзінің ең бірінші іссапарын дәл осы Эр-Риядтан бастады. Хашукджи өлімі туралы баяндама алдыңғы президент кезінде әзірленген. Бірақ құжат сол уақытта жарияланбады.

"Трамп Вашингтон міндеттерін азайту үшін одақтастарға инвестиция салды. Оның серіктестері, соның ішінде Сауд Арабиясы бұрынғыдан да көп қару-жарақ сатып алып, аймақтағы жағдайда өз бақылауына алуы керек болды. Есесіне АҚШ әәскери-саяси қолдау көрсетіп, одақтастары үшін маңызды бастамаларды мақұлдап отырды", - дейді Мәскеу мемлекеттік халықаралық қатынастар институты Халықаралық зерттеулер институты Перспективалы америкалық зерттеулер орталығының директоры Максим Сучков.

Жаңа президент сайлануымен қатар бұл бағдар өзгереді деп болжанған және алғашқы қадамдар жасалып қойды. Байден Йемендегі шабуылдау операцияларын қолдау тоқтатылатынын хабарлады. Оның ішінде қару-жарақ экспорты да бар. Бұл өткен жылдың желтоқсанында мақұлданған 290 миллион долларға дәлдігі жоғары үш мың GBU-39 бомбасы мен сомасы 478 миллион долларды құрайтын жеті мың Paveway IV бомбасын жеткізуге қатысты болып отыр. Вашингтон Йемендегі қақтығысты дипломатиялық жолмен шешетінін мәлімдеді. Оның үстіне ақпан айынан бастап хуситтерді террористік топтар тізімінен алып тастады.

Бірақ сарапшылар екі елдің қарым-қатынасы түбегейлі өзгереді деп күту орынсыз деп санайды. Яғни, стартегиялық жоспар сол күйінде қалады.

"Америкалықтар сонау Обама кезінен бері өз энергетикасы мәселесінде едәуір өсіп, мұнай өндірісінде әлемдегі жетекші орынға ие болды да, Сауд Арабиясына деген қажеттілік азайды. Аймақішілік динамикада көп мәселе ирандық ядро келісіміне тәуелді болып тұр. Эр-Рияд – Тегеранмен қарым-қатынастағы АҚШ-тың басты серіктестерінің бірі. Егер Сауд Арабиясына тым қатты қаталдық танытса, бұл Иран үшін тиімді болады. Хашукджиді өлтіргендерді жазалау үшін АҚШ бұл әрекетке бара қоймайды", - деп санайды Ресейдің халықаралық істер жөніндегі кеңесінің таяушығыстық жобалар менеджері Руслан Мамедов.

Таяу Шығыс жөніндегі маман Алексей Хлебников соңғы он жылда аймақта бірнеше жаңалық болғанын еске салды.

"Тунис пен Египеттегі көтеріліс, Мысырда төңкеріс болды және соның салдарынан америкалықтардың Каирге әскери көмегі тоқтатылды. Иранмен келісім тағы бар. Осының барлығы корольдіктерді, соның ішінде Сауд Арабиясын, дипломатиялық байланысты әртараптандыруға және Ресей мен Қытай сияқты басқа да ірі державалармен қарым-қатынасты нығайтуға итермеледі", - дейді саясаттанушы.

Мәскеу де Эр-Риядқа қару-жарақ сатады. Алғашқы партияларды жеткізу 2019 жылы басталды. Содан кейін корольдік Ресеймен ауыр отшашар жүйелері, танкке қарсы кешендер, гранатометтер мен автоматтар сатып алу туралы меморандумға қол қойды. 2021 жылдың басында саудтықтар орыстың С-400 зениттік-зымыран кешендері мен Су-35 жойғыштарын сатып алуы ықтимал екені хабарланды.

"Мәскеу мен Эр-Рияд қарым-қатынасында ОПЕК+ мәмілелерінің де маңызы зор. Бұл екі тараптың да табыс көзін арттыруына септігіни тигізді", - дейді Руслан Мамедов.

Оның айтуынша, Эр-Риядтың Вашингтоннан теріс айналып, оған көптеген проблема туындату мүмкіндігі бар. Бірақ бұл екі мемлекеттің бір-бірі үшін маңызы жоғары.

"Сауд Арабиясы АҚШ-пен қарым-қатынас Ақ үйде қай президент отырғанына байланысты өзгермейді. Себебі екі елдің байланысы бірнеше онжылдық бұрын қалыптасқан. Оны онша-мұнша дүрбелеңдер бұза алмайды", - деп санайды сарапшы.

Онжылдықтарға созылған серіктестік көп салада нәтиже берді. Мысалы, Сауд Арабиясы элитасының басым бөлігі АҚШ-та білім алған, саудтық риал долларға жіпсіз байланып тұр, ал қару-жарақ пен әскери дайындық негізінен америкалықтар тарапынан орындалып жатыр. Мұны өзгерту үшін көп жыл қажет. Сондықтан сыртқы саяси байланыстарды әртараптандыру көпполярлы жаңа әлемнің талаптарына жауап беретін тактикалық қадам.

0