Төбелес, иллюстративті фото

Қарағандыда автобус жүргізушілері төбелесті - видео

3253
(Жаңартылды 10:59 18.02.2021)
Куәгерлердің айтуына қарағанда төбелес жүргізушілердің жолаушыларды өзара бөлісе алмауынан туындаған

НҰР-СҰЛТАН, 18 ақпан – Sputnik. Әлеуметтік желіде қызуқанды қарағандылық автобус жүргізушілерінің өзара төбелескен видеосы тарап жатыр, деп хабарлайды Sputnik Қазақстан. 

Жүргізушілер арасындағы төбелестің видеосы Instagram желісіндегі gorod_karaganda_krg парақшасында жарияланды. Кадр сыртындағы дауыс оқиға "45 квартал" аялдамасында болғанын айтады.

Видеода бір топ адамның арасында бір-біріне дауыс көтере сөйлеп жатқаны көрінеді. Кенет жанжал өрши түсіп, ер адамға екі жігіт кезектесіп қол сілтейді. Соққының дөп тигенінен ер адам жайсыз құлап, автобустың астына түсіп қала жаздайды. 

Посмотреть эту публикацию в Instagram

Публикация от Karaganda KZ (@gorod_karaganda_krg)

Ал куәгерлердің айтуынша, төбелес жүргізушілердің жолаушыларды өзара бөлісе алмауынан туындаған.

Қарағанды ​​облысының полиция департаменті бұл жағдайға қатысты түсініктеме беріп, аталған факт негізінде Қылмыстық кодекстің 293-бабы (бұзақылық) бойынша қылмыстық іс тіркелгенін атап өтті.

Оқи отырыңыз: Жұдырық ала жүгірді: Ақтаудағы төбелес видеоға түсіп қалды

"Қазіргі кезде оқиғаға қатысушылар анықталып, тергеп-тексеру жұмыстары жүргізілуде", – делінген полиция департаментінің хабарламасында.

3253
Кілт сөздер:
видео, Қарағанды облысы, жүргізушілер
Тақырып бойынша
ММА жекпе-жегінен кейін жаппай төбелес басталды – видео
Министрлік Қордайдағы жаппай төбелес қалай басталғанын айтып берді
Ақтөбедегі төбелес: 15 жастағы оқушы көз жұмды
Қапшағай ойынханасындағы төбелес видеоға түсіп қалды
Нұр-Сұлтанда жаппай төбелес кезінде екі тұрғын көз жұмды: 11 адам ұсталды
Сағат

Таныс әйелді құттықтап барған астаналық ер адамның қылмысы әшкереленді

2816
(Жаңартылды 20:56 08.03.2021)
Қазіргі кезде өзінің заңсыз әрекетін мойындаған күдіктінің өзге қылмысқа қатыстылығы тексерілуде

НҰР-СҰЛТАН, 8 наурыз – Sputnik. Астаналық ер адам мереке қарсаңында әйел танысының үйіне құттықтай барып, қымбат сағатын ұрлап кетті, деп хабарлайды Polisia.kz.

Полиция қызметкерлері жедел іздестіру шарасын жүргізу нәтижесінде қымбат смарт-сағатты ұрлады деген күдікпен 31 жастағы қала тұрғынын ұстады.

Ер адам танысының үйіне қонаққа барған. Оңай олжаға кенелуді ойлаған ол кетерінде үстел үстінде тұрған Apple Watch сағатын алып кеткені анықталды. Кейіннен оны ломбардқа өткізген. Қолды болған затты полицейлер тәркілеп, иесіне қайтарып берді.

Оқи отырыңыз: ҚТЖ екіұдай мәндегі құттықтау видеосы үшін кешірім сұрады

Қазіргі кезде аталған факті бойынша қылмыстық іс қозғалды. Күдікті өзінің заңсыз әрекетін мойындады және оның өзге де қылмысқа қатыстылығы тексерілуде.

2816
Кілт сөздер:
қылмыс, ұрлық
Тақырып бойынша
Әсемдікке құштарлық: Астанада иіссу дүкенінің күзетшісі ұрлық жасап сотталды
Астана мешітінде ұрлық жасаған тұрғын ұсталды
Астанада автобустағы ұрлық видеобақылау камерасына түсіп қалды
Ақтөбе тұрғыны ерекше тәсілмен ұрлық жасады
Татуласуға жол жоқ: ұрлық ауыр қылмыс санатына жатқызылады
Архивтегі фото

Аймағамбетов қол астындағы қызметкерінің адам өлтіруіне не себеп болғанын айтты

1511
(Жаңартылды 19:47 08.03.2021)
Екеуара жанжал кезінде құрдасын атып тастаған Қостанай полициясының бағдарламашысы ұсталып, қамауға алынды

НҰР-СҰЛТАН, 8 наурыз – Sputnik. Қостанай облысы полиция департаментінің бастығы Бекет Аймағамбетов 8 наурызға қараған түні Қостанай полициясының қызметкері жасаған қылмыстың жай-жапсарын баяндады. Жанжалдасқан екеу сыныптас екені анықталды.

Облыс полициясының бастығы қарсыласын тіркелген қарумен атып тастаған қызметкердің департамент құрылымында басшылық қызмет атқармағанын, қарапайым бағдарламашы болғанын атап өтті. Ол қақтығысқа не себеп болғанын да хабарлады.

"Екі сыныптастың арасында жанжал шыққан. Ол оннан астам адам тіркелген чатта жалғасқан. Бағдарламашыға сыныптасы қоқан-лоқы жасаған", - деп жазды Аймағамбетов өзінің Facebook парақшасында.

Оның айтуынша, полицейдің сыныптасы оған қарулы адамдар жібергенін айтып, өлтіремін деп қорқытқан. Ондай хабарламаны бірнеше рет жазған.

"Бұрын сотталған сыныптас ішімдік ішіп, 8 наурызда түнгі сағат үш шамасында танысымен бірге полицейдің үйіне келген. Ол оған тағы да қоқан-лоқы жасаған. Өзінің атына тіркелген қаруды алып шыққан полицей оқ атқан, жәбірленуші көз жұмды", - деді Қостанай облысы полиция департаментінің бастығы.

Аймағамбетов қазіргі уақытта полиция қызметкері қамауға алынғанын хабарлады.

Қазақстан Қылмыстық кодексінің 99-бабы 1-бөлігі – "Адам өлтіру" бойынша сотқа дейінгі тергеуден бөлек, ішкі қауіпсіздік басқармасының қызметкерлері қызметтік тексеріс жүргізіп жатыр. Іс ерекше бақылауға алынды.

Оқи отырыңыз: Қостанайда ер адам құрдасын өлтірді - полицей ұсталды

Еске сала кетейік, бұған дейін 8 наурызға қараған түні Қостанайдағы Тәуелсіздік көшесінде ер адам ерегіскен қарсыласын атып өлтіргені хабарланған болатын.

Кейін күдіктінің құқық қорғау органының қызметкері екені белгілі болды. Егер оның кінәсі дәлелденсе, сегіз жылдан он бес жылға дейінгі мерзімге бас бостандығынан айырылуы мүмкін.  

1511
Тақырып бойынша
Өскеменде ер адам полицейдің мойнына пышақ сұғып алды – оқиғаның видеосы
Алматыда төрт лауазымды полицей қызметінен қуылды
Демалыста жүрген полиция майорының заңсыз әрекеті әшкере болды
Полиция басшылары ұсталды - ІІМ видео жариялады
Иллюстративті фото

Түркістан облысында 8 наурыз қарсаңында үшем дүниеге келді

2654
Үш қызды дүниеге әкелген 34 жастағы көпбалалы ананың үйінде тағы екі ұлы мен екі қызы асыға күтіп отыр

НҰР-СҰЛТАН, 8 наурыз – Sputnik. Түркістан облысында Сарыағаш ауданының 34 жастағы тұрғыны Лаура Тұрарбекова 8 наурыз –  Халықаралық әйелдер күні мерекесі қарсаңында үш қызды дүниеге әкелді.

Шала туған үшемнің өмірін дәрігерлер аман алып қалды. Бүгінде нәрестелерді №1 облыстық перинаталдық орталығының дәрігерлері бақылауға алған, деп хабарлады Otyrar.kz.

"Үш қызымның рақатын көрейін енді. Үйімде тағы екі ұлым мен екі қызым асыға күтіп отыр. Мереке қарсаңында босанып отырмын. Осы орайда ақ халатты әйелдер қауымын мерейлі мерекемен шын жүректен құттықтаймын. Дәрігерлерге мың алғыс", – дейді көпбалалы ана.

Жаңа туған сәбилерге Жания, Рабия, Сания есімдері берілді.

Ақ халаттылардың біліктілігі мен тынымсыз еңбегінің арқасында шала туған шақалақтарды анасы бауырына басты. Себебі жеті жарым айлық нәрестелердің өкпесі дұрыс дамымаған, бәрі жасанды тыныс алу аппаратына қосылған.

Балаға берілетін жәрдемақы - 2021: кімге, қалай және қанша төленеді?

Айта кетейік, жыл басынан бері орталықта 1571 бала дүние есігін ашқан. Олардың 38-і егіз болса, екеуі үшем.

2654
Кілт сөздер:
Түркістан облысы, үшем
Тақырып бойынша
"Өтірік айтасың деп сенбеді": алты баланың анасы атанған 23 жастағы келіншектің әңгімесі
Депутат бес жылдан кейін бала туатын әйелдер санының азаятынын айтты
Түркістан облысында 23 жастағы келіншек алты баланы дүниеге әкелді
Нұр-Сұлтанда егіздер мен үшемдер көбейді
Нұр-Сұлтанда жаңа туған нәрестеге жиі қойылған есімдер жарияланды
25 жасында көпбалалы ана атанды: Маңғыстауда төртем дүниеге келді