Қазығұртта мектептен қайтпаған баланың қайда жүргені анықталды
(Жаңартылды 09:29 19.02.2021)
Жедел іздестіру жұмыстарының нәтижесінде жоғалған бала сегіз шақырым жердегі көрші ауылдан, ойнап жүрген жерінен табылдыНҰР-СҰЛТАН, 19 ақпан – Sputnik. Түркістан облысында Қазығұрт ауданының полицейлері жоғалған баланы тауып, үйіне қайтарды, деп хабарлайды Polisia.kz.
Қазығұрт полициясына жергілікті тұрғын хабарласып, кәмелетке толмаған баласы мектепке кетіп, қайта оралмағанын жеткізген. Отбасы 11 жастағы баланы өздері іздеп таппаған соң, полицейлердің көмегіне жүгінген.
Оқи отырыңыз: Сарыағашта қызының сөзіне мән бермеген ата-ана полициядан көмек сұрауға мәжбүр болды
Полицейлер мектептен шығып кеткен 11 жасар жасөспірімді бөлімшеге тіркеп, іздеуге кірісті. Тәртіп сақшылары учаскелік полиция инспекторлары барлық көше мен ауланы мұқият қарап шығып, куәгерлер мен өтіп бара жатқан адамдардан жауап алды.
Жедел іздестіру жұмыстарының нәтижесінде жоғалған бала тәулік ішінде сегіз шақырым жердегі көрші ауылдан, ойнап жүрген жерінен табылды.
Полицейлер жасөспірімді үйіне қайтарып, анасына тапсырды. Ал жасөспірімнің анасы Қазығұрт АПБ-нің қызметкерлеріне шын жүректен алғысын білдірді.
Атырау облысында үйден 4 адамның мәйіті табылды
(Жаңартылды 10:19 06.03.2021)
Трагедия Атырау облысы Махамбет ауданы Ақтоғай ауылында болған. Қайтыс болғандардың үшеуі ересек, біреуі бес жасар бала екені хабарланып отыр АЛМАТЫ, 6 наурыз – Sputnik. Аудандық өрт сөндіру қызметіне 5 наурыз, жұма күні хабар түсті. Оқиға орнына жеткен қызметкерлер төрт адамның мәйітін тапты, деп хабарлайды "Ақ жайық".
Трагедия Атырау облысы Махамбет ауданы Ақтоғай ауылында болған. Облыстық төтенше жағдайлар департаменті 1974, 1991 жылы туған ер адамдар мен 1977 жылғы әйел және 2016 жылы туған қыздың денесі табылғанын хабарлады.
Қазіргі уақытта төтенше жағдайлар бөлімінің және құқық қорғау органдарының қызметкерлері оқиға орнында жұмыс істеп жатыр. Алдын ала болжам бойынша иіс тиіп уланған.
Болған жағдайдың мән-жайы қосымша хабарланатын болады.
Еске сала кетсек, 19 ақпанда Жамбыл облысындағы Жаңатаста 3-қабаттағы пәтерде өрт шығып бес бала көз жұмған болатын. 2015, 2016, 2017, 2019 және 2020 жылдары туған екі ұл мен үш қыз ересектер қарауынсыз қалған.
Өрт салдарынан балалар иіс тиіп уланып, ауруханаға жеткізілді. Алайда аман алып қалу мүмкін болмады.
Кілт сөздер:
Қара түтін қаптады: өрт сөндірушілер Нұр-Сұлтанның сол жағалауына шұғыл жетті – видео
НҰР-СҰЛТАН, 5 наурыз – Sputnik. Елордада "Халықаралық сауда орталығы" тұрғын үй кешені ғимаратында өрт шықты.
"5 наурыз күні сағат 11.48-де өрт сөндіру бөлімнің қызметкерлері шұғыл түрде Достық көшесінде орналасқан "Избушка" дәмханасына аттанды", – делінген астаналық төтенше жағдайлар департаментінің хабарламасында.
Үш техника мен 13 қызметкер оқиға орнына келгенде "Дастархан" дәмханасының ішіндегі ас бөлме мен желдету жүйесінде өрт шыққаны анықталды.
Оқи отырыңыз: Өрт сөндіруші көз жұмды: Ақсуда қайғылы оқиғаның қалай болғаны айтылды
Желіде жарияланған видеода қою қара түтін мен өрт сөндірушілердің тілсіз жаумен күресіп жатқанын көрінеді.
Мамандардың айтуынша, өрт сағат 12.10-да оқшауланған.
Кілт сөздер:
Алматылық еден жуушының керемет өзгерісі жұртты тәнті етті – фото
(Жаңартылды 13:36 06.03.2021)
Мұсатаев өзгеруге арналған жобасын Халықаралық әйелдер күніне орайластырған. Пилоттық түсірілімге модель ретінде 36 жастағы Луиза таңдалдыАЛМАТЫ, 6 наурыз – Sputnik. Алматылық продюсер Әлихан Мұсатаев өзінің Instagram парақшасында жаңа жобасы туралы айтты. Оның алғашқы кейіпкері еден жуушы келіншек болды.
Посмотреть эту публикацию в Instagram
Мұсатаев өзгеруге арналған фотожобасын Халықаралық әйелдер күніне орайластырған. Пилоттық түсірілімге модель ретінде 36 жастағы Луиза таңдалды. Ол Шымкенттен Алматыға көшіп келген. Бизнес орталықта қызмет етеді, екі баланың анасы.
"Жобам бір жарым күн ішінде жүзеге асырылды. Сенім білдіріп, қатысқаны үшін Лиузаға рақмет. Қыздар, нәзікжандылар қайда жұмыс істейтініңіз, жалақыңыз, тұрмыс құрғаныңыз, жалғыз бақытты екеніңіз, балаңыз болғаны-болмағаны маңызды емес. Бастысы - Сіздер әрдайым кереметсіздер!", - деді продюсер.
Ол әйелдің дені өз суретінің журнал бетіне шығуға лайық екеніне сенімді емес деп отыр. Сондықтан жаңа жоба бұл мүмкін екенін дәлелдейді.
Кілт сөздер: