Жедел жәрдем көлігі

Бір үйдің 5 баласы көз жұмды Жамбыл облысында пәтер отқа оранды

16003
(Жаңартылды 20:34 19.02.2021)
Пәтерде ата-ана қарауынсыз кәмелеттік жасқа толмаған бес бала қалған. Олар ауруханаға жеткізілді, алайда аман алып қалу мүмкін болмады

НҰР-СҰЛТАН, 19 ақпан – Sputnik. Жамбыл облысы Сарысу ауданының Жаңатас қаласында пәтерде өрт шықты. Үйде бір жастан алты жасқа дейінгі 2 ұл мен 3 қыз болған, бәрі көз жұмды.

Оқиға сағат 15.15-те 2-ші шағын ауданда болған. 5-қабатты тұрғын үйдің 3-қабатындағы көлемі 16 шаршы метр пәтерде өрт шықты. Үй заттары мен жиһаз жанды.

"Пәтерде ата-ананың қарауынсыз қалған, кәмелеттік жасқа толмаған 2015, 2016, 2017, 2019 және 2020 жылдары туған балалар болды. Алдын ала деректер бойынша отағасы жұмысқа, анасы дүкенге шығып кеткен. Өрт салдарынан кәмелеттік жасқа толмаған барлық балалар улы газбен уланып, ауруханаға жатқызылды. Бірақ біраз уақыттан кейін жан тапсырды", - деп жазылған төтенше жағдайлар департаменті таратқан ақпаратта.

Оқиғаның себебін анықтау үшін Жамбыл облысы әкімінің өкімімен облыс әкімінің орынбасары Ұлан Жазылбек бастаған арнайы комиссия құрылып, оқиға орнына шықты. Комиссия құрамына прокуратура, полиция департаменті, төтенше жағдайлар департаменті және басқа да мүдделі мемлекеттік органдардың өкілдері кірді.

Зардап шеккен отбасыға жергілікті атқарушы орган тарапынан жан-жақты көмек көрсетіледі. Психологтар көмек көрсетіп, жерлеу рәсімі ұйымдастырылады.

Пятеро детей из одной семьи скончались в результате пожара
© Photo : МЧС РК
Оқиға сағат 15.15-те 2-ші шағын ауданда көлемі 16 шаршы метр пәтерде болған

Жамбыл облысы ТЖД бастығы, жылжымалы өрт-техникалық зертханасы, жедел топ және өрт сөндіру және авариялық-құтқару жұмыстары қызметінің психологтары Жаңатасқа шықты.

Сонымен қатар, Жаңатасқа облыс прокуроры Нұрғалым Әбдіров пен полиция департаментінің бастығы Жанат Сүлейменов шықты.

Пятеро детей из одной семьи скончались в результате пожара
© Photo : МЧС РК
Оқиғаның себебін анықтау үшін облыс әкімінің орынбасары бастаған арнайы комиссия құрылды

Оқиға орнында өрт сөндіру қызметінің 6 қызметкері және 1 техника жұмыс істегені хабарланып отыр. Өрт толықтай сөндірілген.

Еске сала кетсек, 2019 жылдың 4 ақпанына қараған түні астанадағы Көктал-1 тұрғын алабында, жеке үйдің аумағында уақытша баспана өртеніп кетті. Құтқарушылар 2006, 2008, 2013, 2015 және 2018 жылы туған бес қыздың мәйітін тапты. Төтенше жағдайға өрт қауіпсіздігі талаптарының бұзылуы себеп болған. Сол түні балалардың ата-анасы жұмыста еді.

Бұл трагедия бүкіл Қазақстанды дүр сілкіндірді, көпбалалы аналар көшеге шығып, өз проблемаларын жеткізді. Қазақстандықтар бес қызынан айырылған отбасыға көмектесу үшін ақша жинау науқанын өткізді.

16003
Кілт сөздер:
фото, өрт, бала, Жамбыл облысы
Тақырып бойынша
"Анашым, біз жанып жатырмыз": бес қызынан айырылған ата-ананың қасіретке толы әңгімесі
Өрт кезінде 5 қызынан айырылған Ситерлер отбасында ұл бала дүниеге келді
Бердібек Сапарбаев сөйлеп тұрғанда тосын оқиға болды – видео
Апалы-сіңлілі бес қыздың өмірін жалмаған өрт – оқиға орнынан видео
Бес қыздың өлімі: Нұр-Сұлтан полициясы қылмыстық істі тоқтатты
Автомобиль скорой помощи

Түркістандағы төрт баланың өлімі: қайғылы оқиғаның мән-жайы белгілі болды

2106
(Жаңартылды 22:57 27.02.2021)
Зардап шеккен отбасына қажетті психологиялық және материалдық көмек көрсетіледі, деді облыс әкімі Өмірзақ Шөкеев

НҰР-СҰЛТАН, 27 ақпан – Sputnik. Жеке тұрғын үйден табылған әйел мен төрт баласы иіс тиіп қайтыс болған. Бұл туралы Түркістан облысы әкімінің баспасөз қызметі хабарлады.

"27 ақпан күні Түркістан қаласындағы жеке тұрғын үйде 5 адам - 1980 жылы туған әйел және 2004, 2006, 2013, 2016 жылы туған балалары иіс тиіп қайтыс болған. Отағасы кәсіпкерлікпен айналысады, ол емделу мақсатында Шымкент қаласына кеткен", - деп хабарлады баспасөз қызметі.

Облыс әкімі Өмірзақ Шөкеев, полиция департаменті және төтенше жағдайлар департаментінің бастығы, Түркістан қаласының әкімі оқиға орнына барды. Өңір басшысы оқиғаның тергеу барысын жеке бақылауына алып, қаза болғандардың туыстары мен жақындарына көңіл айтты. Отбасына материалдық көмек көрсетуді тапсырды.

"Зардап шеккен отбасына қажетті психологиялық және материалдық көмек көрсетіледі. Мәселе менің жеке бақылауымда. Мен қайтыс болған отбасының туыстары мен жақындарына шын жүректен көңіл айтамын", - деді Өмірзақ Шөкеев.

Төтенше жағдайлар департаментіне қалалар мен аудандардың әкімдіктерімен бірлесіп, барлық жерде жылыту жүйелерін тексеруді және жылыту жүйелерімен жұмыс істеу кезінде қауіпсіздік шараларын сақтау бойынша ақпараттық-түсіндіру жұмыстарын күшейту тапсырылды.

Қайғылы оқиғаның мән-жайын анықтау үшін облыс әкімінің бірінші орынбасары Арман Жетпісбаевтың басшылығымен арнайы комиссия құрылды.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы

Айта кетсек, бүгін сағат кешкі алтылар шамасында Түркістан облысы төтенше жағдайлар департаментінің кезекші-диспетчерлік пультіне "103" қызметінен хабарлама түскен. Түркістан қаласындағы жеке тұрғын үйлердің бірінде бес адамды көршілері өлі күйінде тапқан, оның төртеуі бала.

2106
Кілт сөздер:
өлім, Түркістан
Бес адам көз жұмған үй

Түркістанда 4 бала өлі табылды - оқиға орнына құтқарушылар мен полицейлер жетті

6930
(Жаңартылды 22:55 27.02.2021)
Қазіргі уақытта оқиғаның мән-жайы анықталып жатыр, деп хабарлады төтенше жағдайлар министрлігі

НҰР-СҰЛТАН, 27 ақпан – Sputnik. Түркістанда жеке тұрғын үйден бес адамның мәйіті табылды, оның төртеуі бала, деп хабарлады төтенше жағдайлар министрлігі.

27 ақпанда сағат 18.35-те Түркістан облысы төтенше жағдайлар департаментінің кезекші-диспетчерлік пультіне "103" қызметінен хабарлама түскен. Түркістан қаласындағы жеке тұрғын үйлердің бірінде бес адамды көршілері өлі күйінде тапқан, оның төртеуі бала.

"Үйден өрт белгілері жоқ. Үйде табиғи газбен жылыту жабдығы орнатылған", - деді министрліктің ресми өкілі Талғат Уәли.

Қазіргі уақытта оқиғаның мән-жайы анықталуда.

Оқиға орнында төтенше жағдайлар департаментінің қызметкерлері мен полицейлер, жедел жәрдем мен "ҚазТрансГаз" АҚ мамандары жұмыс істеп жатыр.

Министрлік өкілдері газ жабдықтарын пайдалану бойынша қауіпсіздік ережелерін сақтауға шақырады.

6930
Кілт сөздер:
бала, Түркістан
Өмірзақ Шөкеев бес адамның қаза болу себебін анықтау жөніндегі комиссия отырысын өткізді

Түркістандағы төрт бала мен анасының өлімі: қылмыстық іс қозғалды

0
(Жаңартылды 10:09 28.02.2021)
Облыс әкімі полиция мен төтенше жағдайлар департаментіне қайғылы оқиғаға байланысты жан-жақты тергеу жүргізуді тапсырды

НҰР-СҰЛТАН, 28 ақпан — Sputnik. Түркістанда әйел мен оның төрт баласының қазасынан кейін қылмыстық іс қозғалды.

Түркістан облысы әкімінің баспасөз қызметінің хабарлауынша, өңір басшысы Өмірзақ Шөкеев бес адамның қаза болу себебін анықтау жөніндегі комиссия отырысын өткізген.

"Облыс басшысы полиция департаментіне, төтенше жағдайлар департаментіне жан-жақты тергеу жүргізуді, болған оқиғаға кінәлілерді табу және жазалауды тапсырды. Қылмыстық іс қозғалды. Тергеу амалдары жүргізілуде", - делінген хабарламада.

Денсаулық сақтау басқармасының психологтары қайтыс болған жандардың туыстары мен жақындарына көмек көрсетеді.  5 адамның денесін жерлеу орнына жеткізу үшін көлік берілді, жерлеуді ұйымдастыруға қосымша жәрдем көрсетіледі.

Газовое отопление в доме в Туркестане, где погибли пять человек
© Photo : МЧС Республики Казахстан
Бес адамның мәйіті табылған үйдегі газбен жылыту жабдығы

 

0
Кілт сөздер:
қылмыстық іс, Түркістан облысы