Бес адам көз жұмған үй

Түркістанда 4 бала өлі табылды - оқиға орнына құтқарушылар мен полицейлер жетті

10749
(Жаңартылды 22:55 27.02.2021)
Қазіргі уақытта оқиғаның мән-жайы анықталып жатыр, деп хабарлады төтенше жағдайлар министрлігі

НҰР-СҰЛТАН, 27 ақпан – Sputnik. Түркістанда жеке тұрғын үйден бес адамның мәйіті табылды, оның төртеуі бала, деп хабарлады төтенше жағдайлар министрлігі.

27 ақпанда сағат 18.35-те Түркістан облысы төтенше жағдайлар департаментінің кезекші-диспетчерлік пультіне "103" қызметінен хабарлама түскен. Түркістан қаласындағы жеке тұрғын үйлердің бірінде бес адамды көршілері өлі күйінде тапқан, оның төртеуі бала.

"Үйден өрт белгілері жоқ. Үйде табиғи газбен жылыту жабдығы орнатылған", - деді министрліктің ресми өкілі Талғат Уәли.

Қазіргі уақытта оқиғаның мән-жайы анықталуда.

Оқиға орнында төтенше жағдайлар департаментінің қызметкерлері мен полицейлер, жедел жәрдем мен "ҚазТрансГаз" АҚ мамандары жұмыс істеп жатыр.

Министрлік өкілдері газ жабдықтарын пайдалану бойынша қауіпсіздік ережелерін сақтауға шақырады.

10749
Кілт сөздер:
бала, Түркістан
Полицей, архивтегі фото

Түркістанда жүргізуші полиция қызметкерін көлігімен сүйрей жөнелді видео

394
Ол мұндай әрекеті үшін миллиондаған айыппұл төлеп, қоғамдық жұмыстарға тартылуы немесе үш жылға дейін бас бостандығынан айырылуы мүмкін

НҰР-СҰЛТАН, 13 сәуір — Sputnik. Түркістан облысында полиция тәртіп сақшысын 30 метр қашықтыққа сүйреген жүргізушіге қатысты сотқа дейінгі тергеу жүргізіп жатыр.

Оқиға Жетісай ауданында болған. Жергілікті полиция қызметкерлері көшелердің бірінде патрульдеу кезінде терезесі қараңғыланған автокөлікті тоқтатқан, деп хабарлады Түркістан облысы полиция департаментінің баспасөз қызметі.

Құжат тексеру барысында патрульдік қызмет инспекторы полиция майоры Ертау Саурамбаев автокөлік терезесін қараңғылау неліктен заңға қайшы екенін түсіндіріп жатқан. Полиция қызметкері Әкімшілік құқық бұзушылықтар туралы кодекстің 590-бабының 5-бөлімі "Көлік құрадарын пайдалану ережелерін бұзу" бойынша әкімшілік хаттама толтырған. Аталған бапқа сәйкес көлік иесі 5 айлық есептік көрсеткіш (14,5 мың теңге немесе 4 доллар) көлемінде айыппұл төлеуге тиіс.

"Тәртіп сақшысы автомобиль иесінен көліктегі қараңғылайтын қабыршақты алып тастауды сұраған кезде жүргізуші талапқа бағынбай, жасырынбақ болған. Адам өміріне төнген қауіпке қарамастан, құқық бұзушы полиция қызметкерін автокөлікпен 30 метр қашықтыққа сүйрей жөнелген. Мұның барлығы патрульдік полицейдің бейнежетонына түсіп қалған", - деді департамент.

Нәтижесінде полиция Қылмыстық кодекстің 380-бабының 1-бөлімі – "Билік өкіліне қатысты күш қолдану" бойынша сотқа дейінгі тергеуді бастады. Бұл бап 3 000 АЕК (8,7 миллион теңге немесе 20 мыңнан астам доллар) көлемінде айыппұл төлеуді немесе үш жылға бас бостандығын шектеуді немесе дәл осы мерзімге бас бостандығынан айыруды қарастырады.

Заңға қайшы әрекет жасаған азаматтың көлігі айып тұрағына қойылды. Істің мән-жайын анықталып жатыр.

394
Архивтегі фото

Төрт адам жол жиегінде тұрған: жантүршігерлік жол апатының видеосы жарияланды

1294
(Жаңартылды 15:33 13.04.2021)
"Toyota Land Cruiser Prado" көлігінің жүргізушісі "жол беріңіз" белгісін елемей, жол қиылысына шығып кетіп, "Lexus GX-300" автокөлігімен соқтығысты

НҰР-СҰЛТАН, 13 сәуір — Sputnik. Алматыда адам өлімімен аяқталған жол апатына кінәлі деп танылған 59 жастағы әйел сотталды. Полиция оқиғаның видеосын жариялады.

Жол апаты Алматы қаласының Бостандық ауданында болды, деп хабарлады Polisia.kz.

"Toyota Land Cruiser Prado" көлігінің жүргізушісі Есқараева көшесімен шығыс бағытта келе жатып, Розыбакиев көшесімен қиылысқан жерде "жол беріңіз" белгісін елемей, жол қиылысына шығып кетіп, сол жерде Розыбакиев көшесімен солтүстікке қарай жүріп келе жатқан "Lexus GX-300" маркалы автокөлікпен соқтығысып қалған", – деді Алматы қалалық полиция департаменті бастығының орынбасары Рүстем Әбдірахманов.

Оның айтуынша, "Lexus" инерциямен жол жиегінде тұрған төрт жаяу жүргіншіні қағып кеткен. Олардың бірі – 1992 жылы туған қыз алған жарақатынан оқиға орнында көз жұмды.

"Тағы бір жаяу жүргінші – 1994 жылы туған жігіт ауруханада қайтыс болды. Басқа зардап шеккендер медициналық мекемелерге жатқызылды", – деп толықтырды Әбдірахманов.

Тергеу және сараптамалық зерттеулер кезінде жүргізуші әйелдің кінәсі дәлелденді. Алматы қаласының Бостандық аудандық соты оны бес жылға бас бостандығынан айырды.

1294
Тақырып бойынша
"Жедел жәрдемнің" тежегіші істен шыққан: Алматыда жаппай жол апаты болды
Алматыда жол апатынан төрт адам зардап шекті: арасында екі бала бар
Алматы облысында мас жүргізуші қаққан оқушы қыздардың тағы біреуі көз жұмды
Түркістан облысында көлік жылқыны соғып, үш адам ажал құшты
Алматыда жүк көлігі жаппай жол апатына себеп болды – фото
Ақорда

Тоқаев ұлттық экономика министріне бірқатар тапсырма берді

0
(Жаңартылды 18:23 13.04.2021)
Кездесу барысында макроэкономикалық тұрақтылықты және өңірлік дамудың тепе-теңдігін қамтамасыз ету жөніндегі шараларға баса мән берілді

НҰР-СҰЛТАН, 13 сәуір — Sputnik. Президент Қасым-Жомарт Тоқаев ұлттық экономика министрі Әсет Ерғалиевті қабылдады, деп хабарлады Ақорда.

Мемлекет басшысына биылғы І тоқсандағы еліміздің экономикалық дамуының алдын ала қорытындылары, Экономикалық өсімді қалпына келтірудің кешенді жоспарының іске асырылуы туралы есеп берілді.

Президентке экономиканың нақты секторындағы ахуал және жалпы ішкі өнімге қатысты болжамдар жөнінде баяндалды. Әсет Ерғалиев Қасым-Жомарт Тоқаевқа ортамерзімді перспективадағы экономиканың сапалы әрі орнықты дамуын қамтамасыз етудің негізгі жолдарын ұсынды.

Сонымен қатар министр шағын және орта бизнесті қолдау жөніндегі президент тапсырмасының орындалуы туралы баяндады.

Кездесу барысында макроэкономикалық тұрақтылықты және өңірлік дамудың тепе-теңдігін қамтамасыз ету жөніндегі шараларға баса мән берілді.

Кездесу соңында мемлекет басшысы министрге бюджет саясатының тиімділігін арттыруға, өңірлік саясатты жетілдіруге және өңдеу өнеркәсібін дамытуға бағытталған бірқатар нақты тапсырма берді.

0
Тақырып бойынша
Ауыл әкімдерін сайлауға 17 миллиард теңге қажет - экономика министрлігі
Атырау зауытында жөндеу мерзімі созылды: бензин қанша күнге жетеді
300 мың теңгеге дейін төленеді - министрлік акцияның басталу уақытын жариялады
Зейнетақы қоры 1 мамырдан бастап қандай өзгеріс болатынын айтты
Қазақстандықтар бір айда 3 мыңға жуық алтын құйма сатып алған