Аурухана, архивтегі сурет

Әбдіқалықова 4 адамның өмірін қиған оқиға жайлы: бұл бәрімізге де жеңіл тимеді

6453
(Жаңартылды 17:46 15.03.2021)
Қайтыс болған азаматтардың туған-туыстарына Сыр елі жұртшылығы атынан қайғыра көңіл айтамын, деді облыс әкімі

АЛМАТЫ, 15 наурыз – Sputnik. Қызылорда облысында газ баллоны жарылып, төрт адам қайтыс болды, деп хабарлайды Sputnik Қазақстан. Қайғылы жағдай туралы облыс әкімі Гүлшара Әбдіқалықова жазды.

"Жерлестер! Бүгін Қармақшы ауданы Жосалы кенті Рүстембеков көшесі, 29 мекенжайында орналасқан жеке тұрғын үйде түскі сағат 13:30 кезінде 27 литрлік газ баллоны жарылып, 144 шаршы метр жер өртке оранып, 4 адам көз жұмды. Қайтыс болған азаматтардың туған-туыстарына Сыр елі жұртшылығы атынан қайғыра көңіл айтамын", - деп жазды облыс әкімі.

Сондай-ақ, облыс әкімі қайтыс болғандардың аты-жөнін жариялады. Олар:

  • 2001 жылы туған С. Өміртаева,
  • 1981 жылы туған Р. Айтмаханова,
  • 2000 жылы туған Н. Айтмаханова,
  • 1999 жылы туған С. Мырхиев.

Өрт сөндіру бөлімшесінің қызметкерлері келгенге дейін 1950 жылы туған С. Алмаханова хирургия бөлімшесіне жатқызылған.

Қызылорда облысында газ баллоны жарылып, төрт адам қайтыс болды
© Photo : Қызылорда облысы төтенше жағдайлар департаменті ұсынды
Сағат 13:30 кезінде 27 литрлік газ баллоны жарылды

Өртті сөндіруге төтенше жағдайлар департаментінің 16 қызметкері мен 4 техникасы, ӨКМ-нің 20 қызметкері және 4 техникасы, жергілікті атқарушы органның 10 қызметкері мен 3 техникасы, прокуратураның 3 қызметкер, 1 техникасы, бастапқы медициналық-санитарлық көмек қызметінің 8 маманы мен 3 техникасы, Қызылорда электр тарату тораптары компаниясының 3 қызметкері мен бір техникасы жұмылдырылды.

"Бұл бәрімізге де жеңіл тимеді. Қазіргі таңда осыған байланысты мәселе менің тікелей бақылауымда тұр. Өрттен, судан, басқа да апаттан аман болайықшы, жерлестер!", - деп жазды Әбдіқалықова.

Қармақшы ауданы Қызылорда облысының орталық бөлігінде орналасқан. Аудан орталығы – Жосалы кенті.

6453
Кілт сөздер:
Қызылорда облысы, газ баллоны, Гүлшара Әбдіқалықова
Тақырып бойынша
"Ханның қызысыз ба?": Әбдіқалықова желіде тараған видеоға түсініктеме берді  
Түркістанда 4 бала өлі табылды - оқиға орнына құтқарушылар мен полицейлер жетті
Бір үйдің 5 баласы көз жұмды – Жамбыл облысында пәтер отқа оранды
Талдықорғандағы жарылыс: тағы бір әйел ауруханада есін жимастан көз жұмды
Петропавлда газ жарылды: үш адам әлі жансақтау бөлімінде жатыр
Архивтегі фото

Жігітпен кездескен: Нұр-Сұлтанда қонақ үйде түнеген қыз полиция шақыруға мәжбүр болды

6731
Жігіт қыздың қонақ үйде ұйықтап қалғанын пайдаланып, 100 мың теңге тұратын зергерлік бұйымдарын ұрлап кеткен

НҰР-СҰЛТАН, 12 сәуір – Sputnik. Нұр-Сұлтанда жігіт қызбен кездесуден кейін оны тонап кетті, деп хабарлады елорда полиция департаменті.

Жастар әлеуметтік желіде танысып, бір-екі ай хат жазысып, кейінірек бетпе-бет кездесуге шешім қабылдаған.

"Хат алмасқаннан кейін олар кездесуге келіскен, жігіт өзінің жаңа танысын қонақ үйге шақырған. Оңаша отырыстан кейін қыз алтын бұйымдарын шешіп, ұйықтап қалған. Күдікті осыны пайдаланып, жәбірленушінің 100 мың теңге тұратын зергерлік бұйымдарын ұрлап, таңғы сағат төртте қонақүйден шығып кеткен", - деп хабарлады полиция.

Ұрлық жасады деген күдікті ұсталды, ол бұрын бірнеше рет сотталған.

Ақтөбелік қалыңдығына ұсыныс жасады: оқиға трагедиямен аяқталды - видео

Ер адам кінәсін мойындады, оның елорда аумағында бұған дейін жасалған осыған ұқсас қылмыстарға қатысы бар-жоғы тексеріліп жатыр. Аталған факт бойынша қылмыстық іс қозғалды.

6731
Алабай

Нұр-Сұлтанда алабай зейнеткер мен оның күшігін талап тастай жаздады - видео

6754
(Жаңартылды 21:21 11.04.2021)
Әйел күшігін қорғамақ болған кезде оны алабай қауып алған. Қазір әйел екпе алуда, ал оның күшігі ветеринарлардың бақылауында

НҰР-СҰЛТАН, 11 сәуір - Sputnik. Полицейлер Нұр-Сұлтанда 71 жастағы әйел мен оның қасына ерткен күшігіне тап берген иттің иесін іздестіруде, деп хабарлайды елорда әкімдігінің баспасөз қызметі.

Бұдан бұрын желіде иттің күшікке тап берген сәті түсірілген видео тарады. Полиция алабайды бейнебақылау камераларының көмегімен тапты.

"Қазір алабай аса қауіпті құтыру ауруының бар-жоғын анықтау үшін ветеринариялық бақылауға алынды", - делінген хабарламада.

Зардап шеккен әйел медициналық мекемеде профилактикалық екпе алуда, оның күшігі ветеринарлық клиникада емделуде.

Полиция департаментінің қызметкерлері алабайдың иесін анықтау жұмыстарын жүргізіп жатыр.

6754
Кілт сөздер:
Нұр-Сұлтан, алабай
Газодобывающее предприятие, архивное фото

Еуропаға газды кім жеткізеді: Ресей ме, АҚШ па?

0
Осы жылы алыс шетелге газ экспорттаудан "Газпром" табысы 1,7 есе, яғни 42 миллиард долларға дейін ұлғаяды, деп жазды VYGON Consulting

НҰР-СҰЛТАН, 12 сәуір — Sputnik. Ұзаққа созылған қыс еуропаның газ қоймаларын бос қалдырды. Газ қорының үштен бір бөлігі ғана қалды. Америкалықтар осы мүмкіндікті пайдаланып, көп көлемде сұйылтылған газ ұсынды. Алайда коронавирус дағдарысы Еуропаға мұхиттың арғы жағынан келетін қымбат газға шығындалуға мүмкіндік бермейді. Сондықтан ресейлік шикізатты сатып алуға тура келіп отыр, деп жазды РИА Новости.

Күзде және қыста еуропалықтар 65 миллиард текше метрден астам газ тұтынды. Бұл он жылдық максимумға тең. Бұл туралы Газпром GasInfrastructureEurope-ке сілтеме жасап хабарлады. Алдыңғы жоғары көрсеткіш 2018 жылы болған. Ол кезде ақпан-наурызда Еуропаны қалыптан тыс аяз бен қар жауып қалды.

Ауа райы биыл да тосын мінез көрсетті. Қаңтарда Газпромға аяз құрсауында қалған Еуропаға жеткізілімдерді шұғыл көбейтуіне тура келді. Компания Германияға 32,4 процентке, Францияға 77,3 процентке, Нидерландыға 21,2 процентке, Италияға 100 процентке әдеттегіден артық газ жіберді.

Сонымен қатар суықтың беті қайтпаған Азияға да экспорт артты. Нәтижесінде нарықта тапшылық пайда болып, бұл споттық бағаның шарықтауына алып келді. Ол бойынша тауарлар, бағалы қағаздар немесе валюта шұғыл жеткізу шарты бойынша сатылады.

Мысалы, Азияда баға кесімі мың текше метр үшін 1 000 доллардан асқан сәт болды. Кейбір мәмілелер 1400 бағасы бойынша жасалды. Еуропада баға 300 доллар болып белгіленді. Ал "Газпромның" 2021 жылға арналған бюджетінде 170 деген баға көрсетілген.

Нәтижесінде алыс шетелге жөнелтілген ресейлік экспорт 19,5 миллиард текше метрге дейін артты. Бұл бір жыл бұрынғы көрсеткіштен 46 процентке көп.

Ақпан айында да ауа райы қуанта қоймады. Осы айда үш күн қатарынан еуропалық қоймалар тәулігіне миллиард текше метр жіберіп отырды. 25 наурызға қарай қоймадағы газ қорының көрсеткіші 29 процентке дейін түсті. Германия мен Автрияда – 26, Нидерландыда – 23, Францияда – 17.

Алдағы қыста суықтан қорғану үшін еуропалықтарға өткен жылғыдан 57,3 процентке артық газ өндіру қажет. Бұл 2020 жылы Франция мен Нидерландыға жеткізілген экспорт көлеміне тең. Қоймаларды толтыру бойынша басталған газ өндіру науқаны 2011 жылғыдан кейінгі ең ауқымды шараға айналмақ.

Еуропа нарығындағы ресейлік шикізаттың үлесі 2020 жылы шамамен 33 процентті құрады. Бұл жөнінде "Газпром экспорт" бас директоры Елена Бурмистрова мәлімдеді. Оның айтуынша, "үшінші тоқсанда-ақ экспорт көлемі дағдарысқа дейінгі көрсеткіштен асып түсті". Импорттаушылар алдындағы барлық міндет толық орындалды. Жыл соңына қарай келісімшарт бойынша баға еуропалық хабтардағы споттық бағадан төмен болды. Бұл да қосымша жеткізулерді орындауға ықпал етті.

Еуроодаққа көгілдір отын Ресейден бөлек Норвегия, Катар, Алжир, АҚШ пен Нигериядан жеткізіледі. Басты тұтынушылар – Германия, Ұлыбритания және Италия. Немістер мен ағылшындар ресейлік газды "Солтүстік ағын" құбыры арқылы алып отыр. Басқа амал жоқ. Әрине сұйылтылған табиғи газға ауысуға болар еді. Бірақ ол тым қымбат. Сонымен қатар ол үшін арнайы терминалдар керек. Ал Германияда мұндай техника қарастырылмаған. Сұйылтылған табиғи газ ол елге Бельгия мен Нидерланды арқылы жеткізіледі.

Италия мен Ұлыбританияда қажетті терминал бар. Бірақ олар да құбыржол газынан бас тартуға асығар емес. Сол себепті ресейлік энергия ресурсын сатып алушылар АҚШ-тың "Солтүстік ағын – 2" жобасына қарсы ашқан соғысын қолдамай отыр. Жалпы ресейлік жобаның қарсыластары аз емес. Олардың қатарында Чехия, Польша, Венгрия, Словакия, Румыния, Хорватия бар.

Жалпы Варшава 2022 жылға қарай Ресей газынан бас тартуға дайын екенін бұған дейін мәлімдеген болатын. Поляктар Солтүстік теңізде норвегиялық қайраңдағы Baltic Pipe құбырына үміт артып отыр.

Жалпы дағдарыстың беті әлі қайта қойған жоқ. Ал сұйылтылған табиғи газ баяғыдай құбыржол газынан қымбат болып тұр. Оның үстіне "Газпром" бәсекелестеріне қарағанда өндіріс көлемі мен тәуліктік жеткізу көлемін өте жылдам арттыра алады.

Г.В.Плеханов атындағы РЭУ доценті Александр Тимофеев "Солтүстік ағын" жобасының өзін-өзі ақтауы әлі де нақты болмағандықтан, батысеуропалық бағыт басымдықта тұр деп санайды.

"Ұзаққа созылған қыс сұранысты арттырды. Бұл күзге қарай бағаның қымбаттауына алып келеді", - дейді ол.

Ресей ЖЭК даму мәселелері жөніндегі тәуелсіз кеңесшісі VYGONConsulting пікірінше, осы жылы "Газпром" алыс шетелге жөнелтетін экспорт көлемін 210 миллиард текше метрге дейін арттыра алады. Бұл 2020 жылғы көрсеткіштен 17 процентке, коронавирус дағдарысына дейінгі 2019 жылғыдан 5,5 процентке артық.

Осылайша бірінші тоқсанда "Газпромның" экспорты 30,7 процентке өсті.

"Бұған дейін жабдықтаушы бюджетке мың текше метр газ үшін 170 доллар көлеміндегі бағаны көрсеткенін ескеру керек. Бірақ содан кейін жоспарлар қайта қаралды. Енді орташа жылдық баға 200 доллар деп болжануда. Себебі ұзақ мерзімді келісімшарттар көбіне еуропалық споттық бағаларға тәуелді. Оның үстіне газ бағасы тікелей тәуелді мұнай бағасы да шарықтап кетті. Сондықтан "Газпром" өз тұтынушыларын жоспарының негізді екеніне сендіре алуы әбден мүмкін", - дейді TeleTrade ақпараттық-талдау орталығының бас экономисі Марк Гойхман.

Жалпы газ бағасы жылыту маусымы аяқталғаннан кейін де қымбаттай берді. Қазір нидерландтық TTF (Title Transfer Facility Natural Gas Price Index) хабындағы спотта мың текше метр газ бағасы 252 доллар. Бұл 2018 жылдан бері ең жоғарғы көрсеткіш.

Нәтижесінде осы жылы алыс шетелге газ экспорттаудан "Газпром" табысы 1,7 есе, яғни 42 миллиард долларға дейін ұлғаяды, деп жазды VYGON Consulting. Ал бұл Ресейдің мемлекеттік бюджетіне майдай жағады.

0