Бетін қолдарымен жапқан қыз

Тоқал болудан бас тартқан: соққыға жығылған ақтөбелік бойжеткен мән-жайды айтты

1705
Ер адам қызды күштеп ұрлап әкетіп, оны әйелі мен кәмелет жасына толмаған балаларының көзінше соққыға жыққан

НҰР-СҰЛТАН, 19 наурыз – Sputnik. Ақтөбеде ер адам бойжеткенді ұрлап әкетіп, оны өзінің әйелі мен балаларының көзінше бірнеше сағат бойы соққыға жыққан, деп хабарлайды "Астана" телеарнасы.

Бойжеткен ер адаммен кездесіп жүрген. Бірақ отбасылы адам екенін білген соң бір жарым жыл бұрын қарым-қатынасын үзген.

Алайда ақтөбелік азамат қыздың қыр соңынан қалмай, оны аңдумен болған. 8 наурыз мейрамымен құттықтау үшін келген болып аруды далаға шығарып алып, өз үйіне алып келген.

"Мені күштеп ұрлап әкетіп, өз үйіне алып келді де, ұзақ уақыт бойы маған күш көрсетті. Бұның барлығын әйелі мен балаларының көзінше істеді. Одан ішімдіктің иісі қатты шығып тұрды. Ақыл-есі ауысқандай болып көрінді", - деді жәбірленуші.

Ер адам бойжеткеннің екінші әйелі болудан бас тартқаны үшін ашуға булығып, басы мен кеудесі тұсынан аямай ұрып-тепкен. Қаскөйдің заңды әйелі жедел жәрдем де, полиция да шақырмаған. Күйеуінің ата-анасына хабарласқан. Бұзақының әке-шешесі келіп, ұлын сабырға шақырып, жәбірленушіні үйіне жеткізген. Таңертең бойжеткен полицияға шағымданады.

Әбден зорлық көрген қыз жабық бассүйек-ми жарақаты және басқа да жарақаттармен бірнеше күн ауруханада жатқан.

Оқи отырыңыз: Ақтөбе облысында жас қыз басынан өткен сұмдықты айтып берді – видео

"Аталған факті бойынша дәл сол күні жәбірленушіге қатысты сот-медициналық сараптама белгіленді. Жинақталған материал сотқа жолданды", - деді Ақтөбе облысы полициясының баспасөз қызметінің жетекшісі.

Осы іс бойынша сот шешімі екі күн бұрын шықты. Зорлық көрсеткен азаматқа 30 мың теңге көлемінде айыппұл төлеу жазасы кесілді. Алайда жәбірленуші мен қоғам белсенділері бұл жазаның жеңіл екенін алға тартты.

"Мен сот шешімімен келіспеймін. Оның жазаланғанын қалаймын", - деді жәбірленуші.

Ол әділдік іздеп сот шешіміне шағымданбақшы.

Құқық қорғаушылардың пікірінше, қылмыстық әрекет дұрыс бағаланбаған. Жазасыз қалған ер адам қоғам үшін қауіпті болуы мүмкін.

"Неге адам ұрлау және оны бостандығынан заңсыз айыру қылмысы отбасылық-тұрмыстық жанжал ретінде қарастырылған?! Сот, учаскелік полицейлер, прокурорлар! Неге бұрын қарым-қатынаста болған ер адам қорғансыз әйелді ұрып-соғуға, қысым көрсетуге, ұрлауға құқылы деп ойлайсыздар? Жәбірленуші әділдікке қол жеткізбей тынбаймын деп отыр", - деді "НеМолчиKZ" қорындағылар. 

1705
Кілт сөздер:
видео, Ақтөбе
Тақырып бойынша
Былтырғы оқиға есіне түсіп кеткен: Көңілдесін ұрып өлтірген атбасарлық сотталды  
Әйелін ұрып-соғатын ер адамдар отбасын бір айы бойы көрмеуі мүмкін
Күйеуі ұрып-соғатын әйелдер өзін қалай қорғай алады - мамандар кеңес берді
Қарағандылық әйел үйдің терезесінен секіріп кетті: оқиғаның мән-жайы
Шымкент полициясы үйдің кіреберісінде әйел зорламақ болған ер адамның кім екенін анықтады
Жол, асфальт, архивтегі сурет

Ақмола облысында жол жиегінде болған қайғылы оқиғаның видеосы тарап кетті

1536
(Жаңартылды 18:38 17.04.2021)
Жүк көлігі еріген қар суына толы шұңқырға аударылды. Кабинада отырған ер адам оқиға орнында көз жұмды

НҰР-СҰЛТАН, 17 сәуір – Sputnik. Ақмола облысы Шортанды ауданында карьерлердің біріне жақын маңда жүк көлігі еріген қар суына толған жол жиегіне аударылды. Рөлде отырған 27 жастағы ер адам қаза болды, деп хабарлайды Sputnik Қазақстан.

Қайғылы оқиғаның видеосы әлеуметтік желіде тарады. Кадрдан бірнеше ер адам техниканың көмегімен жол жиегінде батып қалған жүк көлігін шығаруға тырысып жатқанын көруге болады. Машина бірнеше секундқа жолға шығады, алайда кейін батпақ пен қар суына толған шұңқырға құлайды.

Посмотреть эту публикацию в Instagram

Публикация от NewsMakers (@newsmakers.kz)

Шортанды ауданының әкімдігі трагедия 16 наурыз күндіз үштер шамасында Бектау ауылдық округіне жетпей, Шортанды-Жолымбет жолының учаскесінде болғанын нақтылады.

"Шансиман" көлігінің жүргізушісі рөлге ие бола алмады. Машина алдымен қара жолдың жиегіне аударылды. Кейін оны бульдозермен шығармақ болғанда, еріген қар суына толған шұңқырға батып кетті, жүргізуші қаза болды", - деп атап өтті әкімдіктің баспасөз қызметі.

Жүк көлігі "Гранит +" ЖШС карьеріне қиыршақ тас алу үшін барған. Шыға берерде жол апаты болды. Карьер жұмысшылары көлікті шығарып, жүргізушіні құтқаруға тырысты.

Тағы оқыңыз: Ақмола облысында екі бала шөп тиелген трактордың астына түсті

Көз жұмған ер адам – 1994 жылғы Мақсат Данияров, Қызылорда облысының тумасы. Полиция марқұмның денесін Нұр-Сұлтанға сараптамаға жіберді.

Бектау ауылдық округінің әкімдігі мерт болған жігіт аталған жүк көлігінің жүргізушісі емес екенін мәлімдеді. Жүк көлігі аударылғаннан кейін, марқұм рөлге отырып, көлікті алып шықпақшы болған, алайда өзі көз жұмды.

Аудандық әкімдіктің ақпаратынша, жүргізуші – 1981 жылғы Абылайхан Мұхамеджанов. Елордада тұрады.

"Шансиман" автокөлігі елордалық "Альстрой Транс Групп" фирмасына тиесілі.

Sputnik Қазақстан түсініктеме үшін Ақмола облысы полиция департаментінің баспасөз қызметіне хабарласты.

1536
Кілт сөздер:
видео, жол, жүк көлігі, Ақмола облысы
Тақырып бойынша
Төрт адам жол жиегінде тұрған: жантүршігерлік жол апатының видеосы жарияланды
Алматыда жол апатынан төрт адам зардап шекті: арасында екі бала бар
Қарағанды облысында жол апатынан полицей көз жұмды
"Жедел жәрдемнің" тежегіші істен шыққан: Алматыда жаппай жол апаты болды
Құтқарушылар, архивтегі фото

Жамбыл облысында жоғалған келіншекті іздеуге келген құтқарушының өзі суға кетті

1792
(Жаңартылды 14:25 17.04.2021)
Кешке тақау іздеу аяқталар тұста кенеттен жел тұрып, екі метрлік толқын пайда болған. Асау ағыс 50 жастағы сүңгуір мінген қайықты қойманың ортасына қарай тартып әкеткен

НҰР-СҰЛТАН, 17 сәуір – Sputnik. Жамбыл облысында Гүлдана Санақбайды Тасөткел су қоймасынан іздеп жатқан сүңгуірдің бірі суға кетіп, денесі он төрт күннен бері табылмай жатыр. 23 жастағы келіншекті іздеуге бір топ құтқарушы Тараздан арнайы келген, деп хабарлады КТК.

Олар полицейлердің сұраныс хатында көрсетілген төңіректі сүзіп шығуға кіріскен. Кешке тақау іздеу аяқталар тұста кенеттен жел тұрып, екі метрлік толқын пайда болыпты. Асау ағыс 50 жастағы сүңгуір мінген қайықты қойманың ортасына қарай тартып әкеткен. 20 жылдық тәжірибесі бар Жұмағали Әбдірахманов кері қайта алмасын түсініп, желдің бағытымен  жүре берген. Ол сол бойда оралған жоқ.

Ақ "Аудиге" мінген: Жамбыл облысында 23 жастағы келіншек жоғалып кетті

Тіс қаққан маманның қалай суға батып кеткені түсініксіз. Жарты сағаттан кейін қарсы жағалаудан оның құтқару жейдесі мен мотор қайығы табылған. Ал өзін он төрт күннен бері  әріптестері іздеп жатыр.

"Өте тәжрибелі сүңгуір. Тәжрибесін мүмкіндігінше қолданды. Яғни бұл арада тек дауылдың әсері. Қатты тұрған дауылдан жоғарғы толқын қайықтың дер кезінде жағаға қайтуына дес бермеген", - дейді Жамбыл облысы ТЖД бастығының орынбасары Мақсат Қосыбаев.

Алматы облысынан да құтқарушылар көмекке келген. Тасөткел су қоймасының ұзындығы 21, ал ені 8 шақырым. Тереңдігі 25 метерге жуық. Ауқымды аумақтан адам денесін табуға 100-ге жуық құтқарушы мен екі тікұшақ жұмылдырылған.

1792
Тақырып бойынша
Екі апта бойы іздеді: Ақмола облысында жоғалған балықшының мәйіті табылды
Қызылордада мұз астына түсіп кеткен 4 адамның денесі табылды
Қар, архивтегі сурет

Қар және жаңбыр: синоптиктер ертең ауа райы қандай болатынын айтты

0
Қазақстанның басым аумағында атмосфералық ауа ағымдарының әсерінен жаңбыр жауып, жел күшейеді

НҰР-СҰЛТАН, 17 сәуір – Sputnik. Ертең, 18 сәуірде елдің басым аумағында ауа райы құбылмалы болады. Кей жерлерде жаңбыр жауады, түнгі уақытта солтүстікте қар аралас жаңбыр болжануда. Кейбір облыстарда тұман түсіп, жел күшейеді, оңтүстік-шығыста, батыста және солтүстік-батыста найзағай ойнайды, деп хабарлайды Қазгидромет.

Өңірлердегі ауа райы

Ақмола облысында кей жерлерде тұман түсіп, таңертең және күндіз желдің жылдамдығы секундына 15-20 метрге дейін барады.

Жамбыл облысында, күндіз Алматы облысында найзағай ойнайды, жел 15-20 м/c дейін күшейеді.

Қостанай облысында кей жерлерде найзағай ойнайды, дауыл тұрады, тұман түседі, күндіз желдің жылдамдығы 15-20, екпіні секундына 25 метрге дейін барады.

Тағы оқыңыз: Биыл жаз қандай болады – синоптиктер болжам жасады

Солтүстік Қазақстан облысында кей жерлерді тұман басады, күндіз желдің екпіні 23-28 м/c дейін жетеді.

Шығыс Қазақстан, күндіз Павлодар, Қарағанды, Қызылорда облыстарында жел 15-20 м/c дейін күшейеді, Қарағанды облысында кей жерлерде – тұман.

Маңғыстау, Батыс Қазақстан облыстарында, түнде және таңертең Атырау облысында кей жерлерді тұман басады. Батыс Қазақстан облысында кей жерлерде найзағай жарқылдайды.

Мегаполистерде ауа райы қандай болады

Нұр-Сұлтанда 18 сәуірде күн ашық, жауын-шашынсыз. Ауа температурасы күндіз 18 градусқа дейін көтеріледі, түнде – плюс бір градус. Жел жоқ.

Алматыда көшпелі бұлт шығады, оқта-текте жаңбыр жауады. Күндіз сынап бағанасы плюс 19 градус, түнде плюс 8 градусты көрсетеді.

Шымкентте де күн ашық. Күндіз – плюс 22, түнде – плюс 11 градус.

0
Кілт сөздер:
ауа райы болжамы, Қазгидромет
Тақырып бойынша
Көктемде 276 елді мекенді су басуы мүмкін – ТЖ министрі
Қар аралас жаңбыр: Қазақстанның барлық дерлік өңірінде дабылды ескерту жарияланды