Пәтер кілті

Аяжан Еділованың өлімі: полиция күдікті туралы ақпарат берді

16692
(Жаңартылды 13:44 26.03.2021)
Бойжеткен мекенжайға өзі келіп, пәтерге өзі кірген. Ал күдіктінің қандай тәсілмен оны үйіне шақырғаны тергеу барысында белгілі болады

АЛМАТЫ, 26 наурыз – Sputnik. Алматы полиция департаменті бастығының орынбасары Рустам Әбдірахманов Аяжан Еділованың өліміне қатысты мән-жайды баяндады. Полицияның ақпаратына сәйкес, марқұм танысу сайты арқылы бейтаныс адаммен 16 наурызда танысқан, деп хабарлайды Sputnik Қазақстан тілшісі.

"20 наурызда 102 нөміріне Еділова Аяжанның із-түссіз жоғалып кету фактісі бойынша хабарлама түсті. 20 наурыз сағат 16:06-да қоңырау шалды. Сол сәтте аталған факт тергеп-тексерудің бірыңғай тізіліміне тіркелді. Сотқа дейінгі тергеу басталды. 21 наурызда арнайы тергеу тобы құрылып, Еділова Аяжанды іздеу жұмыстарына кірісті. 21 наурызда сағат 22:00-де Нұркент шағын ауданында күдікті тұратын пәтер мекенжайы анықталды", - деді полиция.

Ол жерге барған кезде полиция үйдің есігін бұзып кірді. Тәртіп сақшыларын көрген күдікті өзіне қол салмақ болды. Жедел жәрдем шақырылып, ауруханаға жеткізілді

Полицияның сөзінше, күдікті қызды 19 наурыздан 20 наурызға қараған түні өлтіргенін айтқан. Оқиға түнгі сағат он екі - бір шамасында болды. Бұл уақытта оның із-түссіз жоғалып кеткені полицияға хабарланбаған.

Қыздың денесі бөлшектенген күйі табылды. Күдікті мәйітті жасыру мақсатында бөлшектенген дененің бір бөлігін өзі тұратын Алатау ауданынан басқа ауданға апарып, қоқыс жәшігіне тастаған. Бұл да 19-нан 20 наурызға қараған түні болған. Қоқыс жәшігіне тасталған дене бөлшектері табылды, сараптама тағайындалды.

"Жоғалғаны туралы ақпарат түскеннен кейін жәбірленушінің кіммен байланыста болғаны анықталды. Ол күдіктімен әлеуметтік желіде 16 наурызда танысқан. Жедел іздестіру шаралары барысында оның мекенжайы анықталды. Өкінішке қарай, күдікті ұсталған сәтке дейін қылмыс жасап үлгерген", - деді Әбдірахманов.

Қазір күдікті ер адам ауруханада қамауға алынды. Ота жасалып, палатаға шығарылды. Соттың шешімімен қамауға алыну туралы бұлтартпау шарасы тағайындалды. Медициналық мекемеден шығарылған соң уақытша ұстау изоляторына қамалады.

Ал Алматы қаласы полиция департаментінің баспасөз хатшысы Салтанат Әзірбектің айтуынша, күдікті мен марқұм Аяжан Еділова кездескен кезде екеуінің арасында жанжал шыққан.

"Жанжал кезінде бойжеткенді өлтіріп, қылмыс ізін жасыру мақсатында денесін бөлшектеді. Аса қатыгездікпен жасалған қылмыс. Денесінің кейбір мүшесін 19-нан 20-на қараған түні қаланың шет-шетіне қоқыс жәшіктеріне лақтырып үлгерді. Кейбір мүшесі үйден табылды", - деді Әзірбек.

Күдікті ер адам бұрын сотталмаған. 1993 жылы туған Түркістан облысының тумасы. Бейнебақылау камераларынан қыздың өз еркімен үйге кіргені анықталды. Полицияның айтуынша, қыз мекенжайға өзі келіп, пәтерге өзі кірген. Ал күдіктінің қандай тәсілмен оны үйіне шақырғаны тергеу барысында белгілі болады.

Айта кетейік, 22 наурызда қыздың жоғалғаны туралы хабарландыру әлеуметтік желілерде пайда болды. Туыстарының айтуынша, 2001 жылы туған Еділова Аяжан 19 наурыз күні сағат 20:43-те Қонаев көшесі 43 үй мекенжайы бойынша жұмыстан шығып кеткен және үйге оралмаған. Бақылау камерасы қызды соңғы рет жұмыстан шыққан кезде түсірген.

Сол күні қыздың денесі табылғаны хабарланды. Қылмыстық кодекстің 99-бабы екінші бөлігі "Адам өлтіру" бойынша қылмыстық іс қозғалды.

16692
Кілт сөздер:
өлім, полиция, Алматы
Тақырып бойынша
"Бөлшектеп тастаған": Алматыдағы жантүршігерлік қылмыстың мән-жайы белгілі болды
Интернетте танысқан жігітпен кездескен: Алматыда үш күн бұрын жоғалған қыз өлі табылды
"Қатты қорқып отырмын": желіде видео жариялаған 9 жасар қызды не үшін өлтірді
Батыс Қазақстанда 38 жастағы әйел зейнеткерді өлтірді
Жұмыстан шығып кеткен: Алматыда 19 жастағы қыз іздестіріліп жатыр
Архивтегі фото

Жігітпен кездескен: Нұр-Сұлтанда қонақ үйде түнеген қыз полиция шақыруға мәжбүр болды

6674
Жігіт қыздың қонақ үйде ұйықтап қалғанын пайдаланып, 100 мың теңге тұратын зергерлік бұйымдарын ұрлап кеткен

НҰР-СҰЛТАН, 12 сәуір – Sputnik. Нұр-Сұлтанда жігіт қызбен кездесуден кейін оны тонап кетті, деп хабарлады елорда полиция департаменті.

Жастар әлеуметтік желіде танысып, бір-екі ай хат жазысып, кейінірек бетпе-бет кездесуге шешім қабылдаған.

"Хат алмасқаннан кейін олар кездесуге келіскен, жігіт өзінің жаңа танысын қонақ үйге шақырған. Оңаша отырыстан кейін қыз алтын бұйымдарын шешіп, ұйықтап қалған. Күдікті осыны пайдаланып, жәбірленушінің 100 мың теңге тұратын зергерлік бұйымдарын ұрлап, таңғы сағат төртте қонақүйден шығып кеткен", - деп хабарлады полиция.

Ұрлық жасады деген күдікті ұсталды, ол бұрын бірнеше рет сотталған.

Ақтөбелік қалыңдығына ұсыныс жасады: оқиға трагедиямен аяқталды - видео

Ер адам кінәсін мойындады, оның елорда аумағында бұған дейін жасалған осыған ұқсас қылмыстарға қатысы бар-жоғы тексеріліп жатыр. Аталған факт бойынша қылмыстық іс қозғалды.

6674
Алабай

Нұр-Сұлтанда алабай зейнеткер мен оның күшігін талап тастай жаздады - видео

6749
(Жаңартылды 21:21 11.04.2021)
Әйел күшігін қорғамақ болған кезде оны алабай қауып алған. Қазір әйел екпе алуда, ал оның күшігі ветеринарлардың бақылауында

НҰР-СҰЛТАН, 11 сәуір - Sputnik. Полицейлер Нұр-Сұлтанда 71 жастағы әйел мен оның қасына ерткен күшігіне тап берген иттің иесін іздестіруде, деп хабарлайды елорда әкімдігінің баспасөз қызметі.

Бұдан бұрын желіде иттің күшікке тап берген сәті түсірілген видео тарады. Полиция алабайды бейнебақылау камераларының көмегімен тапты.

"Қазір алабай аса қауіпті құтыру ауруының бар-жоғын анықтау үшін ветеринариялық бақылауға алынды", - делінген хабарламада.

Зардап шеккен әйел медициналық мекемеде профилактикалық екпе алуда, оның күшігі ветеринарлық клиникада емделуде.

Полиция департаментінің қызметкерлері алабайдың иесін анықтау жұмыстарын жүргізіп жатыр.

6749
Кілт сөздер:
Нұр-Сұлтан, алабай
Газодобывающее предприятие, архивное фото

Еуропаға газды кім жеткізеді: Ресей ме, АҚШ па?

0
Осы жылы алыс шетелге газ экспорттаудан "Газпром" табысы 1,7 есе, яғни 42 миллиард долларға дейін ұлғаяды, деп жазды VYGON Consulting

НҰР-СҰЛТАН, 12 сәуір — Sputnik. Ұзаққа созылған қыс еуропаның газ қоймаларын бос қалдырды. Газ қорының үштен бір бөлігі ғана қалды. Америкалықтар осы мүмкіндікті пайдаланып, көп көлемде сұйылтылған газ ұсынды. Алайда коронавирус дағдарысы Еуропаға мұхиттың арғы жағынан келетін қымбат газға шығындалуға мүмкіндік бермейді. Сондықтан ресейлік шикізатты сатып алуға тура келіп отыр, деп жазды РИА Новости.

Күзде және қыста еуропалықтар 65 миллиард текше метрден астам газ тұтынды. Бұл он жылдық максимумға тең. Бұл туралы Газпром GasInfrastructureEurope-ке сілтеме жасап хабарлады. Алдыңғы жоғары көрсеткіш 2018 жылы болған. Ол кезде ақпан-наурызда Еуропаны қалыптан тыс аяз бен қар жауып қалды.

Ауа райы биыл да тосын мінез көрсетті. Қаңтарда Газпромға аяз құрсауында қалған Еуропаға жеткізілімдерді шұғыл көбейтуіне тура келді. Компания Германияға 32,4 процентке, Францияға 77,3 процентке, Нидерландыға 21,2 процентке, Италияға 100 процентке әдеттегіден артық газ жіберді.

Сонымен қатар суықтың беті қайтпаған Азияға да экспорт артты. Нәтижесінде нарықта тапшылық пайда болып, бұл споттық бағаның шарықтауына алып келді. Ол бойынша тауарлар, бағалы қағаздар немесе валюта шұғыл жеткізу шарты бойынша сатылады.

Мысалы, Азияда баға кесімі мың текше метр үшін 1 000 доллардан асқан сәт болды. Кейбір мәмілелер 1400 бағасы бойынша жасалды. Еуропада баға 300 доллар болып белгіленді. Ал "Газпромның" 2021 жылға арналған бюджетінде 170 деген баға көрсетілген.

Нәтижесінде алыс шетелге жөнелтілген ресейлік экспорт 19,5 миллиард текше метрге дейін артты. Бұл бір жыл бұрынғы көрсеткіштен 46 процентке көп.

Ақпан айында да ауа райы қуанта қоймады. Осы айда үш күн қатарынан еуропалық қоймалар тәулігіне миллиард текше метр жіберіп отырды. 25 наурызға қарай қоймадағы газ қорының көрсеткіші 29 процентке дейін түсті. Германия мен Автрияда – 26, Нидерландыда – 23, Францияда – 17.

Алдағы қыста суықтан қорғану үшін еуропалықтарға өткен жылғыдан 57,3 процентке артық газ өндіру қажет. Бұл 2020 жылы Франция мен Нидерландыға жеткізілген экспорт көлеміне тең. Қоймаларды толтыру бойынша басталған газ өндіру науқаны 2011 жылғыдан кейінгі ең ауқымды шараға айналмақ.

Еуропа нарығындағы ресейлік шикізаттың үлесі 2020 жылы шамамен 33 процентті құрады. Бұл жөнінде "Газпром экспорт" бас директоры Елена Бурмистрова мәлімдеді. Оның айтуынша, "үшінші тоқсанда-ақ экспорт көлемі дағдарысқа дейінгі көрсеткіштен асып түсті". Импорттаушылар алдындағы барлық міндет толық орындалды. Жыл соңына қарай келісімшарт бойынша баға еуропалық хабтардағы споттық бағадан төмен болды. Бұл да қосымша жеткізулерді орындауға ықпал етті.

Еуроодаққа көгілдір отын Ресейден бөлек Норвегия, Катар, Алжир, АҚШ пен Нигериядан жеткізіледі. Басты тұтынушылар – Германия, Ұлыбритания және Италия. Немістер мен ағылшындар ресейлік газды "Солтүстік ағын" құбыры арқылы алып отыр. Басқа амал жоқ. Әрине сұйылтылған табиғи газға ауысуға болар еді. Бірақ ол тым қымбат. Сонымен қатар ол үшін арнайы терминалдар керек. Ал Германияда мұндай техника қарастырылмаған. Сұйылтылған табиғи газ ол елге Бельгия мен Нидерланды арқылы жеткізіледі.

Италия мен Ұлыбританияда қажетті терминал бар. Бірақ олар да құбыржол газынан бас тартуға асығар емес. Сол себепті ресейлік энергия ресурсын сатып алушылар АҚШ-тың "Солтүстік ағын – 2" жобасына қарсы ашқан соғысын қолдамай отыр. Жалпы ресейлік жобаның қарсыластары аз емес. Олардың қатарында Чехия, Польша, Венгрия, Словакия, Румыния, Хорватия бар.

Жалпы Варшава 2022 жылға қарай Ресей газынан бас тартуға дайын екенін бұған дейін мәлімдеген болатын. Поляктар Солтүстік теңізде норвегиялық қайраңдағы Baltic Pipe құбырына үміт артып отыр.

Жалпы дағдарыстың беті әлі қайта қойған жоқ. Ал сұйылтылған табиғи газ баяғыдай құбыржол газынан қымбат болып тұр. Оның үстіне "Газпром" бәсекелестеріне қарағанда өндіріс көлемі мен тәуліктік жеткізу көлемін өте жылдам арттыра алады.

Г.В.Плеханов атындағы РЭУ доценті Александр Тимофеев "Солтүстік ағын" жобасының өзін-өзі ақтауы әлі де нақты болмағандықтан, батысеуропалық бағыт басымдықта тұр деп санайды.

"Ұзаққа созылған қыс сұранысты арттырды. Бұл күзге қарай бағаның қымбаттауына алып келеді", - дейді ол.

Ресей ЖЭК даму мәселелері жөніндегі тәуелсіз кеңесшісі VYGONConsulting пікірінше, осы жылы "Газпром" алыс шетелге жөнелтетін экспорт көлемін 210 миллиард текше метрге дейін арттыра алады. Бұл 2020 жылғы көрсеткіштен 17 процентке, коронавирус дағдарысына дейінгі 2019 жылғыдан 5,5 процентке артық.

Осылайша бірінші тоқсанда "Газпромның" экспорты 30,7 процентке өсті.

"Бұған дейін жабдықтаушы бюджетке мың текше метр газ үшін 170 доллар көлеміндегі бағаны көрсеткенін ескеру керек. Бірақ содан кейін жоспарлар қайта қаралды. Енді орташа жылдық баға 200 доллар деп болжануда. Себебі ұзақ мерзімді келісімшарттар көбіне еуропалық споттық бағаларға тәуелді. Оның үстіне газ бағасы тікелей тәуелді мұнай бағасы да шарықтап кетті. Сондықтан "Газпром" өз тұтынушыларын жоспарының негізді екеніне сендіре алуы әбден мүмкін", - дейді TeleTrade ақпараттық-талдау орталығының бас экономисі Марк Гойхман.

Жалпы газ бағасы жылыту маусымы аяқталғаннан кейін де қымбаттай берді. Қазір нидерландтық TTF (Title Transfer Facility Natural Gas Price Index) хабындағы спотта мың текше метр газ бағасы 252 доллар. Бұл 2018 жылдан бері ең жоғарғы көрсеткіш.

Нәтижесінде осы жылы алыс шетелге газ экспорттаудан "Газпром" табысы 1,7 есе, яғни 42 миллиард долларға дейін ұлғаяды, деп жазды VYGON Consulting. Ал бұл Ресейдің мемлекеттік бюджетіне майдай жағады.

0