Иллюстративті фото

Алматыда денесі бөлшектелген қыздың ағасы: Тісін қағып алып, тырнағын кескен

14406
(Жаңартылды 16:50 26.03.2021)
Қылмыстық кодекстің 99-бабының екінші бөлігі "Адам өлтіру" бойынша қылмыстық іс қозғалды. 28 жастағы күдікті ұсталды

АЛМАТЫ, 26 наурыз – Sputnik. Алматыда тұрғын үйлердің бірінде кісі қолынан қаза болған Аяжан Еділованың немере ағасы жантүршігерлік қылмыстың мән-жайын айтып берді, деп хабарлайды Sputnik Қазақстан тілшісі.

"Бір тәулік ішінде ол (күдікті – Sputnik) денесін мұқият әрі асықпай бөлшектеген. Ал полиция оның алдымен Аяжанды өлтіріп, артынша денесін бөлшектегенін айтып отыр. Полиция түсірген фотоны көргенде есеңгіреп қалдық... әрбір тісін қағып, әрбір тырнағын кесіп алған. Соның бәрі пакет ішінде жатқанын көрдік. Маньяк оның басын кесіп алып, қайнатқан. Бас сүйегі ғана қалған", - деді қыздың ағасы Алмат Мүліков.

Оның айтуынша, қазір адамды тану бойынша сараптама жүргізіліп жатыр. Мәйіттің бөлшектері жиналып жатыр. Ер адамның болжауынша, ол жерде бір ғана дене болмаған, сол себепті сараптама бес күнге созылды.

"Сараптама нәтижесін тездетуін, Аяжанның туыстарын шақырып, ДНҚ тестін алуын талап етеміз. Олар қазір Талдықорғанда, оларды ешкім шақырмады. Ешкім ресми түрде оның Аяжан екенін мәлімдеген жоқ. Барлығы тек сөз жүзінде. Аяжанның қайтыс болғаны туралы БАҚ арқылы білгеніміз де рас", - деді марқұмның ағасы.

Сонымен қатар бойжеткеннің туыстары қайтыс болған қыздың Аяжан екеніне күмәнмен қарап отыр. Себебі аяқ киім, телефон, сөмкесі секілді кей заттары табылған жоқ. Оның Аяжан екеніне полиция 100% сенімді бола алмайды, деп атап өтті Алмат.

Алмат Муликов
© Sputnik / Тимур Ниталиев
Аяжан Еділованың немере ағасы Алмат Мүліков

Қаза тапқан қыздың туыстары оның күдіктімен арнайы сайт арқылы таныспағанына сенімді. Олар оны алдап шақырған деп санайды.

"Ол жеңіл ойлайтын қыз емес еді. Үш айдан бері кездесіп жүрген жігіті бар. Сол жігіт бірінші болып дабыл қағып, іздеуге кірісті. Біз оның кездесуге жұмыс бойынша барғанына сенімдіміз, оның танысуға баруы мүмкін емес. Күдіктінің фармацевт мамандығын алғанын білеміз, мұнда пәтер жалдап тұрған. Оны полиция ұстаған кезде көрдік. Сол уақытта ол өзіне жарақат салып үлгерді. Оны ұстаған кезде полицияны келемеждегені туралы да ақпарат бар", - деді марқұмның туыстары.

Аяжан Еділованың өлімі: полиция күдікті туралы ақпарат берді

Олар полиция қыздың із-түзсіз жоғалғаны туралы арызды бірден қабылдамағанын айтып шағымданды. Туыстары күдіктінің мекенжайын өздері тапқанын айтып отыр. Сол жерге барғанда үйдің жанында полиция қызметкерлері де болған.

Ал полиция мұны негізсіз айтылған пікір деп мәлімдеді.

"Біз тергеуді өтініш түскен кезде бастадық. Ештеңе күтпей, бірден жедел топ құрдық", - деді брифингте Алматы полиция департаменті басшысының орынбасары Рүстем Әбдірахманов.

Сонымен қатар Аяжанның туыстары қылмыс жасалған күннен бері 5 күн өткенін, ал өздері оны жерлей алмай отырғанын айтты.

"Ол Талдықорғанның қызы. Ата-анасы сол жақта. Біз жерлеу үшін денесін, оның бөлшектерін беруін күтіп отырмыз", - деді Алмат Мүліков.

Айта кетейік, бұған дейін Алматы полиция департаменті күдіктінің Түркістан облысының 1993 жылы туған тұрғыны екенін хабарлады. Полиция кісі өлтірудің себебі мен әдісін анықтау үшін тергеу жүргізуде.

Күдікті жәбірленушімен жыныстық қатынасқа түскен-түспегені, психикалық ауытқуы және қылмыста каннибализм белгілері бар-жоғын сараптама мен тергеу көрсетеді.

Қылмыстық кодекстің 99-бабының екінші бөлігі "Адам өлтіру" бойынша қылмыстық іс қозғалды. Осы бап бойынша 15 жылдан 20 жылға дейін немесе өмір бойына бас бостандығынан айыру жазасы көзделген.

22 наурызда қыздың жоғалғаны туралы хабарландыру әлеуметтік желілерде пайда болды. Туыстарының айтуынша, 2001 жылы туған Аяжан Еділова 19 наурыз күні сағат 20:43-те жұмыстан шығып кеткен және үйге оралмаған. Бақылау камерасы қызды соңғы рет жұмыстан шыққан кезде түсірген. Сол күні қыздың денесі табылғаны хабарланды.

14406
Дом, в котором жила семья пострадавшей девочки

Нұр-Сұлтанда ер адам подъездің астан-кестеңін шығарды видео

2000
(Жаңартылды 17:42 18.09.2021)
Ол подъездің ішінде ойран салып, үйдің алдында тұрған көліктерге де зақым келтірген

НҰР-СҰЛТАН, 18 қыркүйек — Sputnik. Елордадағы үйлердің бірінде ер адам подъезд есігі мен бірнеше көліктің терезесін қиратқан. Қаланың полиция департаментінің баспасөз қызметі тұрғынның мас болғанын хабарлады.

Посмотреть эту публикацию в Instagram

Публикация от Нұр-Сұлтан қ. ПД (@police_nur_sultan)

Оқиға туралы хабарлама полицияға 18 қыркүйек сағат 00.18-де түскен.

"Ер адам әріптестерімен отырып ішімдік ішкеннен кейін подъезге шыққан. Ол кіреберісте тұрған самокатты алып, есік-терезені қирата бастайды. Одан кейін далаға шығып, үйдің алдында тұрған көліктердің әйнегін самокатпен сындырды", - деп хабарлады полиция.

Белгілі болғандай, жалдамалы пәтердегі отырыста жанжал шығып, оның соңы төбелеске ұласқан.

Тәртіп бұзғандардың барлығы полицияға жеткізілді. Есіл ауданының полиция басқармасы қылмыстық кодекстің "Бұзақылық" бабы бойынша сотқа дейінгі тергеуді бастады.

Оқи отырыңыз: 

 

2000
Ақтау қаласы маңындағы өндірістік алаңда шыққан өрт

Ақтау маңындағы өрт: экологтар ауадан сынама алды

35
(Жаңартылды 20:59 18.09.2021)
Экология департаменті қызметкерлері күйенің белгіленген нормадан жоғары екенін анықтады

НҰР-СҰЛТАН, 18 қыркүйек – Sputnik. Ақтау қаласына жақын орналасқан №4 өнеркәсіптік аймағында шыққан өрттің ауаға келтірген залалын анықтау мақсатында экологтар сынама жасады, деп хабарлады Маңғыстау облыстық төтенше жағдайлар департаментінің баспасөз қызметі.

Айнала заңсыз қоқысқа лық толы болған.

"Белгілі болғандай, бұл аумақта үйіліп жатқан көлік дөңгелектері өртеніп, әп-сәтте бірнеше шаршы аумақты шарпып үлгерген. Тез тұтанатын резеңке дөңгелектерінен шыққан жалын алғашында бет қаратпады. Әзірге оттың неден тұтанғаны белгісіз. Оқиға орнына алғашқы болып полицейлер мен өрт сөндіру қызметі жетті. Өрт салдарынан зардап шеккендер жоқ", - деді департаменттегілер.

Сондай-ақ Маңғыстау облыстық экология департаментінің зертханалық бақылау бөлімінің мамандары келіп атмосфералық ауадан сынама алды.

Күйенің белгіленген нормадан жоғары екендігі анықталып отыр.

Маңғыстау облысы төтенше жағдайлар департаментінің қызметкерлері Ақтау қаласы маңында шыққан өртті сөндіруде
© Photo : Маңғыстау облыстық экология департаментінің баспасөз қызметі
Өрт сөндірушілер Ақтау қаласы маңындағы өндірістік алаңда шыққан өртті сөндіруде

Маңғыстау облыстық экология департаменті басшысының орынбасары Сағдат Хансейітовтың айтуынша, өрт болған орынның қожайыны немесе өртенген қалдықтың иесін анықтап, жауапкершілікке тарту мәселесі қаралады.

Құзырлы органдар өрттің неден шыққанын анықтауға кірісті.

Ақтау қалалық полиция басқармасы басшысының орынбасары Ілияс Асқарұлының айтуынша, өрттің себеп-салдары алдағы уақытта анықталатын болады. Оқиға орнына қауіпсіздікті қамтамасыз ету мақсатында жеке құрамның 30 полиция қызметкері мен 4 экипаж тартылған.

Естеріңізге сала кетейік, 18 қыркүйекте таңертең Ақтау қаласы үстіндегі қара түтін жұрттың алаңдаушылығын тудырды. Тұрғындар әлеуметтік желіде түтіндеп жатқан жердің видеосын жариялады. 

"Бүгін, 18 қыркүйекте, саяжайлар жақтағы өндірістік алаңда бірдеңе өртеніп жатыр", - деп жазды видео авторы.

Посмотреть эту публикацию в Instagram

Публикация от НОВОСТИ АКТАУ 911 | 18+ (@aktau.911)

Ал тұрғындар комментарийде "түтін қала ішіне тарап кетті", "қайта оқ-дәрілер қоймасы жоқ", "бізді біреу улап жатқан жоқ па?" деп пікір қалдырды.

Оқи отырыңыз: 

35
Тақырып бойынша
Есік пен терезені ашуға болмайды: өрт шыққан кезде не істеу керек
Тараз түбіндегі жарылыс: тағы бір өрт сөндіруші көз жұмды
Степногорскідегі алапат өрт: 60 саяжай күлге айналды – видео
Ғарыш станциясында модульден өрт шықты
Ресей мемлекеттік думасының депутаттарын сайлау

Ресейдегі сайлау: Қазақстанда дауыс беру учаскелері ашылды

0
Қазақстанда дауыс беру учаскелері бес қалада ашылды, олар таңғы сағат сегізден кешкі сегізге дейін жұмыс істейді

НҰР-СҰЛТАН, 19 қыркүйек –  Sputnik. Қазақстанда бес қалада сайлау учаскелері ашылды. Ол жерде Ресей азаматтары дауыс бере алады.

Ресейдің Мемлекеттік дума депутаттарының сайлауы 17 қыркүйекте басталған болатын. Бүгін - сайлаудың соңғы және негізгі күні. Осы жолы алғаш рет дауыс беру науқаны үш күнге созылып отыр. Негізгі мақсат – коронавирустық инфекцияның таралуына жол бермеу және санитарлық талаптарды барынша сақтау.

Сайлау аралас жүйе бойынша өтіп жатыр. Атап айтқанда, 225 депутат партиялық тізім бойынша сайланса, тағы 225 депутат бір мандатты сайлау округтарынан думаға өтеді. Олар бес жылға сайланады.

Биылғы сайлауға 14 партия қатысып отыр. Олар:

  • Ресей Федерациясының коммунистік партиясы;
  • "Жасылдар"
  • Ресейдің либералды-демократиялық партиясы;
  • Жаңа адамдар; 
  • "Біртұтас Ресей" партиясы;
  • Әділетті Ресей;
  • Яблоко;
  • Өсім партиясы
  • Ресейдің әділеттілік пен еркіндік партиясы;
  • Ресей коммунистері;
  • Азаматтық платформа;
  • Жасыл альтернатива;
  • Отан
  • Зейнеткерлер партиясы.

Партиялық тізімдер бойынша 3 812 кандидат тіркелсе, бір мандатты окрутардан 2 020 үміткер шықты. Мәскеу мен Санкт-Петербургте бәсекелестік жоғары болып тұр.

Орталық сайлау комиссиясының мәліметіне сәйкес, Ресейде тұратын дауыс берушілердің жалпы саны – 108 145 648 адам. Бұдан бөлек, шетелде 2 047 140 адам тұрады. Ал Байқоңыр қаласында 12 515 сайлаушы бар.

Қазақстанда жүрген ресейліктер қай жерде дауыс береді

Ресейдегі сайлауға байланысты Қазақстанда бірнеше дауыс беру учаскесі ашылып отыр. Олар бес қалада орналасқан.

Нұр-Сұлтан, Ресейдің мәдениет және ғылым орталығы, Кенесары көшесі, 39 үй. Ол жерде  Нұр-Сұлтан қаласы, Қостанай, Солтүстік Қазақстан, Ақмола мен Қарағанды облыстарының тұрғындары дауыс береді. Телефон: 8 (7172) 32-05-15, 8(7172) 44-08-05;

Алматы, Жандосов көшесі, 4 үй; телефон: 8 (727) 274-61-22;

Приозёрск, Офицерлер үйі, Кисунько көшесі, 1/2 үй; телефон: 8 (71039) 5-21-44;

Орал, Ресейдің бас консулдығы, Мұхит көшесі, 78 үй; телефон: 8 (705) 847-78-61;

Өскемен, Ресейдің бас консулдығы, Орджоникидзе көшесі, 2 үй; телефон: 8 (7232) 26-29-59.

Қазақстанда дауыс беру таңғы сағат 8.00-де басталып, кешкі 20.00-де аяқталады. 18 жастан асқан сайлаушы ғана дауыс бере алады. Ресей Федерациясының төлқұжаты болуы шарт.

Қазақстан атынан сайлауды кім бақылайды

14 қыркүйекте Қазақстанның Орталық сайлау комиссиясы Ресей федералдық жиналысының мемлекеттік дума депутаттарының сайлауына жіберілетін бақылаушылардың тізімін бекіткен болатын. Олар ТМД мен ШЫҰ атынан баратын бақылаушылардың құрамына кіреді. Қазақстандық делегацияның құрамына Орталық сайлау комиссиясы мен дипломатиялық корпус өкілдері енді.

0