АЛМАТЫ, 7 сәуір – Sputnik. Алматы облысында 70 жастағы әйелді бұрын азаматтық некеде болған адам ұрып-соққан. Ол қаскөйлердің бостандықта жүргенін айтып, көмек сұрады, деп хабарлайды Sputnik Қазақстан.

Зардап шеккен әйелдің айтуынша, 2020 жылдың қарашасынан бері бірге тұрмайтын азаматтық некедегі бұрынғы күйеуі оны ұрып-соққан. Оқиға 31 наурызда болған.

"Мас күйінде достарымен бірге келді. Үйдегі кішкентай балаларды қорқытты. Мені күштеп аулаға шығарды. Күштеп көлікке отырғызып, ұра бастады. Қатты ұрды. Сол маңнан өтіп бара жатқандар полиция шақыратынын айтқан соң жанындағы достарына көлікті айда деді. Менің үстіме мініп ұра бастады. Мені түзге апарып, ішуге мәжбүрледі. Бірақ мен ішпедім. Көйлегімнің түймелерін ағытып, "қазір сені ұстап тұрамын, олар сені зорлайды" деп айтты. Көзімді баспен ұрды. Содан кейін достарына ақша төледі", - дейді әйел.

Әйел оның достарына қанша ақша төлегенін білмейтінін айтты. Ауылға келген кезде оларды полиция күтіп тұрған. Тәртіп сақшылары көлік ішінен әйелді алып шығады.

Оның сөзінше, сол күні Балқаш аудандық полиция бөліміне арыз жазған.

"Ол адамдар қазір бостандықта жүр, мен қорқамын. Әр минут сайын үйде болудың өзінен қорқамын. Балалар жұмыста, мен кішкентай балалармен үйде отырамын. Қайта келіп, мені өлтіре ме деп қорқамын. Себебі олар мені өлтіріп, өртеп жібереміз деп қорқытты. Балаларым мен үйімді өртеп жіберетінін айтты. Ол өзінің барлық туысы полицияда жұмыс істейтінін айтып мақтанды", - дейді әйел.

Қазір зейнеткер емделіп жатыр.

Алматы облысы полиция департаментінің баспасөз қызметі бұл факті Балқаш ауданы полиция бөлімінде тіркелгенін хабарлады. 

"31 наурызда Балқаш ауданының полициясына азамат Ц. өзін ұрып-соққан бұрынғы азаматтық жұбайына қатысты шаралар қабылдау бойынша жүгінді. Аталған факті Балқаш ауданы полиция бөлімінде тіркелді, зардап шеккен адамның дене жарақаттарының ауырлық дәрежесін анықтау мақсатында сот-медициналық сараптама жасалады", - деді Алматы облысы полиция департаментінің баспасөз қызметі.

Сараптама нәтижесі шыққаннан кейін іс материалдары шешім қабылдау үшін сотқа жіберіледі.

12 СӘУІРГЕ ЖОСПАРЛАНҒАН ШАРАЛАР

НҰР-СҰЛТАН

09.00 – Үкімет отырысы. Күн тәртібінде Қазақстан республикасының 2021 жылғы қаңтар-наурыз айындағы әлеуметтік-экономикалық дамуының қорытындысы және республикалық бюджеттің атқарылуы талқыланады. Отырыс PrimeMinister.kz сайтында және әлеуметтік желілердегі ресми аккаунттарында онлайн режимде көрсетіледі.

11.00 – "Халықтан заңсыз сақтаулы қару-жарақты, оқ-дәріні және жарылғыш заттарды сатып алу бойынша кезекті акция өткізу туралы" ішкі істер министрлігінің брифингі. Спикерлер: ішкі істер министрлігінің әкімшілік полиция комитеті төрағасының орынбасары Милюк Алексей Казимирович, ішкі істер министрлігінің әкімшілік полиция комитетінің бөлім басшысы Ыдырысов Асылбек Түлкібекұлы. Брифинг тақырыбы бойынша сұрақтарды 9 сәуір сағат 18:30-ға дейін mvd_pr@mail.ru электронды поштаға немесе 8 705 440-83-65 нөміріне (WhatsApp) жолдауға болады.

11.00 – Елорданың оң жағалауындағы Елбасы кітапханасының музейінде "Адамға табын, жер, енді" халықаралық онлайн көрмесі өтеді. Көрме Қазақстан Республикасы Тәуелсіздігінің 30 жылдығын мерекелеу аясында өткізіліп отыр. Сондай-ақ бұл шара Юрий Гагариннің ғарышқа ұшуының 60 жылдығына және Тоқтар Әубәкіровтың ғарышқа ұшуының 30 жылдығына арналған (Бейбітшілік көшесі, 11).

12.00 - Қазақстан Ғылым қызметкерлері күні Л.Н. Гумилев атындағы Еуразия ұлттық университетінде "Функционалдық материалдар және нанотехнологиялар", сондай-ақ "Функционалдық материалдарды кванттық-химиялық модельдеу" атты екі инновациялық білім беру-ғылыми зертханасы ашылады. Университеттің 25 жылдық мерейтойына арналған іс-шара ЖОО басшылығы мен физика-техникалық факультетінің ғалымдары және шақырылған профессорлардың қатысуымен өтеді. Өтетін орны: Қажымұқан көшесі 13, Л.Н.Гумилев атындағы ЕҰУ, №3 ғимарат.

БАЙКОҢЫР

"Ғарыштағы алғашқы адамдар" мерекелік концерті. Шараға танымал музыканттар мен актерлер, симфониялық оркестр қатысады. Концерт Байқоңыр ғарыш айлағының №1 ұшу алаңындағы "Гагарин стартында" өтеді.

Концертті Ресей Федерациясының мәдениет министрлігі, Ресей Федерациясы президенті әкімшілігі және адамзаттың алғаш рет ғарышқа ұшуының 60 жылдығын атап өту бойынша ұйымдастыру комитетінің қолдауымен Бүкілресейлік мемлекеттік телевизиялық және радиотарату компаниясымен бірлесіп орыс концерт агенттігі ұйымдастырды. Жобаның көркемдік жетекшісі – ресейлік танымал музыкант Юрий Башмет.

Концерт сценографиясында заманауи айрықша технологиялық құралдар қолданылады. Салтанатты кеште әлемнің түрлі елінен келген танымал композиторлар ғарыш пен жаңа кеңістікті игеруге арналған музыкалық туындыларының таныстырылымын өткізеді.

30 СӘУІРГЕ ЖОСПАРЛАНҒАН ШАРАЛАР

Денсаулық сақтау министрі Алексей Цой есеп беру үшін халықпен кездеседі. Кездесуде министр ведомствоның 2020 жылғы жұмысын қорытындылайды және алдағы жоспарлар жайлы айтады, сондай-ақ азаматтардың сұрағына жауап береді. Есеп беру кездесуі министрліктің ресми сайтында тікелей эфирде көрсетіледі. Министрге сұрақты мына электронды мекенжайға жіберуге болады: s.kopeev@dsm.gov.kz.

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.