Оқиға

Жаңақала тұрғыны өгей қызын үш жыл бойы зорлаған: мектеп директоры сот алдына келді

© PhotoСемейное насилие - иллюстративное изображение
Семейное насилие - иллюстративное изображение - Sputnik Қазақстан, 1920, 16.04.2021
Жазылу
Батыс Қазақстан облысында өгей әкесінен зорлық көрген қыз оқыған мектеп директорына қатысты іс қарастырылады. Ер адам 2020 жылы жазасын алды, енді құқық қорғау органдары мектеп директорына қатысты қылмыстық іс қозғады

НҰР-СҰЛТАН, 16 сәуір – Sputnik. Батыс Қазақстан облысында кішкентай қызға жасалған азғындық әрекетке қатысты сот ісі әлі де жалғасып жатыр. Бұл жолы сотқа қыз оқыған мектептің директоры тартылды, деп хабарлады жергілікті "Мой Город" басылымы.

2020 жылы Жаңақала ауданының тұрғыны Жақсыбай Сұлтан 20 жылға сотталды. Ол 10 жастағы өгей қызына қатысты үш жыл бойы азғындық жасады деп айыпталды.

Тергеу қыздың мұғалімдері бұл оқиға туралы білгенін, алайда құқық қорғау органдарына әдейі жүгінбегенін көрсетті. Нәтижесінде мектеп-гимназия директоры Лариса Қожахметоваға қатысты қылмыстық іс қозғалды. Ал қалған мұғалімдер аудандық білім бөлімі тарапынан қатаң сөгіс алды.

Қылмыстық іс сотқа 2020 жылдың 7 сәуірінде түскен. Жаңақала мектеп-гимназиясының директоры Лариса Қожахметоваға қылмыстық кодекстің 434-бабы "Қылмыс туралы хабарламау" бойынша айып тағылды. Істі Жаңақала ауданы сотында судья Ілияс Іргебаев қарайды.

Оқи отырыңыз: Министрлік тұрмыстық зорлық-зомбылыққа бейім адамдарды атады

Негізгі сот процесі 16 сәуірге белгіленген.

Мектеп директоры адвокатының айтуынша, Лариса Қожахметова директор қызметінен шеттетіліп, үй қамауына алынды.

Айта кетейік, іс материалдарына сәйкес 2015 жылы Сұлтанов шартты түрде мерзімінен бұрын босатылған (тонау, ұрлық бойынша отырған). Содан кейін қыздың анасымен танысып, бірге тұра бастайды. 2016 жылы қызға тиісе бастаған. Ол өгей қызын 2016 жылдан 2019 жылға дейін үш жыл ішінде жеті рет азғырған. Сотта ол өз кінәсін ішінара мойындады.

Жаңалықтар
0