Полицей көлігі

Полиция оқ жаудырған ер адамды неліктен ұзақ уақыт бойы ұстай алмағаны белгілі болды

3411
(Жаңартылды 22:57 24.04.2021)
Алдын ала ақпаратқа сәйкес, ол үйді жалға алып тұрған. Бірнеше ай бұрын әйелі балаларымен бірге кетіп қалған

НҰР-СҰЛТАН, 24 сәуір – Sputnik. Алматы полициясы оқ атқан ер адамның ұзақ уақыт ұсталмауының себебін түсіндірді, деп хабарлайды Sputnik Қазақстан тілшісі.  

"Көп пәтерлі үй болғандықтан біз алдымен тұрғындарды эвакуацияладық. Сосын ол азаматтан берілуін талап еттік. Полиция қару қолданған жоқ. Тек дыбыс шығаратын арнайы гранаталар болды", -  деді полицияның ресми өкілі Салтанат Әзірбек.

Оның айтуынша, қайтыс болған ер адам көршілерімен жиі жанжалдасқан. Алдын ала ақпаратқа сәйкес, үйді жалға алып тұрған. Бірнеше ай бұрын әйелі балаларымен бірге кетіп қалған.

"Ер адамның жасы 56-да. Жеке басы анықталды. "Аллаху әкбар!" деген сөз айтылған жоқ. Бұл шындыққа жанаспайтын ақпарат", - деп түйіндеді Әзірбек.

Оқи отырыңыз: Алматыда полициямен атысқан ер адам 17-ші қабаттан секіріп кетті

Еске сала кетейік, күндіз "Бұқар Жырау Тауэрс" тұрғын үй кешенінің тұрғыны күзетшінің аяғына оқ атты. Содан соң кешке дейін пәтерде жасырынып отырды. Сағат кешкі жеті шамасында полиция қарулы адамды ұстау бойынша арнайы операцияны бастады.

Алматы қаласы полиция департаментінің баспасөз қызметінің хабарлауынша, қарулы адам құқық қорғаушылармен келіссөзге келмей, оларға қарсы оқ атты. Ол бұған дейін көршілеріне дөрекі мінез көрсеткен. 

Алматы қаласы қоғамдық денсаулық басқармасы жарақат алған күзетшінің қаладағы медицина мекемелерінің біріне жеткізілгенін, жағдайы қалыпты екенін мәлімдеді. Оның өміріне қауіп төніп тұрған жоқ.

 

 

3411
Туфля на высоком каблуке и наручники

Қостанайлық әйел құрбысының көңілдесін қалай өлтіргенін көрсетті видео

809
Әйел полицияға келесі күні келмек болғанын айтқан. Алайда ол бұл ойын жүзеге асырмай тұрып ұсталды

АЛМАТЫ, 14 мамыр – Sputnik. Қостанай облысында екі күнге жалғасқан отырыс кісі өлімімен аяқталды. Әйел құрбысының көңілдесін пышақтап тастаған, деп хабарлады Polisia.kz.

Қостанай қаласы полиция басқармасына пәтерде ер адамның көз жұмғаны туралы хабар түскен. Оқиға орнына келген жедел-тергеу тобы бұл мас күйде тұрмыстық жанжал кезінде жасалған кісі өлтіру екенін анықтады. 

Тергеу барысында жедел уәкілдер оқиғаның мән-жайын анықтады. Олардың сөзінше, көлік жөндеу станциясында жұмыс істейтін ауыл тұрғыны жалақысын алып, Қостанайға көңіл көтеріп, демалуға келген. Әйелі мен бала-шағасы ауылда қалған. Қалаға келіп екі досымен кездескен. Сондай-ақ оның қалада көңілдесі болған. Көңілдесінің құрбысын да шақырып, бесеуі екі күн бойы жалдамалы пəтерде көңіл көтерген.

"Отырыс кезінде ер адам мен оның көңілдесі арасында жанжал туындаған. Құрбысының көз жасын көріп шыдай алмаған əйел ер адамды "жазаламақ болған". Қолына ас үй пышағын алып, жәбірленуші жатқан жатын бөлмеге барған. Арқасына жасалған соққыдан ер адам көз жұмды", – деді полиция.

Қылмыс жасалған сәтте ер адамның екі досы балконда темекі тартып тұрған. Олар екі әйелдің үйден қалай кетіп қалғанын да көрмеген. Залда ішімдік ішіп отырған кезде жатын бөлмедегі мәйітті де байқамаған. Кісі өлімі туралы полицияға пәтері иесі хабарлаған.

Ал әйел полицияға келесі күні кінәсін мойындап, өзін ретке келтіріп болған соң келмек болғанын айтты. Алайда ол бұл ойын жүзеге асырмай тұрып ұсталды. Ал оның құрбысы істе куәгер ретінде жауап беріп жатыр.

Аталған іс бойынша тергеу жалғасып жатыр. Бірқатар сараптама тағайындалды. Күдікті тергеу изоляторына қамалды.

Оқи отырыңыз: Қазанда мектепті жайратып тастаған Галявиев: "Адамдарды өлтіргенім дұрыс болды"

Айта кетейік, Қылмыстық кодекстің 99-бабы, 1-бөлігі бойынша (адам өлтіру) 8 жылдан 15 жылға дейін бас бостандығынан айыру жазасы қарастырылған.

809
Кілт сөздер:
Қостанай, адам өлтіру, қылмыс
Тақырып бойынша
Өскеменде ер адам полицейдің мойнына пышақ сұғып алды – оқиғаның видеосы
Нұр-Сұлтанда ер адам әйелін өлтіріп, артынан өзіне пышақ салды
"Арқамнан бірнеше рет пышақ сұқты": Алматыда "Айка-мажор" ұсталды
Алматы облысында ер адам дәрігерлерге пышақ ала жүгірді – оқиғаның мән-жайы
18 рет пышақ сұққан: Оралда әйелін өлтірген ер адамға қатысты жаңа дерек анықталды
Жасөспірім қыз

Алматы облысында жасөспірімді соққыға жыққан екі әйел іздестірілуде

763
Полицейлердің айтуынша, өзара жанжалдан кейін екі әйел кәмелетке толмаған қызды ұрып, оқиға орнына қашып кеткен

НҰР-СҰЛТАН, 14 мамыр – Sputnik. Алматы облысында аялдамада тұрған жасөспірімді екі әйел ұрып кетті. Қан жоса болып таяқ жеген 16 жастағы қыз  Алматыдағы балалар ауруханасына жеткізілді, деп хабарлайды Sputnik Қазақстан.

Жәбірленушінің фотосуреті Іnstagram желісіндегі boraldai.news парақшасында жарияланды. Ол жерде оқиғаның Боралдай ауылындағы Сахарный аялдамасында кешкі уақытта болғаны айтылады.

Сондықтан екі әйелдің кәмелетке толмаған қызды ұрғанын көрген адамдар аз емес деп санаған қыздың анасы куәгерлерді іздестіруде.

Ал Алматы облысының полициясы оқиға 13 мамырда сағат 18.35 шамасында Боралдай ауылындағы Космонавттар көшесіндегі аялдамада болғанын хабарлады.

"Алдын ала мәліметтер бойынша, өзара жанжалдан кейін екі әйел кәмелетке толмаған қызды ұрып, оқиға орнына қашып кеткен. 16 жастағы жәбірленуші №1 қалалық балалар ауруханасына жеткізілді. Қазіргі кезде күдіктілерді анықтау мен оларды ұстау бойынша жедел іздестіру шаралары жүргізілуде", – дейді тәртіп сақшылары.

Оқи отырыңыз: Талғарда соққыға жығылған дәрігер әлі бір апта емделеді

763
Кілт сөздер:
Алматы облысы, әлімжеттік
Тақырып бойынша
Шымкенттік журналист өзін полицейлер соққыға жыққанын мәлімдеді
Тоқал болудан бас тартқан: соққыға жығылған ақтөбелік бойжеткен мән-жайды айтты
Талғарда белгісіз біреулер жас жігітті аяусыз соққыға жықты – видео
Байқоңыр тұрғыны 60 теңге үшін 14 жасар баланы соққыға жықты
Ақтөбеде ер адамның әйелді соққыға жыққан сәті видеоға түсіп қалды
Полиция автокөлігі

Педофилдер туралы хабарлама Шығыс Қазақстан полициясын әбігерге салды

33
Полиция өңір тұрғындарын шошытқан хабарламаны жоққа шығарып, оның Шығыс Қазақстан облысына еш қатысы жоқ екенін мәлімдеді

АЛМАТЫ, 14 мамыр – Sputnik. Полиция Шығыс Қазақстан облысында "педофилдер тобы" бар екені туралы ақпаратқа түсініктеме берді.

Өйткені, Өскемен тұрғындары мессенджерде педофилдер туралы әртүрлі хабарлама ала бастаған, деп хабарлады жергілікті YK-news.kz басылымы.

"Бұл ақпарат шындыққа жанаспайды және Шығыс Қазақстан облысына қатысы жоқ", – деп хабарлады облыстың полиция департаменті.

Сондай-ақ полиция тұрғындарды жалған хабарламаларға сенбеуге шақырды.

Айта кетейік, жақында Қарағандыда азғындық жасады деген күдікпен 55 жастағы ер адам ұсталды. Ол өңірде жоғалып кеткен кәмелетке толмаған қызбен бірге адам тұрмайтын үйден табылған болатын. Күдікті уақытша ұстау изоляторына қамалды.

Оқи отырыңыз: Президенттің атынан жалған ақпарат таратылып жатыр - Тоқаевтың баспасөз хатшысы

33
Кілт сөздер:
ШҚО, жалған ақпарат, педофил
Тақырып бойынша
"Жалған ақпарат": министр 13,5 млрд доллар туралы жазған блогерлерге жауап берді
"Төбеңнен қойып қалады": әртістер жалған ақпарат тарағанда қандай күйде болатынын айтты
"Фотоға түсіріп, айыппұл салады": әлеуметтік желіде тағы бір жалған ақпарат тарады
Не себепті мұндай жалған ақпарат тарағанын білмеймін – Бекшин
"Тойды ұйымдастырған мен емес": Марат Омаров жалған ақпарат таратқандарды іздеп жатыр