Полицей көлігі, архивтегі фото

Алматыда Mercedes-ті ондаған полиция көлігі қуды видео

3265
(Жаңартылды 12:34 25.04.2021)
Ұсталған жүргізуші қашамын деп бірнеше жол қозғалысы ережесін бұзған, оған бірден 15 әкімшілік хаттама толтырылды

АЛМАТЫ, 25 сәуір – Sputnik. Әлеуметтік желілер мен мессенджерлерде ондаған полиция экипажын түсірген куәгерлердің видеороликтері таралып жатыр.  

"Таңертең Алматыда 20-30 патруль көлігі қашқын жүргізушіні қуды", - делінген жазбада.

Видеодан патрульдік полиция қызметкерлерінен бөлек, автомат ұстаған қара киімді адамды байқауға болады.

Оқиғаға қалалық полиция департаментінің баспасөз қызметі түсініктеме берді. 25 сәуірде таңертең Әл-Фараби даңғылы мен Мұстафин көшесінің қиылысында Mercedes жүргізушісі апатты жағдай тудырған.

"Ол жоғары жылдамдықпен келіп, жаяу жүргіншіге арналған жолда қауіпті маневр жасап, апатты жағдай тудырды. Жүргізуші патрульдік полиция қызметкерлерінің тоқта деген талабына бағынбады. Керісінше қашып кетуге асықты", - дейді ведомство.

Рөлде 29 жастағы ер адам болған, ол 2020 жылы қыркүйекте ішімдік ішкені үшін жүргізуші куәлігінен айырылған болып шықты.  

"Бұл жолы дәрігерлер оның есірткіге масайғанын анықтады", - дейді полиция.

Ұсталған жүргізуші уақытша ұстау абақтысына қамалды. Полиция қызметкерлеріне бағынбағаны, бағдаршамның қызыл түсіне жүргені, апатты жағдай тудырғаны, маневр жасау ережесін бұзғаны және қуғындау кезінде басқа да ережелерді бұзғаны үшін оған қатысты 15 әкімшілік хаттама жасалды.

Ұсталған адамға қатысты Қылмыстық кодекстің көлік жүргізу құқығынан айырылған адамның алкогольге немесе есірткіге масайған күйде көлік басқаруы туралы бабы бойынша тергеу басталды.

3265
Туфля на высоком каблуке и наручники

Қостанайлық әйел құрбысының көңілдесін қалай өлтіргенін көрсетті видео

862
Әйел полицияға келесі күні келмек болғанын айтқан. Алайда ол бұл ойын жүзеге асырмай тұрып ұсталды

АЛМАТЫ, 14 мамыр – Sputnik. Қостанай облысында екі күнге жалғасқан отырыс кісі өлімімен аяқталды. Әйел құрбысының көңілдесін пышақтап тастаған, деп хабарлады Polisia.kz.

Қостанай қаласы полиция басқармасына пәтерде ер адамның көз жұмғаны туралы хабар түскен. Оқиға орнына келген жедел-тергеу тобы бұл мас күйде тұрмыстық жанжал кезінде жасалған кісі өлтіру екенін анықтады. 

Тергеу барысында жедел уәкілдер оқиғаның мән-жайын анықтады. Олардың сөзінше, көлік жөндеу станциясында жұмыс істейтін ауыл тұрғыны жалақысын алып, Қостанайға көңіл көтеріп, демалуға келген. Әйелі мен бала-шағасы ауылда қалған. Қалаға келіп екі досымен кездескен. Сондай-ақ оның қалада көңілдесі болған. Көңілдесінің құрбысын да шақырып, бесеуі екі күн бойы жалдамалы пəтерде көңіл көтерген.

"Отырыс кезінде ер адам мен оның көңілдесі арасында жанжал туындаған. Құрбысының көз жасын көріп шыдай алмаған əйел ер адамды "жазаламақ болған". Қолына ас үй пышағын алып, жәбірленуші жатқан жатын бөлмеге барған. Арқасына жасалған соққыдан ер адам көз жұмды", – деді полиция.

Қылмыс жасалған сәтте ер адамның екі досы балконда темекі тартып тұрған. Олар екі әйелдің үйден қалай кетіп қалғанын да көрмеген. Залда ішімдік ішіп отырған кезде жатын бөлмедегі мәйітті де байқамаған. Кісі өлімі туралы полицияға пәтері иесі хабарлаған.

Ал әйел полицияға келесі күні кінәсін мойындап, өзін ретке келтіріп болған соң келмек болғанын айтты. Алайда ол бұл ойын жүзеге асырмай тұрып ұсталды. Ал оның құрбысы істе куәгер ретінде жауап беріп жатыр.

Аталған іс бойынша тергеу жалғасып жатыр. Бірқатар сараптама тағайындалды. Күдікті тергеу изоляторына қамалды.

Оқи отырыңыз: Қазанда мектепті жайратып тастаған Галявиев: "Адамдарды өлтіргенім дұрыс болды"

Айта кетейік, Қылмыстық кодекстің 99-бабы, 1-бөлігі бойынша (адам өлтіру) 8 жылдан 15 жылға дейін бас бостандығынан айыру жазасы қарастырылған.

862
Кілт сөздер:
Қостанай, адам өлтіру, қылмыс
Тақырып бойынша
Өскеменде ер адам полицейдің мойнына пышақ сұғып алды – оқиғаның видеосы
Нұр-Сұлтанда ер адам әйелін өлтіріп, артынан өзіне пышақ салды
"Арқамнан бірнеше рет пышақ сұқты": Алматыда "Айка-мажор" ұсталды
Алматы облысында ер адам дәрігерлерге пышақ ала жүгірді – оқиғаның мән-жайы
18 рет пышақ сұққан: Оралда әйелін өлтірген ер адамға қатысты жаңа дерек анықталды
Жасөспірім қыз

Алматы облысында жасөспірімді соққыға жыққан екі әйел іздестірілуде

780
Полицейлердің айтуынша, өзара жанжалдан кейін екі әйел кәмелетке толмаған қызды ұрып, оқиға орнына қашып кеткен

НҰР-СҰЛТАН, 14 мамыр – Sputnik. Алматы облысында аялдамада тұрған жасөспірімді екі әйел ұрып кетті. Қан жоса болып таяқ жеген 16 жастағы қыз  Алматыдағы балалар ауруханасына жеткізілді, деп хабарлайды Sputnik Қазақстан.

Жәбірленушінің фотосуреті Іnstagram желісіндегі boraldai.news парақшасында жарияланды. Ол жерде оқиғаның Боралдай ауылындағы Сахарный аялдамасында кешкі уақытта болғаны айтылады.

Сондықтан екі әйелдің кәмелетке толмаған қызды ұрғанын көрген адамдар аз емес деп санаған қыздың анасы куәгерлерді іздестіруде.

Ал Алматы облысының полициясы оқиға 13 мамырда сағат 18.35 шамасында Боралдай ауылындағы Космонавттар көшесіндегі аялдамада болғанын хабарлады.

"Алдын ала мәліметтер бойынша, өзара жанжалдан кейін екі әйел кәмелетке толмаған қызды ұрып, оқиға орнына қашып кеткен. 16 жастағы жәбірленуші №1 қалалық балалар ауруханасына жеткізілді. Қазіргі кезде күдіктілерді анықтау мен оларды ұстау бойынша жедел іздестіру шаралары жүргізілуде", – дейді тәртіп сақшылары.

Оқи отырыңыз: Талғарда соққыға жығылған дәрігер әлі бір апта емделеді

780
Кілт сөздер:
Алматы облысы, әлімжеттік
Тақырып бойынша
Шымкенттік журналист өзін полицейлер соққыға жыққанын мәлімдеді
Тоқал болудан бас тартқан: соққыға жығылған ақтөбелік бойжеткен мән-жайды айтты
Талғарда белгісіз біреулер жас жігітті аяусыз соққыға жықты – видео
Байқоңыр тұрғыны 60 теңге үшін 14 жасар баланы соққыға жықты
Ақтөбеде ер адамның әйелді соққыға жыққан сәті видеоға түсіп қалды
Документы

Нұр-Сұлтан мен Алматыда құжатты үйге жеткізу қызметі іске қосылды - мемлекеттік корпорация

0
Мемлекеттік корпорация жаңа қызмет қазақстандықтардың уақыты мен қаржысын үнемдейтінін айтты

АЛМАТЫ, 14 мамыр – Sputnik. "Азаматтарға арналған үкімет" мемлекеттік корпорациясы дайын құжаттарды клиенттің үйіне жеткізу қызметін іске қосты.

Оған 144 мемлекеттік қызмет қосылды. Оның ішінде жылжымайтын мүлікке құқықты (ауыртпалықты) мемлекеттік тіркеу, жер учаскесінің актісі, білім туралы құжатты апостильдеу, мұрағат анықтамалары, әскери билеттің телнұсқасын беру секілді құжаттар бар.

Жақында жүргізуші куәлігін, жеке куәлікті, паспорт секілді құжаттарды үйге дейін тапсырыспен жеткізу қызметі іске қосылады. 

"Құжаттарды үйге жеткізу сервисін өткен жылы сынай бастадық және біртіндеп оны жетілдіріп келеміз. Бұл клиенттердің мемлекеттік қызмет алуын жеңілдетіп, қаржысы мен уақытын айтарлықтай үнемдейді. Қазір сервис алматылықтар мен елорда тұрғындары үшін қолжетімді, жақын арада сервисті өзге қала тұрғындары да пайдалана алады", - деді  "Азаматтарға арналған үкіметтің" басқарма төрағасы Әділ Қожықов.

Құжаттарды үйге жеткізуге қалай тапсырыс беруге болады

Құжаттар дайын болғаннан кейін клиенттің қажетті мекенжайына құжаттарды жеткізуді рәсімдеуді ұсынатын веб-сілтемесі бар SMS жолданады.

Қызмет ақылы, қала бойынша жеткізу құны – 970 теңге.

Құжаттарды жеткізу бойынша пилоттық жоба бір ай бұрын астаналық халыққа қызмет көрсету орталығының бірінде іске қосылды. Курьерлік қызмет арқылы 50-ден астам құжат жеткізілді.

Оқи отырыңыз: Еңбек министрлігі декреттік жәрдемақыны рәсімдеуге қатысты жаңа мәлімет таратты

2020 жылдың қазанында еgov.kz электронды үкімет порталында осыған ұқсас қызмет пайда болды – ол кезде автокөліктің мемлекеттік нөмірі мен дайын техникалық паспортты үйге жеткізу сервисі іске қосылған болатын.

0
Кілт сөздер:
Азаматтарға арналған үкімет, құжат, төлқұжат
Тақырып бойынша
Қазақстанда мемлекеттік жәрдемақыны төлеу тәртібі өзгереді
Кәсіпкерлерге мобильді қосымша арқылы аударылатын ақшаға салық салынады – Смайылов
Қазақстанда мамандандырылған ХҚКО істен шықты: басшылық себебін түсіндірді
Жаңа өзгерістер енгізілді: қазақстандық жүргізушілер нені білуге тиіс