Бүлдіршін

Африка азаматы павлодарлық бүлдіршінді тұншықтырып өлтіре жаздады

1214
(Жаңартылды 15:05 27.04.2021)
Кішкентай қызды қаскөйдің қолынан әкесі құтқарып қалған. Ал сот шетелдік азаматтың есі дұрыс емес деп танып, оны психикалық ауруханаға жіберді

АЛМАТЫ, 27 сәуір – Sputnik. Оңтүстік Африка Республикасының азаматы түнде көршісінің үйіне кіріп, бүлдіршін қызды тұншықтырған. Іс қылмыстық істер бойынша мамандандырылған ауданаралық сотта қаралды.

Соттың баспасөз қызметінің хабарлауынша, қазақстандық бойжеткен әлеуметтік желі арқылы Оңтүсік Африканың 25 жастағы азаматымен танысқан. Содан кейін ер адам Қазақстанға келіп, екеуі үйленген, деп хабарлайды Sputnik Қазақстан. Жас жұбайлар Павлодар қаласының маңындағы Кенжекөл ауылында жеке үйде тұрған. Үйдің жанындағы уақытша тұруға арналған баспананы өзге отбасыға жалға берген.

2020 жылдың 9 тамызында таңғы 4 шамасында африкалық азамат уақытша психикалық күйзеліс кезінде уақытша тұруға арналған үйге заңсыз кіріп, сол үйдің қызын тұншықтыра бастаған. Оны ұйқысынан оянған әкесі құтқарып қалған.

Сотта прокурор сотталушыны қылмыстық жауаптылықтан босатып, оған мәжбүрлі ем тағайындауды сұрады.

Оқи отырыңыз: Қарағанды облысында жоғалған қыз белгісіз ер адаммен қараусыз қалған үйден табылды

Жәбірленушілер ОАР азаматы емделген соң оны елден шығару керек деп есептейтінін жеткізді. Сотталушының заңды өкілі әрі оның жары прокурор ұсынысын қолдады.

Сот қаулысымен ер адам қылмыстық жауапкершіліктен босатылды. Ол Павлодар облысы психикалық денсаулық орталығының жалпы үлгідегі психиатриялық стационарында емделеді.

"Заң талаптарына сәйкес, егер адам есі дұрыс емес деп танылса, онда сот оған медициналық шараларды қолдануға міндетті", – деп делінген хабарламада.

Сот қаулысы заңды күшіне енген жоқ.

1214
Кілт сөздер:
Павлодар облысы, оқиға
Тақырып бойынша
Павлодарда бүлдіршін 6-қабаттан құлап кетті: жаяу жүргінші құтқарып қалды
Димаштың әнін естіген бүлдіршін тұрған жерінде қатып қалады – видео
Оңтүстік Қазақстан облысында бүлдіршін белгісіз дерттен азап шегуде
26-қабаттан құлап түскен бүлдіршін үстін қақты да, кете барды – жантүршігерлік видео
Үш жасар қазақстандық бүлдіршін жәрмеңкеде автокөлік ұтып алды – видео
Архивтегі сурет

Көкшетауда бір жасар сәби терезеден құлап кетті

2038
(Жаңартылды 17:19 15.05.2021)
Бүлдіршін терезеден далаға қарап отырған. Абайсызда құлаған кішкентай қыз оқиға орнында көз жұмды

НҰР-СҰЛТАН, 15 мамыр – Sputnik. Ақмола облысында сәби жетінші қабаттан құлап, көз жұмды, деп хабарлайды Sputnik Қазақстан тілшісі. Бұл Ақмола облысында көктем басталғалы үшінші жағдай.

"14 мамыр күні кешкі сағат 18:55 шамасында жедел жәрдем фельдшерінен  хабарлама келіп түсті. Ол Абылай хан көшесінде орналасқан тұрғын үйдің жетінші қабатынан баланың құлап кеткенін айтты. Бүлдіршін терезенің алдында далаға қарап отырған", - деді Ақмола облыстық полиция департаментінің баспасөз қызметі.

Қайтыс болған кішкентай қыз 2019 жылы туылған.

Оқи отырыңыз: Отағасы ұйықтап жатқан: Терезеден қарап отырған әйел қызынан көз жазып қалды

Аталған факт бойынша полиция қылмыстық кодекстің 141-бабы 2-бөлігі "Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау" бойынша сотқа дейінгі тергеу амалдарын бастап кетті.

2038
Кілт сөздер:
Көкшетау, балкон, қайтыс болды, терезе, сәби, бала
Тақырып бойынша
Курьер он екінші қабаттан құлаған 2 жасар қызды қағып алды – видео
Шымкентте жасөспірім қыз сегізінші қабаттан құлап, аман қалды
Ақтөбе облысында терезеден құлап кеткен бір жасар сәби ауруханада көз жұмды
Мас болған: Оралда жасөспірім қыз көпқабатты үйдің терезесінен құлап кетті
Павлодарда бес жасар бала терезеден құлап кетті
Жанып жатқан көлік

Шығыс Қазақстан облысында өртенген жүк көлігінен екі адамның мәйіті табылды

2640
Өскемен - Алтай тас жолының 25-шақырымында жол-көлік оқиғасы болып, салдарынан көлік өртеніп кетті

НҰР-СҰЛТАН, 15 мамыр - Sputnik. Өскемен-Алтай тас жолында жол-көлік оқиғасы болды, деп хабарлады құтқарушылар.

Volvo автокөлігі белгісіз себептерге байланысты аударылып қалған. Осыдан кейін автокөлік өртене бастаған.

Тела двух человек нашли в сгоревшем грузовике
© Photo : ДЧС ВКО
Жүк көлігі өртеніп кетті

Оқиға орнына өрт сөндірушілер келіп, өртті сөндірді.

Оқи отырыңыз: Ақтауда көшенің қақ ортасында көлік жарылды – видео

Өртті сөндіру кезінде екі адамның мәйіті табылды, олардың кім екендігі анықталуда. Сот-медициналық сараптама жүргізіледі.

2640
Кілт сөздер:
Шығыс Қазақстан, өрт, мәйіт, жол апаты
Тақырып бойынша
Ақтөбе облысында жантүршігерлік жол апаты болды: екі адам көз жұмды
Алматы полициясы мылжа-мылжасы шыққан ондаған мәйіт туралы видеоға түсініктеме берді
Алматыда екі көлік бетпе-бет соқтығысты: жүргізуші апат орнынан қашып кетті
Жаяу адамды басып кетті: Алматыда атышулы жол апатына кінәлілер сотталды – видео
Туысының көлігін ұрлап мінген: Шымкентте жасөспірім сұмдық жол апатын жасады – видео
Ыстық ауа райы

36 градус ыстық және жел: ертең ауа райы қандай болады

1114
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1114
Кілт сөздер:
Қазгидромет, ауа райы