Қазақстан мен Түркия туы

Қазақстанның Түркиядағы құрметті консулы жұбайымен бірге қаза болды

2965
(Жаңартылды 15:00 28.04.2021)
Халил Улуер табысты бизнесмен болған. Ол пандемия басталғанда Қазақстанға гуманитарлық көмек жіберуге атсалысқан

НҰР-СҰЛТАН, 28 сәуір — Sputnik. Қазақстанның Түркиядағы құрметті консулы Халил Улуер жұбайы Фатмамен бірге жол апатына түсіп қаза болды. Бұл туралы Қазақстанның Түркиядағы Төтенше және өкілетті елшісі Абзал Сапарбекұлы хабарлады.

"Халил Улуер тек өз елінің емес, қазақ халқының нағыз жанашыр досы еді. Қазақ-түрік бауырластығы мен ынтымақтастығы үшін елеулі үлес қосып еді. Қазақстанның көк туын түрік жұртында әрдайым желбіретіп, Қазақстан үшін мақтан тұтатын біртуар асыл азамат еді", – деп жазды Сапарбекұлы Facebook парақшасында.

Ол Халил Улуердің пандемия кезінде қазақстандық студенттерге қол үшін аямай көмектесіп, Қазақстанға гуманитарлық көмек жолдаған қамқоршылардың алдыңғы шебінде болғанын атап өтті. 

Елшінің сөзіне қарағанда, Улуер Қазақстанға инвестиция тарту жағынан көп еңбек етті. Қазақстан мен Түркияның бауырластық қарым-қатынастарын дамытуға барын салды.

Түркияның Fibhabe басылымы таратқан мәліметке сәйкес, Улуер туризм, авиация мен бұқаралық ақпарат құралдары саласында 8 компания басқарды. Жол-апатында қайтыс болған ерлі-зайыптылардың екі ұлы және бір қызы қалды.

Айта кетейік, құрметті консул жұмыс берген елдің мемлекеттік қызметкері болып саналмайды. Ол өз еркімен еңбек етіп, азаматтардың құқықтарын қорғап, тапсырмаларды орындайды. Құрметті консул виза және тағы басқа ресми құжаттарды рәсімдемейді.

2965
Кілт сөздер:
Түркия, жол апаты
Ильназ Галявиев

Қазан қаласында мектепке шабуыл жасаған Галявиев қамауға алынды

96
Сот үкімін ешбір эмоциясыз тыңдаған Галявиев өзі өлтірген балалар туралы БАҚ өкілдерінің сұрағын жауапсыз қалдырды

НҰР-СҰЛТАН, 13 мамыр – Sputnik. Қазан қаласындағы мектепке шабуыл жасады деп айыпталған Галявиев қамауға алынды, деп хабарлайды РИА Новости

Сот оған екі айға қамауға алу түріндегі бұлтартпау шарасын қолдануға шешім шығарды. Оның 17 рет оқ атқаны және кеңсе алдына қолдан жасалған бомба орнатқаны анықталды.

"Ильназ Галявиев өз кінәсін мойындап, айыптау және қамауға алу туралы үкімге қарсы уәж айтқан жоқ", – деді тергеуші.

Ол мұндай үкім оқылғанда ешбір эмоцияға бой алдырмады.

Ал прокурор мектепке шабуыл жасаған Галявиевтің сыбайластары болмағанын растады және оған қатысты терроризм бабы бойынша қозғалған қылмыстық іс әлі қаралмағанын атап өтті. 

Айта кетейік, Ильназ Галявиев Қазан гимназиясында болған атысқа байланысты айып тағылып отыр. Сот процесінен кейін өзі өлтірген балалар туралы сұраған журналистердің сұрағына ол жауап берген жоқ.

"Галявиевке кісі өлтіру бабы бойынша айып тағылды", – деді тергеуші.

Оқи отырыңыз: Қазан мектебіндегі атыс: оқ жаудырған жігіт туралы көршілері айтып берді – видео

96
Кілт сөздер:
қамауға алынды, сот үкімі
Тақырып бойынша
Қазан қаласындағы гимназияда белгісіз біреулер оқ жаудырған: 9 адам көз жұмды - видео
Қазан мектебіндегі атыс: күдікті туралы тың дерек шықты
Жамбыл облысы әкімі Қазан қаласына 20 млн теңгеге ұшып барғаны рас па
Атыс, үрей және дүрбелең: Қазан мектебіндегі оқиға қалай өрбіді – видео
Қазан мектебіндегі атыс: 25 жастағы мұғалімнің қалай көз жұмғаны белгілі болды
Жандосов көшесіндегі жол апаты

Алматыда екі көлік бетпе-бет соқтығысты: жүргізуші апат орнынан қашып кетті

93
Жол апатынан зардап шеккен қыз жақын жердегі ауруханаға жатқызылды. Полицейлер мен криминалистер оқиғаның мән-жайын анықтап жатыр

НҰР-СҰЛТАН, 12 мамыр – Sputnik. Алматыда Жандосов көшесінде жаппай жол апаты болды, бір адам жарақат алды, ал кінәлі жүргізуші оқиға болған жерден қашып кетті.

Столкновение на улице Джандосова
© Sputnik / Стрингер
Жандосов көшесіндегі жол апаты

Sputnik Қазақстан тілшісі хабарлағандай, Nissan Cefirо жүргізушісі Жандосов көшесімен келе жатып, Береке көшесіне жетпей, белгісіз себептермен қарсы жолаққа шығып кетіп, Toyota Rav4 көлігімен бетпе-бет соқтығысқан.   

Toyota қатты соққыдан жолдың шетіне ұшып түсті. Nissan Cefiro да бұрылып кетіп, Toyota Surf көлігін соқты.

Жол апаты салдарынан Toyota Rav4 жүргізушісі жарақат алды, ол түрлі жарақатпен ауруханаға жеткізілді.

Nissan Cefiro жүргізушісі апат орнынан жаяу қашып кетті.

Жол апаты болған жерде полицейлер мен криминалистер оқиғаның мән-жайын анықтап жатыр.   

Жол полициясы қызметкерлері қашып кеткен жүргізушіні іздеуге кірісті.

93
Тақырып бойынша
Нұр-Сұлтанда Toyota Camry жүк көлігінің астына кіріп кетті – жантүршігерлік видео
Көлік қақ бөлінген: Қазақстанның солтүстігінде жол апатынан екі адам көз жұмды
Жаяу адамды басып кетті: Алматыда атышулы жол апатына кінәлілер сотталды – видео
Денесі әр жерде шашылып жатыр: Таразда жантүршігерлік жол апаты болды
Иллюстративті фото

Ұсынысынан бас тартқан: бойжеткен жауабын естіген Тараз тұрғыны ессіз әрекетке барды

0
(Жаңартылды 12:44 13.05.2021)
27 жастағы ер адам бейнебақылау камерасының көмегімен ұсталды. Оның облыс орталығындағы шағын ауданда тұратыны анықталды

АЛМАТЫ, 13 мамыр – Sputnik. Тараз тұрғыны жаңа танысқан қызды тонап кетті. Оқиға ер адамның қыдырып қайту туралы ұсынысынан бойжетке бас тартқан соң болған, деп жазады Polisia.kz.

Тараз қаласының полициясына 27 жастағы тұрғын арызданды. Айтуынша, бейтаныс жігіт 116 мың теңге тұратын телефонын ұрлап кеткен. Сонымен қатар, телефон қабында 46 мың теңге болған.

Полиция ақпаратына сәйкес, бойжеткен жігітпен сол кеште танысқан. Қыдырып қайту туралы ұсынысты қабылдамағанына ашуланған ер адам күш қолдану арқылы оның телефонын тартып алып, қашып кеткен.

Жігіт бейнебақылау камерасының көмегімен ұсталды. 27 жастағы ер адамның облыс орталығындағы шағын ауданда тұратыны анықталды. Ол өзінің әрекетін мойындады және қолды болған заттарды иесіне қайтарды.

Оқи отырыңыз: Үйлену тойында түсініксіз әрекет жасаған күйеужігіт ұятқа қалды - видео

Осы дерек бойынша қылмыстық кодекстің 191-бабы бойынша (тонау) қылмыстық іс қозғалды. Сотқа дейінгі тергеу амалдары жүргізіліп жатыр.

0
Кілт сөздер:
Тараз, оқиға
Тақырып бойынша
Желідегілер қалыңдық тойға жалаңаш келді деп ойлап қалды – жұртты шулатқан фото
Назарбаев Ақышевқа: батыл әрекет ет, ешкімнен қорықпа
Тойға полицей болып кіріп келген асаба жауапқа тартылады – видео
"Алланы ашуландыратын әрекет жасамаңыздар": Құрбан айтта не істеуге болмайды - видео
Боксшы жекпе-жек алдында біртүрлі әрекет жасап, ұятқа қалды - видео