Қырғыз әскері

Қырғыз-тәжік шекарасындағы жағдай: қаза болғандар саны 35 адамға жетті

93
(Жаңартылды 15:27 03.05.2021)
Көк-Таш ауылының маңындағы мемлекеттік шекарадағы қақтығысқа жұмылдырылған қырғыз және тәжік әскери күштері шығарылды

НҰР-СҰЛТАН, 3 мамыр - Sputnik. Қырғызстан мен Тәжікстан билігі 29 сәуірде қарулы қақтығысқа ұласқан екі елдің шекаралас аумағындағы жанжалды реттеуге бағытталған жұмысты жалғастыруда. Қазіргі уақытта қосымша күштерді аймақтардың ішкі бөлігіне кіргізу аяқталды деп хабарланды.

Қарулы күштердің қақтығыс болған жерден шығарылғаны туралы Қырғызстанның шекара қызметі хабарлады, дейді РИА Новости.

"Тараптар мемлекеттік шекара сызығынан қосымша күштерді өз аумағына әкетуді аяқтады", - деді агенттікке ақпарат ұсынған азамат.

Ол сондай-ақ, кеше түнде мемлекеттік шекарада атыс немесе басқа да оқиғалардың болмағанын айтты. Жалпы, аймақтағы жағдай тұрақты.

"Қырғызстан мен Тәжікстанның қорғаныс ведомстволары офицерлерінен құралған бірлескен комиссия қосымша күштер мен құралдар орналасқан аумақтарды тексеру бойынша жұмысын жалғастыруда. Қырғызстан ұлттық қауіпсіздік комитетінің шекара қызметінің бөлімшелері күшейтілген режимде жұмыс істеуде", - деп атап өтті ведомствода.

Оқи отырыңыз: Қырғызстан мен Тәжікстан шекарадағы атысты толық тоқтату туралы келісімге келді

Сонымен қатар Қырғызстанның денсаулық сақтау министрлігі шекара қақтығысы салдарынан қаза болғандардың саны 35 адамға жеткенін мәлімдеді.

"Қайтыс болғандардың саны 35-ке жетті, зардап шеккендердің бірі бүгін көз жұмды", - деді денсаулық сақтау министрінің орынбасары Элиза Солтонбекова.

Бұған дейін ол қақтығыс салдарынан 183 адам жараланғанын, оның 99-ы ауруханада қажетті ем алып жатқаны туралы ақпарат берген еді. Қақтығыс кезінде Қырғызстанның 34 азаматы, оның ішінде он үш жасар қыздың көз жұмғаны хабарланған болатын.

Еске сала кетсек, Қырғызстан мен Тәжікстан шекарасындағы қарулы қақтығыс 29 сәуірде басталды. Тараптар бірнеше рет бітімге келу туралы уағдаласты, бірақ келісім қайта-қайта бұзылды. Сенбі, 1 мамырда Қырғызстан мен Тәжікстан президенттері шекараны белгілеу бойынша келіссөздер жүргізуге келісті.

93
Кілт сөздер:
Тәжікстан, Қырғыз Республикасы, қақтығыс
Көпқабатты үй, архивтегі сурет

Атырауда 42 жастағы әйел тоғызыншы қабаттан секіріп кетті

2714
(Жаңартылды 17:23 17.05.2021)
Қазір полиция Қылмыстық кодекстің "Өзiн-өзi өлтiруге дейiн жеткiзу" бабы бойынша тергеу амалдарын жүргізіп жатыр

НҰР-СҰЛТАН, 17 мамыр – Sputnik. Атырау қаласында 42 жастағы әйел тоғызыншы қабаттың терезесінен секіріп кетті.

Атырау облысы полиция департаментінің мәліметінше, оқиға 15 мамыр сағат 14:52 шамасында болды.

"1979 жылы туған әйел Алмагүл шағын ауданындағы № 9 үйдің 9-шы қабатынан секіріп көз жұмды. Мәйіт сараптамаға жіберілді", - делінген хабарламада.

Бұл факті бойынша Қылмыстық кодекстің 105-бабы 1-тармағы "Өзiн-өзi өлтiруге дейiн жеткiзу" бойынша тергеу жүріп жатыр.

Бұған дейін Батыс Қазақстан облысында 83 жастағы зейнеткер екінші қабаттың балконынан секіріп кеткен еді. Ер адам жедел жәрдем келгенге дейін қайтыс болды.

2714
Кілт сөздер:
әйел, Атырау облысы
Тақырып бойынша
Алматылық әйел оныншы қабаттың терезесінен секіріп кетті
Алматыда күзетшіні атып, терезеден секіріп өлген ер адам Ресей азаматы болып шықты
Бүкіл отбасы үйде болған: Нұр-Сұлтанда 22 жастағы қыз он бірінші қабаттан секіріп кетті
Әкесін ұрлаған: Алматыда секіріп өлген ер адамға қатысты тың ақпарат жарияланды
3 жасар қыз көліктен құлап кетті

Алматы облысында үш жасар қыз жүріп бара жатқан көліктен құлап түсті видео

947
(Жаңартылды 17:24 17.05.2021)
Қыздың көліктен құлап түскен видеосы әлеуметтік желіде жарияланды, енді анасы айыппұл төлейді

НҰР-СҰЛТАН, 17 мамыр – Sputnik. Алматы облысында жүріп бара жатқан Hyundai Elantra көлігінен үш жасар қыз құлап түсті. Оқиға 17 мамырда таңғы сағат 10 шамасында болған.

Полиция көлік жүргізушісін анықтады, 32 жастағы әйел –  құлап кеткен қыздың анасы. Оқиға болған кезде қыз артқы жолаушылар орнында отырған, алайда қауіпсіздік белдігін тақпаған, деп хабарлады Polisia.kz.

Қыздың денсаулығына зиян келмеген, полиция қыздың анасымен түсіндіру жұмыстарын жүргізді.

Оқи отырыңыз: Маусымнан бастап Қазақстанда қай жолдар ақылы болады

Оған қатысты әкімшілік құқық бұзушылық туралы кодекстің 593-бабының 1-бөлігі (жол жүрісі қағидаларында көзделген жолаушыларды және жүктерді тасымалдау, қауіпсіздік белдіктерін немесе мотошлемдерді пайдалану жөніндегі талаптарды сақтамау) бойынша әкімшілік іс жүргізу басталды.

Әйелге 5 айлық есептік көрсеткіш (14 585 теңге) мөлшерінде айыппұл салынуы мүмкін.

947
Кілт сөздер:
Алматы облысы, ана, бала, көлік, жол
Тақырып бойынша
Нұр-Сұлтанда мереке күндері қоғамдық көлік қалай жүреді
Өз есімін жазып алған: Түркістан облысының тұрғыны жауапқа тартылды
Жаяу адамды басып кетті: Алматыда атышулы жол апатына кінәлілер сотталды – видео
Алматыда автобус пен екі көлік соқтығысты
Алматыда жүк көлігі жаппай жол апатына себеп болды: 6 адам зардап шекті
Газ терминалы

АҚШ сұйылтылған табиғи газ экспортын арттырды

0
Америкалық сұйылтылған табиғи газ экспорты (СТГ) рекордтық көрсеткішке жетті. Бірақ Вашингтон бұл дүрбелең жақында басылады деп қауіптеніп отыр

Өйткені, "Солтүстік ағын – 2" жобасы іске қосылғаннан кейін Еуропаға ресейлік арзан отын жеткізіле бастайды, деп жазды РИА Новости.

Наурызда америкалықтар шетелге күніне 10,5 миллиард текше фут сұйылтылған газ жөнелтіп отырды, деп хабарлады АҚШ энергетика министрлігінің энергетикалық ақпарат басқармасы (ЕІА). Сәуірде бұл көрсеткіш 9,2 болатын. Оның өзі көктем басындағы мінсіз максимум болды.

Баяндамада көрсетілгендей, өткен жылы және осы жылдың қаңтарында АҚШ-тан жеткізілетін СТГ экспортының басым бөлігі Азияға тиесілі болды. Бірақ ақпан мен наурызда ол газдың жартысын Еуропа сатып алып тұрды. Себебі ол жақтағы спотта баға азиялықпен теңесті.

"Мамырда тәулігіне 8,6 миллиард футқа дейін қысқарады деп күтіп отырмыз. Жаз айларында Еуропа мен Азиядағы сұранысты қанағаттандыру аясында бұл көрсеткіш 9 миллиардтан жоғарылайды деген болжам бар", – дейді ведомствода.

Халықаралық энергетика агенттігі 2024 жылға қарай америкалықтар осы сегментте көшбасшы боулы мүмкін екенін жоққа шығармады. ХЭА есебі бойынша АҚШ, Австралия және Ресейдегі табиғи газды сұйылту бойынша бірлескен қуат ол уақытқа дейін СТГ әлем экспортының 90%-ін құрайды.

Алайда Катар сынды ірі экспорттаушы Азия нарығына АҚШ-қа жол бере қоюы екіталай. 2020 жылы таяушығыстық бұл мемлекет 77,6 миллион тонна СТГ экспорттады. Бұл жалпы жеткізулердің 26,5 процентін құрайды. 2024 жылға қарай Парсы шығанағы жағалауындағы кішкентай монархияның газ өндіру көлемі екі есе артады. Ақпанда Дохада Солтүстік кен орнының шығыс бөлігін пайдалану бойынша инвестициялық соңғы шешім қабылданды.

Катардан кейінгі орында 26 проценттік көрсеткішпен Австралия тұр. Үшінші орынға АҚШ (14,7) және төртінші орынға Ресей (10) жайғасты.

Солтүстік мұзды мұхиттағы мұнай және газ ресурстарын жоспарлы түрде игеру он бес жылдан бері ресейлік биліктің әлеуетінде тұр. Наурызда Ресейдің министрлер кабинеті сұйылтылған табиғи газ өндірісін дамытудың ұзақ мерзімді бағдарламасын бекітті. Ол пайдлы қазба көздерін әртараптандыруға, ең алдымен Арктика қайраңы мен Қиыр Шығысты пайдалануға бағытталған.

OilPrice америкалық басылымы жазғандай, егер АҚШ тақтатас өндірісі есебінен ірі экспорттаушының біріне айналса, Ресейге Арктика көмектеседі. Аймақтағы пайдалы қазба қоры үлкен: табиғи газ – 35,7 миллиард текше метр, мұнай мен конденсат – 2,3 миллиард тонна.

Ресей энергетика министрі Александр Новактың айтуынша, 2025 жылға қарай Ресей жылына 68 миллион тонна сұйылтылған табиғи газ өндіріп, әлем нарығындағы үлесін 25 процентке арттыра алады.

OilPrice аналитиктері еуропалықтар үшін ресейлік құбыр желілік газ ғана емес, сондай-ақ сұйылтылған табиғи газ да тартымды екенін атап өтті.

"Ұзақ мерзімді келешекте Ресейдегі СТГ Еуроодақ тұтынушылары үшін оң шешім болады. Себебі АҚШ-қа қарағанда жеткізу жылдамырақ және арзан. Энергетикалық тәуелсіздікті қалайтын Литваның да Ресейден СТГ сатып алуы бекер емес", – деп санайды өнеркәсіптік тәуелсіз сарапшы Леонид Хазанов.

Оның айтуынша, америкалық жеткізушілер үшін Қытай мен Жапония басымдылыққа ие. Себебі бұл мемлекеттерде баға жоғары. Сондықтан ресейлік СТГ мұхиттың арғы жағынан жеткізілетін газды Еуропа нарығынан ысыруы мүмкін.

Қалай болғанда да сын-қатер де жоқ емес. 2025 жылға дейін сұйылтылған табиғи газдың әлем нарығында шамадан тыс көп болуы есебінен бағаның аса жоғары болуын күтудің қажеті жоқ.

0
Кілт сөздер:
мұнай, газ