Сіріңке, от

Бүтін бір отбасы көз жұмды: Павлодарда болған өрттің мән-жайы

3892
(Жаңартылды 17:19 10.05.2021)
Төтенше жағдайлар департаментінің мәліметінше, өртке төсекте темекі тарту себеп болуы мүмкін

НҰР-СҰЛТАН, 10 мамыр – Sputnik. Павлодарда 9 мамырда төрт адамның өмірін қиған өрттің мән-жайы анықталды, деп хабарлайды Sputnik Қазақстан.

Оқиға орнынан бүтін бір отбасы – төрт адамның мәйіті табылды. Олардың арасында – 72 жастағы Виктор Лау, оның денесін өрт сөндірушілер үшінші қабаттан, лифт маңынан тапқан. Марқұмның 1952 жылғы әйелі Нинаның мүрдесі жанып кеткен жатын бөлмеден табылды. 1991 жылғы қыздары Людмиланың мәйіті 9-қабаттың баспалдағында жатқан. Ал 2018 жылғы жиендерінің денесі жетінші қабаттан табылды. Отбасы өртенген пәтерде 2019 жылдан бері жалдап тұрған, деді брифингте Павлодар облысы төтенше жағдайлар департаменті басшысының орынбасары Мейрамбек Батырқұлов.

Көршілердің айтуынша, қаза болғандар ішімдік ішпеген. Пәтерден, алкогольдің бөтелкесі де табылмады.

Өрттің алдын ала себебі –  төсекте темекі тарту. Жатын бөлмедегі керуеттің қасында арнайы құрылғы – пирометр – ең жоғары температура (80-нен 90 градусқа дейін) көрсеткен.

Пәтерден қандай да бір оңай тұтанатын сұйықтық табылмады, мамандар өртке қысқа тұйықталу себеп болуы мүмкін деген болжамды қарастырып жатқан жоқ.

Тағы оқыңыз: Тілсіз жау 4 адамның өмірін жалмады: Павлодарда тұрғын үй отқа оранды – видео

Көршілерінің сөзінше, 72 жастағы Виктор Лау жатын бөлмесіндегі балконда жиі шылым шегетін. Дәл осы түні де марқұм бөлмеге темекімен кіріп, төсегіне жатып, ұйықтап кеткен болуы мүмкін.

Құтқарушылардың болжамынша, бүкіл отбасы ұйықтап жатқандықтан, өртті өте кеш байқаған. Отағасының әйелі 1952 жылғы Нина Фёдоровна жатын бөлмеде иіс тиіп есінен танған, денесі қатты өртенген. Күйеуі пәтерден шығып, лифтке жетіп үлгерген, ол үшінші қабатта көз жұмды.

Анықтаушылардың пікірінше, отағасы есікті ашқан кезде қою түтін төменге лап ете қалды. Сол себепті ерлі-зайыптының 30 жастағы қызы Людмила үш жасар қызымен бірге жоғары қабатқа көтерілмек болған. Кішкентай қыз жетінші қабатта, ал анасы тоғызыншы қабатта жан тапсырды.

Өрт сөндірушілер үшінші кіреберістен 25 адамды эвакуациялады.

Құтқарушыларға оқиға орнына жетуге аулада тұрған автокөлік кедергі келтірген. Техниканы жолдан алуға тұрғындар көмектесті.

9 мамыр 21.02-де Камзин көшесіндегі үйден түтін шығып жатқаны туралы ақпарат түсті. Өрт сөндірушілер сегіз минуттан кейін оқиға орнында болды.

Тілсіз жау он қабатты тұрғын үйдің үшінші қабатындағы пәтерден шығып, 72  шаршы метр аумақты шарпыған. Өрт жатын бөлмеден шыққан. Бөлмедегі жиһаздар түгел жанып кетті, төбе сылағы опырылған.

3892
Кілт сөздер:
пәтер, өрт, Павлодар
Тақырып бойынша
Өрттен 5 бала қайтыс болғаннан кейін аудан әкімі жұмыстан кетті
БҚО-да 16 жастағы қыз үш бауырын өрттен құтқарып қалды, анасы көз жұмды
Көкшетаулық полицейлер 17 адамды өрттен құтқарды
Өрттен қашқан алматылық балконнан құлап кетті
Жұдырық, төбелес

Атырауда болған қылмыс видеоға түсіп қалды

95
(Жаңартылды 19:15 29.07.2021)
Полицейлер жедел-іздестіру шаралары кезінде күдіктіні бірден қолға түсірді. Ол 29 жастағы қала тұрғыны болып шықты

НҰР-СҰЛТАН, 29 шілде — Sputnik. Атырауда 71 жастағы зейнеткерді тонаған ер адам ұсталды, деп хабарлайды Sputnik Қазақстан Polisia.kz сайтына сілтеме жасап. 

Ресми мәліметке сәйкес, бұл оқиға 28 шілде күні сағат 12:00 шамасында болған. Белгісіз біреу зейнеткерді алдымен тұншықтырған. Одан кейін телефонын алып қойды. Қылмыскер оқиға орнынан қашып кеткен. Ал тонау сәті бейнебақылау камерасына жазылып қалды.

Полицейлер жедел-іздестіру шаралары кезінде күдіктіні бірден қолға түсірді. Ол 29 жастағы қала тұрғыны болып шықты.

"Қазіргі уақытта бөтеннің мүлкін ашық жымқырған азаматқа қатысты Қылмыстық кодекстің 191-бабы 1-бөлігі ("Тонау, бөтеннің мүлкін ашық жымқыру") бойынша сотқа дейінгі тергеу шаралары басталды. Айғақ зат тәркіленді. Ал күдіктінің өзі уақытша ұстау изоляторына қамалды", - дейді полицейлер. 

Айта кетері, осы бап бойынша бірнеше жаза қарастырылған. Соның біреуә қолданылады. Атап айтқанда: 

  • 2 000 АЕК-ке(5 834 000 теңге)дейінгі айыппұл; 
  • сол мөлшерде түзеу жұмыстары;
    1 000 сағатқа дейінгі қоғамдық жұмыстар;
  • 4 жылға дейiнгi мерзiмге бас бостандығын шектеу;
  • не сол мерзiмге бас бостандығынан айыру.

Соттың шешімімен кінәлі деп танылған адамның мүлкi де тәркiленуі мүмкін.

 

95
Кілт сөздер:
видео, қылмыс, Атырау
Тақырып бойынша
"Денесін бөлшектеп тастаған": Қарағанды облысындағы сұмдық қылмысқа не себеп болды
Екібастұздағы кісі өлімі: қылмысқа не себеп болғаны хабарланды
"Зорлады деп айыптаймын": Атырауда қыз жігіттен ақша бопсалаған   
Атырауда басшысынан кек алмақ болған ер адам полицияны әбігерге түсірді
Түркістан полицейлері жас жігітке массаж жасаған әйелді қылмыс үстінде ұстады
Архивтегі сурет

Дәмханаға келген ер адам даяшыны бетінен ұрды оқиғаның мән-жайы

561
Даяшыға қол көтерген ер адам екі жылға дейін бас бостандығынан айырылуы немесе оған 5,8 миллион теңгеге дейін айыппұл салынуы мүмкін

НҰР-СҰЛТАН, 29 шілде – Sputnik. Алматы полициясы үстіне сусын төгілген ер адамның кәмелетке толмаған даяшыға қол жұмсағаны түсірілген атышулы видеоны тексеріп жатыр.

Бұған дейін әлеуметтік желіде дәмханаға келген клиенттің даяшыны бетінен ұрғаны түсіп қалған видео тарады. Қызметкер ер адамның үстіне байқаусызда кофе төгіп алған. Ролик желі қолданушыларының ашуын туғызды.

Оқиға 25 шілде таңертең Қабанбай батыр көшесіндегі мекемелердің бірінде болды. Алматы полициясына 17 жастағы даяшының анасы шағымданды.

Полицейлер қол көтерген ер адамды тауып, ұстады. Оның жасы 29-да. Қылмыстық кодекстің 293-бабы "Бұзақылық" бойынша қылмыстық іс қозғалды. Сот-медициналық сараптама тағайындалды. Тергеу шаралары жүріп жатыр.

"Қазіргі таңда ол Медеу ауданы полиция басқармасына тергеу амалдары үшін жеткізілді. Кінәлі адам жауапқа тартылады", - деп сендірді Алматы полиция департаменті басшысының орынбасары Рустам Әбдірахманов.

Кейінірек дәмхана клиентінің жәбірленушіден көпшілік алдында кешірім сұраған видеосы пайда болды.

"Келеңсіз оқиға болды. Даяшы байқаусызда үстіме кофе төгіп алды. Сол үшін мен оған қол көтердім, қатты ұрған жоқпын. Бірақ бәрібір де бұл қылығым дұрыс болмағанын түсінемін. Жұртшылықтан, жәбірленушіден кешірім сұраймын", - деді ер адам.

Қылмыстық кодекстің 293-бабы бірінші тармағы "Бұзақылық" бойынша 2 000 айлық есептік көрсеткішке дейін (5,8 миллион теңгеге жуық) айыппұл, немесе екі жылға дейін бас бостандығын шектеу не сол мерзімге бас бостандығынан айыру жазасы көзделген.

561
Кілт сөздер:
видео, даяшы, дәмхана, Алматы
Тақырып бойынша
Танымал әртіс даяшы қыздарға 20 мың доллар шайпұл қалдырып кетті
Даудың басы даяшы қыз: Өскеменде қонақтар мейрамхана қызметшілерімен төбелесті
Даяшының Головкин жайлы сұрағы атақты бапкердің жүйкесіне тиді
Мейрамханаға келуші даяшыны өлтіріп кетті: оқиғаның мән-жайы
тауарлы поезд

Қазақстан, Ресей және Өзбекстан агроөнім тасымалдайтын "жасыл дәліз" құрады

0
Агроэкспресс пойыздар кешікпей, жылдам жүруі керек. Бұл тез бұзылатын өнімдерді жеткізу үшін аса маңызды

НҰР-СҰЛТАН, 29 шілде — Sputnik. Қазақстан мен Ресей агроөнімдерді тасымалдауға арналған "жасыл дәліз" құру жайын талқылап жатыр.

"Ресей – Өзбекстан" агрологистикалық дәлізі үшжақты болуы керек. Себебі тауарлардың жүк ағыны Қазақстан аумағы арқылы өтіп жатыр", - деді "Ресей экспорт орталығы" АҚ бас директоры Вероника Никишина.

Ол бұл туралы сауда және интеграция вице-министрі Қайрат Төребаевпен кездесу кезінде мәлімдеді, деп хабарлады министрлік.

"Пойыздар кешігусіз, жылдам жүруі үшін бақылаушы органдардың жұмысын үйлестіру керек болады. Себебі бұл жылдам бұзылатын тауарларды жеткізу үшін аса маңызды. Осылайша біз үш елдің бизнесіне бәсекелестік артықшылық ұсынып, мемлекеттер арасындағы тауар айналымын айтарлықтай ұлғайта аламыз", – деді Вероника Никишина.

Өз кезегінде қазақстандық вице-министр екі ел де оңтүстіктен тауар жеткізуді толыққанды қамтамасыз ету бойынша жұмыстар жүргізіп жатқанын айтты.

"Бізге осы жұмысты үйлестіріп, біріздендіру керек. Оның ішінде Ресейден Ауғанстанға дейінгі дәліз бойынша тиімді транзиттік тарифтер қалыптастыру мәселесі де бар", - деді Қайрат Төребаев.

Тараптар Орталық Азия – Қазақстан – Ресей тауарлар ағыны мен Еуразиялық тауар өткізуші жүйе қалыптастырудағы екі ел ынтымақтастығының келешегін талқылады.

Сонымен қатар "Қорғас" және "Орталық Азия" сауда-экономикалық ынтымақтастықтың халықаралық шекара маңындағы орталықтар базасында өнеркәсіптік кооперация бойынша бірлескен жобаларды жүзеге асыру жайы қаралды. Оның ішінде Орталық және Оңтүстік Азия мен Қытай сынды үшінші елдің нарығына бірлесіп дайындалған өнімді шығару мәселесі де бар.

Осы аталған мәселелер бойынша жұмысты үйлестіру және тәжірибе алмасу мақсатында тараптар жақын уақытта "Qaztrade" Сауда саясатын дамыту орталығы" АҚ мен "Ресей экспорт орталығы" АҚ арасында әріптестік туралы келісім жасау жөніндегі мәмілеге келді.

Бұл кездесу вице-министр Қайрат Төребаевтың "Ресей – Ислам әлемі: KazanSummit 2021" ХІІ Халықаралық экономикалық саммитінің жұмысына қатысуы аясында өті. Саммит шеңберінде Қазақстанның сауда-экономикалық миссиясы мен Қазақстан-Ресей бизнес-форумы да өтіп жатыр.

Оқи отырыңыз: Лавров Ресей – Еуроодақ саммитін өткізуге не кедергі екенін айтты

0
Кілт сөздер:
Өзбекстан, Ресей, Қазақстан
Тақырып бойынша
Досаев Тоқаевқа экономика өсімін 3,9% деңгейде жақсарту туралы айтты
Қазақстан халықаралық көрмеде алғашқы отандық дронды таныстырды
Мерзімі өтіп кеткен қандай азық-түлік өнімдерін жеуге болады