Әйелдің сұлбасы, архивтегі фото

Үйленгісі келсе, зорлап, терезеден лақтыра ма Әсел Айтбаеваның әкесі

3791
(Жаңартылды 11:44 15.05.2021)
Грузияның бас прокуратурасы Мұрат Мейірбековке сырттай айып тақты. Тергеу мәліметі бойынша ол 28-29 сәуірде қызды екі рет зорлаған

НҰР-СҰЛТАН, 15 мамыр – Sputnik. Грузияда жұмбақ жағдайда көз жұмған қазақстандық Әсел Айтбаеваның ата-анасы бас прокуратураға арыз жазды. Қыздың отбасы әлі күнге дейін күйеу баласы Мұрат Мейірбековті Грузияға депортациялай алмай жүр, деп хабарлады КТК

Әсел Айтбаеваның көз жұмғанына он күндей уақыт болса да, қазақстандық құқық қорғау органдары жантүршігерлік оқиғаға қатысты жұмған аузын  ашпай отыр. Ақмола облысының полицейлері ішкі істер министрлігіне сілтесе, министрлік бас прокуратураға бағыттаудан әрі аса алмай қойған. Сыртқы істер министрлігі де о баста "бәрі бақылауда" деп, бұл істен ат-тонын ала қашқан.

Бүгін бойжеткенді дүниеге әкелген әке-шешесі бас прокуратураға бас сұқты. Олар Мұрат Мейірбековті Грузияға экстрадициялауды сұрайды.  

Айтбаевтардың Грузиядағы қорғаушысы да қылмыстық істегі басты кейіпкер Мұратты Грузияға алдырту үшін прокуратураға арызданбақ.

"Мен жәбірленуші тарап секілді Әселдің өзін-өзі өлтіргеніне сенбеймін. Оны – өлтірген. Қылмыстық іс "өзін-өзі өлтіру" емес, "өлтіру" бабы бойынша жүргізілуге тиіс.  Егер тергеу Мұраттан жауап алмаса, мен өзім оның тергелуін талап етемін. Себебі, ол – істегі басты кейіпкер. Қызды Грузияға әкелді, марқұмның қалдырған айғағында оны зорлағаны айтылған", - дейді Айсұлу Айтбаеваның адвокаты Нино Андриашвили.

Грузиядағы телеарналар Мұрат Мейірбековтің суретін жарыса көрсетіп жатыр. Жасы 37-де. Бірінші некесінен қызы, екіншісінен ұлы бар. Қазір әйелінің аяғы ауыр. Ал Мұраттың енесі күйеу баласына шаң жуытпай отыр. Айтуынша, оның еш кінәсі жоқ.

"Ол аудандық ішкі істер бөліміне барып, өзінің жауабын берді. Кінәлі деп айта алмаймын. Қазір тергеу жүріп жатыр. Бәрі оны жеңгетайлықпен айналысқандай жауыз қылып, айтып, жазып жатыр. Ол отбасылы азамат. Шынымды айтсам, қызға қайғырдым. Обал болды", - дейді Мұрат Мейірбековтің енесі.

26 жастағы қазақстандық қыз 5 мамырда Тблилисидегі көпқабатты үйдің 9-қабатынан құлап көз жұмған. Марқұм сол кезде жалғыз жеңіл жейдеде болыпты. Дәл қазіргі күні Әселдің жұмбақ өліміне қатысы бар 57 жастағы Бесик Тордуа қамауда. Күдікті қызбен ара қатынасы тым жақын болғанын, тіпті үйленгісі келгенін және оны өлтірмегенін айтып ақталыпты. Оның сөзіне марқұмның ата-анасы сенбейді.  

"Күдіктінің адвокаты олардың үйленгісі келгенін айтады. Ол – өтірік. Менің қызымның тұрмысқа шығу туралы ойы болған жоқ. "Жасың жетті, тұрмысқа шық" деген кезде де Әсел қарсылығын білдірген. Арманы ақша тауып, өз пәтерін алу еді. Егер үйленгісі келсе, ол зорлық көрсетіп, терезеден лақтырып жібере ме? Ол махаббат емес қой", - деді Әселдің әкесі Алтай Айтбаев.

Шым-шытырық оқиғаның мән-жайымен грузиндік полицейлер айналысып жатыр. Тергеуге маңызды айғақ ретінде Әселдің Бесикпен бір сағаттық сөйлескен аудиожазбасы пайдаланылуда. Ал соттың бірінші отырысы 23 маусымға жоспарланған.

Sputnik Грузия агенттігі Грузияның бас прокуратурасы Мұрат Мейірбековке сырттай айып таққанын хабарлады. Тергеу мәліметі бойынша ол 28-29 сәуірде қызды екі рет зорлаған. Сонымен қатар Мұраттың қазақстандық қызды ұрып-соққаны туралы хабарланды. Заңға сәйкес, егер оның кінәсі дәлелденсе, қазақстандық алты жылдан сегіз жылға дейін бас бостандығынан айырылуы мүмкін.  

3791
Тақырып бойынша
Қызымды күйеу балам өлтіріп кетті – Айсұлу Айтпаева
Зорлап тастаған: Грузиядағы қазақ қызының өліміне қатысты тың дерек шықты
Терезе түбінен тапқан: Грузияда қаза болған қазақ қызына қатысты мәлімет тарады
Грузияда Әсел Айтпаеваны зорлады деген күдікке ілінген адамның фотосы жарияланды
"Қызымды өлтірді": белгісіз жағдайда көз жұмған қазақ қызының анасы Грузияға келді
"Үйленбек болды": Грузияда көз жұмған Әсел Айтпаеваның ісіне қатысты жаңа дерек шықты
Грузияда көз жұмған Әсел Айтпаеваның мәйіті елге жеткізілді
Жамбыл облысындағы апат

Жамбыл облысында жантүршігерлік жол апатынан 6 адам қаза болды видео

6
Алматы – Ташкент тас жолында екі жеңіл көлік соқтығысып, алты адам көз жұмды, тағы екі адам ауруханаға түсті

НҰР-СҰЛТАН, 23 қыркүйек – Sputnik. Жамбыл облысының полицейлері Алматы – Ташкент тас жолында алты адамның өмірін қиған апатқа қатысты сотқа дейінгі тергеу бастады. Зардап шеккен тағы екі адамның өмірі үшін дәрігерлер күресіп жатыр.

Жамбыл облысы Байзақ ауданы аумағында Алматы-Ташкент тас жолының 476 шақырымында Аudi-А4 пен Toyota Camry соқтығысты. Оқиға 23 қыркүйек таңғы алты шамасында болды, деп хабарлайды Polisia.kz.

"Жол апаты салдарынан алты адам оқиға орнында көз жұмды. Toyota Camry автокөлігінің екі жолаушысы түрлі жарақатпен ауруханаға жеткізілді", - деді өңірдің полиция департаменті.

Жол апатына қатысты Қылмыстық кодекстің 345-бабы 4-тармағы "Абайсызда екi немесе одан да көп адамның өлiмiне әкеп соққан, көлiк басқаратын адамдардың жол жүрісі немесе көлiк пайдалану қағидаларын бұзуы" бойынша сотқа дейінгі тергеу басталды.

Қайғылы оқиғаның себебін анықтау үшін бірқатар сараптама тағайындалды.

Оқи отырыңыз: 

6
Кілт сөздер:
Жамбыл облысы, жол апаты, видео
Алматада бес адамды атып тастаған оқиға орнын оқшаулау

Алматыдағы қанды оқиға: күдікті банкке ғана емес, таныстарына да миллиондап қарыз

131
(Жаңартылды 10:09 23.09.2021)
Айналасындағылардан қолхатпен миллиондап ақша ала беріп, тығырыққа тірелген Дужнов екі жыл із-түссіз жоғалып кеткен

НҰР-СҰЛТАН, 23 қыркүйек – Sputnik. Алматыда атыс шығарып, бес адамды бақилыққа аттандырған Игорь Дужнов банкке ғана емес, талай адамға миллиондап қарыз екені анықталды, деп хабарлады КТК арнасы. 

Алматыда бес адамды атып тастаған Игор Дужновтан қарызын сот арқылы да өндіре алмай жүрген азаматтар шағымдануда.

Бұрынғы досының айтуынша, Дужнов одан 35 мың еуро алып, он жылдан бері қайтармай жүр. Енді бірі қолхатпен берген 200 мың долларымды қайтармады деп әлеуметтік желіде шу көтерді.  

Бес бірдей адамды атып тастаған Игорь Дужновтың отбасымен Елена Винокурова ұзақ жылдар бойы араласқан екен. Бірақ әулеттер арасындағы жақсы қарым-қатынасты қыруар ақша бұзыпты.

Игорь Дужнов Елена Винокурованың анасынан он жыл бұрын 35 мың еуро қолхатпен қарыз алған. Бірақ бұл берешекті Дужнов әлі күнге дейін қайтармаған.

"Мен Игорьдің отбасын 16 жылдан бері танимын. Менің әкем Анаиданың әкесімен дос болған. 2009 жылы әкем қайтыс болған соң, төрт күннен кейін Игорь анама келіп қолхатпен қарыз алып кетеді. Маған анам қарыз туралы бес жылдан кейін бірақ айтады. Сосын мен сотқа беріп жеңіп шығамын. Бірақ ақшаны қайтару мүмкін болмады. Сол кезде біз Игорьдің қарызға белшеден батып, дүние-мүлкінің барлығы кепілде тұрғанын көріп таңғалғанбыз", - деді ол.

Винокурованың айтуынша, айналасындағылардан қолхатпен миллиондап ақша ала беріп, тығырыққа тірелген Дужновтың екі жыл із-түссіз жоғалып кеткен. Сол уақытта оның әйелі Демирчян полицияға арыз жазып, күйеуінің жоғалғанына қарыз берген адамдарды кінәлапты. Ал Игорь Дужнов болса сол уақытта Донбасстағы соғысқа барып келдім деп жора-жолдастарына мақтанышпен айтып жүрген.

"Неге адамдар қарызды оңай бере салды деген сұрақ туындайды. Себебі бұл отбасы мүшелері діндар болған. Шіркеу салуға көмектесіп, қайырымдылықпен айналысқан. Ауқатты әулет болған. Демирчянның сол уақытта кәсібі дүркіреп тұрды", - дейді ол.

Винокурованың сөзінше, Анаида Демирчян екі мыңыншы жылдары Ресейден дөңгелек әкеліп, көтерме саудамен айналысқан белді кәсіпкер болған. Содан кейін бұл бизнесті күйеуіне тапсырып, сұлулық салонын ашыпты. Дегенмен күйеуінің қарызға белшесінен батқанынан әйелі хабарсыз болды дегенге сену қиын деп отыр.

"Игорьді кей адамдар жүйеге қарсы шыққан күрескер, оның бұл қылмысқа сот орындаушы, банк пен сот итермеледі деп айтып жатыр. Бірақ мен оны жақсы танитын адам ретінде айтайын. Бұл қате пікір. Өйткені Дужнов қарыз алып қайтармай үйренген адам. Осы қарыздары оған тыныштық бермеген. Сосын қылмысқа барды. Кешегі марқұмдардың орнында мен сияқты ақшаны қайтара алмай жүрген кез келген адам болуы мүмкін еді", - дейді ол.

Борышкерлердің тізімі жарияланатын арнайы сайтта Дужновтың он шақты компания мен жеке тұлғаларға қарызы бар екені көрсетілген. Сол үшін Қазақстан аумағынан шығуға тыйым салынған. 

Алматыдағы трагедия

20 қыркүйек кешке Алматының Алатау ауданындағы қайғылы оқиға салдарынан бес адам – екі полиция қызметкері, жеке сот орындаушысы, дау шыққан үйдің жаңа иесі мен оның танысы оққа ұшты. Бесеуі де сол жерде қайтыс болды. Оларға оқ атқан - Игорь Дужнов. Ол қазір қазір қамауда отыр.

Оқи отырыңыз: 

131
Кілт сөздер:
Алматы, атыс, қарыз
Тақырып:
Алматыдағы атыс: 5 адам қаза болды