Архивтегі фото

Жасөспірімді 8 жастан бастап бөлесі зорлап келген: қыздың анасы күдіктіні қорғап отыр   

2310
(Жаңартылды 12:54 18.05.2021)
Жасөспірім қыздың бөле ағасы оны 7 жылдан бері сексуалық сипаттағы әрекеттерге мәжбүрлеп келген. Ал анасы жиенін қорғап отыр

НҰР-СҰЛТАН, 18 мамыр — Sputnik. Алматы облысында жағаұстатарлық қылмыс жасалды. 15 жастағы қызды бөле ағасы 7 жыл бойы зорлап келген. Бұл туралы Facebook қолданушысы Андрей Андреев жазды, деп хабарлайды Sputnik Қазақстан.

"Облыста сұмдық жағдай болып жатыр. Өмір не болып барады? Қыздың бөле ағасы оны біраздан бері зорлап келген. Оған 8 жастан бастап тиіскен. Ал қыздың анасы жиенін қорғап отыр", - дейді Андреев.

Қыздың әке-шешесі ажырасқан. Бас кезінде анасы балалардан бас тартып, әкесіне берген. Олар астанада тұрған. Артынан әкесімен келіспей қалды ма, жоқ, әлде анасы шақырды ма, қайтадан Алматыға көшіп барыпты. Ал кейбір туыстары әйелдің әскери бөлімде жұмыс істегенін, тұрғын үй өтемақысын алу үшін балаларды өз қолына алғанын айтады. Өзі басқа еркекпен тұрады.

"Соңғы кезде жасөспірім қыз туыстарының үйінен шықпай жүр. Біресе анаған, біресе мынаған барады. Бірақ анасына барғысы келмейді. Туыстары себебін сұрағанда айтпады. Алайда артынан бәрін айтуға келісті. Сөйтсе, басқа еркекпен тұратын анасы кей кезде ішімдік ішетін болып шыққан. Ал жеке өмірін ойлағанда қызын Шамалғанға әпкесінің үйіне жібере салады. Ол жерде тәтесінің ұлы – бөле ағасы тиісіп, зорлайды екен. Соңғы рет оны 21 наурызда жыныстық қатынасқа мәжбүрлеген. Бұның барлығы қыздың 8 жасында басталған", - деп атап өтті Андреев. 

Қыздың туыстары бірден полицияға арыз түсірген. Астанадан әкесі де келіпті. Бірақ анасы жиенін қорғап отыр. Тіпті, жиенін қорғауға адвокат жалдаған. Тергеу шаралары да ұзаққа созылып кеткен. Қарасай ауданының тергеушісі қажетті сараптамаларды тағайындамаған. Ал қыздың оқыған мектебінде оқу ісінің меңгерушісі "болары болып, бояуы сіңген нәрсені" қопармауға кеңес берген көрінеді.   

Грузияда Әсел Айтпаеваны зорлады деген күдікке ілінген адамның фотосы жарияланды

Алматы облыстық полиция департаментінің бастығы Серік Күдебаев бұл мәселеге қатысты түсініктеме берді.

"Қарасай аудандық полиция басқармасында 2006 жылғы қызға жасалған сексуалдық сипаттағы зорлық әрекеттері бойынша оның анасы арқылы туысы болып келетін адамға қатысты Қылмыстық кодекстің 121-бабы, 4-тармағына сәйкес іс тіркелді. Тиісті сараптамалар тағайындалды", - деп жауап берді Күдебаев.

121-бап сексуалдық сипаттағы зорлық-зомбылық әрекеттері үшін жазаға тартуды көздейді. Оған сәйкес, 20 жылға дейін немесе өмір бойына бас бостандығынан айыру жазасы қарастырылған.

2310
Жамбыл облысындағы апат

Жамбыл облысында жантүршігерлік жол апатынан 6 адам қаза болды видео

246
Алматы – Ташкент тас жолында екі жеңіл көлік соқтығысып, алты адам көз жұмды, тағы екі адам ауруханаға түсті

НҰР-СҰЛТАН, 23 қыркүйек – Sputnik. Жамбыл облысының полицейлері Алматы – Ташкент тас жолында алты адамның өмірін қиған апатқа қатысты сотқа дейінгі тергеу бастады. Зардап шеккен тағы екі адамның өмірі үшін дәрігерлер күресіп жатыр.

Жамбыл облысы Байзақ ауданы аумағында Алматы-Ташкент тас жолының 476 шақырымында Аudi-А4 пен Toyota Camry соқтығысты. Оқиға 23 қыркүйек таңғы алты шамасында болды, деп хабарлайды Polisia.kz.

"Жол апаты салдарынан алты адам оқиға орнында көз жұмды. Toyota Camry автокөлігінің екі жолаушысы түрлі жарақатпен ауруханаға жеткізілді", - деді өңірдің полиция департаменті.

Жол апатына қатысты Қылмыстық кодекстің 345-бабы 4-тармағы "Абайсызда екi немесе одан да көп адамның өлiмiне әкеп соққан, көлiк басқаратын адамдардың жол жүрісі немесе көлiк пайдалану қағидаларын бұзуы" бойынша сотқа дейінгі тергеу басталды.

Қайғылы оқиғаның себебін анықтау үшін бірқатар сараптама тағайындалды.

Оқи отырыңыз: 

246
Кілт сөздер:
Жамбыл облысы, жол апаты, видео
Алматада бес адамды атып тастаған оқиға орнын оқшаулау

Алматыдағы қанды оқиға: күдікті банкке ғана емес, таныстарына да миллиондап қарыз

171
(Жаңартылды 10:09 23.09.2021)
Айналасындағылардан қолхатпен миллиондап ақша ала беріп, тығырыққа тірелген Дужнов екі жыл із-түссіз жоғалып кеткен

НҰР-СҰЛТАН, 23 қыркүйек – Sputnik. Алматыда атыс шығарып, бес адамды бақилыққа аттандырған Игорь Дужнов банкке ғана емес, талай адамға миллиондап қарыз екені анықталды, деп хабарлады КТК арнасы. 

Алматыда бес адамды атып тастаған Игор Дужновтан қарызын сот арқылы да өндіре алмай жүрген азаматтар шағымдануда.

Бұрынғы досының айтуынша, Дужнов одан 35 мың еуро алып, он жылдан бері қайтармай жүр. Енді бірі қолхатпен берген 200 мың долларымды қайтармады деп әлеуметтік желіде шу көтерді.  

Бес бірдей адамды атып тастаған Игорь Дужновтың отбасымен Елена Винокурова ұзақ жылдар бойы араласқан екен. Бірақ әулеттер арасындағы жақсы қарым-қатынасты қыруар ақша бұзыпты.

Игорь Дужнов Елена Винокурованың анасынан он жыл бұрын 35 мың еуро қолхатпен қарыз алған. Бірақ бұл берешекті Дужнов әлі күнге дейін қайтармаған.

"Мен Игорьдің отбасын 16 жылдан бері танимын. Менің әкем Анаиданың әкесімен дос болған. 2009 жылы әкем қайтыс болған соң, төрт күннен кейін Игорь анама келіп қолхатпен қарыз алып кетеді. Маған анам қарыз туралы бес жылдан кейін бірақ айтады. Сосын мен сотқа беріп жеңіп шығамын. Бірақ ақшаны қайтару мүмкін болмады. Сол кезде біз Игорьдің қарызға белшеден батып, дүние-мүлкінің барлығы кепілде тұрғанын көріп таңғалғанбыз", - деді ол.

Винокурованың айтуынша, айналасындағылардан қолхатпен миллиондап ақша ала беріп, тығырыққа тірелген Дужновтың екі жыл із-түссіз жоғалып кеткен. Сол уақытта оның әйелі Демирчян полицияға арыз жазып, күйеуінің жоғалғанына қарыз берген адамдарды кінәлапты. Ал Игорь Дужнов болса сол уақытта Донбасстағы соғысқа барып келдім деп жора-жолдастарына мақтанышпен айтып жүрген.

"Неге адамдар қарызды оңай бере салды деген сұрақ туындайды. Себебі бұл отбасы мүшелері діндар болған. Шіркеу салуға көмектесіп, қайырымдылықпен айналысқан. Ауқатты әулет болған. Демирчянның сол уақытта кәсібі дүркіреп тұрды", - дейді ол.

Винокурованың сөзінше, Анаида Демирчян екі мыңыншы жылдары Ресейден дөңгелек әкеліп, көтерме саудамен айналысқан белді кәсіпкер болған. Содан кейін бұл бизнесті күйеуіне тапсырып, сұлулық салонын ашыпты. Дегенмен күйеуінің қарызға белшесінен батқанынан әйелі хабарсыз болды дегенге сену қиын деп отыр.

"Игорьді кей адамдар жүйеге қарсы шыққан күрескер, оның бұл қылмысқа сот орындаушы, банк пен сот итермеледі деп айтып жатыр. Бірақ мен оны жақсы танитын адам ретінде айтайын. Бұл қате пікір. Өйткені Дужнов қарыз алып қайтармай үйренген адам. Осы қарыздары оған тыныштық бермеген. Сосын қылмысқа барды. Кешегі марқұмдардың орнында мен сияқты ақшаны қайтара алмай жүрген кез келген адам болуы мүмкін еді", - дейді ол.

Борышкерлердің тізімі жарияланатын арнайы сайтта Дужновтың он шақты компания мен жеке тұлғаларға қарызы бар екені көрсетілген. Сол үшін Қазақстан аумағынан шығуға тыйым салынған. 

Алматыдағы трагедия

20 қыркүйек кешке Алматының Алатау ауданындағы қайғылы оқиға салдарынан бес адам – екі полиция қызметкері, жеке сот орындаушысы, дау шыққан үйдің жаңа иесі мен оның танысы оққа ұшты. Бесеуі де сол жерде қайтыс болды. Оларға оқ атқан - Игорь Дужнов. Ол қазір қазір қамауда отыр.

Оқи отырыңыз: 

171
Кілт сөздер:
Алматы, атыс, қарыз
Тақырып:
Алматыдағы атыс: 5 адам қаза болды
жолдағы шұңқырлар

Министрлік ресейлік актердің "Атырау-Астрахань" жолына қатысты сынына жауап берді

0
(Жаңартылды 12:18 23.09.2021)
Орталық Азия елдерінен келетін транзиттік көліктің артуына байланысты жолдың жағдайы нашарлады

НҰР-СҰЛТАН, 23 қыркүйек – Sputnik. Ресейлік актер, шоумен Станислав Ярушиннің "Астрахань-Атырау" жолы туралы "мұндай нашар жолды өмірімде бірінші рет көріп тұрмын" деген сөзінен кейін индустрия және инфрақұрылымдық даму министрлігі жолдың сапасына қатысты түсініктеме берді. 

"Жалпы ұзындығы 277 шақырымдық "Атырау-Астрахань" автожолы өткен ғасырдың 70-ші жылдары салынған. 8 тоннаға дейінгі салмақты көтеретін III техникалық санаттағы республикалық маңызы бар жол. Жолдың техникалық жағдайы ағымдағы және орташа жөндеу жұмыстары есебінен сақталды. Орталық Азия елдерінен келетін ауыр жүк тасымалдайтын транзиттік көлік құралдарының артуына байланысты жолдың жағдайы нашарлады", - делінген хабарламада.

Министрлік мәліметіне сүйенсек, 2018-2019 жылдары "Атырау-Астрахань" жолының барлық шақырымына жобалау-сметалық құжат әзірленді.

2019 жылы Ресей Федерациясы шекарасынан Ганюшкино кентіне дейін ұзындығы 60 шақырымдық бірінші учаскені қайта жаңарту басталды.

"Ұзындығы 217 шақырым болатын қалған учаскелерде құрылыс-монтаждау жұмыстары 2020 жылы басталды. Биыл ұзындығы 92 шақырымдық учаске пайдалануға беріліп, қалған 185 шақырымындағы жұмыстарды келесі жылы аяқтау жоспарланып отыр", - деді ведомстводағылар.

Оқи отырыңыз: 

 

0
Кілт сөздер:
жол, Атырау, сын
Тақырып бойынша
1 қарашадан бастап Қазақстанда қандай жолдар ақылы болады
Ақылы жолдар мәселесі: көлік жүргізушілерінің наразылығы немен аяқталды
Нұр-Сұлтаннан Балқашқа дейінгі жаңа жол қашан ашылады