Қылмыстық іс

Сәтбаевта 5 жасар қызды зорлау оқиғасы - сот үкімі шықты

222
Айыпталушылардың бірі өмір бойына бас бостандығынан айыру жазасына кесілді, оның әйелі - 22 жылға бас бостандығынан айырылды, тағы бір күдікті тергеу барысында өзіне қол жұмсаған болатын

НҰР-СҰЛТАН, 21 маусым - Sputnik. Алқабилер соты Қарағанды ​​облысының Сәтбаев қаласында бес жасар қызды зорлау ісі бойынша үкім шығарды.

Іс Қарағанды ​​облысының қылмыстық істер жөніндегі мамандандырылған ауданаралық сотында қаралды.

Зорлау ісі бойынша үш күдікті болды. Күдіктілердің бірі Г. тергеу барысында өзіне қол салды. 5 жасар қызды зорлау оқиғасына қатысы бар деген күдікпен ерлі-зайыпты жауапқа тартылды.

Сотта былтыр 23 шілдеде қаршадай қызды пәтерге 62 жастағы үй иесі кіргізіп алғаны анықталды. Ол мас күйінде болған.

Содан кейін Г. өзінің көршісі П.-ға қоңырау шалып, зорлық жасауды ұсынды, соңғысы келісімін береді.

Содан кейін олар П.-нің әйеліне қоңырау шалады, әйел олардың қылмыстық ниеттері туралы біле тұра, балаға белгісіз инъекция еккен.

Қыз есінен тана бастайды. Содан кейін Г. мен П. кәмелетке толмаған бес жасар қызға қатысты жыныстық сипаттағы қылмыс жасайды.

Сараптама қорытындысына сәйкес жәбірленушінің психикалық саулығына ауыр зиян келтірілген.

Алқабилер үкімі

Дауыс беру қорытындысы бойынша алқабилер барлық бап бойынша ерлі-зайыптыны кінәлі деп таныды.

Ал ер адамның қылмыс жасаған кезде мас болуын оның айыбын ауырлататын жағдай деп таныды.

Жазасын жеңілдететін жағдайлар анықталған жоқ.

Жоғарыда айтылғандарды ескере отырып, П.-ға қауіпсіздігі төтенше мекемесінде өмір бойына бас бостандығынан айыру жазасы тағайындалды. Бұл ретте мерзімнің алғашқы 5 жылы толық қауіпсіздік мекемесінде өтелуі керек.

Заң әйелдерге өмір бойына бас бостандығынан айыруды тағайындауға тыйым салады (ҚК-тің 46-бабы). Осыған байланысты сотталушы П.-ға 22 жылға бас бостандығынан айыру жазасы белгіленді. Оған өмір бойы педагогикалық лауазымдарды және кәмелетке толмағандармен жұмыс істеуге байланысты оқытушылық қызметтерді атқаруға тыйым салынады.

Үкім заңды күшіне енген жоқ.

Сәтбаевты дүрліктірген оқиға

24 шілдеге қараған түні Сәтбаев қаласында ауыр қылмыс жасалды. Қалалық полиция бөліміне бес жасар қыздың әкесі арызданып, баласының жоғалғанын хабарлады. Осыдан кейін іздеу шаралары басталды. Жергілікті полицияның жеке құрамы тартылды. Жүздеген еріктілер де қызды іздеуге шықты.

Оқи отырыңыз: Сәтбаевта 5 жасар қызды зорлау оқиғасы – жаппай тәртіпсіздіктің хронологиясы

Түнде жоғалған бес жасар қыз белгісіз ер адамның пәтерінен табылды. Бала табылғаннан кейін күдікті тұратын үйдің маңына бір топ адам жиналды. Олар ер адамды өздері жазаламақ болған. Ашулы топ барлық пәтердің есігін қағып, тұрғындардың зәресін ұшырды.

Жиналған жұрт күдіктіні беруді талап етіп, қалалық әкімдікке және полицияға барды. Бірнеше көлік өртенді. Қалаға ұлттық ұлан күштері кіргізіліп, жағдай бақылауға алынды.

Ал 6 қазанда Қарағанды қаласының тергеу изоляторында күдіктінің өлі денесі табылды. Ол өз-өзіне қол салды.

222
Кілт сөздер:
Қарағанды облысы, сот үкімі, баланы зорлау ісі
Тақырып бойынша
Сәтбаевта 5 жасар қызды зорлаған ер адам изоляторда өлі табылды
Сәтбаевтағы толқу: министр Тұрғымбаев мән-жайды баяндады
Қазақстандықтарды дүрліктірген оқиға: Тоқаев тапсырма берді
Сәтбаевтағы жаппай тәртіпсіздікке қатысқандарға сот үкімі шықты
Сәтбаевтағы халық толқуы: қазіргі сәтте не белгілі
Архивтегі сурет

Жоғары оқу орнының кітапханасынан өрт шықты видео

48
(Жаңартылды 09:37 27.07.2021)
Өрт тұтанған кезде ғимаратта ешкім болмаған, зардап шеккендер жоқ

НҰР-СҰЛТАН, 27 шілде – Sputnik. Семейде өрт сөндірушілер жоғары оқу орнына тиесілі кітапханадан шыққан өртті сөндіріп жатыр.

ШҚО ТЖ департаменті баспасөз қызметінің ақпаратынша, өрт 1987 жылы салынған үш қабатты ғимараттан шықты.

Посмотреть эту публикацию в Instagram

Публикация от Shygys Qazaqstan oblysynyn TJD (@shygysqaz_tjd)

Оқиға орнына 50-ден астам өрт сөндіруші жетті. Өртті сөндіруге 14 бірлік техника жұмылдырылды.

"Өрт ошағы кітапхана ғимаратында орналасқан. Газ-түтіннен қорғау қызметінің 4 буыны жұмыс істеуде. Өрт тұтанған кезде ғимаратта ешкім болмаған", - делінген хабарламада.

Тілсіз жау сағат 8.05-те ауыздықталды. Төтенше жағдай себебін облыстық ТЖ департаменті анықтайды.

Қаза болғандар мен зардап шеккендер жоқ.

ТЖ департаменті өрт қауіпсіздігі ережелерін қатаң сақтау қажет екенін ескертті.

48
Кілт сөздер:
кітапхана, өрт, Семей
Тақырып бойынша
Алматыда салынып жатқан тұрғын үй кешенінен өрт шықты - видео
Риддердегі алапат өрт: үкімет басшысы зардап шеккен тұрғындармен кездесті
Петропавлда көпқабатты тұрғын үйден өрт шықты – видео
Алматыда ірі өрт болды
Пойыз, архивтегі сурет

Жамбыл облысында жолаушы пойыз бен платформа арасына құлады

338
(Жаңартылды 23:01 26.07.2021)
Ер адамның платформадан құлағанын дер кезінде көрген машинист шұғыл тоқтады. Оқиға салдарынан пойыз станцияда үш минут тұрып қалды

ПАВЛОДАР, 26 шілде – Sputnik. Жамбыл облысы Луговой станциясының көліктегі полиция қызметкерлері мас жолаушыны құтқарды. Ол пойыз бен платформа арасына құлады, деп хабарлады Sputnik Қазақстанға ІІД көліктегі полиция департаментінің баспасөз хатшысы Ләззат Қасымжанова.

Ер адам Көкшетау-Қызылорда бағытымен жүретін пойызға кешіккен. Ол жүгіріп барып есікті қаға бастады. Полицейдің ескерту ретінде жасаған ысқырығына мән берген жоқ.

Тәртіп бұзған адамның 31 жастағы Қызылорда тұрғыны екені анықталды. Ол орташа дәрежеде мас болған, деп нақтылады полицияда.

Екі әкімшілік хаттама толтырылды. Он айлық есептік көрсеткіш (29 170 теңге) көлеміндегі айыппұл салынды.

Оқиға салдарынан пойыз станцияда үш минут тұрып қалды.

338
Тақырып бойынша
"Пойыздың астынан өткен": Қарағандыда екі жасөспірімді 27 мың вольтты тоқ соқты
Пойызда босанған әйел тосын шешім қабылдады – видео
Шығыс Қазақстанда жарты жыл бойы іздеуде жүрген жігіт пойызда ұсталды
Өзбекстаннан Қазақстанға келе жатқан пойыздың машинистері ұсталды
"116 млн теңге болған": желі қолданушылары пойызда тоналған қыздың әрекетін талқылап жатыр
Нью-Йорк қаласы

АҚШ экономикасына дефолт қаупі төнді 

0
Пандемия кезінде экономика көлемінен асып түскен Американың мемлекеттік қарызы шарықтау шегіне жетті. Үкімет дефолт қаупі жайлы сөз етуде. Шығынға жол бермес үшін конгресс тез арада жедел әрекетті қолға алмақ

НҰР-СҰЛТАН, 27 шілде – Sputnik. Америкалықтар 2008 жылдағы дағдарыстан бері сырттан қарыз алуды арттырып келеді. Обама билікте болған кезде тоғыз триллионға, Трамптың кезінде жеті триллион долларға ұлғайды. 2018 жылы жалпы ішкі өнімнің 78 процентіне жетті – Дүниежүзілік банк мұны қауіпті деп атады.

Қарыз шегін арттыру керек, әйтпесе күзде қаржы міндеттемелеріне қызмет көрсету бойынша проблема туындауы мүмкін. Кредиторлар АҚШ-тың қарызды өтеу мүмкіндігіне күмәнданса, не болатыны туралы РИА Новости материалында. 

Болжам бойынша мемлекеттік қарыз АҚШ экономикасының көлемінен он жылдан кейін ғана асуы керек. Алайда пандемия мен ұлттық шаруашылықты қолдауға арналған үлкен шығындардың салдарынан бұл әлдеқайда ертерек қалыптасты. Тәуелсіз есептеулер бойынша 2020 жылы билік ел экономикасына тоғыз триллион долларға жуық қаражат салды. Соның нәтижесінде мемлекеттік қарыз ЖІӨ-ден асып түсті. 

Наурыздың соңына қарай 28 триллион доллар немесе ЖІӨ-нің 101 проценті. Мұндай жағдай тарихта бір рет қана – Екінші дүниежүзілік соғыстан кейін бірден, 1946 жылы болды. Ол кезде көрсеткіш 106 процентті құрады. Ал қарыз өсіп жатыр: қазір - 28,5 триллион доллар. Заң бойынша енді қарыз алуға болмайды. 

АҚШ мемлекеттік қарыздың шарықтау шегіне бірінші рет жетіп отырған жооқ. 2008 жылдағы дағдарыстан кейін бұл көрсеткіш тұрақты өсіп жатыр. 

2019 жылы Трамп 2021 жылдың 31 шілдесіне дейін мемлекеттік қарызды шектеусіз ұлғайтуға мүмкіндік беретін заңға қол қойды. Межелі күннен кейін Қаржы министрлігі облигациялар сату есебінен қосымша қаражат тарта алмайды.

Алайда Вашингтонның бұдан басқа амалы жоқ. Пандемия кезінде экономиканы қолдауға жұмсалған қомақты шығын салдарынан бюджетте үлкен саңылау пайда болды. 

Бюджет тапшылығы негізінен мемлекеттік облигацияларды сату есебінен жабылып жатыр. 2020 қаржы жылында (30 қыркүйекте аяқталды) тапшылық кемінде үш есе – 3,1 триллион долларға дейін ұлғайды. Алайда коронавирусқа қарсы күрес бойынша барлық шараларды есептегенде, ол төрт триллионға жететінін анық. 

Осылайша Вашингтонның алдында екі жол тұр: 31 шілдеге дейін мемлекеттік қарыз шегін арттыру немесе қарыз алу лимитінің әрекет етуін тоқтату. Әйтпесе АҚШ-тың қаржы министрі Джанет Йеллен конгреске жолдаған хатында ескерткендей, ел дефолтқа тап болып, экономикаға орны толмас шығын келтіріледі. 

Қаржы министрлігі "қосымша шұғыл шаралар" қабылдауға тура келеді. Алайда Йеллен атап өткендей, қаржы мекемесінің мемлекеттік төтенше қаржыландыру қолдану мүмкіндігі қатты шектеулі. 

"Мұнда көптеген факторға байланысты айтарлықтай белгісіздік бар. Соның ішінде үкіметтің төлемдері мен түсімдерін бірнеше ай бұрын есептеу проблемалары да бар", - деді министр. 

Алайда шекті көтермесе, жаңа қаржы жылында, 1 қазанға қарай қарызға қызмет көрсету қабілеті тоқтатылады. Негізінен дәл сол күні АҚШ қарзынашылығы шығынды 150 миллиард долларға қысқартуға тура келеді.

Жалпы қаржы министрі мемлекеттік қарыздың рекордтық өсімін көздеп отыр. Алайда бұған байланысты конгресте бірауызды шешім болмай тұр. Демократтардың пікірінше, шекті арттыру керек. Республикашылдар Байден мен үкіметтен шығындарды қысқартып, үлкен қарызды азайту шараларын қабылдауды талап етіп отыр.

Соған қарағанда шекті қарыздың деңгейін кезекті рет көтереді. Ал экономистер АҚШ дефолтын "ақырзаман" ретінде қарастырып жатыр. 

"Америкалықтар мұндайға ешқашан жол бермеген. Бұл қауіпті жағдай болар еді", - деп санайды JPMorgan-ның АҚШ бойынша бас экономисі Майкл Фероли. 

Бірақ дефолт болу қаупінің өзі-ақ нарықта дүрбелең тудыруы мүмкін. Егер ешқандай шара қабылданбаса, АҚШ Қаржы мекемесі 30 шілдеде мемлекеттік бағалы қағаздарды да, мемлекеттік қарызға қызмет көрсетуді қамтамасыз етіп отырған жергілікті органдардың  қағаздарын да сата алмай қалады.

2011 жылы өкілдер палатасының қарыз шегін көтеруден бас тартуы мен дефолт қаупінің туындауына байланысты Standard & Poor’s халықаралық рейтинг агенттігі тарихта алғаш рет АҚШ-тың дербес кредиттік рейтингін төмендетті. Соның артынша-ақ қор нарығында құлдырау бола жаздады: тиісті органдар бір мәмілеге келгенге дейін S&P 500 индексі бес күн қатарынан төмендеді. 

CNBC атап өткендей, осы жолы мемлекеттің қарызды өтеу мүмкіндігіне күмәнданған кредиторлар Вашингтоннан әлдеқайда жоғары процентті талап етуі мүмкін. Ал бұл өз кезегінде домино әсерін қалыптастырады: ипотекалық және автокредиттен бастап корпоративтік қарызға дейінгі проценттік мөлшерлемелер жаппай өсе бастайды.

Ал бұл тұрақтылыққа оң әсер етпейтіні анық. "Қаржы дағдарысы күшейіп, жұмыс орындары мен америкалықтардың жинақтарына қауіп төнеді. Бұл біз пандемиядан кейін қайта аяққа тұрмаған кезде болып отыр", - дейді Джанетт Йеллен. 

Кредиторлар АҚШ үкіметінің қарыз өтеу қабілетіне жиі күмәнданып отыр. Америкалық жетекші қаржыгердің бірі, Bridgewater Associates атты әлемдегі ірі хедж-қордың негізін қалаушы миллиардер Рэй Далио атап өткендей, бюджет, сауда теңгерімі мен қазіргі операциялардың есебі бойынша үштік тапшылық жақын уақытта шетелдік инвесторларды қазынашылық облигациялардан үркітіп, доллардың құлдырауына себепші болады. Бұл көлемі жағынан 2008 жылғы дағдарыстан ғана емес, 1930 жылғы Ұлы депрессиядан да асып түсуі мүмкін қаржы дағдарысына апаратын тікелей жол.

0