Полиция машинасы, архив

Ақсуда полиция майорының мәйіті табылды

2919
(Жаңартылды 14:33 06.07.2021)
Сотқа дейінгі тергеу кезінде оқиғаның мән-жайы және өлімнің себебі анықталады, деп хабарлады полицейлер

НҰР-СҰЛТАН, 6 шілде – Sputnik. Павлодар облыстық полиция департаменті Ақсу қаласында өз-өзіне қол салған полицейдің өліміне қатысты ресми ақпарат таратты, деп хабарлайды Sputnik Қазақстан.

"5 шілдеде Ақсу қаласында түнгі сағат 23:40-та полиция майорының мәйіті табылды. Ол өз-өзіне қол салып, асылып өлген", - дейді облыстық полиция департаменті басшысының орынбасары Жандос Орымбаев.

Оның айтуынша, қазіргі кезде Қылмыстық кодекстің 105-бабы (Өзiн-өзi өлтiруге дейiн жеткiзу) бойынша сотқа дейінгі тергеу шаралары басталды. Осы баппен үш жылдан сегіз жылға дейінгі мерзімге бас бостандығынан айыру жазасы қарастырылған.

Депаратмент басшысының орынбасары қажетті сараптаманың жүргізілетінін жеткізді. Сотқа дейінгі тергеу кезінде осы оқиғаның мән-жайы және өлімнің себебі анықталады.

2919
Кілт сөздер:
қылмыстық іс, мәйіт
Павлодарда суға кеткен екі адамның мәйіті үш тәуліктен соң табылды

Павлодарда суға кеткен екі адамның мәйіті үш тәуліктен соң табылды

1364
Өткен демалыста Павлодар облысында үш адам суға кетіп, екі адамның мәйітін іздеу жұмыстары үш тәулікке созылды

НҰР-СҰЛТАН, 28 шілде — Sputnik. Павлодар құтқарушылары Ертіс өзеніне батып кеткен үш адамның денесін судан алып шықты, деп хабарлады Павлодар облысы төтенше жағдайлар департаментінің баспасөз қызметі.

28 шілдеде сағат 04:30-да "112" жедел желісіне Павлодар ауданындағы Кенжекөл ауылында Ертістің шомылуға тыйым салынған аумағында 1999 жылы туған жас жігіт суға кеткені туралы хабарлама келіп түскен. Бүгін сағат 10:45-те құтқарушылар оның мәйітін оқиға орнынан 30 метр қашықтықтан тапты. Қайғылы оқиға орнында 4 құтқарушы және 2 техника жұмыс істеді.

Күні кеше осыдан үш күн бұрын батып кеткен жасөспірімнің де денесі табылды. 24 шілдеге қараған түні Ертістегі Сычевка ауылында төрт адам мінген қайық аударылып кеткен. Үш адам аман қалғанымен, 2004 жылы туған жасөспірім суға кетті. 27 шілдеде құтқарушылар жеке тұлғаның эхолотының көмегімен оқиға орнынан екі километр қашықтықтағы аумақты сканерлеп, көз жұмған азаматтың денесін судағы ағаш бұталарының түбінен тапты. Жасөспірімнің туыстарымен бірлесіп бұталарды аршып, кешке қарай мәйітті жағаға алып шықты. Іздеу жұмыстарына төрт қызметкер, бір техника және бір жүзетін құрылғы жұмылдырылды.

Сонымен қатар кеше автокөлік көпірінің аумағында оқиға орнынан бес километр қашықтықта 24 шілдеде Ертісте суға кеткен 1999 жылы туған жас жігіттің мәйіті табылды. Оқиға орнында алты адам және екі жүзу құралы жұмыс істеді.

Жыл басынан бері Павлодар облысында 18 адам, соның ішінде бес бала суға кеткен.

Адамдардың суға бату оқиғасы жиілеуіне байланысты облыстық төтенше жағдайлар департаменті тыйым салынған аумақта, мас күйде шомылмауға, балаларды қараусыз қалдырмауғы шақырады.

1364
Архивтегі сурет

Әйелін құтқармақ болған: Шығыс Қазақстанда ерлі-зайыпты суға кетті

3463
Ер адам жағадан алыс кетіп, суға бата бастаған әйеліне көмекке жүгірген

НҰР-СҰЛТАН, 28 шілде – Sputnik. Шығыс Қазақстан облысында әйелін құтқару үшін суға кірген ер адам онымен бірге батып кетті, деп хабарлайды өңірдің ТЖ департаментінің баспасөз қызметі.

Трагедия 27 шілдеде Самар ауылы маңында Бұқтырма су қоймасының жағалауында болды.

Куәгерлердің айтуынша, 1978 жылғы әйел жағадан алыс кетіп, бата бастаған.  Мұны көрген 1966 жылғы күйеуі көмекке жүгіреді. Алайда ер адам әйелімен бірге суға батып кетті.

Облыстың төтенше жағдайлар департаменті су қоймаларында қауіпсіздік шараларын сақтауға шақырды:

  • шомылу үшін қауіпсіз орынды таңдаңыз;
  • арнайы жабдықталмаған беймәлім жерлерде ешқашан суға түспеңіз;
  • жағадан алыс кетпеңіз;
  • үрлемелі қайыққа отырғанда абай болыңыз, жел немесе өзен ағысы оны жағадан алысқа әкетіп, толқынның астында қалуы мүмкін.
  • қатты жел болған күні қайыққа мінбеңіз.

Құтқарушылар төтенше жағдай кезінде 112 нөміріне хабарласу керек екенін еске салды. 

3463
Кілт сөздер:
ерлі-зайыпты, Шығыс Қазақстан
Василий Левит

Олимпиадада нокаутқа түсіп қалған Василий Левит желіде жазба жариялады

0
(Жаңартылды 20:18 28.07.2021)
Боксшы соққыға жалғыз төтеп беру оңай емес екенін, алайда қазақстандықтардың қолдауын сезінгенін атап өтті

АЛМАТЫ, 28 шілде – Sputnik. Токио Олимпиадасында нокаутқа түсіп қалған қазақстандық боксшы Василий Левит қиын сәтте қолдау көрсеткен жанкүйерлеріне алғыс айтты, деп хабарлайды Sputnik Қазақстан.

"Сіздер менімен бірге жеңістен кейінгі қуаныш пен жеңілістен кейінгі қайғыны бөлісіп келесіздер. Спорт – менің өмірім. Боксшылар арасында мынадай даналық бар: төмен құламаған адам жоғары көтерілмейді. Бұл сөз өз мақсатына ұмтылған және алға қарай жүретін кез келген адамның өмірінде қолданылады", - деп жазды Василий Левит.

Посмотреть эту публикацию в Instagram

Публикация от Василий Левит (@vassiliy_levit)

Ол сондай-ақ соққыға жалғыз төтеп беру оңай емес екенін, алайда қазақстандықтардың қолдауын сезінгеннен кейін өзінің жалғыз емес екенін түсінгенін айтты.

"Әрқашан қолдайтын отбасым, жақын адамдарым бар. Сондай-ақ менімен жеңіс пен жеңілісті бөлісуге дайын қымбатты жанкүйерлер, сіздер барсыздар. Сіздер жолдаған хаттарды оқыған кезде өмірдегі ең құнды дүние сені түсініп, саған сенетін адамдар барын білу екенін түсіндім", - деді боксшы.

Айта кетейік, Токио Олимпиадасында қазақстандық боксшы Василий Левит 91 келі салмақ дәрежесінде шықты. Оның қарсыласы испаниялық боксшы Эммануэль Рейес болды.

Токио Олимпиадасы: Левит нокаутқа түсіп қалды – видео

Бірінші раунд испаниялық боксшы пайдасына шешілді. Ал екінші раундтың басында Левит қарсыластың сериялық соққысынан кейін нокаутқа түсіп қалды. Бірақ аяғына тұрды. Төреші оның теңселіп тұрғанын көріп, жекпе-жекті тоқтатты.

Левит Рио Олимпиадасында күміс жүлдені жеңіп алған болатын.

0
Кілт сөздер:
Василий Левит