Алматыда митинг өтті

Алматыда митингіге қатысқан екі адам қамауға алынды видео

125
Заңсыз митингке қатысқан тағы бір адам денсаулығына байланысты әкімшілік жауапкершіліктен босатылды

НҰР-СҰЛТАН, 7 шілде – Sputnik. Алматыда өткен заңсыз митинг кезінде үш адам ұсталып, екеуі қамауға алынды. Бұл туралы Бостандық аудандық полиция басқармасының басшысы Думан Әухадиев мәлімдеді, деп хабарлайды Sputnik Қазақстан.

Айта кетейік, митинг 6 шілде күнде ұйымдастырылды. Жергілікті билік тарапынан рұқсат берілген жоқ. Ал құқық қорғау органдары бірнеше рет ескерту жасаған болатын.

"Алайда жиналған адамдар мегафон және басқа да атрибуттарды қолданып, көшемен жүріп өтпек болды", - дейді Әухадиев.

Оның айтуынша, полиция шеруге қатысушыларды тоқтатқан. Сол кезде кейбір адамдар тәртіп сақшыларына қарсылық көрсетті.

"Олар полицияға бағынбай, түрлі зат лақтырды. Осылайша, қоғамдық тәртіпті өрескел бұзды", - деп атап көрсетті басқарма басшысы.

Құқық қорғау органдарына қарсылық көрсеткен үш адам полицияға жеткізілді. Мамандырылған ауданаралық соттың шешімімен екеуі Әкімшілік құқық бұзушылық туралы кодекстің 434-бабы ("Ұсақ бұзақылық") бойынша кінәлі деп танылып, 10 күнге қамауға алынды. Заңсыз митингіге қатысқан тағы бір адам денсаулығына байланысты әкімшілік жауапкершіліктен босатылды.

Полицияда митингті ұйымдастыру себептерін атаған жоқ. Алайда кейбір мәліметтерге сәйкес, оны ресми түрде тіркелмеген қытай экспансиясы мен қазақтар геноцидіне қарсы демократиялық партия ұйымдастырды.

125
Кілт сөздер:
митинг, Алматы
Тақырып бойынша
Мемлекет басшысы митинг жайлы: ешкім қудаланбайды
Тұрғымбаев: Митингіге шығатындар бейбітшілік басты құндылық екенін түсінбейді
Жандарбек Бекшин митингіге шығуға үндейтіндерге ескерту жасады 
"Өле қал": митингіге шыққалы жүрген ЛГБТ өкілі қоқан-лоққы жасалғанын айтты
"Өліп жатсаң да келмейді": Алматы облысында ауыл тұрғындары митингіге шықты
Павлодарда суға кеткен екі адамның мәйіті үш тәуліктен соң табылды

Павлодарда суға кеткен екі адамның мәйіті үш тәуліктен соң табылды

1183
Өткен демалыста Павлодар облысында үш адам суға кетіп, екі адамның мәйітін іздеу жұмыстары үш тәулікке созылды

НҰР-СҰЛТАН, 28 шілде — Sputnik. Павлодар құтқарушылары Ертіс өзеніне батып кеткен үш адамның денесін судан алып шықты, деп хабарлады Павлодар облысы төтенше жағдайлар департаментінің баспасөз қызметі.

28 шілдеде сағат 04:30-да "112" жедел желісіне Павлодар ауданындағы Кенжекөл ауылында Ертістің шомылуға тыйым салынған аумағында 1999 жылы туған жас жігіт суға кеткені туралы хабарлама келіп түскен. Бүгін сағат 10:45-те құтқарушылар оның мәйітін оқиға орнынан 30 метр қашықтықтан тапты. Қайғылы оқиға орнында 4 құтқарушы және 2 техника жұмыс істеді.

Күні кеше осыдан үш күн бұрын батып кеткен жасөспірімнің де денесі табылды. 24 шілдеге қараған түні Ертістегі Сычевка ауылында төрт адам мінген қайық аударылып кеткен. Үш адам аман қалғанымен, 2004 жылы туған жасөспірім суға кетті. 27 шілдеде құтқарушылар жеке тұлғаның эхолотының көмегімен оқиға орнынан екі километр қашықтықтағы аумақты сканерлеп, көз жұмған азаматтың денесін судағы ағаш бұталарының түбінен тапты. Жасөспірімнің туыстарымен бірлесіп бұталарды аршып, кешке қарай мәйітті жағаға алып шықты. Іздеу жұмыстарына төрт қызметкер, бір техника және бір жүзетін құрылғы жұмылдырылды.

Сонымен қатар кеше автокөлік көпірінің аумағында оқиға орнынан бес километр қашықтықта 24 шілдеде Ертісте суға кеткен 1999 жылы туған жас жігіттің мәйіті табылды. Оқиға орнында алты адам және екі жүзу құралы жұмыс істеді.

Жыл басынан бері Павлодар облысында 18 адам, соның ішінде бес бала суға кеткен.

Адамдардың суға бату оқиғасы жиілеуіне байланысты облыстық төтенше жағдайлар департаменті тыйым салынған аумақта, мас күйде шомылмауға, балаларды қараусыз қалдырмауғы шақырады.

1183
Архивтегі сурет

Әйелін құтқармақ болған: Шығыс Қазақстанда ерлі-зайыпты суға кетті

3240
Ер адам жағадан алыс кетіп, суға бата бастаған әйеліне көмекке жүгірген

НҰР-СҰЛТАН, 28 шілде – Sputnik. Шығыс Қазақстан облысында әйелін құтқару үшін суға кірген ер адам онымен бірге батып кетті, деп хабарлайды өңірдің ТЖ департаментінің баспасөз қызметі.

Трагедия 27 шілдеде Самар ауылы маңында Бұқтырма су қоймасының жағалауында болды.

Куәгерлердің айтуынша, 1978 жылғы әйел жағадан алыс кетіп, бата бастаған.  Мұны көрген 1966 жылғы күйеуі көмекке жүгіреді. Алайда ер адам әйелімен бірге суға батып кетті.

Облыстың төтенше жағдайлар департаменті су қоймаларында қауіпсіздік шараларын сақтауға шақырды:

  • шомылу үшін қауіпсіз орынды таңдаңыз;
  • арнайы жабдықталмаған беймәлім жерлерде ешқашан суға түспеңіз;
  • жағадан алыс кетпеңіз;
  • үрлемелі қайыққа отырғанда абай болыңыз, жел немесе өзен ағысы оны жағадан алысқа әкетіп, толқынның астында қалуы мүмкін.
  • қатты жел болған күні қайыққа мінбеңіз.

Құтқарушылар төтенше жағдай кезінде 112 нөміріне хабарласу керек екенін еске салды. 

3240
Кілт сөздер:
ерлі-зайыпты, Шығыс Қазақстан
ASHYQ қосымшасы

Вакцинадан кейін вирус жұқтырғандардың Ashyq-тағы статусы қалай өзгереді

0
Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады

НҰР-СҰЛТАН, 28 шілде – Sputnik. Вакцинаның екі дозасынан кейін коронавирус жұқтырған адам Ashyq қосымшасында 14 күн бойы "қызыл" статуспен тұрады. Бұл туралы денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мәлімдеді, деп хабарлайды Sputnik Қазақстан тілшісі.

"Вакцинаның екі дозасын алғаннан кейін Ashyq-та "жасыл" статус беріледі. Егер вакцина салғызған адам коронавирус жұқтырса, оның статусы қалай өзгереді? Егер статус "қызылға" ауысса, оған "жасыл" статус қалай қайтарылады?", - деп сұрады журналист эпидемиологиялық ахуал туралы баспасөз мәслитында.

"Бізде жүйе интеграцияланған. Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады. "Қызыл" статус 14 күн бойы сақталады. Екі апта өткен соң, ол автоматты түрде "жасылға" ауысады. Өйткені адам бәрібір де вакциналанған болып саналады", - деп жауап берді Айжан Есмағамбетова.

Ол бүгінде вакцина салдырғандар арасында індетке шалдыққандар өте аз екенін атап өтті.

0
Тақырып:
COVID-ке қарсы вакцина