Архивтегі сурет

Далаға апарып, түні бойы зорлаған: екі баланың анасы жантүршігерлік оқиға туралы айтты

6117
Полиция әйелді зорлады деген күдікпен екі ер адамды ұстады. Олардың бірі жәбірленушіні 2012 жылдан бері таниды

НҰР-СҰЛТАН, 7 шілде – Sputnik. Балқаш қаласының 26 жастағы тұрғыны, екі баланың анасы өзін екі ер адам зорлағанын айтты. Бұл туралы "НеМолчи.kz" қоры әлеуметтік желідегі парақшасында жазды.

Жарияланған ақпаратқа сәйкес, оқиға 23 маусым түнде болды. Сол күні кешке келіншек балаларына айран мен нан алу үшін дүкенге барған. Үйіне қайтар жолда оны екі ер адам пышақпен қорқытып, көлікке күштеп отырғызып алып кеткен. Ер адамдардың бірі әйелдің танысы болып шықты.

Жәбірленушінің күйеуі әйелін іздеп туыстарына, құрбылары мен таныстарына хабарласқан. Еш хабар болмаған соң, 25 маусымда полицияға арызданған.

НеМолчи.kz" қорының ақпаратынша, күдіктілер әйелді далаға апарып, түні бойы зорлаған. Бұған қоса оны ұрып-соғып, темекімен денесін күйдірген. Ал таңға жақын оны айдалаға тастап кеткен. Қалаға жету үшін әйел 7-8 сағат жаяу жүрген.

"Жәбірленуші басынан кешірген жағдайдан кейін полицияға шағымдануға бел буады. Алайда полицияда оған қысым көрсетілген. Әйелдің хәлін көріп тұрса да, туыстарына ештеңе айтпаған. Тек табылғанын хабарлаған. Сот-медициналық сарапшылар оған былапыт сөздер айтқан. Мұның бәрін ол өз қолымен жазды", - деді қордағылар.

Қор өкілдері полицейлер жәбірленушіге емес, оны зорлағандарға көбірек сенетінін мәлімдеді.

Тағы оқыңыз: Солтүстік Қазақстанда демалыс базасында бес жігіт 17 жастағы қызды зорлаған

Қарағанды облысы полиция департаментінің баспасөз қызметі желіде тараған ақпаратқа түсініктеме берді.

25 маусым 12.45-те Балқаш полициясына 43 жастағы ер адам арызданған. Ол әйелі 23 маусым 21:15 шамасында дүкенге шығып, сол күйі оралмағанын мәлімдеді.  

Сол күні, 25 маусымда 16:00-те аталған әйел полиция бөліміне өзі келіп, екі ер адам зорлағанын айтты. Бұл факті бойынша Қылмыстық кодекстің 120-бабы 2-тармағы бойынша қылмыстық іс қозғалды.

"Полиция қызметкерлері екі ер адамды анықтап, ұстады. Олардың бірі жәбірленушімен 2012 жылдан бері таныс екен. Ұсталғандар өз нұсқасын айтты. Тергеу барысында сараптамалар тағайындалды, бастапқы шаралар жүргізілді, соның ішінде оқиға болған жер тексерілді. Қарағанды облысы полиция департаментінің тергеу басқармасы Балқаш қаласына оқиғаның мән-жайы жан-жақты, толық және объективті зерттеу үшін жедел тергеу тобын жіберді", - деді полиция департаменті тергеу басқармасының бастығы, полиция подполковнигі Рүстем Құлкеев.

Облыстық полиция қылмыстық істі тергеу барысын өз бақылауына алды.

6117
Кілт сөздер:
зорлау, әйел, Балқаш
Тақырып бойынша
Жаңақала тұрғыны өгей қызын үш жыл бойы зорлаған: мектеп директоры сот алдына келді
Кәмелетке толмаған қызды зорлаған блогерге сот үкімі шықты
Балқашта 13 жасар қызды зорлаған полицейге сот үкімі шықты
Топпен зорлаған: Шымкентте 7 жыл бойы жасырынып келген күдікті ұсталды – видео
Архивтегі сурет

Жоғары оқу орнының кітапханасынан өрт шықты видео

36
(Жаңартылды 09:37 27.07.2021)
Өрт тұтанған кезде ғимаратта ешкім болмаған, зардап шеккендер жоқ

НҰР-СҰЛТАН, 27 шілде – Sputnik. Семейде өрт сөндірушілер жоғары оқу орнына тиесілі кітапханадан шыққан өртті сөндіріп жатыр.

ШҚО ТЖ департаменті баспасөз қызметінің ақпаратынша, өрт 1987 жылы салынған үш қабатты ғимараттан шықты.

Посмотреть эту публикацию в Instagram

Публикация от Shygys Qazaqstan oblysynyn TJD (@shygysqaz_tjd)

Оқиға орнына 50-ден астам өрт сөндіруші жетті. Өртті сөндіруге 14 бірлік техника жұмылдырылды.

"Өрт ошағы кітапхана ғимаратында орналасқан. Газ-түтіннен қорғау қызметінің 4 буыны жұмыс істеуде. Өрт тұтанған кезде ғимаратта ешкім болмаған", - делінген хабарламада.

Тілсіз жау сағат 8.05-те ауыздықталды. Төтенше жағдай себебін облыстық ТЖ департаменті анықтайды.

Қаза болғандар мен зардап шеккендер жоқ.

ТЖ департаменті өрт қауіпсіздігі ережелерін қатаң сақтау қажет екенін ескертті.

36
Кілт сөздер:
кітапхана, өрт, Семей
Тақырып бойынша
Алматыда салынып жатқан тұрғын үй кешенінен өрт шықты - видео
Риддердегі алапат өрт: үкімет басшысы зардап шеккен тұрғындармен кездесті
Петропавлда көпқабатты тұрғын үйден өрт шықты – видео
Алматыда ірі өрт болды
Пойыз, архивтегі сурет

Жамбыл облысында жолаушы пойыз бен платформа арасына құлады

240
(Жаңартылды 23:01 26.07.2021)
Ер адамның платформадан құлағанын дер кезінде көрген машинист шұғыл тоқтады. Оқиға салдарынан пойыз станцияда үш минут тұрып қалды

ПАВЛОДАР, 26 шілде – Sputnik. Жамбыл облысы Луговой станциясының көліктегі полиция қызметкерлері мас жолаушыны құтқарды. Ол пойыз бен платформа арасына құлады, деп хабарлады Sputnik Қазақстанға ІІД көліктегі полиция департаментінің баспасөз хатшысы Ләззат Қасымжанова.

Ер адам Көкшетау-Қызылорда бағытымен жүретін пойызға кешіккен. Ол жүгіріп барып есікті қаға бастады. Полицейдің ескерту ретінде жасаған ысқырығына мән берген жоқ.

Тәртіп бұзған адамның 31 жастағы Қызылорда тұрғыны екені анықталды. Ол орташа дәрежеде мас болған, деп нақтылады полицияда.

Екі әкімшілік хаттама толтырылды. Он айлық есептік көрсеткіш (29 170 теңге) көлеміндегі айыппұл салынды.

Оқиға салдарынан пойыз станцияда үш минут тұрып қалды.

240
Тақырып бойынша
"Пойыздың астынан өткен": Қарағандыда екі жасөспірімді 27 мың вольтты тоқ соқты
Пойызда босанған әйел тосын шешім қабылдады – видео
Шығыс Қазақстанда жарты жыл бойы іздеуде жүрген жігіт пойызда ұсталды
Өзбекстаннан Қазақстанға келе жатқан пойыздың машинистері ұсталды
"116 млн теңге болған": желі қолданушылары пойызда тоналған қыздың әрекетін талқылап жатыр
Жедел жәрдем көлігі

Біреуі қайтыс болды Алматыда бір топ адам уланды

9
(Жаңартылды 15:49 27.07.2021)
Алматы қаласы санитарлық-эпидемиологиялық бақылау департаменті басшысының орынбасары оқиғаға қатысты түсініктеме берді

АЛМАТЫ, 27 шілде – Sputnik. Алматының "Демеу" әлеуметтік қызмет көрсету орталығында жаппай улану болып, бір адам қайтыс болды, деп хабарлайды Sputnik Қазақстан.

Алматы қаласы санитарлық-эпидемиологиялық бақылау департаменті басшысының орынбасары Сәдуақас Байғабылов оқиғаға қатысты түсініктеме берді. Оның айтуынша, 24 шілдеде 63 адам нәжіс бұзылуына байланысты шағым айтқан. 

Сөзінше, симптоматикалық емнен кейін түскі асқа қарай пациенттердің жағдайы жақсарған. Сол күні кешке жағдайы тұрақтанды.

Орталықтың хабарлауынша, олардың шағымы жоқ.

Ал қайтыс болған адамға бұған дейін екі рет операция жасалғаны анықталды.

"Жүрек-қантамыр жүйесі мен бүйрек созылмалы аурулары болған науқас қайтыс болды. Өлімнің себебі сот-медициналық сараптама жүргізілгеннен кейін анықталады", - деп түйіндеді Байғабылов.

9
Тақырып бойынша
Алматыда бес баласы бар отбасы қоғамдық моншада уланды
Эвакуациялау оңай болған жоқ: Өскеменде көп қабатты үйдің тұрғындары уланды
Алматыда демалыс күндері 40-қа жуық нысан карантинді бұзды
Талғарда төрт бала иіс тиіп уланды
Алматыда пәтер тонауды кәсіп еткен қылмыстық топ ұсталды