Жедел жәрдем көлігі

Оралда екі көлік соқтығысып, жол жиегінде тұрған адамды қағып кетті видео

390
Жедел жәрдем бригадасы оқиға орнынан бір адамды ауруханаға әкетті, апаттың мән-жайы анықталуда

НҰР-СҰЛТАН, 15 шілде – Sputnik. Оралда екі көліктің соқтығысқан сәті бейнебақылау камерасына түсіп қалды.

Жол апаты 14 шілде кешке Жәңгір хан көшесінде орналасқан сауда үйінің алдында болды, деп хабарлайды "Мой город" порталы.

Медицина колледжіне қарай бара жатқан "Хонда" сауда үйіне бұрылған "Фольксваген Поло"-мен соқтығысқан. Қатты соққыдан екінші көлік жол жиегінде тұрған жаяу жүргіншіні қағып кетті.

Белгілі болғандай, жедел жәрдем апат орнынан бір адамды ауруханаға әкеткен.

Шақыру сағат 20.39-да түсті, дәрігерлер оқиға орнына бес минутта жетті.

"1987 жылғы ер адам мойнын ауыртып алды. Ауруханаға барудан бас тартты. Ал 1975 жылғы ер адам бас сүйек-ми жарақатын алды, миы шайқалды, кеудесі мен аяғына зақым келді. Ол облыстық көпбейінді ауруханаға жеткізілді", - деді БҚО денсаулық сақтау басқармасының баспасөз қызметіндегілер.

Оқиғаның мән-жайы анықталуда.

390
Кілт сөздер:
Орал, жол апаты, видео
Тақырып бойынша
Қостанай облысында үш бала жол апатынан қаза болды
Қазақстанның солтүстігінде болған жол апатынан үш адам зардап шекті – видео
Нұр-Сұлтан маңында полицей жол апатынан көз жұмды
Сол күні вакцина алған: Алматыда жол апатынан 3 адам зардап шекті - фото
Алматыдағы өрт

Алматыда қоймадан шыққан өрт 1000 шаршы метрді шарпыды

37
Қоймадан шыққан өртті сөндіруге 40 өрт сөндіруші жұмылдырылды. Зардап шеккендер жоқ

АЛМАТЫ, 4 тамыз – Sputnik. Алматының Алатау ауданында өрт сөндірушілер бір сағат бойы қоймадан шыққан өртпен алысты, деп хабарлады қаланың төтенше жағдайлар департаментінің баспасөз қызметі.

Посмотреть эту публикацию в Instagram

Публикация от KRIS.P АЛМАТЫ|ALMATY🇰🇿🔞⚠️💯 (@krisp__almaty)

Немирович-Данченко көшесі, №21 үйден шыққан өртке өрт сөндірушілер таңғы 9:39-да келген. Сол уақытта өрт нысан шатырына жетіп, тауар сақтаулы тұрған көрші ғимаратқа тарау қаупі болды.
Посмотреть эту публикацию в Instagram

Публикация от KRIS.P АЛМАТЫ|ALMATY🇰🇿🔞⚠️💯 (@krisp__almaty)

Өртті 40 өрт сөндіруші мен 16 техника сөндірді.
"Қойма ішіндегі тауардың жанып кетуіне, жанындағы басқа қоймаларға оттың таралуына жол берілмеді", - деп атап өтті ТЖД.
Өрт сағат 10.50-де ауыздықталып, сағат 11.33-те толығымен сөндірілді. Зардап шеккендер жоқ.
37
Кілт сөздер:
Алматы, өрт
Тақырып бойынша
Анталиядағы алапат өрт: демалыстағы қазақстандық видео жариялады
Түркиядағы өрт: басылым тыйым салынған топтың қатысы бар екенін мәлімдеді
"Түтіндеп жатқан жерлер бар": Риддердегі алапат өртке қатысты соңғы деректер айтылды
Алматыда қонақ үй алдында фотосессия ұйымдастырғандарға айыппұл салынды – видео
ШҚО полициясы өртке кінәлі күдікті ұсталғанын мәлімдеді
Ешкі, архивтегі сурет

Ер адам бес бірдей ешкіні мотоцикліне тиеп алды желіде тараған видео

171
(Жаңартылды 12:17 04.08.2021)
Облыс тұрғыны төрт түлікті тасымалдаудың тың әдісін ойлап тапты. Куәгерлер оны видеоға түсіріп алған

НҰР-СҰЛТАН, 4 тамыз – Sputnik. Шығыс Қазақстан облысында бес бірдей ешкіні мотоцикліне байлап тасымалдаған ер адамға айыппұл салынды, деп хабарлайды Sputnik Қазақстан Yk-News сайтына сілтеме жасап.  

Куәгерлер мотоциклінің екі жағына төрт ешкі байлаған ер адамды видеоға түсіріп алды. Ол тағы бір үй жануарын беліне орап алыпты. Сөйтіп төрт түлікті көшемен тасымалдаған. Мотоциклдің мемлекеттік тіркеу нөмірі көрінбейді.

Қазнетте осы видеоны қызу талқыға салды. Көбісі мотоцикл жүргізушісін жануарларға қатыгездік танытқаны үшін сынға алды. Енді біреулер бұл әрекетке түсінікпен қарау керек деп отыр. Себебі малды тасымалдауға да аз ақша кетпейді.

"Ер адам уақытты үнемдеп, бәрін бір рейспен апарып тастауды жөн көрген ғой", - дейді тағы бір қолданушы.

Адамдар видеоның Мақаншыда түсірілгенін жазып жатыр. 

Шығыс Қазақстан облыстық полиция департаменті желіде тараған видеоға қатысты түсініктеме берді. Ресми мәліметке сәйкес, мотоцикл жүргізушісі ұсталды. Оған бірнеше бап бойынша айыппұл салынды. 

"2 тамыз күні Үржар ауданының 35 жастағы тұрғынына қатысты бірнеше әкімшілік хаттама рәсімделді. Соның ішінде көлікті куәліксіз және мемлекеттік тіркеу нөмірінсіз жүргізу, сондай-ақ мотошлемді қолдану ережелерін сақтамау сияқты тәртіп бұзушылықтар бар", - дейді полицейлер.  

Полицияның ақпараты бойынша үй жануарлары тірі болған. Оларға қатыгездік танытылды деген мәселе қаралып жатқан жоқ.

 

171
Кілт сөздер:
ешкі, видео, мотоцикл, ШҚО
Тақырып бойынша
Нұр-Сұлтанда жұмысшылар тірі сиырды неге кранмен көтергенін айтты – видео
Алматы облысында полиция көшедегі адамдарға шабуылдаған сиырды атып тастады
Алматы облысында бір отар қой пойыз астына түсті – фото
Ешкі бағып жүріп, есінен танған: жерлеу рәсімінде күтпеген оқиға болды
Павлодар облысында әкім бір жылда 125 кітап оқыған балаға ешкі сыйлады
Новые российские рубли

Ресей рублі жете бағаланбай отырған валюта ма

0
Соңғы жеті жылда рубльге антиресейлік санкциялар мен оларды кеңейту қауіпі сияқты геосаясат әсер етіп отыр, дейді сарапшы

НҰР-СҰЛТАН, 4 тамыз – Sputnik. Ресей мен АҚШ-тағы McDonald's дәмханаларындағы бигмак бағасын есепке алсақ, доллардың құны 30 рубль болуы керек. Бұл баға 2013 жылғыдан төмен. Американың экономикалық журналындағы индикатор қаншалықты объективті және нақты, "бургерлік" баға көрсеткішінің айырмашылығы туралы РИА Новости жазды.

"Бигмак индексі" бойынша ресейлік рубль жете бағаланбауы жағынан тек ливандық фунттан кейін тұр. Бургердің бағасы бүкіл жерде шамамен бірдей болуы керек. Ал АҚШ-тан әлдеқайда арзан болса, демек сол елдің валютасы жете бағаланбай отыр немесе керісінше.

Ресейде бигмак – 169 рубль, АҚШ-та – 5,65 доллар тұрады. Сонда әділ баға 30 болуы керек. Алайда нақты айырбас құны – 74,53. Яғни орыс валютасы 60 процентке құнсызданып отыр. Еуро – 11,1-ге, британ фунты – 15,5-ке.

Төрт валюта асыра бағаланған. Әсіресе венесуэлалық боливар 47,7 процентке арзан болуы керек. Швейцариялық франк – 24,7-ге, норвегиялық және шведтік крондар – 11,5 пен 9,6 процентке төмен болуға тиіс.

"Бигмак индексін" 1986 жылы The Economist журналы қалжың ретінде ойлап тапқан болатын. Бірақ қазір ол сатып алу қабілетінің паритетін, яғни тауар бағасын есепке ала отырып, екі валютаның қатынасын анықтаудың ресми емес әдісі болып отыр. Оны жылына екі рет есептейді.

McDonald's гамбургінің таңдалуына оның барлық жерде сатылуы себеп болған. 1980-ші жылдары жылдам тамақтануға арналған дәмханалар желісі жаһандық бизнеске айналды. "М" әрпі бар тамақтану орындары Иран, Македония, Йемен, Черногория, Солтүстік Корея, Зимбабве, Боливия, Армения және Исландияда жоқ.

Бастысы – классикалық бигмак барлық жерде бірдей. Ол нан, ірімшік, котлет және көкөніс сынды қолжетімді азық-түліктен тұрады.

Шілдедегі соңғы рейтингке сәйкес, бигмак АҚШ-қа қарағанда көп елде арзан. Атап айтқанда Австралияда, Сауд Арабиясында, Катарда. Бұл тізімнің соңында Әзербайжан, Түркия, Оңтүстік Африка тұр.

Рубльдің жете бағаланбауы туралы бірнеше жылдан бері жазылып келеді. Оған "бигмак" индексінен бөлек басқа да факторлар себеп болып отыр. Бургер түрлі елде бір бағада бола алмайды. Ресейде жалақы мен жалға алу мөлшерлемесі АҚШ-тан айтарлықтай төмен. Оның үстіне тұрмыстық электроника мен сматрфонға қарағанда бигмакты ешкім импорттамайды, оны сол жерде дайындайды. "iPod индексі" бойынша рубльдің асыра бағалануы ықтимал.

Сонымен қатар McDonald's тауар бағасын халықтың табысы мен сатып алу қабілетіне қарай белгілейді. Салық пен бәсекелестік жайын да ұмытпаған жөн. Сондықтан "бигмак индексі" объективті емес. Әлдеқайда кешенді әрі әділ салыстыру әдістері бар. Мысалы, бірінші қажеттіліктегі тауарлар, шикізат, жартылай фабрикаттар негізінде. Оның бағасын жеке компания емес, нарық қалыптастырады.

Ұлттық валюта бағамын елдің төлем жасау теңгерімі мен инфляцияға әсер ететін ақша массасы, оның ұзақ мерзімді қарқыны белгілейді.

Халықаралық және ішкі валюта нарығында орталық банктер маңызды рөл ойнайды. Олар ұлттық валюта бірлігін нығайтады немесе құлдыраудан сақтандырып отырады.

Валюта бағамы олардың жіті бақылауында болады. Себебі ол елдер арасындағы бәсекелес сауда күресінің негізгі әдісінің бірі. Нәтижесінде ақша құны көп жағдайда бұрмаланады.

Оның үстіне еркін саудаланатын актив баға көрсеткішіне нарық қатысушыларының жоспарларын да енгізе алады. Сол себепті "бигмак индексіне" қатты сенім артудың қажеті жоқ.

"Жете бағаланбаған валюталардың ондығында негізінен әлемде таралуы бойынша үздік жүздікке кірмегендер бар. Айқын мысал ретінде ливан фунтын атауға болады. Ресей рублі де осы тізімде. Ал асыра бағаланғандардың көшін адам сенгісіз инфляциясы мен АҚШ санкциялары енгізілген венесуэлалық боливар бастап тұр", - дейді CMS Institute экономикалық және қаржы зерттеулері департаментінің қызметкері Николай Переславский.

Оның айтуынша, соңғы жеті жылда рубльге геосаясат әсер етіп отыр: антиресейлік санкциялар, оларды кеңейту қауіпі. Мұнай бағасы да дәстүрлі түрде рөл атқаратыны анық. Қара алтын бағасы артқан кезде қаржы министрлігінің валюта сатып алу ережесі де әсер етті. Осылайша рубльдің нығаюы үшін кедергілер қолдан жасалып отыр.

Ішкі саясат пен әлемдік қаржы нарығының ұстанымын да жанама фактор ретінде атауға болады. "Санкциялар болмағанда ресейлік рубльдің баға көрсеткіші кемінде бір жарым есе қымбат болуы ықтимал еді", - дейді сарапшы.

Қалай болғанда да, жыл соңына дейін бір доллар 70 рубльден арзандамайтыны анық. Ал саяси қауіп-қатер салдарынан ол 80-ге дейін жетуі әбден мүмкін. Бағам доллар үшін 73-77 және еуро үшін 85-90 рубль дәлізінде қалатын секілді.

Оқи отырыңыз: Жер ресурсы азайып жатыр – шетелдік БАҚ

0
Кілт сөздер:
рубль, нарық, валюта
Тақырып бойынша
ЕАЭО елдерінде ортақ валюта қашан пайда болуы мүмкін
Батыс Ресейге жаңа санкциялар салып, шымылдықты жаппақшы
Еуропа және Ресей: санкциялар салдарынан қайсысы көп шығынға ұшырады
Теңге қымбаттады: ұлттық валюта бағамы қандай