Көлік дөңгелегі

Атырау облысында екі көлік соқтығысты жолаушы тірідей жанып кетті

2839
(Жаңартылды 17:39 15.07.2021)
Жол апаты салдарынан бес адам түрлі дене жарақатын алды. Қазіргі уақытта сотқа дейінгі тергеу жүргізіліп жатыр

НҰР-СҰЛТАН, 15 шілде – Sputnik. Атырау–Астрахань тасжолында екі көлік соқтығысты. Апат салдарынан бір адам көз жұмды, деп жазды "Ақ Жайық" басылымы.

Сәрсенбі, 14 шілдеде күндіз 1996 жылы туған ер адам жүргізген Toyota Ipsum мен 1957 жылы туған жүргізуші басқарған Toyota Highlander соқтығысты.

Жол апатынан соң Toyota Ipsum өртке оранған. Салонда қалған әйел сыртқа шыға алмай, жанып кетті.

Сондай-ақ жол апаты кезінде бес адам түрлі дене жарақатын алды.

Атырау облысы полиция департаментінің баспасөз қызметі хабарлағандай, аталған факті бойынша Қылмыстық кодекстің 345-бабы 3-бөлігі ("Жүргізушінің жол қозғалысы ережесін бұзуының адам өліміне әкеп соғуы") бойынша сотқа дейінгі тергеу жүргізіліп жатыр.

2839
Кілт сөздер:
жолаушы, жол апаты, көлік, Атырау облысы
Тақырып бойынша
Полиция Атырау облысында болған жағдайға қатысты ақпарат берді – оқиға видеосы
Әкесі мен қызы көз жұмды, ұлы ауруханада: Алматы облысында жантүршігерлік жол апаты болды
Атырау облысында полицейлер өз-өзіне қол жұмсамақ болған ер адамды құтқарып қалды
Батыс Қазақстанда жол апаты төрт адамның өмірін қиды
Ұшып кеткен: Алматыда болған жол апатында жүргізуші зардап шекті
Архивтегі фото

Жүргізушілердің бір-біріне жол бермеуінің кесірінен әкелі-балалы жолаушылар көз жұмды

14
Ақтау ауылынан Теміртау қаласына бағыт алған жүргізуші жолда Howo жүк көлігімен соқтығысып, жолдың қапталына шығып кеткен

НҰР-СҰЛТАН, 29 шілде – Sputnik. Қарағанды облысында жантүршігерлік жол апатынан әкелі-балалы көз жұмды. Трагедия жүргізушілердің бір-біріне жол бермеуінің кесірінен болған.

36 жастағы ер адам мен 10 жасар ұлы Lada Granta көлігінде жолаушы болып отырған, деп хабарлады КТК.

Ақтау ауылынан Теміртау қаласына бағыт алған жүргізуші жолда Howo жүк көлігімен соқтығысып, жолдың қапталына шығып кетеді. Қатты соққының салдарынан әкесі мен баласы сол арада тіл тартпай кетті. Ал Lada иесі ауруханаға жеткізілді.

Ақтауда жол апаты адам өмірін қиды: көлік ішінде түсірілген видео жарияланды

Howo-ны 34 жастағы жігіт тізгіндеген. Мәліметтерге қарағанда ол қарама-қарсы бағытта келе жатқан жеңіл көлікке жол бермей солға бұрып жіберген. Оқиғаның анық-қанығын полиция тергеп жатыр.   

14
Павлодарда суға кеткен екі адамның мәйіті үш тәуліктен соң табылды

Павлодарда суға кеткен екі адамның мәйіті үш тәуліктен соң табылды

1929
Өткен демалыста Павлодар облысында үш адам суға кетіп, екі адамның мәйітін іздеу жұмыстары үш тәулікке созылды

НҰР-СҰЛТАН, 28 шілде — Sputnik. Павлодар құтқарушылары Ертіс өзеніне батып кеткен үш адамның денесін судан алып шықты, деп хабарлады Павлодар облысы төтенше жағдайлар департаментінің баспасөз қызметі.

28 шілдеде сағат 04:30-да "112" жедел желісіне Павлодар ауданындағы Кенжекөл ауылында Ертістің шомылуға тыйым салынған аумағында 1999 жылы туған жас жігіт суға кеткені туралы хабарлама келіп түскен. Бүгін сағат 10:45-те құтқарушылар оның мәйітін оқиға орнынан 30 метр қашықтықтан тапты. Қайғылы оқиға орнында 4 құтқарушы және 2 техника жұмыс істеді.

Күні кеше осыдан үш күн бұрын батып кеткен жасөспірімнің де денесі табылды. 24 шілдеге қараған түні Ертістегі Сычевка ауылында төрт адам мінген қайық аударылып кеткен. Үш адам аман қалғанымен, 2004 жылы туған жасөспірім суға кетті. 27 шілдеде құтқарушылар жеке тұлғаның эхолотының көмегімен оқиға орнынан екі километр қашықтықтағы аумақты сканерлеп, көз жұмған азаматтың денесін судағы ағаш бұталарының түбінен тапты. Жасөспірімнің туыстарымен бірлесіп бұталарды аршып, кешке қарай мәйітті жағаға алып шықты. Іздеу жұмыстарына төрт қызметкер, бір техника және бір жүзетін құрылғы жұмылдырылды.

Сонымен қатар кеше автокөлік көпірінің аумағында оқиға орнынан бес километр қашықтықта 24 шілдеде Ертісте суға кеткен 1999 жылы туған жас жігіттің мәйіті табылды. Оқиға орнында алты адам және екі жүзу құралы жұмыс істеді.

Жыл басынан бері Павлодар облысында 18 адам, соның ішінде бес бала суға кеткен.

Адамдардың суға бату оқиғасы жиілеуіне байланысты облыстық төтенше жағдайлар департаменті тыйым салынған аумақта, мас күйде шомылмауға, балаларды қараусыз қалдырмауғы шақырады.

1929