Ұшақ салоны

Ұшақтағы жанжал: Анталия Нұр-Сұлтан рейсі не үшін тоқтатылды

99
(Жаңартылды 13:44 19.07.2021)
Facebook қолданушылары баласының дене қызуы жоғары болғанына қарамастан, ұшақтан түсуге қарсы болған ананың әрекетіне наразылық танытып жатыр

АЛМАТЫ, 19 шілде – Sputnik. 18 шілдеде қазақстандық Air Astana әуекомпаниясы Анталиядан Нұр-Сұлтанға ұшатын ұшақты уақытша тоқтатты, деп хабарлады Sputnik Қазақстанға әуекомпаниясының баспасөз қызметі.

Анталия – Нұр-Сұлтан бағыты бойынша КС598 чартерлік рейсін орындаған Air Astana бортында қозғалыс кезінде жолаушылардың бірі – 4 жасар баланың дене қызуы жоғары екенін анықталды. Сондықтан экипаж Анталия әуежайына оралуға шешім қабылдады.

"Барлық жолаушыға уақытылы трансфер және қонақүйде тұру қарастырылған", - деп мәлімдеді компания.
Нәтижесінде рейс 19 шілде сағат 03:22-де ұшып, Нұр-Сұлтанға жергілікті уақыт бойынша сағат 10:36-да келді.
Ал бастапқыда ұшақ 18 шілде сағат 18:35-те қонуы керек еді. Осылайша, жолаушылар Нұр-Сұлтанға жоспарланған уақыттан 16 сағатқа кеш келді.

Бұған дейін осы рейстің жолаушысы қазақстандық Ирина Севостьянова ұшақтың кешігуі туралы айтқан болатын.

"Ұшаққа отырдық. Әдеттегідей бір жасқа толмаған бала көп болды. Кенет бір бала тоқтамай жылай бастады. 5, 15, 25, 45 минут жылады. Ұшақ ішінде жолсеріктер әрі-бері жүгіріп жүр. Дәрігерлер тобы келді. Содан баланың дене қызуы 40 градус екенін білдік", - деп жазды Facebook қолданушысы.

Әйелдің сөзінше, баланың анасы мен әжесі бұл жағдай баланың денсаулығы мен өміріне қауіпті болуы мүмкін екенін айтқан дәрігерлер сөзіне құлақ аспаған. Олар рейстен қалып, келесі рейспен қайтуға келіспеген.

"Жедел жәрдем бригадасы тұр. Олар баланың туыстарына жағдайды түсіндіріп, баланың дене қызуын түсіру үшін ауруханаға апару қажет екенін, баланың жағдайы жақсарған соң келесі рейспен ұшатынын түсіндірді. Алайда әйелдер шығудан бас тартты", - деді әйел оқиға салдарынан бүкіл рейс кешіккенін айтып.

Рейстің басқа жолаушысы Гайникен Хати де жағдайға қатысты наразылық білдірді.

Посмотреть эту публикацию в Instagram

Публикация от Гайникен Хати (@gainiken)

"Нәтижесінде бүкіл рейс кешікті. Ішінде 200-ден астам адам болды. Арасында балалары барлар мен мүмкіндігі шектеулі жандар да болды", - деп жазды Хати.

Ал желі қолданушылары баланың дене қызуы көтерілгеніне қарамастан, анасының ұшақтан түсуге қарсылық білдіргеніне қатысты наразылық танытты.

99
Кілт сөздер:
ұшақ, жанжал, рейстер
Тақырып бойынша
Рейстен кейін 9 жасар бала қайтыс болды: қайғылы оқиғаға қатысты жаңа ақпарат
"Жұрт дүрлігіп, жылады": ұшақта болған кәсіпкер апат кезінде не болғанын айтты
ҰҚК Түркияда ұсталған қазақстандықтың аты-жөнін жариялады
Ақтауға қайта оралды: дәрігерлер ұшақта жағдайы нашарлаған бала туралы айтты  
Президенттің жеке дәрігері ұшақта қазақстандық нәрестені аман алып қалды
Ресейлік турист

Іле Алатауына шыққан ресейлік туристер құтқарушыларды шақыруға мәжбүр болды

15
Шыңды бағындыру кезінде ресейлік туристердің бірінің жағдайы күрт нашарлаған

НҰР-СҰЛТАН, 4 тамыз – Sputnik. Құтқарушылар Іле Алатауына шыққан кезде жағдайы күрт нашарлаған ресейлік туристі құтқарды, деп хабарлайды ТЖ министрлігінің баспасөз қызметі.

3 тамыз сағат 22.10-да Республикалық жедел-құтқару жасағының кезекші бөліміне Ресейден келген туристер тобына құтқарушылардың көмегі қажет екені туралы ақпарат түскен.

Анықталғандай, 15 турист Советтер шыңына көтерілген.

"Шыңды бағындыру кезінде олардың бірінің жағдайы күрт нашарлаған. Алайда топ ішінде дәрігер болғандықтан, ол науқастанған туристің өт қабында тас болуы мүмкін екенін айтқан", - дейді ТЖМ ресми өкілі Талғат Уәли.

Репсубликалық жедел-құтқару жасағының 8 құтқарушысы мен кинологиялық топ дереу іздестіру-құтқару жұмыстарына шықты.

Министрліктің ақпаратынша, 4 тамыз күні туристер Советтер шыңының асуынан (теңіз деңгейінен 3700 метр биіктікте) табылды. Жағдайы нашарлаған бойжеткенге алғашқы медициналық көмек көрсетілді. Бұл аймақтағы таулы жер таяз және тік жартасты шөгінділерден тұратындықтан, зардап шеккен адамды зембілмен тасымалдауға болмайды. Себебі тасымалдау кезінде қыздың жағдайы одан әрі нашарлауы мүмкін. Сондықтан Алматы қаласының құтқару қызметі әуе бортын ұсынды.

Тағы оқыңыз: Іле Алатауы тауларында ер адам жоғалып кетті

Құтқарушылар әуе кемесінің көмегімен зардап шеккен қызды Үлкен Алматы шатқалындағы тікұшақ алаңына жеткізіп, Апаттар медицинасы орталығының қызметкерлеріне тапсырды.

Айта кетері,  бұл топ 29 шілдеде Республикалық жедел-құтқару жасағында тіркелгендіктен, құтқарушылар туристердің маршрутын білген. Бұл іздеу уақытын қысқартуға көмектесті.

15
Кілт сөздер:
Іле Алатауы, ресейлік, туристер
Қоқыс контейнерлері жанып кетті

Нұр-Сұлтанда 36 қоқыс контейнері өртеніп кетті күдікті камераға түсіп қалған

54
(Жаңартылды 09:44 04.08.2021)
Бейнебақылау камераларына түсіп қалған күдікті табылды, енді ол жасаған әрекеті үшін жауапкершілікке тартылады

НҰР-СҰЛТАН, 4 тамыз – Sputnik. Елорданың Есіл ауданында тұрмыстық қалдықтарды сақтауға арналған 36 контейнер өртенді. Бейнебақылау камераларынан алынған жазбада күдіктінің қасақана өрт қойғаны көрінеді.

Қала әкімдігінің ресми сайтында хабарланғандай, 30 шілдеде сағат түнгі үштен таңғы беске дейінгі аралықта Есіл ауданында контейнерлік алаңдар өртенді. Өрт Мәңгілік ел, 23, Ұлы дала 11/1, Түркістан 2, Қонаев 35 мекенжайларында болған.

"Барлығы 36 қоқыс жәшігі жанып кетті, оларды сақтап қалу мүмкін болмады. Бейнебақылау камераларынан алынған жазбаларда өрттің қасақана жасалғаны көрінеді. Кінәлі адам табылды және жасаған іс-әрекеті үшін жауапкершілікке тартылады", - делінген хабарламада.

Жанып кеткен контейнерлерді "Clean City NC" ЖШС және Қоршаған орта және табиғатты пайдалану басқармасы бірлесіп жаңасына ауыстырды.

Мусорные контейнеры сгорели в районе Левого берега
© Photo : сайт акима Нур-Султана
Елорданың сол жағалауында қоқыс контейнерлері өртенді

Әкімдік мұндай жағдай материалдық шығынмен қоса, өрт қаупін жəне тұрғындарға қолайсыздық туғызатынын атап өтті. Контейнерлік алаңдар тұрғын үйлер мен автотұрақтарға жақын орналасқандықтан, бұл тұрғындардың мүлкінің жануына әкеп соғуы да мүмкін.

Қала билігі елордалықтарды қатты тұрмыстық қалдықтарды жинау және контейнерлердің сақталуы мәселесіне жауапкершілікпен қарауға үндеді. Атап айтқанда, сөндірілмеген сіріңке, темекі тұқылын және басқа да жанғыш заттарды тастамауға, контейнер ішіндегі қалдықтардың кездейсоқ жануына әкеп соғатын тез тұтанатын сұйықтықты, тұрмыстық, өнеркәсіптік және автомобиль химиясын төкпеуге шақырды.

Қауіпсіздік мақсатында автокөліктерді контейнерлердің жанына қоюға болмайтынын ескертті.

54
Кілт сөздер:
Нұр-Сұлтан, қоқыс жәшігі, өрт
Оқушылар

Жаңа оқу жылындағы каникул: оқушылар қанша күн демалады

25
(Жаңартылды 11:22 04.08.2021)
2021-2022 оқу жылы әдеттегідей бірінші қыркүйекте басталады

НҰР-СҰЛТАН, 4 тамыз – Sputnik. Қазақстанда жаңа оқу жылының басталуы мен каникул датасы бекітілді.

Бұйрыққа білім және ғылым министрі Асхат Аймағамбетов қол қойды.

Құжатта 2021-2022 оқу жылының басталуы, ұзақтығы және каникул кезеңдерінің мерзімдері айқындалды.

  • 2021-2022 оқу жылының басталуы – 2021 жылдың 1 қыркүйегі;
  • оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы.

Оқу жылы ішіндегі каникул кезеңдері:

1-11 (12) – сыныптарда: күзгі каникул – 7 күн (2021 жылдың 1-7 қарашасы аралығында), қысқы – 11 күн (2021 жылдың 30 желтоқсаны мен 2022 жылдың 9 қаңтары аралығында), көктемгі – 12 күн (2022 жылдың 19-30 наурызы аралығында);

1-сыныптарда: қосымша каникул – 7 күн (2022 жылдың 7-13 ақпаны аралығында).

Тағы оқыңыз: Мектеп формасы міндетті бола ма – Аймағамбетов мәлімдеме жасады

Бұйрық 2021 жылдың 9 тамызынан күшіне енеді.

25
Кілт сөздер:
оқушылар, каникул
Тақырып бойынша
Министрлік қыркүйектен бастап оқушылар қашықтан оқиды дегенді жоққа шығарды
Қыркүйекте оқушылар мектепке бара ма – Аймағамбетов жауап берді
Мұғалімдер мен оқушылар теракт кезінде не істеу керектігін үйренеді
Оқушылар 1 қыркүйектен бастап мектепке барып оқиды