НҰР-СҰЛТАН, 13 қыркүйек – Sputnik. Талдықорған маңында Toyota мен Audi көлігі соқтығысып, алты адам зардап шекті. Оның екеуі көз жұмды, деп хабарлайды Sputnik Қазақстан.
Telegram-каналда жол апатының кадрлары жарияланды. Пост авторы апаттың Талдықорған-Үштөбе жолының 41-ші шақырымында болғанын айтады.
Алматы облысы полиция департаментінің мәліметінше, 12 қыркүйекте Қаратал ауданында Toyota Carina мен Audi 80 соқтығысқан.
"Бетпе-бет соқтығысу салдарынан екі көліктің де жүргізушілері көз жұмды. Сонымен қатар Toyota Carina көлігіндегі төрт адам түрлі жарақатпен Үштөбе ауруханасы жеткізілді", - делінген хабарламада.
Аталған факт бойынша қылмыстық іс қозғалып, жол апатының себебі анықталуда.
