НҰР-СҰЛТАН, 30 қыркүйек – Sputnik. Түркістан облысында шетелдіктерді заңсыз тасымалдаған күдіктілер ұсталды.
Сарыағаш көші-қон қызметінің қызметкерлері жедел іздестіру шаралары барысында үш шетелдікке шекарадан заңсыз өтуге көмектескен екі Қазақстан азаматын ұстады.
"Олар Өзбекстан арқылы Қазақстан шекарасын кесіп өтуге тырысқан Ауғанстан азаматтары болып шықты", - деп хабарлады Түркістан облысы полиция департаментінің баспасөз қызметі.
Құқық бұзушылар аудандық полиция бөліміне жеткізілді.
Қазіргі уақытта Қылмыстық кодекстің 392-бабы "Қазақстан Республикасының мемлекеттік шекарасын қасақана заңсыз кесіп өту" бойынша сотқа дейінгі тергеу жүргізілуде, ал екі жергілікті тұрғынға қатысты Қылмыстық кодекстің 394-бабы "Заңсыз көші-қонды ұйымдастыру" бойынша қылмыстық іс қозғалды.
Тергеу оқиғаның барлық мән-жайын және күдіктілердің басқа да қылмысқа қатысы бар-жоғын анықтайды.
Оқи отырыңыз:
- "Қорқыныш бар": Ираннан көшіп келген қандастар неге алаңдайтынын айтты
- "Ауғанстанда көп қазақ қалды": атажұртқа оралған қандастар нені түсінгенін айтты - видео
